Wednesday 29 July 2015

ഇന്‍ഡ്യയില്‍ സംഘപരിവാറിനെ വളര്‍ത്തിയതാര്?


അന്തരിച്ച മുന്‍ രാഷ്ട്രപതി അബ്ദുല്‍ കലാമിനെതിരെ ഉണ്ടായ ഏറ്റവും വലിയ ആരോപണം അദ്ദേഹം സംഘപരിവാറിന്റെ വളര്‍ച്ചയില്‍ കൃത്യമായ പങ്കു വഹിച്ചിട്ടുണ്ട് എന്നാണ്.

ഈ ആരോപണം ശക്തമായി ഉന്നയിക്കുന്നത് കമ്യൂണിസ്റ്റു പാര്‍ട്ടിക്കാരും അനുഭാവികളും  ആണ്. അവരില്‍ ഒരാളുടെ അഭിപ്രായം ല്‍ കിടക്കുന്നത് ഇങ്ങനെ.




ജീവികളെ വളര്‍ത്തുക എന്ന് കേട്ടിട്ടുണ്ട്. ഒരാശയത്തെ മറ്റൊരാള്‍ക്ക് വളര്‍ത്താന്‍ സാധിക്കുമോ? സംശയമാണ്.

അബ്ദുല്‍ കലാം എന്ന ശാസ്ത്രജ്ഞന്‍ ഇന്‍ഡ്യന്‍ പ്രസിഡണ്ടായ ശേഷമാണ്, അദ്ദേഹം സംഘ പരിവാറിനനുകൂലമെന്ന് വ്യാഖ്യാനിക്കാവുന്ന ചില നിലപാടുകളെടുത്തത്. ഹൈന്ദവ നേതാക്കളുമായി സഹവസിക്കുക, ഹൈന്ദവ പുണ്യപുരുഷന്മാരെ സന്ദര്‍ശിക്കുക, ഹിന്ദു മതത്തെ പുച്ഛിക്കാതിരിക്കുക തുടങ്ങിയ ചില ചെയ്തികളൊക്കെ അദ്ദേഹം നടത്തിയിട്ടുണ്ട്. ഇതൊക്കെ ചെയ്യുന്ന  അനേകം മറ്റ് മതസ്ഥരുണ്ട്. പക്ഷെ അവരൊന്നും സംഘപരിവാറിനെ വളര്‍ത്തുന്നു എന്ന പഴി കേള്‍ക്കേണ്ടി വന്നിട്ടില്ല. ബി ജെ പി എന്ന പാര്‍ട്ടി കലാമിനെ പ്രസിഡണ്ടാക്കി എന്ന ഒറ്റ കാരണത്താലാണദ്ദേഹം ഈ പഴി കേള്‍ക്കേണ്ടി വന്നത്. സി പി എം നിറുത്തിയ സ്ഥാനാര്‍ത്ഥിയെ തോല്‍പ്പിച്ചു എന്നത് ഈ പഴിയുടെ ആക്കം കൂട്ടുന്നു.


കലാം പ്രസിഡണ്ടാകുന്നത് 2002 ല്‍ ആയിരുന്നു. 1996ല്‍ തന്നെ ബി ജെ പി ഇന്‍ഡ്യന്‍ പാര്‍ലമെന്റിലെ ഏറ്റവും വലിയ ഒറ്റ കക്ഷി ആയിരുന്നു. ഈ വളര്‍ച്ചയില്‍ കലമാണോ അതോ മറ്റ് വല്ലവരുമാണോ വലിയ പങ്കു വഹിച്ചിട്ടുള്ളത്. ഇന്‍ഡ്യയിലെ സംഘ പരിവാറിന്റെ ചരിത്രമൊന്നു പരിശോധിക്കാം 

1906 ല്‍ ഇന്‍ഡ്യന്‍ മുസ്ലിങ്ങളുടെ താല്‍പര്യങ്ങള്‍ അസംരക്ഷിക്കാന്‍ വേണ്ടി മുസ്ലിം ലീഗ് എന്ന ഒരു മുസ്ലിം സംഘടന രൂപീകരിച്ചിരുന്നു. 1909ല്‍ ഇന്‍ഡ്യയിലെ മുസ്ലിങ്ങള്‍ക്ക് വേണ്ടി പ്രത്യേക Electorate അന്നത്തെ ബ്രിട്ടീഷ് സര്‍ക്കാര്‍ രൂപീകരിച്ചു. ഈ രണ്ട് സംഭവങ്ങളും മുസ്ലിം പ്രീണനമാണെന്ന്  ധരിച്ച കുറച്ച് ഹിന്ദുക്കള്‍  മതാടിസ്ഥനത്തില്‍ സംഘടിക്കുവാന്‍  തീരുമാനിച്ചു. അതിന്റെ ഫലമായി  ഹിന്ദു മഹാ സഭ എന്ന ഒരു രാഷ്ട്രീയ പാര്‍ട്ടി രൂപം കൊണ്ടു. പക്ഷെ ഈ രാഷ്ട്രീയ പാര്‍ട്ടിക്ക് വലിയ ചലനങ്ങളുണ്ടാക്കാന്‍ സാധിച്ചില്ല. കോണ്‍ഗ്രസിന്റെ മുസ്ലിം പ്രീണനം ആയിരുന്നു അവരുടെ തുരുപ്പു ചീട്ട്. ഹിന്ദു മഹാസഭയുടെ ഉയര്‍ന്ന നേതാവായിരുന്ന ഹെഡ്ഗേവാര്‍ സംഘടന ഉപേക്ഷിച്ച് കുറച്ചു കൂടെ തീവ്ര നിലപാടുകളുള്ള ആര്‍ എസ് എസ് എന്ന സംഘടന രൂപീകരിച്ചു. 

1925 ല്‍ ആയിരുന്നു ആര്‍ എസ് എസ് എന്ന ഹിന്ദു സംഘടന രൂപം കൊണ്ടത്. തീവ്ര ഹൈന്ദവതയും ഇസ്ലാം വിരോധവുമായിരുന്നു അവരുടെ മുഖ മുദ്ര. ഹിന്ദു മഹാസഭയേക്കാള്‍ വളരെ വേഗം ആര്‍ എസ്  എസ് വളര്‍ന്നു. ഇന്നത്തെ ബി ജെ പി നേതാക്കളില്‍ ബഹു ഭൂരിപക്ഷവും ആര്‍ എസ് എസ് എന്ന സംഘടനയിലൂടെ വളര്‍ന്നു വന്നവരാണ്.

1940 കളില്‍ മുസ്ലിം ലീഗ് പ്രത്യേക മുസ്ലിം രാഷ്ട്രത്തിനു വേണ്ടിയുള്ള നിലപാടു കടുപ്പിച്ചു. ആര്‍ എസ് എസ് അത് ശരിക്കും മുതലെടുത്ത് കൂടുതല്‍ വളര്‍ന്നു. ഗന്ധിജിയുടെ കോണ്‍ഗ്രസ് വ്യക്തമായ മുസ്ലിം പ്രീണനം നടത്തിയതൊക്കെ ആര്‍ എസ് എസിനു വളരാന്‍ സഹായകമായി. ഗാന്ധി വധത്തോടെ ഹിന്ദു മഹസഭ ജനങ്ങളില്‍ നിന്നും കൂടുതല്‍ ഒറ്റപ്പെടുകയും ചെയ്തു. ഇത് മനസിലാക്കിയ ശ്യാമപ്രസാദ് മുഖര്‍ജി 1951 ൽ  ഹിന്ദു മഹാസഭ വിട്ട് ഭാരതീയ ജനസംഘമെന്ന രാഷ്ട്രീയ പാര്‍ട്ടി രൂപീകരിച്ചു. ആര്‍ എസ് എസ് ആയിരുന്നു ഈ സംഘടനയുടെ പ്രധാന ഊര്‍ജ്ജം. ഹിന്ദു മഹാസഭയും ആര്‍ എസ് എസും മുന്നോട്ട് വച്ച ഹിന്ദുത്വ തന്നെ ആയിരുന്നു ജന സംഘത്തിന്റെ ആശയവും. 

ആര്‍ എസ് എസിന്റെ രാഷ്ട്രീയ മുഖം ​ആയിരുന്നു ജന സംഘം. നെഹ്റുവിന്റെ സോഷ്യലിസ്റ്റ് നയങ്ങളോട് എതിര്‍പ്പുണ്ടായിരുന്ന പല കോണ്‍ഗ്രസ് നേതാക്കളും ജന സംഘത്തില്‍ ചേര്‍ന്നു. 1967 ലെ തെരഞ്ഞെടുപ്പോടു കൂടി ജന സംഘം വലിയ നേട്ടങ്ങളുണ്ടാക്കി. പ്രത്യേകിച്ചും ഗുജറാത്ത്, മഹാരാഷ്ട്ര, മദ്ധ്യപ്രദേശ്, ഉത്തര്‍ പ്രദേശ്, ബീഹാര്‍, രാജസ്ഥാന്‍ തുടങ്ങിയ സംസ്ഥാനങ്ങളില്‍. മുസ്ലിം വിരോധം, പാകിസ്ഥാന്‍  വിരോധം, ചൈന വിരോധം, കമ്യൂണിസ്റ്റു വിരോധം എന്നിവയായിരുന്നു ജനസംഘത്തിന്റെ പ്രധാന നയങ്ങള്‍.

ജയപ്രകാശ്  നാരായണന്റെ നേതൃത്വത്തില്‍ ഇന്ദിര ഭരണത്തിനെതിരെ ഒരു ജനകീയ നീക്കമുണ്ടായപ്പോള്‍ 1975ല്‍ ഇന്ദിര ഗാന്ധി അടിയന്തരാവസ്ഥ പ്രഖ്യാപിച്ചു. അപ്പോള്‍ മറ്റ് പ്രതിപക്ഷ നേതാക്കളോടൊപ്പം ജന സംഘം നേതാക്കളും ജയിലില്‍ അടക്കപ്പെട്ടു.  1977ല്‍ പൊതു തെരഞ്ഞെടുപ്പു പ്രഖ്യാപിച്ചപ്പോഴേക്കും ജയിലില്‍ കിടന്നിരുന്ന നേതാക്കളൊക്കെ ചേര്‍ന്ന് ഒരു കോണ്‍ഗ്രസ് വിരുദ്ധ മുന്നണിയുടെ രൂപ രേഖ തയ്യാറാക്കിയിരുന്നു. തെരഞ്ഞെടുപ്പില്‍ അവര്‍ ഒരുമിച്ച് മത്സരിച്ചു. എന്നു വച്ചാല്‍ ജന സംഘവും സി പി എമ്മും ഒറ്റ മുന്നണിയായി ഇന്‍ഡ്യ മുഴുവന്‍ മത്സരിച്ചു. 

കലാം എന്ന വ്യക്തിയെ ഇന്‍ഡ്യ അറിയുന്നതിനും വളരെ മുന്നെ സി പി എം എന്ന കമ്യൂണിസ്റ്റുപാര്‍ട്ടി ജന സംഘത്തിന്, ഇന്‍ഡ്യയില്‍ മേല്‍ വിലാസമുണ്ടാക്കിക്കൊടുക്കാന്‍ കാരണമായി. കേരളത്തില്‍  രണ്ടു മണ്ഡലങ്ങളില്‍ ജനസംഘത്തിന്റെ സ്ഥാനാര്‍ത്ഥികള്‍ക്ക് കമ്യൂണിസ്റ്റു നേതാക്കള്‍ വോട്ടു പിടിച്ചു.  കമ്യൂണിസ്റ്റുകാര്‍ വോട്ടു ചെയ്തു. കേന്ദ്രത്തില്‍ ജനസംഘം ഉള്‍പ്പെട്ട മുന്നണി അധികാരത്തിലെത്തി. പിന്നീട് ഈ മുന്നണിയിലെ കക്ഷികളൊക്കെ ലയിച്ച് ജനതാ പാര്‍ട്ടി  എന്ന ഒറ്റ പാര്‍ട്ടിയുമായി. സി പി എം ഈ പാര്‍ട്ടിയുമായുള്ള ബന്ധം തുടര്‍ന്നും കൊണ്ടുപോയി. 1980 ല്‍ ഈ പാര്‍ട്ടി ശിഥിലമായപ്പോള്‍ പഴയ ജനസംഘം നേതാക്കളൊക്കെ ചേര്‍ന്ന് ബി ജെ പി എന്ന പാര്‍ട്ടി രൂപീകരിച്ചു. ആദ്യ തെരഞ്ഞെടുപ്പില്‍ 2 സീറ്റുകള്‍ മാത്രമേ ഈ പാര്‍ട്ടിക്ക് ലഭിച്ചുള്ളു. ഇന്ദിര വധത്തിന്റെ  സഹതാപത്തില്‍ മറ്റെല്ലാ പാര്‍ട്ടികള്‍ക്കും അടി പതറിയപ്പോള്‍ ബി ജെ പിക്കും അടി പതറി. പക്ഷെ 1989 ആയപ്പോഴേക്കും അവര്‍ ശക്തിയായി തന്നെ തിരിച്ചു വന്നു. ഒരു പാര്‍ട്ടിക്കും ഭൂരിപക്ഷമില്ലാതിരുന്ന പാര്‍ലമെന്റില്‍ ഇടതുപക്ഷവും ബി ജെ പിയും വി പി സിംഗിനെ പുറത്തു നിന്നും പിന്തുണച്ചു. ഉത്തര്‍ പ്രദേശ് ഉള്‍പ്പടെ പല സംസ്ഥാനങ്ങളിലും അവര്‍ അധികാരത്തിലെത്തി. 

1992ല്‍ ബാബ്രി മസ്ജിദ് തകര്‍ത്തപ്പോള്‍ ഹിന്ദു വികാരം കൂടുതല്‍ ഉണര്‍ന്നു. 

പിന്നീട് പല തെരഞ്ഞെടുപ്പുകളിലൂടെയും കടന്ന് 1996 ആയപ്പോഴേക്കും ബി ജെ പി പാര്‍ലമെന്റിലെ ഏറ്റവും വലിയ കക്ഷി ആയി തീര്‍ന്നിരുന്നു. അതു വരെയുള്ള ബി ജെപിയുടെ വളര്‍ച്ചയില്‍ കലാമിന്റെ പങ്കെന്താണെന്ന് എനിക്ക് ഒട്ടും മനസിലാകുന്നില്ല. ഒരു പങ്കുമില്ല എന്നു തന്നെയാണെന്റെ പക്ഷം. പാര്‍ലമ്നെറ്റില്‍ ഏറ്റവും വലിയ കക്ഷി ആയി തീര്‍ന്ന ഒരു പാര്‍ട്ടി വീണ്ടും അധികാരത്തിലെത്തുക എന്നത് സ്വാഭാവിക സംഭവവികാസമാണ്.

കോണ്‍ഗ്രസിന്റെ കെടു കാര്യസ്ഥതയും ജീര്‍ണ്ണതയും ബി ജെപ്പിക്ക് വളരാന്‍ സഹായകമായി. ബാബ്രി മസ്ജിദ് ഹിന്ദുക്കള്‍ക്ക് ശിലാന്യാസത്തിനു തുറന്നു കൊടുത്തതൊക്കെ അവര്‍ അവരുടെ നേട്ടമായി കൊണ്ടാടി. അതൊക്കെ വിശ്വസിക്കാനും അംഗീകരിക്കാനും കൂടുതല്‍ ഹിന്ദുക്കള്‍ തയ്യാറായി. അദ്വാനി രഥമുരുട്ടി നടന്ന് ഹിന്ദു വകാരം ഉണര്‍ത്തി. ബാബ്രി മസ്ജിദ് തകര്‍ത്തപ്പോള്‍ കൂടുതല്‍ ഹിന്ദുക്കള്‍ ബി ജെപി പക്ഷത്തേക്കു ചാഞ്ഞു.കോണ്‍ഗ്രസിന്റെയും സോഷ്യലിസ്റ്റ് പാര്‍ട്ടികളുടെയും കമ്യൂണിസ്റ്റുപാര്‍ട്ടികളുടെയും ചില നയങ്ങളും ബി ജെ പിയുടെ വളര്‍ച്ചക്ക് കരണമായി.

ഇതു വരെ കോണ്‍ഗ്രസ് ശക്തമായിരുന്ന സംസ്ഥാനങ്ങളിലാണ്, ബി ജെ പി വളര്‍ന്നത്. ഇപ്പോള്‍ മറ്റിടങ്ങളിലേക്കും ബി ജെ പി പടര്‍ന്നു കയറുന്നുണ്ട്.

കേരളത്തില്‍ പോലും കമ്യൂണിസ്റ്റുപാര്‍ട്ടികളില്‍ നിന്നും ബി ജെപിയിലേക്ക് ആളുകള്‍ ചേക്കേറുന്നുണ്ട്. കേരളത്തിലെ ഏറ്റവും വലിയ സമുദായമായ ഈഴവരാണ്, കമ്യൂണിസ്റ്റു പാര്‍ട്ടികളുടെ, പ്രത്യേകിച്ച് സി പി എമ്മിന്റെ നെടും തൂണ്. ഇന്ന് പക്ഷെ ഈഴവര്‍ക്ക് ബി ജെ പി ചതുര്‍ത്ഥിയൊന്നുമല്ല. വെള്ളാപ്പള്ളി നടേശന്‍ ബി  ജെ പിയുമായി കൈ കോര്‍ത്തു കഴിഞ്ഞു. ആ വഴി കുറച്ച് ഈഴവരെങ്കിലും ബി ജെ പി പക്ഷത്തേക്ക് മാറുമെന്ന് തീര്‍ച്ചയാണ്. 

ഈ മനം മാറ്റത്തിന്, പിണറായി വിജന്റെ നേതൃത്വത്തില്‍ എടുത്ത പല നടപടികളും കാരണമായിട്ടുണ്ടെന്ന് പറയാതെ വയ്യ. ന്യൂന പക്ഷ പ്രീണനം എന്നു വ്യാഖ്യനിക്കാവുന്ന പല നടപടികളും അദ്ദേഹത്തിന്റെ ഭാഗത്തു നിന്നുണ്ടായിട്ടുണ്ട്. 

സി പി എമ്മിനു വേണ്ടി വര്‍ഷങ്ങള്‍ പണിയെടുത്ത, തല്ലുകൊണ്ട പാര്‍ട്ടി അംഗങ്ങളെ ഇളിഭ്യരാക്കി എറണാകുളത്തും പത്തനം  തിട്ടയിലും ഇടുക്കിയിലും ചാലക്കുടിയിലും പൊന്നാനിയിലുമൊക്കെ പാര്‍ട്ടിയുമായി യാതൊരു ബന്ധവുമില്ലാത്തവരെ തെരഞ്ഞെടുപ്പില്‍ ജയിക്കാന്‍ വേണ്ടി സ്ഥനാര്‍ത്ഥികളാക്കിയതൊക്കെ യഥാര്‍ത്ഥ പാര്‍ട്ടി പ്രവര്‍ത്തകരില്‍ വിഷമമുണ്ടാക്കിയിട്ടുണ്ട്. ന്യൂന പക്ഷങ്ങളെ പ്രീണിപ്പിക്കുന്നു എന്ന് എതിരാളികള്‍ക്ക് വ്യഖ്യാനിക്കാവുന്ന തരത്തില്‍ സ്ഥാനാര്‍ത്ഥികളെ നിശ്ചയിച്ചു. റ്റി പി ചന്ദ്രശേഖരനേപ്പോലെ കറകളഞ്ഞ  കമ്യൂണിസ്റ്റുകാരനെ ക്വട്ടേഷന്‍ നല്‍കി കൊലപ്പെടുത്തി. പല സി പി എം നേതാക്കളുടെയും  ജീവിത രീതി കമ്യൂണിസ്റ്റുകാര്‍ക്ക് യോജിക്കുന്നതരത്തിലല്ലാതായി. പുച്ഛവും ധാര്‍ഷ്ട്യവും നിറഞ്ഞ പെരുമാറ്റം. അസഭ്യമായ പദപ്രയോഗങ്ങള്‍. ഇതൊക്കെ പലരെയും പാര്‍ട്ടിയില്‍ നിന്നകറ്റി. അവരില്‍ പലരും ബി ജെപിയോട് അനുഭാവം പ്രകടിപ്പിക്കാനും തുടങ്ങി. 

അപ്പോള്‍ ബി ജെ പി വളരാന്‍ കലാമിനേക്കാളും കൂടുതല്‍ സഹായം കമ്യൂണിസ്റ്റു പാര്‍ട്ടികള്‍, പ്രത്യേകിച്ച് സി പി എം ചെയ്തിട്ടുണ്ട്. പക്ഷെ കമ്യൂണിസ്റ്റുകാര്‍ ആരും തന്നെ ഇത് സമ്മതിക്കില്ല.




27 comments:

kaalidaasan said...

അപ്പോള്‍ ബി ജെ പി വളരാന്‍ കലാമിനേക്കാളും കൂടുതല്‍ സഹായം കമ്യൂണിസ്റ്റു പാര്‍ട്ടികള്‍, പ്രത്യേകിച്ച് സി പി എം ചെയ്തിട്ടുണ്ട്. പക്ഷെ കമ്യൂണിസ്റ്റുകാര്‍ ആരും തന്നെ ഇത് സമ്മതിക്കില്ല.

Ananth said...

apj abdul kalam was a person who inspired almost all indians cutting across the divides of region , religion and language........it is all too evident from the spontaneous expression of love and respect that the news of his demise evoked in all stratas of the society throughout the country......

the exceptions that compel one to qualify that 'all' with an 'almost' include those living in fool's paradise like

1 the extremist fringe of islam who considered him a kafir.....the right thinkers group and similar ones in the social media have been very vocal

2 the commies like the one that was quoted in this article, who does not have clue as to the political realities in india

3 the secularist brigade who denied him a second term in the highest office and instead put up someone like prathibha patil to mock the whole nation

Unknown said...

>>>>the secularist brigade who denied him a second term in the highest office and instead put up someone like prathibha patil to mock the whole nation<<<<<

Could you please explain why K R Narayanan was denied a second term by BJP?

Ananth said...

>>>Could you please explain why K R Narayanan was denied a second term by BJP?<<<

frankly I do not know why BJP took a decision that they did.....it would have to be addressed to those in charge of decision making in BJP.

having said that , it is a fact that any layman in india would agree - that the person who took the office of the president of india in place of kr narayanan when he was denied a second term , was eminently suitable for that position and in fact brought glory to that office......the point i made was that the secular brigade brought in someone like prathibha patil to replace kalam......it was almost like insulting him.....i would not have felt that way, had it been pranab mukherjee at that time !

ajith said...

ഒന്നാം പ്രതി കോണ്‍ഗ്രസ്
രണ്ടാം പ്രതിസ്ഥാനത്തിന് സീപ്പിയെം മാത്രമല്ല, പല പാര്‍ട്ടികളുമുണ്ട്.
ജനം അത്രയ്ക്ക് മടുത്തുകഴിഞ്ഞിരുന്നു എന്നതല്ലേ സത്യം

P.C.MADHURAJ said...

R.S.S. is a Nationalist organization. Its aim is to make Hindus nationalists and patriots. Dr.A.P.J Abdul Kalam was a nationalist. That is the relation between Kalam and RSS. CPM is anti-national. So they have to be on the opposite side of Kalam.

kaalidaasan said...

>>>frankly I do not know why BJP took a decision that they did.<<<<<

But you are pretty sure why Kalam was denied a second term. Isn't it? It was conspiracy of secularists.

Narayanan was denied a second term just because he was a Dalit. Nothing unusual from RSS.

kaalidaasan said...

>>>the point i made was that the secular brigade brought in someone like prathibha patil to replace kalam......it was almost like insulting him....<<<<<

The same argument holds good for Narayanan as well? Was it not insulting him ?

kaalidaasan said...

അജിത്,

കോണ്‍ഗ്രസ് ശക്തമായിരുന്ന സംസ്ഥാനങ്ങളിലാണു ബി ജെ പി ആദ്യം വളര്‍ന്നത്. ഇന്നും ബി ജെ പിക്ക് നേട്ടമുണ്ടാക്കാന്‍ സാധിക്കാത്ത സംസ്ഥാനങ്ങളിലൊക്കെ കമ്യൂണിസ്റ്റുപാര്‍ട്ടികള്‍ ശക്തമാണെന്നോര്‍ക്കുക. അത് തിരിച്ചറിഞ്ഞതുകൊണ്ടാണ്,. ആര്‍ എസ് എസ് കമ്യൂണിസ്റ്റുകാരെ പ്രധാന രാഷ്ട്രീയ ശത്രുക്കളായി പ്രഖ്യാപിച്ചതും. കോണ്‍ഗ്രസിന്റെയും ജനതാ പാര്‍ട്ടികളുടെയുമൊകെ നയങ്ങള്‍ വളരെ മാറിപ്പോയി. അതുകൊണ്ട് അവരുടെ പിന്തുണക്കാരെ എളുപ്പം പാട്ടിലാക്കാന്‍ സാധിക്കും. ഇന്നും വേറിട്ടു നില്‍ക്കുന്നത് കമ്യൂണിസ്റ്റു പാര്‍ട്ടികളുടെ നയങ്ങളാണ്. പക്ഷെ അത് നിര്‍ഭഗ്യവശാല്‍ കമ്യൂണിസ്റ്റുപാര്‍ട്ടി നേതാക്കളും  പിന്തുണക്കാരും മനസിലാക്കുന്നില്ല. അതിന്റെ ഉദാഹരണമാണ്, കലമിനെതിരെ പ്രീതയേപ്പോലുള്ളവര്‍ ഉറഞ്ഞു തുള്ളുന്നതും.

ബി ജെ പിയെ എതിര്‍ക്കേണ്ടത് ഇതുപോലെ അല്‍പ്പത്തരം കണിച്ചല്ല. ജനനന്മ ലക്ഷയമാക്കി നയങ്ങള്‍ രൂപീകരിച്ച് പ്രാവര്‍ത്തികമാക്കുമ്പോഴാണ്. ഡെല്‍ഹിയിലെ ആം ആദ് മി പാര്‍ട്ടിയില്‍ നിന്നാണു കമ്യൂണിസ്റ്റു പാര്‍ട്ടികള്‍ പഠിക്കേണ്ടത്. ആവര്‍ മറന്നു പോയ പലതും ഇപ്പോള്‍ ഇന്‍ഡ്യന്‍ ജനതയെ ഓര്‍മ്മിപ്പിക്കുന്നത് ആം ആദ്മി പാര്‍ട്ടിയാണ്.

Ananth said...

>>>But you are pretty sure why Kalam was denied a second term. Isn't it? It was conspiracy of secularists.<<<

where did i say this......???

>>>The same argument holds good for Narayanan as well? Was it not insulting him ?<<<

ensuring that kalam was succeeded by someone like prathibha patil is what i said was like insulting him......also i said had it been pranab i would not have felt so.....

krnarayanan was succeeded by kalam and i do not see how the same argument holds good.

Malayalam Times said...

Dear Kaalidasan,
By all means, Mr. Abdul Kalam was a genius and straight forward. He does not have any hidden agenda of promoting BJP or Sanghaparivar people. However the outdated CPM leadership are the culprits as common man lost all faith in them and most of them switched to BJP. All over the past, CPM/ leftiests were fully opposing both Mr. K.R. Narayanan as well as Mr. Abdul Kalam however now they are denying.

If the current (biased and useless) leadership of Communal Marxist Party are not ready to rectify their stands they are deemed to face the public opposition same as they are currently in West Bengal. If CPM is a Marxist party, the PB should meet and ask explanation from both Mr. Prakash Karat & Sitram Yechuri against their communal reamrks which they have made for Mr. Yaqoob Memon's execution.

With Best Regards

Soman. K

kaalidaasan said...

>>>>where did i say this......???<<<<

You aid that it was to insult Kalam, Prathibha patil was chosen by secularists?

I can say that it was to insult Narayanan , Kalam was chosen by Communal BJP. Kalam could have given the chance after the second term of Narayanan.

It is pure politics only. Remember that Communal BJP's first choice was P C Alexander not Kalam.

kaalidaasan said...

>>>>ensuring that kalam was succeeded by someone like prathibha patil is what i said was like insulting him<<<<

How can you say that it was an insult? Congress supported Kalam's first term.

President is by and large a ceremonial post. Whether Kalam or Patil does not make any difference as far as governance is considered.

When Mukherji's term ends, BJP will choose only an "yes" man to that post. Just wait and see.

kaalidaasan said...

>>>>krnarayanan was succeeded by kalam and i do not see how the same argument holds good.<<<<

When you talk about "second" term, the argument is very well relevant. Congress did not oppose Kalam's first term.

If Kalam deserved a second, term, Narayaan also deserved a second term. I do not see any difference in tat.

kaalidaasan said...

>>>>However the outdated CPM leadership are the culprits as common man lost all faith in them and most of them switched to BJP<<<<

I really do not know what you are talking about.

CPM do have some failures and mistakes. That does not mean that all CPM cadres have switched over to BJP side.

In the next Kerala assembly election BJP may get two or three seats. That is all. If some CPM cadres switch over to BJP, it can lead to an easy UDF victory. BJP is not going to gain. In WB, also the same scenario.

I do not see anything wrong in leftists opposing Narayanan and Kalam. Will BJP ever support any Leftist candidate in any election? That is politics.

If CPM does not correct its mistakes,it is deemed to lose. That is true with every political party. Once Congress was formidable in all North Indian states. Now BJP has won there. BJP can not grow more than this. They are going to lose in many North Indian states.

BJP had a majority in 56 assembly seats in Delhi in last lok sabha election. But within one year they lost 53 of them. Who is the culprit in that loss?

I do not think PB should ask an explanation from either Karat or Yechuri. BJP played communal card in hastily executing Memon. Karat and Yechuri also played the same card. While it is fully expected from BJP, it was not expected from a party like CPM.

When BJP plays communal cards their support swells and when CPM plays communal cards their support shrinks. That is the problem with the so called Hindus.

Malayalam Times said...

However the outdated CPM leadership are the culprits as common man lost all faith in them, SEE ONE COMMENT GIVEN BY Nishpakshan • 16 hours ago on Manorama

"പ്രകാശ് കാരാട്ട് (CPM മുൻ ജനറൽ സെക്രട്ടറി): ""കഴിഞ്ഞ 11 വർഷത്തിൽ ഇന്ത്യയിൽ തൂക്കിലേറ്റപ്പെട്ട മൂന്നു പേരും മുസ്‌ലിംകൾ ആണെന്നത് ക്രിമിനൽ നീതി സംവിധാനം മുസ്‌ലിംകളെ ഉന്നം വയ്‌ക്കുന്നുവെന്ന പ്രതീതി ഊട്ടിയുറപ്പിക്കുന്നു.
രാജ്യത്ത് വധശിക്ഷയ്‌ക്കു വിധിക്കപ്പെട്ടവരിൽ 75% പേർ പിന്നാക്ക, ന്യൂനപക്ഷ വിഭാഗങ്ങളിൽനിന്നാണ്.""
-NEWS

ഈ വിവരദോഷിയുടെ തന്തക്കു വിളിക്കാനുള്ള അദമ്യമായ ആഗ്രഹം ഒന്നു കൊണ്ടു മാത്രമാണ്‌ കുറച്ചു പണിപ്പെട്ടായാലും മലയാളത്തില്‍ ടൈപ്പ്‌ ചെയ്യുന്നത്‌.

"പ്രസ്‌ഥാനത്തിനു നേരെ വന്നാല്‍ കൈയ്യും വെട്ടും കാലും വെട്ടും, വേണ്ടി വന്നാല്‍ തലയും വെട്ടും" എന്ന SFIക്കാരുടെ മുദ്രാവാക്യം കേട്ടു വളർന്ന ഒരാളെന്ന നിലയില്‍ പ്രകാശം പരത്തുന്ന ഈ ഊളയോട്‌ എനിക്ക്‌ ചോദിക്കാനുള്ളത്‌, ഇന്ത്യയെന്ന എന്റെ മാതൃരാജ്യത്തിന്‌ നേരെ വാളോങ്ങിയ മൂന്നു കൊടും ഭീകരരെ (അജ്‌മല്‍ കസബ്‌, അഫ്‌സല്‍ ഗുരു, യാക്കൂബ്‌ മേമന്‍) നിയമപരമായി വിചാരണ ചെയ്‌ത്‌ വധശിക്ഷക്ക്‌ വിധേയരാക്കിയപ്പോള്‍ സഖാവിനെന്തേ നൊന്തു? (ആ രാജ്യദ്രോഹികളെ വർഷങ്ങളോളം തീറ്റിപ്പോറ്റിയതേ വലിയ കാര്യം)

അവരുടെ മതം എടുത്ത്‌ കുളം കലക്കി നാലഞ്ച്‌ വോട്ടാണ്‌ ഉദ്ദേശമെന്നറിയാഞ്ഞിട്ടല്ല, എന്നാലും ചോദിക്കട്ടെ, തന്റെ അഭിപ്രായ പ്രകാരം, ഒരു കൊടും കുറ്റവാളിയെ തൂക്കിക്കൊല്ലാന്‍ തീരുമാനിച്ചാല്‍ അതിന്‌ ബാലന്‍സ്‌ ചെയ്യാന്‍ മറ്റു മതങ്ങളില്‍ നിന്ന്‌ ഓരോരുത്തരെ കണ്ടു പിടിച്ച്‌ ഒന്നിച്ച്‌ തൂക്കിലിടുന്നതാണോ മതേതരത്വം???
അതില്‍ത്തന്നെ നമുക്ക്‌ സംവരണവും വെച്ചേക്കാം എന്തേ്യയ്‌? നടപ്പാക്കുന്ന വധശിക്ഷയില്‍ ഇത്ര ശതമാനം, ന്യൂനപക്ഷം, ഇത്ര ശതമാനം പിന്നാക്ക വിഭാഗക്കാർ, ഇത്ര ശതമാനം മറ്റുള്ളവർ അങ്ങനെയായിക്കോട്ടെ അല്ലേടാ പരട്ട സഖാവേ!!! അതായിരിക്കും എകെജി സെന്ററിലിരുന്ന്‌ താനൊക്കെ വിഭാവനം ചെയ്‌ത കമ്യൂണിസം!!! പാഷാണത്തില്‍ കൃമി എന്നൊക്കെ പറയുന്നത്‌ ഒരു അതിശയോക്തിയായേ തന്റെ ഈ മൊഴിമുത്തുകള്‍ കേള്‍ക്കുന്ന വരെ തോന്നിയിട്ടുള്ളൂ, പക്ഷേ താനതിനൊക്കെ അപ്പുറത്താണെടോ ശുംഭാ, കറിവേപ്പിലമോനേ, നികൃഷ്‌ടജീവീ, കുലംകുത്തീ, പരനാറീ....

kaalidaasan said...

>>>>However the outdated CPM leadership are the culprits as common man lost all faith in them, SEE ONE COMMENT GIVEN BY Nishpakshan • 16 hours ago on Manorama<<<<<

"പ്രകാശ് കാരാട്ട് (CPM മുൻ ജനറൽ സെക്രട്ടറി): ""കഴിഞ്ഞ 11 വർഷത്തിൽ ഇന്ത്യയിൽ തൂക്കിലേറ്റപ്പെട്ട മൂന്നു പേരും മുസ്‌ലിംകൾ ആണെന്നത് ക്രിമിനൽ നീതി സംവിധാനം മുസ്‌ലിംകളെ ഉന്നം വയ്‌ക്കുന്നുവെന്ന പ്രതീതി ഊട്ടിയുറപ്പിക്കുന്നു.
രാജ്യത്ത് വധശിക്ഷയ്‌ക്കു വിധിക്കപ്പെട്ടവരിൽ 75% പേർ പിന്നാക്ക, ന്യൂനപക്ഷ വിഭാഗങ്ങളിൽനിന്നാണ്.""

ആര്‍ക്കും ഇതുപോലെ അഭിപ്രായം പറയാന്‍ സ്വാതന്ത്ര്യമുണ്ട്. കാരാട്ട് പറഞ്ഞത് ശരിയല്ലെ. വധ ശിക്ഷക്കു വിധിക്കപ്പെട്ട് അനേകം ​പേര്‍ ഇന്‍ഡ്യന്‍ ജയിലുകളില്‍ കഴിയുന്നുണ്ട്. പക്ഷെ അവസാനമായി ശിക്ഷ നടപ്പിലാക്കിയത് മൂന്നു മുസ്ലിങ്ങളുടെ കാര്യത്തില്‍ മാത്രം. പരമോന്നത കോടതി വധ ശിക്ഷക്ക് വിധിക്കുന്നവരുടെ എല്ലാം കുറ്റം ഒരേ തലത്തിലുള്ളതാണെന്നു കൂടെ ഓര്‍ക്കുക.

ഇന്‍ഡ്യന്‍ പ്രധാന മന്ത്രിയെ വധിച്ച കേസില്‍ വധ ശിക്ഷക്ക് വിധിക്കപ്പെട്ടവരുടെ ശിക്ഷ ജീവ പര്യന്തമാക്കി. ഉടനെ തന്നെ തമിഴ് നാട് മുഖ്യമന്ത്രി ജയലളിത ഇല്ലാത്ത അധികാരം ഉപയോഗിച്ച് അവരെ മാപ്പു നല്‍കി വിട്ടയക്കാന്‍ തീരുമാനിച്ചു.

ഇതൊക്കെ കാണുമ്പോള്‍ ഈ രാജ്യത്ത് രണ്ടു തരം നീതി ഉണ്ടെന്ന് കരാട്ടിനു തോന്നിയാല്‍ അദ്ദേഹത്തെ കുറ്റപ്പെടുത്താന്‍ ആകില്ല. അതില്‍ ന്യൂന പക്ഷ പ്രീണനം ഉണ്ടായാലും.

ഈ മൂന്നു മുസ്ലിങ്ങളെയല്ലാതെ മറ്റുള്ളവരെ എന്തു കൊണ്ട് തൂക്കിക്കൊന്നില്ല എന്നതിന്റെ കാരണം താങ്കള്‍  പറയണം

kaalidaasan said...

>>>>"പ്രസ്‌ഥാനത്തിനു നേരെ വന്നാല്‍ കൈയ്യും വെട്ടും കാലും വെട്ടും, വേണ്ടി വന്നാല്‍ തലയും വെട്ടും" എന്ന SFIക്കാരുടെ മുദ്രാവാക്യം കേട്ടു വളർന്ന ഒരാളെന്ന നിലയില്‍ പ്രകാശം പരത്തുന്ന ഈ ഊളയോട്‌ എനിക്ക്‌ ചോദിക്കാനുള്ളത്‌, ഇന്ത്യയെന്ന എന്റെ മാതൃരാജ്യത്തിന്‌ നേരെ വാളോങ്ങിയ മൂന്നു കൊടും ഭീകരരെ (അജ്‌മല്‍ കസബ്‌, അഫ്‌സല്‍ ഗുരു, യാക്കൂബ്‌ മേമന്‍) നിയമപരമായി വിചാരണ ചെയ്‌ത്‌ വധശിക്ഷക്ക്‌ വിധേയരാക്കിയപ്പോള്‍ സഖാവിനെന്തേ നൊന്തു? (ആ രാജ്യദ്രോഹികളെ വർഷങ്ങളോളം തീറ്റിപ്പോറ്റിയതേ വലിയ കാര്യം)<<<<<

"പ്രസ്‌ഥാനത്തിനു നേരെ വന്നാല്‍ കൈയ്യും വെട്ടും കാലും വെട്ടും, വേണ്ടി വന്നാല്‍ തലയും വെട്ടും" എന്നു പറയുന്നവരെയും ശിക്ഷിക്കണം. അതിനും ഇന്‍ഡ്യന്‍ നീതി ന്യയാ വ്യവസ്ഥയില്‍ വകുപ്പുണ്ട്.

ഊളത്തരം ഇതൊന്നുമല്ല. ഇസ്ലാമിക ഭീകരര്‍ മറ്റുള്ളവരെ കൊല്ലുന്നത് ശഹീദാകാന്‍ വേണ്ടിയാണ്. എന്നു വച്ചാല്‍ ചത്തു സ്വര്‍ഗ്ഗത്തില്‍ ചെന്ന് അവരുടെ ദൈവമായ അള്ളാ കരുതി വച്ചിരിക്കുന്ന സമ്മനങ്ങള്‍ നേടി എടുക്കാന്‍. എങ്ങനെ ആയാലും ചാകാന്‍ നടക്കുന്നവരെ കൊന്നാല്‍ അവരുടെ ആഗ്രഹം സാധിച്ചു കൊടുക്കലാണ്.

വധ ശിക്ഷക്ക് വിധിക്കപ്പെട്ട് ജയിലില്‍ ഇപ്പോഴും കിടക്കുന്നവര്‍ മുന്നൂറോളം പേരാണെന്നാണെന്റെ അറിവ്. ലക്ഷക്കണക്കിനു മറ്റു കുറ്റവാളികളെ ഇന്‍ഡ്യ തീറ്റിപ്പോറ്റുന്നതില്‍ യാതൊരു ബുദ്ധിമുട്ടുമില്ലെങ്കില്‍ അതിന്റെ കൂടെ മുന്നൂറു പേരു കൂടി ആയലും വലിയ ബുദ്ധിമുട്ടുണ്ടാകില്ല.

മരിക്കുന്നത് വരെ കഠിന തടവാണ്, മേമനേപ്പോലുള്ളവര്‍ അര്‍ഹിക്കുന്നത്. അതാണു മറ്റുള്ളാവര്‍ക്ക് പാഠമാകുന്നതും. അല്ലാതെ ചാകന്‍ നടകുന്നവരെ കൊല്ലുന്നതൊന്നും ഇതുപോലെ ഉള്ളവര്‍ക്ക് പാഠമാകില്ല.

കാരാട്ടിന്റെ അഭിപ്രായം ന്യൂന പക്ഷ പ്രീണനമാണെന്ന് വേണമെങ്കില്‍ വ്യാഖ്യാനിക്കാം. 80% ഹിന്ദുക്കളെ വെറുപ്പിച്ചുകൊണ്ട് അവര്‍ ഇതു പറയുമ്പോള്‍ അതിലെ സത്യം കൂടെ തിരിച്ചറിയാന്‍ ശ്രമിക്കുക.

kaalidaasan said...

>>>>അവരുടെ മതം എടുത്ത്‌ കുളം കലക്കി നാലഞ്ച്‌ വോട്ടാണ്‌ ഉദ്ദേശമെന്നറിയാഞ്ഞിട്ടല്ല, എന്നാലും ചോദിക്കട്ടെ, തന്റെ അഭിപ്രായ പ്രകാരം, ഒരു കൊടും കുറ്റവാളിയെ തൂക്കിക്കൊല്ലാന്‍ തീരുമാനിച്ചാല്‍ അതിന്‌ ബാലന്‍സ്‌ ചെയ്യാന്‍ മറ്റു മതങ്ങളില്‍ നിന്ന്‌ ഓരോരുത്തരെ കണ്ടു പിടിച്ച്‌ ഒന്നിച്ച്‌ തൂക്കിലിടുന്നതാണോ മതേതരത്വം???<<<<<

ഇത് എഴുതിയ ആളുടെ അധിക വായന. ബാലന്‍സ്‌ ചെയ്യാന്‍ മറ്റു മതങ്ങളില്‍ നിന്ന്‌ ഓരോരുത്തരെ കണ്ടു പിടിച്ച്‌ ഒന്നിച്ച്‌ തൂക്കിലിടണമെന്നണ്, കരാട്ട് പറഞ്ഞെതെന്ന് വിഭ്രമ ചിന്തയാണ്. വധ ശിക്ഷ തന്നെ വേണ്ട എന്നു കൂടെ കാരാട്ട് പറഞ്ഞത് വായിച്ചില്ലേ?

1991 ല്‍ രാജീവ് ഗാന്ധിയെ വധിച്ചവരുടെ വധ ശിക്ഷ ഇളവു ചെയത്പ്പോള്‍ അവരെ തൂക്കികൊല്ലണമെന്ന് ഇപ്പോള്‍ മേമന്റെ തൂക്കിക്കൊലയെ ന്യയീകരിക്കുന്ന ആരും പറഞ്ഞു കേട്ടില്ല. അത് മതേതരവാദം കൊണ്ടാണോ മത ഭ്രാന്തു കൊണ്ടാണോ എന്ന് സ്വയം ചിന്താശേഷി ഉപയോഗിച്ച് ആലോചിച്ചു നോക്കുക.

കാരാട്ട് നാലഞ്ചു വോട്ടിനു വേണ്ടി ആണിത് പറഞ്ഞതെന്ന് ഞാന്‍ കരുതുന്നില്ല. നാലഞ്ച് വോട്ടു കിട്ടുമ്പോള്‍ എട്ടുപത്ത് വോട്ടുകള്‍  പോകുമെന്നൊക്കെ അറിയാനുള്ള വക തിരിവൊക്കെ കാരാട്ടിനുണ്ട്.

ന്യൂന പക്ഷ പ്രീണനം എന്ന് എതിരാളികള്‍ക്ക് വ്യഖ്യാനിക്കാവുന്ന പല നടപടികളും സി പി എം നേതാക്കളുടെ ഭാഗത്തുനിന്നുണ്ടാകുന്നുണ്ട്. പക്ഷെ ഇപ്പോള്‍ കാരാട്ട് പറഞ്ഞത് സത്യമാണ്. ന്യൂന പക്ഷ പ്രീണനം ആണെങ്കില്‍ പോലും.

Malayalam Times said...

Kaalidasan saying
"ഈ മൂന്നു മുസ്ലിങ്ങളെയല്ലാതെ മറ്റുള്ളവരെ എന്തു കൊണ്ട് തൂക്കിക്കൊന്നില്ല എന്നതിന്റെ കാരണം താങ്കള്‍ പറയണം"

Simple, The subject 3 culprits were hanged based on the verdict of Indian Supreme Court, which all Indians are supposed to follow.

"കാരാട്ട് നാലഞ്ചു വോട്ടിനു വേണ്ടി ആണിത് പറഞ്ഞതെന്ന് ഞാന്‍ കരുതുന്നില്ല. നാലഞ്ച് വോട്ടു കിട്ടുമ്പോള്‍ എട്ടുപത്ത് വോട്ടുകള്‍ പോകുമെന്നൊക്കെ അറിയാനുള്ള വക തിരിവൊക്കെ കാരാട്ടിനുണ്ട്."

Karat knows Hindus are not vote banks at least in Kerala, where elections are going to take place where as minorities got vote bank and he aim that in vain.

Karat is opposing only hanging, he prefers cutting with sword or knife making min. 52 cuts, it is okay for him.

If supreme court make verdict say to hang Govindachamay, no body will object as the crime committed by him is so cruel that is the case. Court verdict are not based on religion, and the party saying secularist is bringing religion in this is annoying.

Malayalam Times said...

Kaalidasan stated
"ന്യൂന പക്ഷ പ്രീണനം എന്ന് എതിരാളികള്‍ക്ക് വ്യഖ്യാനിക്കാവുന്ന പല നടപടികളും സി പി എം നേതാക്കളുടെ ഭാഗത്തുനിന്നുണ്ടാകുന്നുണ്ട്. പക്ഷെ ഇപ്പോള്‍ കാരാട്ട് പറഞ്ഞത് സത്യമാണ്. ന്യൂന പക്ഷ പ്രീണനം ആണെങ്കില്‍ പോലും."

Exactly, I am fully agreeing with you.

Ananth said...

>>>I can say that it was to insult Narayanan , Kalam was chosen by Communal BJP<<<

when i said that making prathibha patil as his successor was an insult to kalam.....you consider kalam an insult to narayanan.......

obviously, compared to kalam, you seem to hold prathibha patil and narayanan in such high esteem ........i have nothing more to say.....

kaalidaasan said...

>>>>>you consider kalam an insult to narayanan

That is your twist. You mentioned about second term. You stated that not giving Kalam a second term was an insult to him by secularist. Buying the same argument I stated that denying a second term to Narayanan was an insult to him by Sangh parivar.<<<<<

kaalidaasan said...

>>>>>Simple, The subject 3 culprits were hanged based on the verdict of Indian Supreme Court, which all Indians are supposed to follow..<<<<<

270 പേരുടെ വധ ശിക്ഷ സുപ്രീം കോടതി ശരി വച്ചിട്ടുണ്ട്. എന്തുകൊണ്ട് അവരെയൊന്നും തൂക്കി കൊന്നില്ല.

രാജീവ് ഗാന്ധി വധക്കേസിലെ പ്രതികളുടെ ശിക്ഷയും സുപ്രീം കോടതി ശരിവച്ചിരുന്നു. അവരെയും തൂക്കി കൊന്നില്ല. രാഷ്ട്ര പതിക്ക നല്‍കിഅ
യ ദയാ ഹര്‍ജ്ജി തീര്‍പ്പാക്കന്‍ കാല താമസമുണ്ടായി എന്നും പറഞ്ഞാണവരുടെ ശിക്ഷ ജീവപര്യന്തമായി കുറച്ചത്.

അപ്പോള്‍ ചിലരുടെ ശിക്ഷ നടപ്പിലാക്കാന്‍ നീതി പീഠവും അധികാരികളും തിടുക്കം കാണിക്കുന്നുണ്ട്. മുസ്ലിങ്ങളുടെ കാര്യത്തില്‍ ഈ തിടുക്കം അല്‍പ്പം കൂടുതലാണെന്നു മാത്രം

kaalidaasan said...

>>>>>Karat knows Hindus are not vote banks at least in Kerala, where elections are going to take place where as minorities got vote bank and he aim that in vain.<<<<<

ഇന്‍ഡ്യയില്‍ സി പി എം എന്ന പാര്‍ട്ടിയുടെ 99% പിന്തുണക്കാരും ഹിന്ദുക്കളാണ്. കേരളത്തിലും 80% പിന്തുണക്കാരും ഹിന്ദുക്കളാണ്.

താങ്കളുടെ രാഷ്ട്രീയത്തിന്റെ പ്രത്യേകതകൊണ്ട് മുസ്ലിങ്ങളെ മാത്രമേ വോട്ടു ബാങ്കായി കാണാന്‍ കഴിയുന്നുള്ളു. ഹിന്ദുക്കള്‍ ബി ജെപിയുടെയും  വോട്ടു ബാങ്കാണെന്നോര്‍ക്കുക.

kaalidaasan said...

>>>>>If supreme court make verdict say to hang Govindachamay, no body will object as the crime committed by him is so cruel that is the case. Court verdict are not based on religion, and the party saying secularist is bringing religion in this is annoying.<<<<<

ഗോവിന്ദചാമിയെ തൂക്കിക്കൊല്ലാന്‍ സുപ്രീം കോടതി വിധിച്ചാലും ഞാന്‍ അതിനെ എതിര്‍ക്കും.

കോടതി വിധി ഒരിക്കലും  മതാടിസ്ഥാനത്തില്‍ . ദയാ ഹര്‍ജി പരിഗണിക്കാന്‍ ഇന്‍ഡ്യന്‍ ഭരണഘടനയില്‍ പ്രസിഡണ്ടിനധികാരമുണ്ട്. സുപ്രീം കോടതി വധ ശിക്ഷ വിധിച്ച 21 കേസുകളില്‍  പ്രസിഡണ്ടായിരുന്ന കലാം ദയാ ഹര്‍ജ്ജി അനുവദിച്ചു. എല്ല മത വിഭാഗങ്ങളില്‍ പെട്ടവരുടെയും.

മതം ഇതിലേക്ക് കൊണ്ടു വരുന്നത് സെക്കുലറിസ്റ്റുകളല്ല. സംഘ പരിവാറാണ്. ഹിന്ദു ഭീകരരെ മുഴുവന്‍ സംരക്ഷിച്ച് മുസ്ലിം ഭീകരരെ തെരഞ്നു പിടിച്ച് ശിക്ഷിക്കാന്‍ വെമ്പല്‍ കൊള്ളുന്നത് സംഘ പരിവാറാണ്.

മുക്കുവന്‍ said...

what was the reason for removing kalam from ISRO? he was the project director of SLV rockets... usually he should be the director of VSSC then chairman of ISRO? the so called creamy bhramins stripped him down from ISRO and moved to DRDO. he came up from there too.. now every one is praising him.. :) he was stripped down from ISRO is only because he was not a brahmin. What was the qualification for UR Rao to be chairman of ISRO?