ഞാന്‍ ആരാണ്?

ഹൈന്ദവ വേദ പുസ്തകങ്ങളില്‍ ഒന്നായ മാര്‍ക്കണ്ടേയ പുരാണത്തിലെ പ്രധാന കഥാപാത്രമാണ്, മാര്‍ക്കണ്ടേയന്‍. അദ്ദേഹം ​പണ്ടൊരു ചോദ്യം ചോദിച്ചു. ഞാന്‍ ആരാണ്? അന്നദ്ദേഹത്തിനു കിട്ടിയ മറുപടി ആയിരുന്നു ത ത്വം അസി.

കഴിഞ്ഞ ആഴ്ച്ച ഇതുപോലെ ഒരു ചോദ്യം ഇന്‍ഡ്യയുടെ മനസാക്ഷിക്കുമുന്നില്‍ ഒരു സ്ത്രീ മുന്നോട്ടു വച്ചു. ഭാരതസ്ത്രീകള്‍  ഭാവ ശുദ്ധി നിറഞ്ഞു നില്‍ക്കുന്ന ഒരു സാധ്വി ആണത് ചോദിച്ചത്. പേര്, യശോദ ബെന്‍. യശോദ ബെന്‍ എന്ന പേര്, അടുത്തകാലത്താണ്, ഇന്‍ഡ്യക്കാര്‍ കേള്‍ക്കുന്നത് തന്നെ. കഴിഞ്ഞ പാര്‍ലമെന്റ് തെരഞ്ഞെടുപ്പിന്, നാമ നിര്‍ദ്ദേശ പത്രിക സമര്‍പ്പിച്ചപ്പോള്‍ ആണ്, ആദ്യമായി നരേന്ദ്ര മോദി എന്ന ഗുജറാത്ത് മുഖ്യ മന്ത്രി യശോദ ബെന്‍ തന്റെ ഭാര്യ ആണെന്ന് സമ്മതിക്കുന്നത്.  ഇത്രകാലവും അദ്ദേഹം അത് സമ്മതിച്ചിരുന്നില്ല. മോദി അവിവാഹിതന്‍ ആണെന്നായിരുന്നു അദ്ദേഹം എല്ലാ വേദികളിലും പറഞ്ഞു നടന്നിരുന്നത്. "തനിക്ക് കുടുംബമില്ല അതുകൊണ്ട് അഴിമതി കാണിക്കില്ല "എന്നായിരുന്നു  മേനി നടിച്ചിരുന്നതും. മറ്റ് പല കാര്യത്തിലും കൊണ്ടു നടന്നിരുന്ന ഒരു കപട മുഖം ഇക്കാര്യത്തിലും അദ്ദേഹം കൊണ്ടു നടന്നു. പാവം ഇന്‍ഡ്യക്കാര്‍ അതൊക്കെ കണ്ണുമടച്ചു വിശ്വസിച്ചു. പക്ഷെ പൊടുന്നനെ അദ്ദേഹത്തിനു ഭാര്യ ഉണ്ടായി വന്നു. പക്ഷെ കുടുംബം ഉണ്ടോ എന്നത് ഉത്തരമില്ലാത്ത ചോദ്യമാണ്. യശോദ അദ്ദേഹത്തിന്റെ ഭാര്യയാണോ എന്നു ചോദിച്ചാല്‍ അതേ എന്നും അല്ല എന്നുമുള്ള ഉത്തരം ഒരേ സമയത്ത് ലഭിക്കും.തനി രാഷ്ട്രീയ ഉത്തരം.   യശോദ വിവാഹ മോചിത ആണോ  എന്നു ചോദിച്ചാലും ഈ രണ്ടുത്തരങ്ങളും ലഭിക്കും. ഭര്‍ത്താവുപേക്ഷിച്ചവളാണോ എന്നു ചോദിച്ചാലും ഇതേ രണ്ടുത്തരങ്ങള്‍ ലഭിക്കും.

മോദി യശോദയെ വിവാഹം  കഴിച്ചിരുന്നു എന്നത് ശരിയാണ്. പക്ഷെ പ്രത്യേക കാരണമൊന്നും പറയാതെ അദ്ദേഹം അവരെ ഉപേക്ഷിച്ച് ഹിന്ദു വര്‍ഗ്ഗീയ സംഘടന ആയ ആര്‍ എസ് എസില്‍ പ്രവര്‍ത്തിക്കാന്‍  പോയി. ആര്‍ എസ് എസ് പ്രവര്‍ത്തകര്‍ക്ക് വിവാഹം നിഷിദ്ധമായതുകൊണ്ട് താന്‍ വിവാഹിതനാണെന്ന കാര്യം അദ്ദേഹം മറച്ചു വച്ചു. തന്നെ വേണ്ടാത്ത മോദിക്ക് വേണ്ടി കാത്തിരിക്കുന്നത് ബുദ്ധി ശൂന്യത ആണെന്ന് തിരിച്ചറിയാന്‍ മാത്രം വിവേകം ഉണ്ടായിരുന്ന യശോദ അവരുടെ കുടുംബവീട്ടിലേക്കു പോയി. സഹോദരങ്ങളുടെ സംരക്ഷണയില്‍ കഴിഞ്ഞു. ഭര്‍ത്താവു വേണ്ടെന്നു വയ്ക്കുന്ന വരും വിധവകളും ആയ  സവര്‍ണ്ണ സ്ത്രീകള്‍  തല മുണ്ഡനം ചെയ്ത് നന്ദാവനത്തില്‍ പോയി തെണ്ടി നടക്കുന്നതുപോലെ ഒന്നും ചെയ്യാന്‍ അവര്‍ പോയില്ല. പഠിച്ച് യോഗ്യത നേടി അദ്ധ്യാപിക ആയി ജോലി ചെയ്തു. വിരമിച്ച് സ്വസ്ഥ ജീവിതം നയിച്ചു. നരേന്ദ്ര മോദി അവരെ തിരിഞ്ഞു നോക്കിയുമില്ല. തന്റെ മുന്‍ ഭര്‍ത്താവ്, ഗുജറാത്ത് മുഖ്യമന്ത്രി  ആയപ്പോഴൊന്നും യശോദയുടെ ജീവിതത്തിന്റെ സ്വച്ഛത നഷ്ടപ്പെട്ടിരുന്നുമില്ല. പക്ഷെ അദ്ദേഹം പ്രധാന മന്ത്രി ആയപ്പോള്‍ ആ ജീവിതത്തിന്റെ താളം തെറ്റി. വീടിനു ചുറ്റും സുരക്ഷാ ഉദ്യോഗസ്ഥര്‍. എവിടെ പോയാലും സുരക്ഷാ ഉദ്യോഗസ്ഥര്‍.

ഇതിനൊരു വ്യക്ത വരുത്താന്‍ വേണ്ടി അവര്‍ മെഹ്സാന പോലീസ് സ്റ്റേഷനില്‍  വിവരാവകാശ നിയമപ്രകാരം ചില ചോദ്യങ്ങളുന്നയിച്ച് ഒരു പരാതി നല്‍കി.





കഴിഞ്ഞ നാലു പതിറ്റണ്ടോളമായി നിശബ്ദ ജീവിതം നയിച്ചിരുന്ന അവരുടെ ജീവിതത്തിലെ സ്വകാര്യത ചിലര്‍ നശിപ്പിക്കുന്നു എന്നാണവരുടെ പരാതി. ഗുജറാത്ത് സര്‍ക്കാരിനോട് വിവരാവകാശ നിയമപ്രകാരം ചില ഉത്തരങ്ങളാണവര്‍ ഇപ്പോള്‍ ആവശ്യപ്പെട്ടിരിക്കുന്നത്.

പ്രധാന ചോദ്യങ്ങള്‍ ഇവയാണ്.

ഞാന്‍ പൊതു ജനം ഉപയോഗിക്കുന്ന വാഹനമായ ബസില്‍ യാത്ര ചെയ്യുമ്പോള്‍ എന്റെ പിന്നാലെ കാറില്‍ സുരക്ഷാ ഉദ്യോഗ്സ്ഥര്‍ എന്നും പറഞ്ഞ് ചിലര്‍ ഇപ്പോള്‍ സഞ്ചരിക്കുന്നതിന്റെ  ഉദ്ദേശ്യം എന്താണ്?

ഇതുപോലെ സുരക്ഷ ലഭ്യമാക്കാന്‍  ഞാന്‍ ആരാണ്?

എന്താണീ protocol എന്ന ഉഡായിപ്പിന്റെ നിര്‍വചനം?

എന്തൊക്കെ ആണതിന്റെ പരിധിയില്‍ ഉള്ളത്?

വേറെ എന്തെല്ലാം അവകാശങ്ങളും ആനുകൂല്യങ്ങളും ആണ്, ഇതിന്റെ പേരില്‍ എനിക്ക് അനുവദിച്ചിരിക്കുന്നത്?

പ്രധാനമന്ത്രിയുടെ ഭാര്യ എന്ന നിലയില്‍ എനിക്കുള്ള അവകാശങ്ങള്‍ എന്തൊക്കെ ആണ്?


യശോദ ആലോചിച്ചുറച്ചു തന്നെയാണിറങ്ങിയിരിക്കുന്നതെന്നു തോന്നുന്നു.  അവര്‍ അടിവരയിടുന്ന ആവശ്യങ്ങള്‍  ഇവയാണ്.

അവരുടെ സുരക്ഷ സംബന്ധിച്ച് സര്‍ക്കാര്‍ ഇറക്കിയ ഉത്തരവിന്റെ സാക്ഷ്യപ്പെടുത്തിയ പകര്‍പ്പ് വേണം.

ഭരണഘടന പ്രകാരം പ്രധാന മന്ത്രിയുടെ  ഭാര്യയുടെ സുരക്ഷ സംബന്ധിച്ചുള്ള വിശദമായ രേഖകളും വേണം.

സങ്കീര്‍ണ്ണമായ ഒരു വിവാദത്തിലേക്കും നിയമ പ്രശ്നങ്ങളിലേക്കും ചെന്നെത്താവുന്ന ചോദ്യങ്ങളാണിത്.

സുരക്ഷക്ക് വേണ്ടി  ഒരു സര്‍ക്കാര്‍ ഉത്തരവുണ്ടാകാന്‍ സാധ്യതയില്ല. മിക്കവാറും വാക്കാലുള്ള ഒരുത്തരവായിരിക്കാനാണു സാധ്യത.

പ്രധാനമന്ത്രിയുടെ ഭാര്യ എന്നു പറയുന്ന ഒരു സ്ത്രീ ബസ് സ്റ്റോപ്പില്‍ ബസു കാത്തു നില്ക്കുന്നു. കുറച്ചകലെ സുരക്ഷ എന്നും പറഞ്ഞ് കുറച്ചു പേര്‍ ഒരു കാറിലിരുന്ന് അവരെ  സദാ നിരീക്ഷിക്കുന്നു. ശുദ്ധ അസംബന്ധമല്ലേ ഇത്?

മറ്റൊരു പോസ്റ്റില്‍ ഞാന്‍ നരേന്ദ്ര മോദിയെ വിമര്‍ശിച്ചപ്പോള്‍ ഒരു സംഘ പോരാളി എന്റെ നേരെ ആക്രോശിച്ചത് ഇപ്രകാരമായിരുന്നു.


>>>>>>First of all you should understand who you are and what you are talking about. 
You have just a hidden name and hidden agenda and the way you are blogging is as if you are above U.S. President. 
i.e. you trying to criticse the Indian Prime Minister for everything? Hey who are are you? it is not your job, mind your own business if any

<<<<<<
മോദിയുടെ ചാവേറുകള്‍  കരുതുന്നത് മോദിയെ ആരും വിമര്‍ശിക്കാന്‍ പാടില്ല എന്നാണ്. സംഘ പരിവാര്‍ ഹിറ്റ്ലറുടെ ആരാധകരാണെന്നത്  രഹസ്യമൊന്നുമല്ല. അപ്പോള്‍ ഹിറ്റ്ലറുടെ ഫാസിസ്റ്റ് ചിന്തകള്‍  അവരുടെ വാക്കുകളിലൂടെ പുറത്ത് വരുന്നത് അത്ഭുതപ്പെടുത്തുന്ന കാര്യവുമല്ല.




മോദി ജനങ്ങളെ അതി സമര്‍ദ്ധമായി പറ്റിക്കുകയാണ്. യശോദ ഭാര്യ ആണെന്ന വിവരം മറച്ചു വച്ചതുപോലെ മറ്റ്   പലതും മറച്ചു വച്ച്  ദുരൂഹമായ പലതും ചെയ്യുന്നുണ്ട്. കുടുംബമില്ലാത്ത മോദിയുടെ ദത്തെടുത്ത കുടുംബം  അദാനിയുടേതാണ്. തെരഞ്ഞെടുപ്പു പ്രചാരണത്തിന്, മോദി ഉപയോഗിച്ച ഹെലിക്കോപ്റ്ററുകളൊക്കെ അദാനി സൌജന്യമായി നല്‍കിയതാണെന്നു കൂടെ ഓര്‍ക്കുക. റെയില്‍വേ വികസനത്തിന്, സര്‍ക്കാരിനു പണമില്ല എന്ന നുണ പറഞ്ഞ്  അധികാരമേറ്റെടുത്ത ഉടനെ റെയില്‍ നി രക്കുകൾ   കുത്തനെ കൂട്ടി, സാധങ്ങളുടെ വില കൂടാന്‍ നടപടി  എടുത്തു. അംബാനിയെ  സഹായിക്കാന്‍  ഗ്യാസ് വില കൂട്ടി, ഇന്ധന വില  കൂട്ടി. അന്താരാഷ്ട്ര മാര്‍ക്കറ്റില്‍ എണ്ണ വില  30% കുറഞ്ഞപ്പോഴായിരുന്നു ഇത് ചെയ്തത് എന്നോര്‍ക്കുക. പണമില്ല എന്ന നുണ പൊതുജനങ്ങളോട് പറഞ്ഞ മോദി, താന്‍ ദത്തെടുത്ത കുടുംബമായ അദാനിക്ക്  പൊതു ഖജനാവില്‍  നിന്ന് ഒരു ബില്യണ്‍ ഡോളര്‍ വായ്പ്പ നല്‍കി. അതും ഓസ്റ്റ്രേലിയയില്‍ പോയി  ബിസിനസ് നടത്താന്‍. ഇതിന്റെ അനേകം ഇരട്ടി ഗുജറാത്ത് മുഖ്യ മന്ത്രി ആയിരുന്നപ്പോള്‍ അദാനിക്ക് മോദി ഗുജറാത്തിലെ ഖജനാവില്‍ നിന്നും വായ്പ്പ ആയി നല്‍കിയിട്ട്ണ്ട്. അതില്‍ ഒറ്റ പൈസ പോലും അദാനി തിരിച്ചടച്ചിട്ടില്ല. ഈ വായ്പ്പയും തിരിച്ചടക്കില്ല എന്നറിയാന്‍ പാഴൂര്‍ പടിപ്പുര വരെ ഒന്നും പോകേണ്ട ആവശ്യമില്ല.

തെരഞ്ഞെടുപ്പു പ്രചരണ വേളയില്‍ നാടു മുഴുവന്‍ പറഞ്ഞു നടന്നിരുന്നത്, അനേക കോടി കള്ളപ്പണം പല ഇന്‍ഡ്യക്കാരും വിദേശ ബാങ്കുകളില്‍  നിക്ഷേപിച്ചുട്ടുണ്ട് എന്നായിരുന്നു. അതൊക്കെ അധികാരം ലഭിച്ചാല്‍ 100 ദിവസത്തിനകം തിരികെ കൊണ്ടു വരും എന്നായിരുന്നു വീമ്പടിച്ചതും. ഓരോ ഇന്‍ഡ്യക്കാരനും 15 ലക്ഷം വീതം വിതരണം ചെയ്യും എന്നായിരുന്നു  പറഞ്ഞു നടന്നത്. ആ 15 ലക്ഷം പ്രതീക്ഷിച്ച്  പലരും മോദിയുടെ പാര്‍ട്ടിക്ക് വോട്ടും ചെയ്തു.  ആറു മാസം കഴിഞ്ഞിട്ടും ഒറ്റ പൈസ പോലും കൊണ്ടു വന്നില്ല. പല അക്കൌണ്ടുകളിലും ഉണ്ടായിരുന്ന കള്ളപ്പണം പിന്‍വലിക്കാന്‍ നിക്ഷേപകര്‍ക്ക് സാവാകാശവും ഒത്താശയും നല്‍കി, അവസാനം സുപ്രീം കോടതി കടുത്ത നിലപാടു സ്വീകരിച്ചപോള്‍ കാലി ആക്കിയ കുറച്ച്  അക്കൌണ്ടുകളുടെ ലിസ്റ്റ് കോടതിക്ക്  നല്‍കി കോടതിയേയും കബളിപ്പിച്ചു.

ചായ വിറ്റു നടന്ന ഒരു സാധാരണക്കാരനാണ്, താന്നെന്ന് വിനീതനായി അഭിനയിക്കുന്ന മോദി ഇന്‍ഡ്യ കണ്ട  ഏറ്റവും വലിയ കാപട്യമാണ്. ചായ  വിറ്റു നടന്ന മോദി ഇന്ന് അദാനിയേയും അംബാനിയേയും പോലുള്ള കോര്‍പ്പറേറ്റുകളുടെ ദാസനാണിന്ന്. മോദിയേക്കാളും  താഴ്ന്ന നിലയില്‍ ജീവിച്ച  അദാനിയുടെ കമ്പനി മോദിയുടെ  ബിനാമി കമ്പനി ആണെന്നു സംശയിക്കേണ്ട തരത്തിലാണ്, മോദി അദാനിയെ സഹായിക്കുന്നത്.

ഇപ്പോള്‍ പുറത്തു  വരുന്ന മറ്റൊരു വാര്‍ത്ത  അതീവ ഗുരുതരമായ ഒന്നാണ്. വാരാണസിയില്‍ തെരഞ്ഞെടുപ്പു കമീഷന്‍ 3 ലക്ഷത്തിലധികം വ്യാജ വോട്ടര്‍ മാരെ കണ്ടെത്തി എന്നാണത്. എണ്ണം ഇനിയം ​കൂടാന്‍ സാധ്യത ഉണ്ടെനും പറയുന്നു.  അതില്‍ എന്തെങ്കിലും  വാസ്തവമുണ്ടെങ്കില്‍ മോദി കുതന്ത്രത്തിലൂടെ നേടിയ വിജയമാണ്, വാരാണസിയിലേതെന്ന് സംശയിക്കേണ്ടി ഇരിക്കുന്നു. ഗുജറാത്തില്‍ നേടിയ വിജയങ്ങളും ഇതുപോലെ അല്ലെന്നാരു കണ്ടു?

EC finds over 3 lakh bogus voters in Narendra Modi’s Varanasi seat

Varanasi: In a stunning revelation in Indian politics, the Election Commission has so far traced 3,11,057 fake voters who casted their votes in Varanasi in the Lok Sabha election earlier this year. The district administration is expecting the number of fake voters to reach around 6,47,085 by the end of the examination process. It is to tell you that Varanasi is the LS constituency of Prime Minister Narendra Modi, who won from the seta with 3,71,784 votes.

മഹാരാഷ്ട്ര തെരഞ്ഞെടുപ്പു പ്രചാരണവേളയില്‍ മോദി എന്‍ സി പി എന്ന പാര്‍ട്ടിയെ വിശേഷിപ്പിച്ചത് Nationally Corrupt Party എന്നായിരുന്നു. തെരഞ്ഞെടുപ്പു കഴിഞ്ഞപ്പോള്‍ ഭൂരിപക്ഷമില്ലാതിരുന്ന  ബി ജെപിക്ക് എന്‍ സി പി നിരുപാധിക പിന്തുണ കൊടുത്തു. മോദി അത് സ്വീകരിക്കുകയും ചെയ്തു.  എന്‍ സി പി പിന്തുണയോടെ വിശ്വാസ വോട്ടും നേടി.  
  
ഭരണഘടനയുടെ 370 വകുപ്പ് എടുത്തു കളയണമെന്ന്  കാഷ്മീരിനു പുറത്ത് പറഞ്ഞു നടന്ന മോദി, ഇപ്പോള്‍ കാഷ്മീരിലെ തെരഞ്ഞെടുപ്പു പ്രചാരണ സമയത്ത് ഒരിടത്തും അത് പറഞ്ഞിട്ടില്ല. എന്നു മാത്രമല്ല ഈ വകുപ്പ് എടുത്തു കളയാന്‍ ഉദ്ദേശ്യമില്ല എന്നു കൂടെ പറഞ്ഞു. 

ഇതുപോലെയുള്ള അനേകം കാപട്യങ്ങളുടെ ആകെത്തുകയാണു മോദി. 

യശോദ ബെന്‍ ഉയര്‍ത്തിയ നൈതിക പ്രശ്നത്തിലേക്ക് തിരികെ വരാം.

എന്തിനായിരുന്നു മോദി യശോദയെ ഉപേക്ഷിച്ചത്? ഇതൊരു നിയമ പ്രശ്നമായി വന്നാല്‍ മോദി ഉത്തരം പറയേണ്ടി വരും. ഇപ്പോള്‍ ഭാര്യ ആണെന്നു സമ്മതിക്കുന്ന യശോദയെ മോദിക്ക് സ്വീകരിക്കാന്‍ എന്താണു തടസം? സന്യാസി ആണെന്നു പറഞ്ഞ് തടിതപ്പാന്‍ സാധിക്കില്ല. ചെറുപ്പക്കാരി ആയ മറ്റൊരു പെണ്‍കുട്ടിയുമായി മോദിക്ക് അടുപ്പമുണ്ടായിരുന്നു. അവരെ നിരീക്ഷിക്കാന്‍ ഗുജറാത്ത് പോലീസിനെ ബാംഗളൂരിലേക്കുപോലും മോദി അയച്ചിട്ടുണ്ട്. സ്വന്തം ഭാര്യ അനാഥ ആയി ജീവിച്ച സമയത്ത്  മോദി മറ്റൊരു പെണ്‍കുട്ടിയുടെ പിന്നാലെ പോയത്  അത്ര നല്ല കാര്യമൊന്നുമല്ല.

യശോദ അവരുടെ പ്രാധാന്യം  അധികാരികളുടെ മുന്നില്‍ അവതരിപ്പിക്കുയാണു  ചെയ്യുന്നത്. മറ്റൊരു പ്രധാനമന്ത്രി ആയിരുന്ന രാജിവ് ഗാന്ധിയുടെ ഭാര്യക്ക് Z Category  സുരക്ഷ ഉള്ളപ്പോള്‍ മോദി ഭാര്യ ആണെന്നു സമ്മതിക്കുന്ന  തനിക്ക് എന്തുകൊണ്ട് അതുപോലെ സുരക്ഷ ഇല്ല എന്നാണവര്‍ ഭംഗ്യന്തരേണ ചോദിക്കുന്നത്. ഒന്നുകില്‍  അവര്‍ക്ക് Rule Book ല്‍ പറയുന്ന മുഴുവന്‍ സുരക്ഷയും നല്‍കണം. അല്ലെങ്കില്‍ ഒന്നും നല്‍കരുത്. വെറുതെ കുറച്ച് തടിമാടന്‍മാര്‍ അവര്‍ സഞ്ചരിക്കുന്നിടത്തെല്ലാം പുറകെ നടന്ന്  അവരെ അവഹേളിക്കുന്നത് ശരിയല്ല. 

ഇന്‍ഡ്യന്‍ പ്രധാന മന്ത്രിക്ക് ഭാര്യയുണ്ട്. പക്ഷെ കൂടെയില്ല. നാണം കെട്ട ഒരവസ്ഥയാണിത്. ഒന്നുകില്‍ മോദി ഔദ്യോഗികമായി ഇവരുമായുള്ള  വിവാഹബന്ധം  അവസാനിപ്പിക്കണം. എന്നു വച്ചാല്‍ മൊഴി ചൊല്ലണം.   അല്ലെങ്കില്‍ കൂടെ താമസിപ്പിക്കണം. കൂടെ താമസിപ്പിക്കാന്‍ പറ്റില്ലെങ്കില്‍ ഒന്നുകില്‍ അതെന്തുകൊണ്ടാണെന്ന് ഇന്‍ഡ്യയിലെ ജനങ്ങളെ ബോധ്യപ്പെടുത്തണം. അതിനു പറ്റില്ലെങ്കില്‍ നിയമപരമായി തന്നെ പറഞ്ഞു വിടണം.

മനുഷ്യര്‍ക്ക് മനസിലാക്കാന്‍ സാധിക്കാത്ത ഒരു കാരണമില്ലാതെ ആയിരുന്നു മോദി അവരെ ഉപേക്ഷിച്ചത്. 

എന്തുകൊണ്ട് മോദിക്ക് തന്റെ ഭാര്യയെ കൂടെ താമസിപ്പിച്ചു കൂടാ? അങ്ങനെ ചെയ്താല്‍ ആരെങ്കിലും അദ്ദേഹത്തെ കളിയാക്കുമോ? എനിക്കു തോന്നുന്നില്ല. എല്ലാവരും അദ്ദേഹത്തെ അഭിനന്ദിക്കുകയേ ഉള്ളു.  ഓരോരുത്തരുടെയും ജീവിതത്തില്‍ പലതും സംഭവിക്കാറുണ്ട്. വിവേകമുള്ളവര്‍ അതൊക്കെ മറന്ന് മുന്നോട്ടു പോകുയാണു പതിവ്. മോദിക്ക് താന്‍ ചെയ്ത ഒരു തെറ്റെങ്കിലും തിരുത്താനുള്ള അവസരമാണിത്. പക്ഷെ അദ്ദേഹത്തിന്റെ അഹന്തയും ധാര്‍ഷ്ട്യവും അതിനു സമ്മതിക്കുമെന്നു തോന്നുന്നില്ല. 

വേരുകള്‍

അടുത്ത നാളില്‍ ഇന്‍ഡ്യയിലെ ഹിന്ദുക്കള്‍ നടത്തിയ ആഘോഷമായിരുന്നു ദുര്‍ഗ്ഗാ പൂജ. കാളി എന്ന ഹിന്ദു ദേവത മഹിഷാസുരന്‍ എന്ന പൈശാചിക രാജാവിനെ കൊലപ്പെടുത്തിയതിന്റെ ഓര്‍മ്മക്ക് വേണ്ടിയുള്ള ആഘോഷമായിരുന്നു അത്. ഈ കൊലപാതകം ചിത്രീകരിക്കപ്പെട്ടിരിക്കുന്നത് ഇങ്ങനെ ആണ്.






മഹിഷാസുരന്‍ എന്ന അസുരന്റെ തല അറുത്തെടുത്ത് ഉന്മാദ അവസ്ഥയില്‍ നില്‍ക്കുന്ന ഭദ്രകാളി ആണിതിലുള്ളത്.  ഈ മഹിഷാസുരന്റെ മൈസൂരിലുളള   പ്രതിമ ഇതാണ്. 



ഈ മഹിഷാസുരന്, ദക്ഷിണേന്ത്യക്കാരന്റെ മുഖം വന്നത് യാദൃഛികമാകാന്‍  വഴിയില്ല.

അസുരന്‍ എന്നതും ദേവന്‍ എന്നതും ആര്യ പാരമ്പര്യം അവകാശപ്പെടുന്ന മതവിശ്വാസത്തിലെ രണ്ടു ശക്തികളാണ്. ആര്യമതത്തിന്റെ ഇന്‍ഡ്യന്‍ രൂപമായ സനാതന ധര്‍മ്മത്തില്‍ ദേവന്‍മാര്‍ സത്ഗുണസമ്പന്നരും അസുരന്‍മാര്‍ പൈശാചിക ഭാവമുള്ളവരുമാണ്. ഇതേ ആര്യമതത്തിന്റെ ഇറാനിയന്‍ രൂപത്തില്‍ ഇത് രണ്ടും നേരെ മറിച്ചാണുതാനും. ദേവന്‍മാര്‍ പൈശാചിക ഭാവമുള്ളവരും അസുരന്‍മാര്‍ സത്ഗുണ സമ്പന്നരും. സരതുഷ്ട്ര മതത്തിലെ പ്രധാന ദൈവം അസുരനായ മസ്ദയാണ്. ചരിത്രമെന്നോ ഭാവനയെന്നോ തീര്‍ച്ചയില്ലാത്ത പൌരാണിക കാലത്തെഴുതപ്പെട്ട ചില പുസ്തകങ്ങളിലെ പരാമര്‍ശങ്ങളാണിവ.

അതിശയോക്തി തട്ടിക്കിഴിച്ചാലും ഇതിലൊക്കെ ചരിത്രത്തിന്റെ ചില തിരുശേഷിപ്പുകളുണ്ടെന്നു പറയാതെ വയ്യ. സനാതന ധര്‍മ്മത്തിലെ പ്രധാനികളെന്നോ  നായകരെന്നോ വിളിക്കാവുന്ന ദേവന്‍മാര്‍ എതിര്‍ത്തിരുന്ന, അവര്‍ നിരന്തരം യുദ്ധം ചെയ്തിരുന്ന ഒരു കുട്ടരായിരുന്നു അസുരന്‍മാര്‍. സനാതന ധര്‍മ്മത്തിന്റെ  ആചാരാനുഷ്ടാനങ്ങളോ ആരാധനാ  രീതികളോ അവലംബിക്കാതിരുന്നവര്‍. ദേവന്‍മാരുടെ പൈതൃകം അവകാശപ്പെടുന്നവരാണ്, ഇന്നത്തെ ഹിന്ദുക്കള്‍. ഇവരുടെ മതമായിരുന്ന സനാതന ധര്‍മ്മത്തിനു പുറത്തു നിറുത്തിയിരുന്ന ഭൂരിപക്ഷം ഇന്‍ഡ്യക്കാരെയും അവര്‍ണ്ണര്‍ എന്നാണു വിളിച്ചിരുന്നത്. ഹൈന്ദവ  ദേവതയായ ഭദ്രകാളിയെ പൂജിക്കുന്ന ആരാധനയാണ്, ദുര്‍ഗ്ഗാപൂജ. ഭദ്രകാളീ മഹിഷാസുരനെ വധിച്ച ആഘോഷം. മഹിഷാസുരന്റെ പൈതൃകം അവകാശപ്പെടുന്നവര്‍ ഇന്നും ഇന്‍ഡ്യയില്‍ ഉണ്ട്. ഭദ്രകാളി വധിച്ച മഹിഷാസുരന്റെ പൈതൃകം അവകാശപ്പെടുന്ന ചില  ദളിതര്‍ അടുത്ത നാളില്‍ ദീപാവലി ആഘോഷ വേളയില്‍ മഹിഷാസുര പൂജ നടത്തി. 

ഇന്‍ഡ്യയിലെ പ്രധാന വിദ്യാലയമായ ജവഹര്‍ലാല്‍ നെഹ്‌റു സര്‍വ്വകലാശാലയിലെ വിവിധ സംസ്ഥാനങ്ങളില്‍ നിന്നുള്ള ദളിത് വിദ്യാര്‍ത്ഥികള്‍ മഹിഷാസുരന്റെ രക്തസാക്ഷിദിനവും ആഘോഷിച്ചു.

Students from various states mark Mahishasur Day at JNU

Members of the All India Backward Students’ Federation (AIBSF) observed Mahishasur martyrdom day on the Jawaharlal Nehru University campus on Monday evening.

Students from other states,including those from Bhim Rao Ambedkar University,Bihar,and Lucknow University participated.

The programme saw a discussion on the legend behind Mahishasur,the demon king who was slain by Goddess Durga.

AIBSF president Jeetendra Yadav said unlike the “common” belief that paints Mahishasur as a demon king,symbolising evil,the Asur community in Jharkhand looked at him in a different light. They believe that Mahishasur was a kind and benevolent ruler of the region,which is now a part of Bihar,Jharkhand,Orissa and West Bengal.

“

When “outsiders” came to the region,they tried to conquer it because of the fertility of the soil. Mahishasur’s forces,however,put up a fight and he could not be defeated. Seeing this and taking advantage of Mahishasur’s resolution that he will not kill animals or harm women,the surs or gods sent Durga who slayed him. Durga is called “shakti” because by killing Mahishasur she did something which the gods were unable to do,” Yadav said.

മഹിഷാസുരന്റെ പൈതൃകം അവകാശപ്പെടുന്ന ഒരു ദളിത് സമൂഹം ഇന്‍ഡ്യയില്‍ ഉണ്ട്.

Asur tribals mourn ‘martyr’ Mahishasur

As Hindus across the world observes Durga Puja or Navratri, a small group of tribals in Jharkhand are in mourning. While most celebrate Goddess Durga slaying the Demon King, the Asur tribe from Jharkhand and West Bengal will observe Mahishasur Martyrdom Day on Mahanavami and remember how an "outsider" used trickery and illusion to kill their ancestor. 


"Ravan and Mahishasur are our ancestors and the celebration of their killing by trickery must not continue the way it has for centuries," she said. "

"Tribal tales are mostly in oral form and from various Santhal, Asur and Porku folktales we have figured out that Mahishasur was a king and he was killed by Durga. The incident has never been revered in our community. Civilized society should give equal place to all perspectives." 

ഇത് സ്വാഭാവികമായും  ഹിന്ദു തീവ്ര വാദികള്‍ക്ക് രുചിച്ചില്ല. അഖില ഭാരതീയ വിദ്യാര്‍ത്ഥി പരിഷത്ത് ജെ എന്‍ യു വില്‍ പ്രശ്നങ്ങളുണ്ടാക്കി.  വിദ്യാര്‍ത്ഥി സമ്മേളനം അലങ്കോലപ്പെടുത്തി. ഹിന്ദു മതവികാരം വൃണപ്പെടുത്തി എന്നാരോപിച്ച് ദളിത് നേതാവിന്റെ പേരില്‍ കേസും  എടുത്തു. 

ദളിതര്‍ അവരുടെ വേരുകള്‍  തേടുന്നത് ഹിന്ദു തീവ്രവാദികള്‍ക്ക് സഹിക്കാന്‍ ആകുന്നില്ല. ബ്രാഹ്മണര്‍ എഴുതി വച്ചിരിക്കുന്ന ചരിത്രം സമൂഹം ചോദ്യം ചെയ്യുന്നത് അവര്‍ക്ക് ദഹിക്കില്ല. ദളിതരെ അടിച്ചമര്‍ത്തിയതിനെ സാധൂകരിക്കാന്‍ മെനഞ്ഞെടുത്ത കഥകള്‍ ഉപയോഗിച്ചായിരുന്നു സഹസ്രാബ്ദങ്ങളോളം ബ്രാഹ്മണ്യം ഇന്‍ഡ്യയിലെ ഭൂരിഭാഗം  ജനതതയേയും അവര്‍ണ്ണരെന്നു വിളിച്ച് അടിച്ചമര്‍ത്തിയിരുന്നത്. 

ബ്രാഹ്മണര്‍ എഴുതിയ ചരിത്രത്തില്‍ ദുര്‍ഗ്ഗ എന്ന ഹിന്ദു ദേവത മഹിഷാസുരന്‍ എന്ന പിശാചിനെ വധിക്കുന്നു. ബ്രാഹ്മണര്‍ ഇങ്ങനെ എഴുതിയതുകൊണ്ട് മഹിഷാസുരന്‍ പിശാചാണെന്ന് മറ്റുള്ളവരൊക്കെ വിശ്വസിക്കണം എന്നതാണവരുടെ നിലപാട്. ദുര്‍ഗ്ഗ ചെയ്ത കൊലപാതകത്തെ  ബ്രാഹ്മണ്യം വിശദീകരിക്കുന്നത് തിന്മയുടെ മേലുള്ള നന്മയുടെ വിജയം എന്ന രീതിയിലാണ്. ഇന്‍ഡ്യയിലെ ആദിമ സമൂഹത്തിലെ അനേകം രാജക്കന്‍മാരെയും ചക്രവര്‍ത്തി മാരെയും ഇതുപോലെ  വധിച്ചതായിട്ടാണ്, ബ്രാഹ്മണ്യം എഴുതിയ ചരിത്രത്തിലുള്ളത്. രാവണനും മഹാബലിയും ഒക്കെ ഈ ഗണത്തില്‍ വരും. ഇതുപോലെയുള്ള ഏക പക്ഷീയ ചരിത്രത്തെ ചോദ്യം ചെയ്യാന്‍ ഇപ്പോള്‍ അനേകര്‍ മുന്നോട്ടു വരുന്നുണ്ട്. 


മഹിഷാസുരന്റെ പൈതൃകം അവകാശപ്പെടുന്ന ദളിതരുടെ പക്ഷം മറ്റൊന്നാണ്. അവര്‍ വിശ്വസിക്കുന്നത് മഹിഷാസുരന്‍ സന്താള്‍ പ്രദേശത്ത് ജീവിച്ചിരുന്ന ഒരു ഗോത്രവര്‍ഗ്ഗ നേതാവായിരുന്നു എന്നാണ്. സനാതന  അധിനിവേശത്തെ ചെറുത്തു നിന്ന ധീര നേതാവ്. ഈ ഗോത്രം സ്ത്രീകള്‍ക്കും കുട്ടികള്‍ക്കും എതിരെ ആയുധം എടുക്കില്ല എന്നറിഞ്ഞ സനാതനികള്‍,  ഒരു സ്ത്രീയെ മഹിഷാസുരനെതിരെ യുദ്ധം ചെയന്‍ നിയോഗിച്ചു. ആ സ്ത്രീ  ആയിരുന്നു ദുര്‍ഗ്ഗ.

സനാതന ധര്‍മ്മികളുടെ പ്രധാന ആഘോഷമാണ്, രാം ലീല. രാവണന്റെ പൈതൃകം അവകാശപ്പെടുന്ന തമിഴര്‍ പണ്ട് രാവണ ലീല അഘോഷിക്കാന്‍ ശ്രമിച്ചിരുന്നു. പക്ഷെ അന്നത് ബ്രാഹ്മണ്യം പരാജയപ്പെടുത്തി.

ഇതാണ്, ഇപ്പോള്‍ ഇന്‍ഡ്യയിലെ ദളിതര്‍ തേടുന്ന വേരുകള്‍ 

ഹിന്ദുത്വയുടെ ഇന്‍ഡ്യയിലെ എണ്ണപ്പെട്ട നേതാവായ ഇന്‍ഡ്യന്‍ പ്രധാനമന്ത്രി നരേന്ദ്ര മോദിയും  അടുത്ത കാലത്ത് ചില വേരുകല്‍ തേടിപ്പോയി.

 നരേന്ദ്ര മോദിയെ അദ്ദേഹത്തിന്റെ  ആരാധകര്‍ വിശേഷിപ്പിക്കുന്നത്, പുരോഗമന വാദിയെന്നും ഇന്‍ഡ്യയെ ഈ ശാസ്ത്ര യുഗത്തില്‍ നയിക്കാന്‍ ഏറ്റവും യോഗ്യന്‍ എന്നുമൊക്കെയാണ്. അദ്ദേഹം ഗുജറാത്ത് മുഖ്യ മന്ത്രി ആയിരുന്നപ്പോള്‍ ഒരു പാഠപുസ്തകത്തിന്, അവതാരിക എഴുതിയിരുന്നു. തേജോമയ് ഭാരത്. അതിലെ പ്രതിപാദ്യ വിഷയങ്ങളില്‍ ചിലത് ആരെയും  അമ്പരപ്പിക്കുന്നതാണ്.

“…America wants to take the credit for invention of stem cell research, but the truth is that India’s Dr Balkrishna Ganpat Matapurkar has already got a patent for regenerating body parts…. You would be surprised to know that this research is not new and that Dr Matapurkar was inspired by the Mahabharata. Kunti had a bright son like the sun itself. When Gandhari, who had not been able to conceive for two years, learnt of this, she underwent an abortion. From her womb a huge mass of flesh came out. (Rishi) Dwaipayan Vyas was called. He observed this hard mass of flesh and then he preserved it in a cold tank with specific medicines. He then divided the mass of flesh into 100 parts and kept them separately in 100 tanks full of ghee for two years. After two years, 100 Kauravas were born of it. On reading this, he (Matapurkar) realised that stem cell was not his invention. This was found in India thousands of years ago.”

“We know that television was invented by a priest from Scotland called John Logie Baird in 1926. But we want to take you to an even older Doordarshan… Indian rishis using their yog vidya would attain divya drishti. There is no doubt that the invention of television goes back to this… In Mahabharata, Sanjaya sitting inside a palace in Hastinapur and using his divya shakti would give a live telecast of the battle of Mahabharata… to the blind Dhritarashtra”. -

“What we know today as the motorcar existed during the Vedic period. It was called anashva rath. Usually a rath (chariot) is pulled by horses but an anashva rath means the one that runs without horses or yantra-rath, what is today a motorcar. The Rig Veda refers to this…”

ഈ പുസ്തകത്തിലെ മറ്റൊരു പരാമര്‍ശം ഇങ്ങനെ.

“We should not demean ourselves by calling our beloved Bharatbhoomi by the shudra (lowly) name ‘India’. What right had the British to change the name of this country?… We should not fall for this conspiracy and forget the soul of our country "

“It is better to die for one’s religion. An alien religion is a source of sorrow,”

ഇന്‍ഡ്യ എന്നത് ശുദ്രന്‍മാര്‍ വിളിച്ച പേരാണെന്ന്. സനാതാന ധര്‍മ്മത്തിന്റെ ഭാഗമായിരുന്ന ശൂദ്രന്‍മാര്‍ വിളിച്ച പേരുപോലും ആഢ്യന്‍മാരെന്ന്  നടിക്കുന്ന സവര്‍ണ്ണര്‍ക്ക് അംഗീകരിക്കാന്‍ ആകുന്നില്ല.

ഈ പുസ്തകത്തിനു മോദി എഴുതിയ അവതാരികയില്‍ നിന്ന്.

“It is congratulatory that Gujarat State Board of School Textbooks is publishing writer Dinanath Batraji’s literature. It is hoped that this inspirational literature will inspire students and teachers... Seeds of values which are sown in the childhood emerge with time like a large banyan tree of idealism. Then it becomes possible to build a citizenship based on character and intelligence”


ഇതേ മോദി അടുത്തനാളില്‍ മുംബൈയില്‍ നടന്ന ഒരു ആശുപത്രി ഉത്ഘാടന വേളയില്‍ പറഞ്ഞത് ഇതായിരുന്നു. 

"We can feel proud of what our country achieved in medical science at one point of time. We all read about Karna in Mahabharat. If we think a little more, we realise that Mahabharat says Karna was not born from his mother’s womb. This means that genetic science was present at that time. That is why Karna could be born outside his mother’s womb" 

We worship Lord Ganesh. There must have been some plastic surgeon at that time who got an elephant’s head on the body of a human being and began the practice of plastic surgery

ലോകത്തെ ഏറ്റവും വലിയ ജനധിപത്യ രാജ്യത്തെ നയിക്കുന്ന വ്യക്തിയുടെ വിവരനിലവാരമാണിത് വെളിപ്പെടുത്തുന്നത്. 

ആധുനിക വിദ്യാഭ്യാസം നേടിയ അനേകം ഹിന്ദുക്കള്‍ മോദിയുടെ നിലവാരത്തില്‍ ചിന്തിക്കുന്നവരായിട്ടുണ്ട്. പക്ഷെ ഇന്‍ഡ്യന്‍ പ്രധാനമന്ത്രി സ്ഥാനത്തൊക്കെ ഇരിക്കുമ്പോള്‍  കുറച്ച് കൂടെ വിവേകത്തോടെ കാര്യങ്ങള്‍ പറയുന്നതാണ്, അഭികാമ്യം. പ്രാചീന കാലത്തെ മനുഷ്യരുടെ ഭാവനയില്‍  വിരിഞ്ഞ കാര്യങ്ങളൊക്കെ വാസ്തവമെന്നൊക്കെ പറയുന്നത്  പരിതാപകരമാണ്. 

മോദി പരാമര്‍ശിക്കുന്ന ഗണേശന്റെ രൂപം ഇതാണ്. ആനയുടെ തലയും മനുഷ്യന്റെ ഉടലുമുള്ള ഒരു രൂപം.




ഇത് പണ്ടാരോ ആനയുടെ തല വെട്ടി എടുത്ത് മനുഷ്യന്റെ ഉടലില്‍ വച്ചു പിടിപ്പിച്ച Plastic Surgery ആയിട്ടാണു മോദി പറയുന്നത്. Transplantation , plastic surgery ആണ്, എന്നൊക്കെ മോദിക്ക് ആരു പഠിപ്പിച്ചു കൊടുത്ത വിവരക്കേടാണെന്നൊന്നും ആലോചിക്കേണ്ടതില്ല. പക്ഷെ അദ്ദേഹം ഇത് പറഞ്ഞത്   ഒരു ആധുനിക ആശുപത്രിയുടെ ഉത്ഘാടന വേളയിലാണെന്നത് ഈ വിഷയത്തിന്റെ ഗൌരവം കൂട്ടുന്നുണ്ട്. അനേകം  ഡോക്ടർമാരും മറ്റ് ശാസ്ത്ര സങ്കേതിക  വിദഗ്ദ്ധരും ഉള്ള ഒരു പ്രൌഡ സദസിലാണ്,  മോദി ഈ  അസംബന്ധം പറഞ്ഞതെന്നോര്‍ക്കുക. അമ്മൂമ്മക്കഥകള്‍ പറഞ്ഞു കൊടുക്കുന്ന ഏതെങ്കിലും  ബാല വാടിയിലാണിതൊക്കെ പറഞ്ഞതെങ്കില്‍  അതര്‍ഹിക്കുന്ന സ്വാരസ്യത്തോടും ഫലിതത്തോടും കൂടി അതാസ്വദിക്കാമായിരുന്നു. ചൊവ്വയിലേക്ക് വരെ പേടകമയച്ച് നേട്ടമുണ്ടാക്കിയ ഇന്‍ഡ്യയുടെ പ്രധാനമന്ത്രി ഇതൊക്കെ ഒരു പൊതു വേദിയില്‍ പറഞ്ഞിട്ടും ഇന്‍ഡ്യയിലെ മദ്ധ്യമങ്ങളോ  ശാസ്ത്ര സദസുകളോ ഇത് ഒരു ചര്‍ച്ച ആക്കിയതുമില്ല. അതാണ്, ഞെട്ടിപ്പിക്കുന്ന വസ്തുത. പണം എല്ലാം നിയന്തിരിക്കുന്ന ഒരു വ്യവസ്ഥിതിയില്‍ എല്ലം വിലക്കെടുക്കപ്പെട്ടു കഴിഞ്ഞതോ, അതോ പേടി എല്ലാ രംഗത്തെയും ഗ്രസിച്ച് കഴിഞ്ഞതോ. 

ഭാരതീയ ഇതിഹാസങ്ങളേക്കാള്‍ പ്രാചീനമായ മറ്റ് പല ഇതിഹാസങ്ങളിലും ഗണേശ സശ്യമായ പല രൂപങ്ങളുടെയും  വര്‍ണ്ണനകളുണ്ട്. അവയില്‍ ചിലത് താഴെ.

Minotaur 





Centaur



Griffin 






യക്ഷിക്കഥകളിലെ Mermaid ഉം ഇതുപോലുള്ള മറ്റൊരു രൂപമാണ്.





ഇതൊക്കെ ശാസ്ത്രനേട്ടങ്ങളുടെ ഉദാഹരണങ്ങളായി പറയണമെങ്കില്‍ അസാമാന്യ തൊലിക്കട്ടി തന്നെ വേണം. മോദിയേപ്പോലെ ഉള്ള ഒരു തീവ്ര ഹിന്ദുവിന്, ഹൈന്ദവ വേദപുസ്തകങ്ങളിലെ പരാമര്‍ശങ്ങളെ തള്ളിക്കളയാന്‍ ആകില്ല. അതുകൊണ്ട് സ്ഥലകാല ബോധം മറന്ന് അദ്ദേഹം ഇതൊക്കെ പൊതു വേദികളില്‍ വിളിച്ചു പറയുന്നു. മോദിയെ പേടിക്കുന്നവര്‍ അതിനെതിരെ ശബ്ദിക്കാനും ഭയക്കുന്നു.

സ്വന്തം വേരുകള്‍  മറന്നു കൊണ്ട് മറ്റൊരു കൂട്ടര്‍ ഒരു ഹോട്ടല്‍ തന്നെ തല്ലിത്തകര്‍ത്തു. മോദിയുടെ പാര്‍ട്ടി ആയ ബി ജെ പിയുടെ യുവജന വിഭഗമായ യുവ മോര്‍ച്ച അടുത്ത നാളില്‍ കേരളത്തിലാണിത് ചെയ്തത്. ഹോട്ടലില്‍ വച്ച് യുവ ജനങ്ങള്‍ ചുംബിക്കുന്നു എന്നാണവരുടെ ആക്ഷേപം.  ചുംബനം ഇന്‍ഡ്യയുടെ സംസ്കാരത്തിനു നിരക്കുന്നതല്ല എന്നാണവരുടെ വാദം. ഇപ്പോള്‍ രാജസ്ഥാനില്‍ മുഖ്യമന്ത്രി ആയിരിക്കുന്ന ബി ജെ പിയുടെ ഉന്നത നേതാവ്   വസുന്ദരരാജെ സിന്ധ്യ ഒരു പൊതു വേദിയില്‍ മറ്റൊരു സ്ത്രീയെ പരസ്യമായി ചുംബിക്കുന്ന ചിത്രമാണു താഴെ. അന്ന് പക്ഷെ യുവ മോര്‍ച്ചക്ക് കുരുപൊട്ടിയതായി എങ്ങും വായിച്ച ഓര്‍മ്മയില്ല.




കേരളത്തിലെ ഹിന്ദുത്വയുടെ കാവല്‍ ഭടന്‍ രാഹുല്‍ ഈശ്വര്‍ ലോകം മുഴുവനും വീക്ഷിച്ച ഒരു ടെലിവിഷന്‍ പരിപാടിയില്‍ ചെയ്ത കാര്യങ്ങള്‍ ഇതായിരുന്നു.

ചുംബനവിഷയത്തില്‍ ഏതായാലും രാഹുലന്, ഇതു വരെ അഭിപ്രായമൊന്നും ഉണ്ടായിട്ടില്ല.

ഭാരതീയ സംസ്കാരമെന്ന് യുവ മോര്‍ച്ച പറയുന്നത്  സനാതനധര്‍മ്മത്തിന്റെ സംസ്കാരമാണെന്നതില്‍ തര്‍ക്കമില്ല.  ഇവിടെ പരാമര്‍ശിക്കുന്ന ചുംബനം ലൈംഗികതയുമായി ബന്ധപ്പെട്ടതാണ്. സനാതന ധര്‍മ്മത്തിലെ പ്രധാന ദേവനായ ശ്രീകൃഷ്ണന്‍ പരസ്യമായി രാസലീല ആടി എന്നൊക്കെ ഹിന്ദുക്കള്‍ പാടി നടക്കുന്നു. ഗോപികമാരുടെ വസ്ത്രം മോഷ്ടിച്ചെടുത്ത് അവരുടെ നഗ്നത കൃഷ്ണന്‍ ആസ്വദിച്ചത് വടക്കന്‍ പാട്ടുകളിലെ വീര ഗാഥ പോലെ ആണു ഹിന്ദുക്കള്‍  പാടി നടക്കുന്നതും.  

ഹൈന്ദവ ഇതിഹാസങ്ങളില്‍ പലയിടത്തും പരാമര്‍ശിക്കുന്ന സ്വര്‍ഗീയ വേശ്യകളാണ്, ഉര്‍വശി, മേനക , രംഭ, തിലോത്തമ എന്നിവര്‍.  ഇവരുടെ  പ്രധാന ജോലി മുനിമാരുടെ തപസിളക്കുക എന്നതായിരുന്നു.  തപസു ചെയ്യുന്ന മുനിമാരുടെ മുന്നില്‍ വന്നു നിന്ന്  ലൈംഗിക ചേഷ്ടകളോടെ നടനമാടുക ആയിരുന്നു ഇവരൊക്കെ ചെയ്തിരുന്നതും. ഇവരെ ഇതിനു നിയോഗിക്കുന്നതോ സനാതന ധര്‍മ്മത്തിലെ ദേവന്‍മാരും. ഇതുപോലെ മഹത്തായ പാരമ്പര്യമുള്ള യുവമോര്‍ച്ചക്കാരാണിപ്പോള്‍ ചുംബനം നടക്കുന്നു എന്നാരോപിച്ച് ഒരു ഹോട്ടല്‍ അടിച്ചു തകര്‍ത്തിരിക്കുന്നത്. 

സ്വന്തം വേരുകള്‍  തേടുന്ന മറ്റൊരു കൂട്ടര്‍ കൂടെ ഉണ്ട് ഇന്‍ഡ്യയില്‍. അവരുടെ നേതാവാണ്, ഡെല്‍ഹി ഇമാം ബുഖാരി. തന്റെ മകന്റെ കിരീട ധാരണത്തിന്, അദ്ദേഹം ഇന്‍ഡ്യന്‍ പ്രധാന മന്ത്രി ആയ മോദിയെ ക്ഷണിച്ചില്ല. പക്ഷെ പാകിസ്താന്‍  പ്രധാന മന്ത്രി ആയ നവാസ് ഷെരീഫിനെ ക്ഷണിച്ചു. അതിനദ്ദേഹം പറയുന്ന ന്യായീകരണം ഇതാണ്.

"Modi claims to be the prime minister of 125 crore Indians but conveniently and deliberately avoids addressing Muslims. He has shown he doesn't like us. He is the one who has been maintaining distance from the community. So, I too chose to maintain my distance,"

ഇന്‍ഡ്യയിലെ മുസ്ലിങ്ങള്‍ വിദേശികളാണെന്നും അവര്‍ പാകിസ്താനിലേക്ക് പോകേണ്ടവരണെന്നും  പറയുന്നത് സംഘ പരിവാരിലെ പലരുടെയും നയമാണെങ്കിലും, തന്റെ പ്രധാനമന്ത്രി പാകിസ്താന്‍ പ്രധാനമന്ത്രി ആണെന്ന് അതേ നാണയത്തില്‍ തിരിച്ചടിച്ചത് ഒരു ഇന്‍ഡ്യക്കാരനു ചേര്‍ന്ന നടപടി അല്ല.

ഇന്‍ഡ്യയിലെ പല മുസ്ലിങ്ങളും  അവരുടെ മാതൃരാജ്യം എന്നു വിശ്വസിക്കുന്നത് ഇന്‍ഡ്യ അല്ല. Islamic State എന്നറിയപ്പെടുന്ന പുതിയ ഇസ്ലാമിക രാജ്യമാണ്. ലോകത്തിന്റെ പല ഭാഗത്തുമുള്ള പല മുസ്ലിങ്ങളും ഇതു തന്നെയാണ വരുടെ മാരാജ്യം എന്നു വിശ്വസിക്കുന്നു. അതിനു വേണ്ടി പോരാടാന്‍ അവിടേക്കു പോകുന്നു. അവരും സ്വന്തം വേരുകള്‍  തേടിപ്പോകുന്നു. 

പടിഞ്ഞാറന്‍ നാടുകളിലൊക്കെ പരസ്യമായി കമിതാക്കള്‍ ചുംബിക്കാറുണ്ട്. അതൊക്കെ അതേ പടി ഇവിടെയും വേണോ എന്നത് ഗൌരവം അര്‍ഹിക്കുന്നതല്ലേ എന്ന  ചോദ്യം  എന്ന  പല കോണുകളില്‍ നിന്നും ഉയരുന്നുമുണ്ട്.   പുറത്തു നിന്ന് ഒന്നും കടന്നു വരാതെ കൊട്ടിയടക്കപ്പെട്ട ചില സമൂഹങ്ങള്‍ ലോകത്തുണ്ട്.  ഇറാനും സൌദി അറേബ്യയും പോലെ. അതുപോലെ വാതിലുകളൊക്കെ അടച്ചു പൂട്ടി വയ്ക്കണോ എന്നതൊക്കെ അതിന്റെ പിന്നാലെ വരുന്ന ചോദ്യമാണ്. അപ്പോള്‍ പിന്നെ പുരുഷന്‍മാരുടെ വോളി ബോള്‍ കളി കണ്ടാല്‍ സ്ത്രീയെ തുറുങ്കിലടക്കേണ്ടിയും വരും.