അള്ളായും മൊഹമ്മദും പിശാചും

അള്ളാ മുസ്ലിങ്ങളുടെ ദൈവമാണെന്നും മൊഹമ്മദ് അള്ളായുടെ പ്രവാചകനാണെന്നും എല്ലാവര്‍ക്കുമറിയം. പക്ഷെ പിശാചുമായി ഇവര്‍ക്ക് എന്തെങ്കിലും ബന്ധമുണ്ടെന്ന് ആരും കരുതില്ല. എല്ലാ മതങ്ങളിലും ദൈവവും പിശാചും എപ്പോഴും രണ്ട് ധ്രുവങ്ങളിലാണെന്നാണറിയപ്പെടുന്നത്. ചില മതങ്ങളില്‍ പിശാചുക്കളെ ആരാധിക്കുമെങ്കിലും പൊതുവെ പിശാച് ദൈവത്തിനെതിരെ ഗൂഡാലോചന നടത്തുന്ന കറുത്ത ശക്തിയാണ്. ഇസ്ലാം മതത്തിലെ പിശാച് തിന്മയുടെ പ്രതീകമാണെന്നാണു ഞാന്‍ ഇതു വരെ ധരിച്ചിരുന്നത്. പക്ഷെ ആ ധാരണ തിരുത്തുന്ന ഒരു പ്രസ്താവന അടുത്ത നാളില്‍ കണ്ടു. കാട്ടിപ്പരുത്തി എന്ന വ്യക്തി എഴുതിയ ആ അഭിപ്രായം. ​


നന്മയും തിന്മയും അല്ലാഹുവില് നിന്നു തന്നെ എന്നത് ഇസ്ലാമിന്റെ അടിസ്ഥാന വിശ്വാസം തന്നെയാണു. നമുക്ക് നന്മ എന്ന് തോന്നുന്നത് ചിലപ്പോള് ആത്യന്തികമായ നന്മ ആകണമെന്നില്ല, തിന്മയുമങ്ങിനെ തന്നെ. അങ്ങിനെ ആ നന്മയെയും തിന്മയെയും ഉള്കൊള്ളാന് കഴിയുന്നവെരെയാണു മുസ്ലിങ്ങള് എന്നു വിളിക്കുന്നത്
 

ഇത് വളരെ വിചിത്രമായ നിലപടായിട്ടാണെനിക്ക് തോന്നിയത്. തിന്മയുടെ ഉത്ഭവവും അള്ളായില്‍ നിന്നാണെന്നത് എനിക്കു പുതിയ ഒരറിവാണു. അള്ള പരമ കാരുണികനാണെന്ന് മൊഹമ്മദ് കൂടെ കൂടെ ഖുറാനില്‍ പറയുന്നുണ്ട്. അതിന്റെ കൂടെ അള്ള പരമ ദുഷ്ടനുമാണെന്നു കൂടേ കൂട്ടിച്ചേര്‍ക്കാം. അപ്പോള്‍ തെറ്റു ചെയ്യുന്നവരെ ശിക്ഷിക്കുന്നത് വിഡ്ഡിത്തമല്ലേ?

നന്മയും തിന്മയും എല്ലാം ദൈവസൃഷ്ടി എന്നത് ഒരു ഹൈന്ദവ സങ്കല്‍പ്പമാണ്. അവര്‍ അതിനെ കര്‍മ്മഫലം ​എന്നു പറയും. ഇസ്ലാമിക ദൈവമായ അള്ള തിന്മയുടെ കൂടി ഉപജ്ഞാതാവാണെന്നത് പുതിയ അറിവാണ്. ചില മനുഷ്യരെക്കൊണ്ട് നന്മ ചെയ്യിച്ച് അവര്‍ക്ക് ഹൂറികളെ വിതരണം ചെയ്യുക, ചില മനുഷ്യരേക്കൊണ്ട് തിന്മ ചെയ്യിച്ച് അവരെ തീയിലിട്ടു ചുടുക എന്നതാണല്ലേ അദ്ദേഹത്തിന്റെ ഏറ്റവും വലിയ വിനോദം!!
 

സാധാരണ മറ്റ് മതങ്ങളൊക്കെ തിന്മ ചെയ്യുന്നത് പിശാചിന്റെ പ്രേരണയാണെന്നാണു പഠിപ്പിക്കുന്നത്. ഖുറാനില്‍ പോലും ഇബിലീസാണു അവ്വയേക്കൊണ്ട് തെറ്റ് ചെയ്യിച്ചതെന്നാണു മൊഹമ്മദ് പറഞ്ഞിരിക്കുന്നത്. ഇപ്പോള്‍ കാട്ടിപ്പരുത്തി പറയുന്നു ആ ഇബിലീസ് അള്ളായുടെ കല്‍പ്പന പ്രകാരം ആദത്തെയും അവ്വയേയും തെറ്റു ചെയ്യിച്ചു അല്ലെങ്കില്‍ അള്ള തന്നെ വേഷം മാറി ഇബിലീസിന്റെ രൂപത്തില്‍ വന്ന് പണി പറ്റിച്ചു എന്നല്ലേ? അപ്പോള്‍ അള്ളായും പിശാചും ഒന്നു തന്നെ. രണ്ടു മുഖമുണ്ടെങ്കിലും.
 
മൊഹമ്മദ് താന്‍ ചെയ്ത എല്ലാ വൃത്തികേടുകളും അള്ളായുടെ ചുമലിലാണു വച്ചു കൊടുത്തത്. പക്ഷെ എല്ലാ തിന്മയും അള്ളായുടെ ചുമലില്‍ വച്ചു കൊടുത്തിരുന്നില്ല. കാട്ടിപ്പരുത്തിയൊക്കെ അത് കൂടി ചെയ്തു.

തിന്മ എന്ന് സാധാരണ മനുഷ്യര്‍ മനസിലാക്കുന്നത് ചീത്ത പ്രവര്‍ത്തികള്‍ എന്നു തന്നെയാണ്. ഇസ്ലാമില്‍ പല തിന്മകളും നല്ല പ്രവര്‍ത്തി കളാണെന്ന് പല മുസ്ലിങ്ങളും പലയിടത്തും എഴുതി കഴിഞ്ഞു. വേറെ  ഭാര്യയുള്ളപ്പോള്‍ 6 വയസായ ഐഷയെ വിവാഹം കഴിച്ചത് ഒരു തിന്മ എന്ന നിലയിലാണ്‌ മറ്റുള്ളവര്‍ കാണുന്നത്. പക്ഷെ മൊഹമ്മദ് അതിനെ ന്യായീകരിച്ചത് സ്വപ്നത്തില്‍ അള്ള ഐഷയും മൊഹമ്മദിനുള്ളതാണെന്നു കാണിച്ചു കൊടുത്തു എന്നു പറഞ്ഞും. അപ്പോള്‍ ആ തിന്മ വന്നത് ദൈവത്തില്‍ നിന്നാണെന്നു വരുന്നു.

സഹോദരിയേപ്പോലുള്ള സൈനബിനെ വിവാഹം കഴിച്ചത് തിന്മയായിട്ടാണു അറബികള്‍ പോലും കരുതിയത്. അതു കോണ്ടാണതിനെതിര്‍പ്പു വന്നതും. ആ തിന്മ ദൈവത്തില്‍ നിന്നും വന്നതാണെന്നാണു മൊഹമ്മദ് മുസ്ലിങ്ങളെ പറഞ്ഞു വിശ്വസിപ്പിച്ചത്.
 
ഈ തിന്മകള്‍ അള്ളായില്‍ നിന്നും വരാനുണ്ടായ കാരണം എന്തായിരിക്കാം?
 
അതിനുള്ള ഉത്തരം മനസിലാകണമെങ്കില്‍ ആരായിരുന്നു അള്ളാ എന്നറിയേണ്ടതുണ്ട്. യഹുദരുടെ യഹോവയും ക്രിസ്ത്യാനികളുടെ കര്‍ത്താവും തന്നെയാണ്‌ അള്ളാ എന്നാണു മൊഹമ്മദ് അവകാശപ്പെട്ടത്. അത് ശരി തന്നെയാണോ?

കാട്ടിപ്പരുത്തി തന്നെ ഖുറാനില്‍ നിന്നുമെടുത്തെഴുതിയ മൊഹമ്മദിന്റെ വാക്കുകള്‍ അതിനുത്തരം തരും. അവ താഴെ കൊടുക്കുന്നു.
 
19-25 ഇനിയൊന്നു പറയൂ, ഈ ലാത്തിന്റെയും ഉസ്സയുടെയും മൂന്നാമതൊരു ദേവതയായ മനാത്തിന്റെയും യാഥാര്ഥ്യത്തെക്കുറിച്ച് നിങ്ങള് വല്ലപ്പോഴും ചിന്തിച്ചിട്ടുണ്േടാ? ആണ്മക്കള് നിങ്ങള്ക്കും പെണ്മക്കള് ദൈവത്തിനുമാണെന്നോ? അങ്ങനെയെങ്കില് അത് വളരെ അന്യായമായ പങ്കുവെക്കല് തന്നെ. വാസ്തവത്തില് അതൊക്കെയും നിങ്ങളും നിങ്ങളുടെ പിതാക്കളും വിളിച്ച കുറെ പേരുകളല്ലാതെ യാതൊന്നുമല്ല..
 
എന്തിനാണു മൊഹമ്മദ് ഒരു ആവശ്യവുമില്ലാതെ ലാത്തിന്റെയും ഉസയുടെയും മനാത്തയുടെയും കാര്യങ്ങള്‍ പറഞ്ഞത്? അത് മനസിലാക്കാന്‍ ഈ അധ്യായത്തിന്റെ ആരംഭത്തിലേക്ക് പോകേണ്ടി വരും. ഈ അധ്യായം ആരംഭിക്കുന്നതൊരു നക്ഷത്രത്തേപ്പറ്റി പറഞ്ഞു കൊണ്ടാണ്. ശിറ എന്ന നക്ഷത്രം അറബികളുടെ ജീവിതത്തില്‍ ചെലുത്തിയിരുന്ന സ്വാധീനത്തിലേക്കത് വിരല്‍ ചൂണ്ടുന്നു. മുസ്ലിങ്ങള്‍ ഇവിടെ മൊഹമ്മദ് പറഞ്ഞ നക്ഷത്രം ജിബ്രീലാണെന്നാണു വിശദീകരിക്കുന്നത്. അതിനുശേഷം മൊഹമ്മദ് പരാമര്‍ശിക്കുന്നത് സ്വന്തം വര്‍ഗ്ഗക്കാര്‍ ആരാധിച്ചിരുന്ന മൂന്നു ദേവതകളായിരുന്നു. എന്നു വച്ചാല്‍ മൊഹമ്മദിന്റെ സ്വന്തം വര്‍ഗ്ഗം ആരാധിച്ചിരുന്നത് നക്ഷത്രങ്ങളെയും ചന്ദ്രനേയും സൂര്യനേയും മറ്റ് പ്രകൃതിയിലെ പ്രതിഭാസങ്ങളേയുമായിരുന്നു. അത് മൊഹമ്മദ് വളരെ വ്യക്തമായി പറയുന്നു.  വാസ്തവത്തില് അതൊക്കെയും നിങ്ങളും നിങ്ങളുടെ പിതാക്കളും വിളിച്ച കുറെ പേരുകളല്ലാതെ യാതൊന്നുമല്ല. അതിന്റെ അര്‍ത്ഥം മൊഹമ്മദിന്റെ സ്വന്തം ഗോത്രവും അവരുടെ പൂര്‍വികരും ആരാധിച്ചിരുന്നത് പ്രകൃതി ശക്തികളെ ആയിരുന്നു. പക്ഷെ മറ്റൊരു സത്യമുണ്ട്. മൊഹമ്മദിനു മുമ്പും മൊഹമ്മദിന്റെ കാലത്തും അറേബ്യയില്‍ ഏക ദൈവ വിശ്വാസികളായ അനേകം യഹൂദരും ക്രിസ്ത്യാനികളും ഉണ്ടായിരുന്നു. അവരുടെ ഏക ദൈവ വിശ്വാസത്തേപ്പറ്റി മൊഹമ്മദിന്റെ വര്‍ഗ്ഗക്കാര്‍ കേട്ടിരുന്നില്ല എങ്കില്‍ അവര്‍ ശരിക്കും മന്ദബുദ്ധികള്‍ തന്നെ. ഇബ്രാഹിമിന്റെ ഒരു മകന്റെ സന്തതികള്‍ ഏക ദൈവത്തിലും മറ്റൊരു മകന്റെ സന്തതികള്‍ പ്രകൃതി ശക്തികളിലും വിശ്വസിക്കുന്നു എന്നത് സാമാന്യ യുക്തിക്കു നിരക്കുന്നതല്ല. ഇബ്രാഹിമിന്റെ പാരമ്പര്യം പിന്തുടര്‍ന്ന യഹൂദരും ക്രിസ്ത്യാനികളും വേദ പുസ്തകത്തില്‍ എന്തൊക്കെ തിരുത്തല്‍ വരുത്തിയാലും ഏക ദൈവത്തില്‍ വിശ്വസിച്ചിരുന്നു.
 

അള്ളാ എന്ന് അറബികളില്‍ ചിലര്(ഖുറൈഷികള്‍) വിളിച്ചിരുന്ന ദൈവം വാസ്തവത്തില്‍ അവരുടെ ചാന്ദ്ര ദൈവം ആയിരുന്നു. അള്ളായുടെ പ്രത്യേകത അത് അവരുടെ പ്രധാന ദൈവം ആയിരുന്നു എന്നതാണ്.അള്ളായുടെ പെണ്‍മക്കളായിരുന്നു അല്‍ ലാത്തും അല്‍ ഉസയും മനാത്തയും. ഇവരെ ദേവിമാരായിട്ടാണവര്‍ കണ്ടിരുന്നതും. അള്ളാക്കും മനുഷ്യര്‍ക്കുമിടയിലെ ഇടനിലക്കാരുടെ സ്ഥാനമാണറബികള്‍ ഇവര്‍ക്ക് നല്‍കിയിരുന്നത്.  കബയില്‍ ഇവരുടെ വിഗ്രഹങ്ങളാണറബികള്‍ ആരാധിച്ചിരുന്നത്. അള്ള എന്ന ചാന്ദ്ര ദൈവവും ശിര്‍ ആ എന്ന നക്ഷത്ര ദൈവവും ആയിരിക്കാം ഇസ്ലാമിക ചിഹ്നങ്ങളില്‍ സാധാരണ കാണപ്പെടുന്ന ചന്ദ്രക്കലയും നക്ഷത്രവും.
 
 

മുസ്ലിങ്ങള്‍ ഈ ചിഹ്നങ്ങള്‍ എങ്ങനെ വന്നു എന്നതിനേക്കുറിച്ച് ഏകാഭിപ്രയക്കാരല്ല. പതിനാലാം നൂറ്റാണ്ടിലാണിത് ഇസ്ലാമിന്റെ ചിഹ്നമായതെന്ന് ചിലര്‍ വാദിക്കാറുണ്ട്. പക്ഷെ അത് എത്രത്തോളം വിശ്വസനീയമാണെന്ന് തീര്‍ച്ചപ്പെടുത്താന്‍ ആവില്ല.

ഇനി യാതൊരു പ്രകോപനവുമില്ലാതെ അല്‍ ലാത്തയും അല്‍ ഉസയും മനാത്തയും ഖുറാനില്‍ എങ്ങനെ കടന്നു കൂടി എന്നു നോക്കാം. അതിനു മൊഹമ്മദിന്റെ മറ്റ് ചില വാചകങ്ങള്‍ വായിക്കണം. അവയില്‍ ചിലതാണു താഴെക്കൊടുക്കുന്നത്.

52-54 (പ്രവാചകാ,) നിനക്കു മുമ്പ് നാം അയച്ചിട്ടുള്ള ഏതൊരു ദൈവദൂതനാവട്ടെ, പ്രവാചകനാവട്ടെ, അദ്ദേഹം അഭിലഷിക്കുമ്പോള് ആ അഭിലാഷത്തില് ചെകുത്താന് കൈകടത്തുക (എന്ന അനുഭവം) ഉണ്ടാവാതിരുന്നിട്ടില്ല. പക്ഷേ, ചെകുത്താന് എന്തു കൈകടത്തല് നടത്തിയാലും ഉടനെ അല്ലാഹു അതു മായ്ച്ചുകളയുന്നു. എന്നിട്ട് അവന്റെ സൂക്തങ്ങളെ സുഭദ്രമാക്കുകയും ചെയ്യുന്നു.

73-75 പ്രവാചകാ, നിന്നെ കുഴപ്പത്തിലകപ്പെടുത്തി, നാം അയയ്ക്കുന്ന ദിവ്യസന്ദേശങ്ങളില്നിന്നു പിന്തിരിപ്പിക്കുന്നതിനുള്ള ശ്രമത്തില് ഈ ജനം യാതൊരു വീഴ്ചയും വരുത്തിയിട്ടില്ല--നീ സ്വയംകൃത വചനങ്ങള് നമ്മുടെ പേരില് ആരോപിക്കാന് വേണടി. അങ്ങനെ ചെയ്താല് തീര്ച്ചയായും അവര് നിന്നെ സുഹൃത്തായി സ്വീകരിക്കും. നാം നിന്നെ ഉറപ്പിച്ചുനിര്ത്തിയിട്ടില്ലായിരുന്നെങ്കില്, നീ അവരുടെ പക്ഷത്തേക്ക് അല്പസ്വല്പം ചാഞ്ഞുപോവുക വിദൂരമായിരുന്നില്ല.

എന്തിനായിരുന്നു അള്ളാ ഇതുപോലെയുള്ള ദ്വയാര്‍ത്ഥപ്രയോഗങ്ങള്‍ നടത്തിയത്? അതിനു വ്യക്തമായ കാരണമുണ്ട്. പിശാചിന്റേതെന്നു പറഞ്ഞ് ഖുറാനില്‍ നിന്നും ഒഴിവാക്കിയ ചില വാചകങ്ങളുണ്ട്. ആ ഒഴിവാക്കലിനെ ന്യായീകരിക്കാനാണീ പ്രയോഗങ്ങള്‍ അള്ളായുടേതെന്നു പറഞ്ഞ് മൊഹമ്മദ് ഉള്‍പ്പെടുത്തിയത്.

ഇനി ഒഴിവാക്കിയ വാചകങ്ങള്‍ ഏതാണെന്നു നോക്കാം. ഖുറാന്റെ പരിഭാഷകളില്‍ ഇവ ലഭ്യമല്ല. ഇസ്ലാമിന്റെ ആരംഭകാലത്തെ അതിന്റെ ചരിത്രവും മൊഹമ്മദിന്റെ പ്രവര്‍ത്തികളും ക്രോഡീകരിച്ച തരാബി, ഇഷാക്ക്, ഇബന്‍ സാദ് എന്നിവര്‍ ഈ ഒഴിവാക്കിയ വാചകങ്ങളേപ്പറ്റി എഴുതിയിട്ടുണ്ട്. അവ കൂടി ഉള്‍പ്പെടുത്തിയ ആയത്ത് ഇങ്ങനെ.

An-Najm

53:19-22
Have ye thought upon Al-Lat and Al-'Uzza (19) And Manat, the third, the other? These are the high-flying cranes; verily their intercession is accepted with approval.(20) Are yours the males and His the females? (21) That indeed were an unfair division!

ഈ വാചകങ്ങള്‍ മൊഹമ്മദ് ഖുറാനില്‍ ഉള്‍പ്പെടുത്തിയതിന്റെ പിന്നിലെ രഹസ്യം മറ്റൊന്നാണ്. മൊഹമ്മദിന്റെ പുതിയ മതം വിഗ്രഹാധകരായിരുന്ന സ്വന്തം ഗിരിവര്‍ഗ്ഗക്കാര്‍ അംഗീകരിച്ചില്ല. അവര്‍ സ്വന്തം ചരിത്രത്തിലെങ്ങും കേള്‍ക്കാത്ത നുണകളായിരുന്നു മൊഹമ്മദ് പറഞ്ഞു കൊണ്ടിരുന്നത്. മൊഹമ്മദിന്റെ അനുയായികളെ അവര്‍ പീഢിപ്പിച്ചു. പീഢനം സഹിക്കാതെ പലരും പലായനം ചെയ്തു. മനം നൊന്ത മൊഹമ്മദ് അറബികളെ സന്തോഷിപ്പിക്കാനായി അവരുടെ ചില ദൈവങ്ങളെക്കൂടി അള്ളാക്കൊപ്പം ആരാധിക്കാമെന്നു പറഞ്ഞു. 

high-flying cranes എന്ന് മൊഹമ്മദ് വിശേഷിപ്പിച്ചത് അല്‍ ലാത്ത് അല്‍ ഉസ അല്‍ മനാത്ത എന്നീ ദേവിമാരെയാണ്. ഇവര്‍ ഖുറാനില്‍ പ്രത്യക്ഷപ്പെടുന്നതും അപ്രത്യക്ഷരാകുന്നതും വളരെ രഹസ്യാത്മക രീതിയിലാണ്. അള്ളയും അല്‍ ഉസയും മെക്കയിലെ പ്രധാന ദേവീ ദേവന്‍മാരായിരുന്നു. അള്ളയെ മാത്രം ഏറ്റെടുത്ത് യഹോവക്കും കര്‍ത്താവിനും ഒപ്പം ആക്കിയിട്ടും ഖുറേഷികള്‍ ഭൂരിഭാഗവും മൊഹമ്മദിനു പുറം തിരിഞ്ഞു തന്നെ നിന്നു. അതിനൊരു പരിഹാരമെന്ന നിലയിലാണു മൊഹമ്മദ് ഈ ദേവിമാരേക്കൂടി ഉള്‍പ്പെടുത്തി ആരാധിക്കാന്‍ തുടങ്ങിയത്. അതിനു ഫലമുണ്ടായി.

ഇത് കേട്ട് മെക്ക നിവാസികള്‍ സന്തുഷ്ടരായി. മൊഹമ്മദിനോടൊപ്പം അവര്‍ അള്ളായെയും ഈ ദേവിമാരെയും ആരാധിക്കാനും തുടങ്ങി. നടുകടത്തപ്പെട്ട അനുയായികള്‍ക്ക് തിരിച്ചു വരാനും സാധിച്ചു.

മൊഹമ്മദിന്റെ വര്‍ഗ്ഗ്ക്കാര്‍ ഇത് ശരിക്കുമാഘോഷിച്ചു. എതിരാളികള്‍ ഇത് മൊഹമ്മദിനെതിരെ ആയുധമാക്കി. ഏക ദൈവം എന്ന പുതിയ തത്വം പറഞ്ഞ മൊഹമ്മദിനു പിന്‍വാങ്ങേണ്ടി വന്നു എന്നവര്‍ കളിയാക്കി. അപ്പോഴാണു പറ്റിയ മണ്ടത്തരം മൊഹമ്മദിനു മനസിലായത്. ഇതിനു മുമ്പ് എല്ലാ ചെയ്തികളും അള്ളായുടെ തലയില്‍ വച്ചു കെട്ടിയ അദ്ദേഹം, ഇത് അള്ളായുടെ തലയില്‍ വച്ചു കൊടുത്താല്‍ അത്മഹത്യാ പരമാകുമെന്നു മനസിലാക്കി. സൌകര്യ പൂര്‍വ്വം അത് പിശാചിന്റെ തലയിലേക്കു വച്ചു കൊടുത്ത് തലയൂരി.
 
മാസങ്ങളോളം ബഹുദൈവങ്ങളെ അംഗീകരിക്കുന്ന ആയത്ത് ഭക്തര്‍ പാടി നടന്നു. പക്ഷെ അപ്പോഴൊന്നും അള്ളാക്കിതു മനസിലായില്ല. എങ്കിലും മുസ്ലിങ്ങള്‍ അദ്ദേഹത്തെ ദൈവമെന്നു വിളിക്കും.

മൊഹമ്മദ് പറഞ്ഞ ന്യായീകരണം എല്ലാ പ്രവാചകരെയും പിശാചിതു പോലെ പറ്റിച്ചിട്ടുണ്ട് എന്നാണ്. പക്ഷെ പിശാചിന്റെ വാക്കുകള്‍ അനുസരിച്ചതായി ഒരു പ്രവാചകന്റെ ചരിത്രവും പറയുന്നില്ല. മറ്റ് പ്രവാചകന്‍മാരെ അവഹേളിക്കാനും മൊഹമ്മദിനു മടിയുണ്ടായില്ല എന്നാണതു തെളിയിക്കുന്നത്.

അബദ്ധം മനസിലായപ്പോള്‍ ആയത്തു തിരുത്തി പിശാചിന്റെ വാക്കുകള്‍ എന്നാക്ഷേപിച്ച ഭാഗം നീക്കം ചെയ്ത് നല്ല പിള്ളയുമായി. ഒരു പക്ഷെ ഈ സംഭവമാകാം ഇസ്ലാം അറേബ്യയില്‍ സ്വീകാര്യമാകാനുള്ള ഒരു കാരണം. പിശാചിന്റെ ശക്തി അപാരം.

മൊഹമ്മദിന്റെ വാക്കുകള്‍ വിശ്വസിക്കാമെങ്കില്‍ ഇവിടെ പിശാചു ചെയ്ത പണി വളരെ പ്രശംസനീയമാണ്. അള്ളായുടെ വാക്കുകളാണെന്നു തെറ്റിദ്ധരിക്കപ്പെട്ട രീതിയില്‍ ചിലതെല്ലാം വളരെ സമര്‍ദ്ധമായി മൊഹമ്മദിന്റെ നാവില്‍ വച്ചു കൊടുത്തു. അത് ചെയ്തില്ലായിരുന്നെങ്കില്‍ ഖുറേഷികള്‍ മൊഹമ്മദ് പുതുതായി കൊണ്ടു വന്ന ദൈവത്തെയും മതത്തേയും സ്വീകരിക്കില്ലായിരുന്നു. അപ്പോള്‍ പിശാചിന്റെ കുതന്ത്രത്തിലൂടെ പ്രചാരം നേടിയതാണ്‌ മൊഹമ്മദ് സ്ഥാപിച്ച മതം.

ഇതു വഴി കാട്ടിപ്പരുത്തി അവകാശപ്പെടുന്ന തിന്മയും അള്ളയുടെ ദാനമാണെന്ന ആപ്ത വാക്യം അന്വര്‍ത്ഥമാകുന്നു.
 

പിശാചും ദൈവവും കൂടി ഒരു പോലെ പരിപാലിക്കുന്ന മതമല്ലേ വാസ്തവത്തില്‍ ഇസ്ലാം? ഒസാമ ബിന്‍ ലാദന്‍ എന്ന ഭീകരനിത്രയധികം അനുയായിളുണ്ടാകാന്‍ കാരണം അതല്ലേ? ലാദന്‍ വേള്‍ഡ് ട്രൈഡ് സെന്റര്‍ തകര്‍ത്തപ്പോള്‍ ഉയര്‍ന്ന പുകച്ചുരുളുകളില്‍ പിശാചിന്റെ മുഖം ചിലര്‍ ദര്‍ശിച്ചു എന്ന് വാര്‍ത്തകളുണ്ടായിരുന്നു. അത് ചിലരുടെ മനസില്‍ തോന്നിയ ഭാവനയാണെങ്കിലും കാട്ടിപ്പരുത്തിയുടെയൊക്കെ അഭിപ്രായം വായിച്ചാല്‍ അദ്ദേഹത്തിന്റെ മത വിശ്വാസമനുസരിച്ച് അത് ശരിയാകാന്‍ സാധ്യതയുണ്ട്.

9/11 വീഡിയോ