ചരിത്രം ആവര്‍ത്തിക്കുമ്പോള്‍

ലോക ക്രമത്തെ മാറ്റി മറിച്ച അനേകം സംഭവങ്ങള്‍ ഉണ്ടായിട്ടുണ്ട്. അതില്‍ പ്രധാനപ്പെട്ടത് സോയിയറ്റ്  യൂണിയന്‍ ഇല്ലാതായതും ലോകത്തിന്റെ മൂന്നില്‍ ഒന്നു ഭാഗത്ത് നിലനിന്നിരുന്ന കമ്യൂണിസ്റ്റാധിപത്യം  അസ്ഥമിച്ചതും ആയിരുന്നു. അതു വരെ ലോകം മുഴുവന്‍ ഒരു സമതുലിതാവസ്ഥ നില നിന്നിരുന്നു. വന്‍ ശക്തികളായിരുന്ന അമേരിക്കയുടെയോ സോവിയറ്റ് യൂണിയന്റെയോ  തോന്ന്യവാസം എളുപ്പത്തില്‍ നടപ്പിലായിരുന്നില്ല. സോവിയറ്റ് യൂണിയന്‍ ഇല്ലാതായതിനെ ആഘോഷിക്കാന്‍ ഇന്‍ഡ്യയില്‍ പോലും ആളുകളുണ്ട്. എ കെ ആന്റണി ഒരുദാഹരണം. അതുകൊണ്ട് ലോക സമാധാനത്തിനുണ്ടായ നഷ്ടമൊന്നും ആരും കണക്കിലെടുത്ത് കണ്ടിട്ടില്ല. സോവിയറ്റ് യൂണിയന്‍ ഇല്ലാതായതിന്റെ  ആദ്യത്തെ ഇര അമേരിക്ക തന്നെയാണ്. ഇസ്ലാമിക ഭീകരര്‍ അമേരിക്കയെ ആക്രമിച്ചത് അതിന്റെ പരിണിതി ആയിരുന്നു.

വര്‍ഷം 1979.  ഇറാനില്‍ ഭരണാധികാരി ആയിരുന്ന ഷാക്കെതിരെ ജന രോഷം ഒരു വിപ്ളവത്തിന്റെ രൂപം ആര്‍ജിച്ച സമയം. ഷാക്കെതിരെ സമരം നയിച്ചത് മിതവാദ മുസ്ലിങ്ങളും, ഇടതുപക്ഷ ചിന്തകരും, കമ്യൂണിസ്റ്റുകാരും ആയിരുന്നു. ഷാ നില്‍ക്കക്കള്ളിയില്ലാതെ പലായനം ചെയ്യും എന്ന അവസ്ഥ ഉണ്ടായപ്പോള്‍  തീവ്ര മുസ്ലിങ്ങള്‍  ഈ വിപ്ളവത്തെ റാഞ്ചിക്കൊണ്ടു പോയി. ഫ്രന്‍സില്‍ അഭയം തേടിയിരുന്ന തീവ്ര മുസ്ലിം പുരോഹിതന്‍ അയത്തൊള്ള ഖൊമേനി ഇറാനില്‍ തിരികെ എത്തി.  ഷാ നാടുവിട്ടപ്പോള്‍ അധികാരം പിടിച്ചടക്കി. കര്‍ക്കശമായ ശരിയയില്‍ അധിഷ്ടിതമായ ഒരു ഇസ്ലാമിക ഭരണം അവിടെ നടപ്പിലാക്കി. ഭരിക്കുന്ന  മുസ്ലിം പുരോഹിതരുടെ സംഘത്തിനു സ്വീകാര്യരായവരെ  മാത്രം തെരഞ്ഞെടുക്കുന്ന ഒരു വ്യാജ ജനാധിപത്യവും അവിടെ നടപ്പിലാക്കി. അധികാരം ലഭിച്ച ഉടനെ ഖൊമേനി ചെയ്തത്, ശരിക്കും വിപ്ളവം ജയിപ്പിച്ച ഇടതു പക്ഷക്കാരെയും, കമ്യൂണിസ്റ്റുകാരെയും, ബുദ്ധി ജീവികളെയും, അഭിപ്രായ സ്വതന്ത്ര്യത്തിനു വേണ്ടി നിലകൊണ്ടവരെയും കൊന്നൊടുക്കുകയായിരുന്നു. അമേരിക്കയെ അവര്‍ മുഖ്യ ശത്രുവും ആയി പ്രഖ്യാപിച്ചു.



ഈ സംഭവം മുസ്ലിങ്ങള്‍ കൂടുതലുള്ള രാജ്യങ്ങളില്‍ ആശങ്ക ഉണ്ടാക്കി. ഏറ്റവും കൂടുതല്‍ പേടിച്ചത് സോവിയറ്റ് യൂണിയന്‍ ആയിരുന്നു. ചെച്നിയയില്‍ ഉടലെടുത്ത ഇസ്ലാമിക  തീവ്രവാദം അവരെ അലട്ടിയിരുന്നു. ഇറാനില്‍ നിന്നും പ്രചോദനം ഉള്‍ക്കൊണ്ട് മധേഷ്യയിലെ മുസ്ലിങ്ങളും ഇസ്ലാമിക വത്കരണത്തിലേക്ക് എത്തിപ്പെടുമോ എന്ന് പേടിച്ച അവര്‍, അതിനു തടയിടാന്‍ വേണ്ടി ആയിരുന്നു, അഫ്ഘാനിസ്ഥാനിലെ ഇടതു പക്ഷ ചായ്‌വുള്ള സര്‍ക്കാരിനെ പിന്തുണച്ചതും. സോവിയറ്റ് യൂണിയന്റെ പിന്തുണയോടെ ഭരിച്ചിരുന്ന സര്‍ക്കാരിനെതിരെ അവിടെ സമരം നടന്നു.  അതിന്റെ മുന്നില്‍ നിന്നിരുന്നത് കമ്യൂണിസ്റ്റു വിരോധികളും സാധാരണ മുസ്ലിങ്ങളും ആയിരുന്നു. സോവിയറ്റ് യൂണിയൻ  അഫ്ഘാന്‍ സര്‍ക്കാരിനുള്ള പിന്തുണ പിന്‍വലിച്ചപ്പോള്‍ ആ രാജ്യം   ആഭ്യന്തര യുദ്ധത്തിലേക്ക് കൂപ്പുകുത്തി.  1992 ല്‍ എല്ലാ രാഷ്ട്രീയ പാര്‍ട്ടികളെയും ഉള്‍പ്പെടുത്തി ഒരു സര്‍ക്കാര്‍ രൂപീകരിച്ചു. ഇത് ഇഷ്ടപ്പെടാതിരുന്ന പാകിസ്താനും  ഇറാനും സൌദി അറേബ്യയും പല വിധത്തിലുള്ള വിദ്വംസക പ്രവര്‍ത്തികളും അവിടെ നടത്തി. വീണ്ടും ആഭ്യന്തര യുദ്ധത്തിലേക്ക് രാജ്യം കൂപ്പുകുത്തി.

അമേരിക്കയും സൌദി ആറേബ്യയും ഒരുമിച്ച് സോവിയറ്റ് യൂണിയനെ അഫ്ഘാനിസിഥാനില്‍ പരാജയപ്പെടുത്താന്‍ വേണ്ടി എല്ലാ രൂപത്തിലും ഭാവത്തിലുമുള്ള ഇസ്ലാമിക ഭീകര്‍ക്കും പിന്തുണ കൊടുത്തു.  അവര്‍ പിന്തുണച്ച എല്ലാ മുസ്ലിം തീവ്രവാദികളും ഭീകരരും free for all എന്ന നിലയില്‍ അഫ്ഘാനിസ്ഥാനില്‍ അഴിഞ്ഞാടി. സോവിയറ്റ് യൂണിയനെ പാഠം പഠിപ്പിക്കുക എന്നതിനപ്പുറം അഫ്ഘാനിസ്ഥാനില്‍ ഒരു സുസ്ഥിര സര്‍ക്കാര്‍ ഉണ്ടാക്കാന്‍ അമേരിക്ക ശ്രമിച്ചില്ല.  ഈ കലങ്ങിയ അന്തരീക്ഷത്തില്‍ അന്നു വരെ ലോകം അറിയാതിരുന്ന താലിബന്‍ എന്ന ഇസ്ലാമിക സംഘടന അഫ്ഘാനിസ്ഥാനില്‍ സായുധ സമരത്തിലൂടെ അധികാരം പിടിച്ചടക്കി.

താലിബന്‍ എന്നത് മദ്രസ വിദ്യാര്‍ത്ഥികളുടെ ഒരു കൂട്ടം  ആയിരുന്നു. പാകിസ്താന്‍ പ്രസിഡണ്ടായിരുന്ന സിയ ഉള്‍ ഹക്കിന്റെ ആശീര്‍വാദത്തോടെ ഐ എസ് ഐ രൂപപ്പെടുത്തിയതായിരുന്നു താലിബന്‍. അമേരിക്ക പാകിസ്ഥാനു നല്‍കിയ  സൈനിക  സഹായം ഇവരുടെ കയ്യില്‍ ഐ എസ് ഐ വഴി എത്തിയിരുന്നു. മുസ്ലിം പ്രവാചകന്‍  നടപ്പിലാക്കിയ ആദിമ കാലത്തെ  ഇസ്ലാം  നടപ്പിലാക്കുക എന്നതായിരുന്നു താലിബന്റെ ലക്ഷ്യം. അധികാരം പിടിച്ചടക്കിയ ഉടനെ അവര്‍ ഇസ്ലാമിനെ അതിന്റെ ശരിയായ അര്‍ത്ഥത്തില്‍  നടപ്പിലാക്കി. ശരിയ അതിന്റെ ആദിമ രൂപത്തില്‍ അടിച്ചേല്‍പ്പിച്ചു.




ഈ കിരാത ഭരണത്തെ അംഗീകരിച്ചത് സൌദി അറേബ്യയും  യു എ ഇ യും പാകിസ്ഥാനും മാത്രമായിരുന്നു. ലോകം മുഴുവനുമുള്ള എല്ലാ ഇസ്ലാമിക തീവ്രവാദികള്‍ക്കും ഭീകരസംഘടനകള്‍ക്കും താലിബന്‍ അഭയം നല്‍കി. അല്‍ ഖയിദ അവിടെ സുരക്ഷിതമായി പ്രവര്‍ത്തിച്ചു. 9/11 നിലൂടെ ലോകം ഇതിന്റെ പ്രഹര  ശേഷി തിരിച്ചറിഞ്ഞു. പിന്നീടുള്ളത്  ചരിത്രം.

ഇറാനില്‍ അധികാരത്തിലേറിയ ഖൊമേനി അമേരിക്കന്‍ എംബസിയിലെ ജോലിക്കാരെ തടവിലാക്കി. അതിനെതിരെ ലോക ശക്തി ആയിരുന്നിട്ടും അമേരിക്കക്ക് ഒന്നും  ചെയ്യാന്‍ സാധിച്ചില്ല. ഇറക്കിലെ ഭരണാധികാരി ആയിരുന്ന സദ്ദാം ഹുസ്സൈനെ പ്രലോഭിപ്പിച്ച് ആയുധം നല്‍കി ഇറാനെതിരെ യുദ്ധം ചെയ്യിച്ചു. 10 വര്‍ഷം യുദ്ധം ചെയ്തിട്ടും  ഇറാനെ ഒന്നും ചെയ്യാന്‍ സാധിച്ചില്ല. അവസാനം സദ്ദാം കുവൈറ്റ് പിടിച്ചടക്കിയപ്പോള്‍ അമേരിക്കക്ക് സദ്ദാമിനെതിരെ യുദ്ധം ചെയ്യേണ്ടി വന്നു. താലിബനെ സഹായിച്ച അമേരിക്ക അവര്‍ക്കെതിരെ യുദ്ധം ചെയ്തതിന്റെ മറ്റൊരു പതിപ്പായിരുന്നു ഈ യുദ്ധവും. സദ്ദാമിനെ കുവൈറ്റില്‍ നിന്നും പുറത്താക്കുന്നതില്‍ അതവസാനിച്ചില്ല. പിന്നീട് സദ്ദാമിനെ തന്നെ പുറത്താക്കാന്‍ മറ്റൊരു യുദ്ധവും നടത്തി. അതിനു വേണ്ടി ഇല്ലാത്ത ആയുധങ്ങളുടെ കഥകളായിരുന്നു അമേരിക്കയും ബ്രിട്ടനും നിരത്തിയത്.

ഈജിപ്റ്റ് എന്ന മുസ്ലിം രാജ്യത്ത് ഏകാധിപതി ആയി ഭരിച്ചിരുന്ന  മുബാറക്കിനെതിരെ അവിടെ ഒരു വിപ്ളവം അരങ്ങേറി. എല്ലാ വിഭാഗം ജനങ്ങളും  ഒരുമിച്ച് പങ്കെടുത്ത ആ മുന്നേറ്റം ജയിച്ചപ്പോള്‍ അതിന്റെ ഫലം അനുഭവിക്കാന്‍ മുന്നോട്ടു വന്നത് മുസ്ലിം ബ്രദര്‍ഹുഡ് എന്ന തീവ്ര മുസ്ലിം സംഘടന ആയിരുന്നു. അവര്‍ അധികാരത്തിലെത്തിയപ്പോള്‍ ഉണ്ടായത് ഇറാനിലും അഫ്ഘാനിസ്ഥാനിലും സംഭവിച്ചതു തന്നെ. വലിയ ഒരു വിഭാഗം ജനതയുടെ താല്‍പര്യത്തിനു വിരുദ്ധമായി ഇസ്ലാമിക ശരിയ നടപ്പിലാക്കാന്‍  അവര്‍ ശ്രമിച്ചു. അതിന്റെ ഫലമായി മറ്റൊരു വിപ്ളവത്തിലൂടെ അവര്‍ പുറത്താക്കപ്പെട്ടു.

അടുത്ത ഊഴം സിറിയയുടേതായി. അവിടത്തെ ഭരണാധികാരി ബഷാറിനെതിരെ ഒരു വ്യാജ ബഹു ജന മുന്നേറ്റമുണ്ടായി. അതിനെ പിന്തുണക്കാന്‍  അമേരിക്ക മുന്നിലുണ്ടായിരുന്നു. മറ്റ് പലയിടത്തും സംഭവിച്ചതുപോലെ അവിടെയും ഇസ്ലാമിക ഭീകര സംഘടനകള്‍ ചാടി വീണു. അമേരിക്ക ഒതുക്കി എന്നവകാശപ്പെടുന്ന അല്‍ ഖയിദയുടെ  സിറിയൻ രൂപമായ Al-Nusra Front സിറിയയുടെ  ഒരു ഭാഗം നിയന്ത്രണത്തിലാക്കി. ബഷാറിനെ റഷ്യ അകമഴിഞ്ഞ് സഹായിച്ചതുകൊണ്ട്, അദ്ദേഹം അധികാര ഭ്രുഷ്ടനായില്ല.

മറ്റൊരു ഇസ്ലാമിക തീവ്രവാദ സംഘടന ആയ   Islamic State in Iraq and the Levant (ISIS),  ഇറാക്കും സിറിയയും ചേര്‍ന്ന ഒരു ഇസ്ലാമിക് റിപ്പബ്ളിക്ക് പ്രഖ്യാപിച്ച്
സിറിയയുടെ ഒരു ഭാഗം പിടിച്ചടക്കി.  Islamic State in Iraq and the Levant (ISIS) ഇപ്പോള്‍ ഇറാക്കിനെ പിടിച്ചടക്കാന്‍  മുന്നേറുകയാണ്. അഫ്ഘാനിസ്താനില്‍ താലിബന്‍ മുന്നേറിയ അതേ രീതിയിലാണിപ്പോള്‍ അവരുടെ മുന്നേറ്റം. അവരെ  സഹായിക്കാന്‍ സൌദി അറേബ്യയും മറ്റ് ഗള്‍ഫ് രാജ്യങ്ങളുമുണ്ട്. താലിബനെ സഹായിച്ച അതേ ശക്തികള്‍.

അഫ്ഘാനിസ്താനില്‍ നടന്നതുപോലെ സിറിയയിലും ഇറാക്കിലും യുദ്ധം ചെയ്യുന്ന ജിഹാദികളില്‍ നല്ല ഒരു ഭാഗം വിദേശികളാണ്.








ജിഹാദികളില്‍ വലിയ ഒരു വിഭാഗം യുദ്ധം ചെയ്യുന്നത് എന്തിനാണെന്ന് ഈ വാര്‍ത്ത വെളിപ്പെടുത്തുന്നു.

A failed Taliban suicide bomber was arrested. While a full body search was made by police they revealed the bomber to wear a protective metal shield around his genital area. Asked for it’s purpose, his response was that he wanted to keep his penis safe after blowing himself up, so as not to have any sexual problems when he meets 72 virgins in paradise.




കാലചക്രം ഒരു വട്ടം കറങ്ങി വന്നപ്പോള്‍ അതി വിചിത്രമായ ചില കാഴ്ചകളാണിപ്പോള്‍ കാണുന്നത്.

1. അമേരിക്കന്‍ സാമ്രാജ്യം ഒന്നില്‍ നിന്നും ഒരു പാഠവും പഠിക്കുന്നില്ല.
2. അമേരിക്ക ലോകത്തെ പ്രതിസന്ധികളിലേക്ക് തള്ളിവിടുന്നു.
3. കീരിയും പാമ്പും പോലെ കഴിഞ്ഞിരുന്ന അമേരിക്കയും ഇറാനും ഇറാക്കിന്റെ കാര്യത്തില്‍ ഒരു യോജിപ്പിലെത്തുന്നു.
4. സൌദി അറേബ്യ എന്ന ഇസ്ലാമിക രാജ്യത്തിന്റെ കാപട്യം  ​മറനീക്കി  പുറത്തു വരുന്നു.  ഈജിപ്റ്റിലെ തീവ്ര ഇസ്ലാമിക സംഘടനയായ  മുസ്ലിം  ബ്രദര്‍ഹുഡിനെ എതിര്‍ക്കുന്ന അവര്‍, ഇറാക്കിലെയും  സിറിയയിലെയും അല്‍ ഖയിദയുടെ ഭാഗമായ സംഘടനയെ പിന്തുണക്കുന്നു.
5. ഇറാന്‍ മദ്ധ്യ പൂര്‍വദേശത്ത് മേല്‍ക്കൈ നേടുന്ന അവസ്ഥയിലേക്കാണു കാര്യങ്ങളുടെ പോക്ക്.

ഖത്തറും കുവൈറ്റും സൌദി അറേബ്യയും പെട്രോ ഡോളര്‍ ഒഴുക്കി സഹായിക്കുന്ന ISIS എന്ന  ഭീകരസംഘടന, പടിഞ്ഞാറന്‍  ഇറാക്കിന്റെയും കിഴക്കന്‍ സിറിയയുടെയും വലിയ ഒരു ഭാഗം  അധീനതയില്‍ ആക്കി കഴിഞ്ഞു. ഇറാക്കില്‍ അമേരിക്ക അവരോധിച്ച ഭരണ കൂടം ഷിയ മുസ്ലിങ്ങള്‍ക്ക് നിര്‍ണ്ണായക സ്വാധീനമുള്ളതാണ്. ഇറാനും സിറിയയിലെ ബഷാറും ലെബനോനിലെ ഹെസ്ബൊള്ളയും  ചേരുന്ന അച്ചു തണ്ട് സുന്നി ഭരണാധികാരികള്‍ക്ക് രുചിക്കില്ല. അതുകൊണ്ട് അമേരിക്കയുടെ മൌനാനുവാദത്തോടെ ഇവര്‍ ഇസ്ലാമിക ഭീകരരെ സഹായിച്ചു. പക്ഷെ കാര്യങ്ങള്‍ ഇപ്പോള്‍ കൈ വിട്ടു പോയിരിക്കുന്നു. ഇറാക്കിലെ ഷിയ മേധാവിത്തമുള്ള ഭരണ കൂടത്തെ ഇറാന്‍ സാഹായിക്കുമെന്ന് തീര്‍ച്ച ആയപ്പോള്‍ അമേരിക്ക ഇടപെടാന്‍ തീരുമാനിച്ചിട്ടുണ്ട്. ഗള്‍ഫ് രാഷ്ട്രങ്ങള്‍ ഇതിനെ എങ്ങനെ കാണുമെന്ന് കണ്ടു തന്നെ അറിയണം.

ഇറാക്കിന്റെ വടക്കു ഭാഗത്തുള്ള കുര്‍ദുകള്‍ ഇപ്പോള്‍ സ്വയം ഭരണ അവകാശമുള്ള ഒരു രാജ്യം പോലെ ആണ്. ISIS പ്രതിനിധീകരിക്കുന്ന സുന്നികള്‍ക്ക് വേണ്ടി ഇറാക്കിന്റെ പടിഞ്ഞാറുഭാഗത്ത് മറ്റൊരു രാഷ്ട്രം ഉണ്ടാകുന്നതില്‍ അമേരിക്കക്ക് എതിര്‍പ്പുണ്ടാകാന്‍ വഴിയില്ല. മറ്റൊരു അഫ്ഘാനിസ്ഥാന്‍ ആയിരിക്കുമതിന്റെ ഫലം.

ഇസ്ലാമിക ഭീകരതക്കെതിരെയുള്ള അമേരിക്കയുടെ യുദ്ധം എങ്ങും എത്തിയിട്ടില്ല എന്നാണീ സംഭവ വികാസങ്ങള്‍ തെളിയിക്കുന്നത്. ബുഷും പിന്നീട് ഒബാമയും കൊട്ടിഘോഷിച്ച ഈ യുദ്ധാഭാസം പരാജയം ആയെന്നു മാത്രമല്ല, അതൊരു തട്ടിപ്പുകൂടെ ആയിരുന്നു എന്നാണിപ്പോള്‍ തെളിയുന്നത്. ഇറാക്ക് ഇസ്ലാമിക ഭീകരതയുടെ കേന്ദ്രം ആണെന്നായിരുന്നു  ബുഷ് പറഞ്ഞിരുന്നത്. ഒരു പതിറ്റാണ്ടു കഴിഞ്ഞപ്പോള്‍ ഇറാക്ക് ഇപ്പോള്‍ ഇസ്ലാമിക ഭീകരതയുടെ കേന്ദ്രം ആയി മാറി എന്നതില്‍ അതിശയോക്തി ലേശം പോലും ഇല്ല. പക്ഷെ അതിന്റെ സൃഷ്ടിയില്‍ അമേരിക്കക്ക് വലിയ ഒരു പങ്കുണ്ട് എന്നത് വിരോധാഭാസം ആയി തോന്നാം. അമേരിക്കന്‍ ഇടപെടലിനു  മുന്നെ പ്രായേണ മതേതര രാജ്യങ്ങളായിരുന്നു ഇറാക്കും, സിറിയയും. അവയെ ഈ നിലയില്‍ ആക്കിയതിനു പിന്നില്‍ അമേരിക്കക്ക് വലിയ ഒരു പങ്കുണ്ട്.

അമേരിക്കയുടെ ഈ യുദ്ധാഭാസം മദ്ധ്യ പൂര്‍വദേശത്തെ കലാപകലുഷിതവും അസ്ഥിരവും ആക്കി. കൂടുതല്‍ ഭീകരരെ സൃഷ്ടിച്ചു. അമേരിക്കന്‍ സമ്പത് വ്യവസ്ഥയെ താളം തെറ്റിച്ചു.  പെട്രോ ഡോളറില്‍ ഊറ്റം കൊള്ളുന്ന മറ്റ് ഗള്‍ഫ് നാടുകളിലേക്ക് ഈ അസ്ഥിരത പടരാന്‍ അധികം സമയം വേണ്ടി വരില്ല. കാരണം അവര്‍ തീക്കൊള്ളി കൊണ്ടാണ്, തല ചൊറിയുന്നത്. കാറ്റു വിതച്ചാല്‍ കൊടുങ്കാറ്റ് കൊയ്യേണ്ടി വരും.

ഭൂരിപക്ഷം ഇസ്ലാമിക രാജ്യങ്ങളിലും ജനാധിപത്യം എന്നത് അര്‍ത്ഥ ശൂന്യമാണ്. സ്വേഛാധിപതികളെങ്കിലും മിതവാദ നേതാക്കളാണ്, ഇസ്ലാമിക ഭീകരരേക്കാള്‍  അഭികാമ്യം. ഉരുക്കു മുഷ്ടി കൊണ്ടായിരുന്നു ഭരിച്ചിരുന്നതെങ്കിലും, സദ്ദാം ഹുസ്സൈന്‍ തന്നെ ആയിരുന്നു ഇറാക്കിനു യോജിച്ച ഭരണാധികാരി.  ജനാധിപത്യം ഇവര്‍ക്ക് കുരങ്ങന്റെ കയ്യില്‍ കിട്ടിയ പൂമാല പോലെയാണ്. എല്ലാ വിഭാഗം  ജനങ്ങളെയും ഉള്‍ക്കൊണ്ട് ഭരിക്കാന്‍ ശേഷിയുള്ള ആരും ഈ നാടുകളില്‍ ഇല്ല. ഓരോ ജനതക്കും അവര്‍ അര്‍ഹിക്കുന്ന  ഭരണാധികാരികളെ ലഭിക്കും.

ഏകാധിപതികള്‍ക്കെതിരെ സമരം ചെയ്ത ഇസ്ലാമിക ലോകത്തിന്റെ ഏക ലക്ഷ്യം ജനാധിപത്യമായിരുന്നു. ഏതെങ്കിലും തരത്തിലുള്ള ജനാധിപത്യം അവര്‍ക്ക് മതി ആയിരുന്നു. അവിടെയാണവര്‍ക്ക് പിഴച്ചത്. സാമൂഹ്യ നീതിയില്‍ അധിഷ്ടിതമായി അഭിമാനത്തോടെ ജീവിക്കാനുള്ള അവകാശമാണു ലക്ഷ്യം വയ്ക്കേണ്ടത്. ഇത്  ഉറപ്പാക്കാത്ത  ജനാധിപത്യം അര്‍ത്ഥശൂന്യമാണ്. നിര്‍ഭാഗ്യ വശാല്‍ ഇസ്ലാമിക ലോകത്തെ ജനാധിപത്യം ഇതുപോലെ അര്‍ത്ഥശൂന്യമാണ്. ഇതിന്റെ കാരണം അവര്‍ ലക്ഷ്യം വയ്ക്കുന്നത് മദ്ധ്യ ശതകങ്ങളില്‍ ഉണ്ടായിരുന്നു എന്ന് പറയപ്പെടുന്ന ഖിലാഫത്ത് ഭരണമാണെന്നതും. അതുകൊണ്ട് നാടുകള്‍ വെട്ടിപ്പിടിച്ചും അനേകരെ കൊന്നൊടുക്കിയും മുന്നേറിയവരെ ഇവര്‍ വീരന്‍മാരായി കൊണ്ടാടുന്നു. അറേബ്യക്ക് പുറത്തുള്ള രാജ്യങ്ങളൊക്കെ വെട്ടിപ്പിടിച്ച്, അവിടത്തെ സംസ്കാരങ്ങളെ  നശിപ്പിച്ച്, അറബി ഭാഷ അടിച്ചേല്‍പ്പിച്ച്, മറ്റ് മത വിശ്വാസങ്ങളൊക്കെ ഇല്ലാതാക്കി  ഇസ്ലാമിക സാമ്രാജ്യം സ്ഥാപിച്ച  ഖലീഫമാരൊക്കെ ഇവര്‍ക്ക് ഇന്നും മാതൃകാ പുരുഷന്‍മാരാണെന്നോര്‍ക്കുക. കൊച്ചുകുട്ടികളെ പോലും ആയുധം നല്‍കി സമര സജ്ജരാക്കുന്നതിന്റെ മനശാസ്ത്രം ഈ വീരാരാധനയാണ്.



ഇവര്‍ തെരഞ്ഞെടുക്കുന്ന ഏത് ഭരണാധികാരിയും നടപ്പിലാക്കുന്നത് ഏഴാം നൂറ്റാണ്ടിലെ അറേബ്യയില്‍ മൊഹമ്മദ് നടപ്പിലാക്കിയ ശരിയ എന്ന നിയമ വ്യവസ്ഥയാണ്. അവിടെ ഇവരുടെ ജനാധിപത്യം  അവസാനിക്കുന്നു. കാലത്തിനനുസരിച്ച് മാറ്റമുണ്ടാകുന്ന ഒരു നിയമവ്യവസ്ഥയേപറ്റി  മുസ്ലിങ്ങള്‍ക്ക് ചിന്തിക്കാന്‍ സാധിക്കില്ല. അതുകൊണ്ട് ഇസ്ലാമിക ലോകത്ത് കാലം ​നിശ്ചലമാണ്.

 മുല്ലപ്പൂ വിപ്ളവം എന്ന പേരില്‍ ഇസ്ലാമിക ലോകത്ത്  അരങ്ങേറിയ സംഭവവികാസം ഇസ്ലാമിക ലോകത്തിനു സമ്മാനിച്ചത്  അവസാനിക്കാത്ത ദുരിതമാണ്.  ഇസ്ലാമിക തീവ്രവാദവും ഭീകരവാദവും മുമ്പെങ്ങുമില്ലാത്ത വിധം ശക്തി പ്രാപിച്ചു.

മദ്ധ്യ പൂര്‍വദേശം അരക്ഷിതമാകുമ്പോള്‍ ഊര്‍ജ്ജാവശ്യത്തിന്, എണ്ണ ഇറക്കുമതിയെ ആശ്രയിക്കുന്ന ഇന്‍ഡ്യന്‍ സമ്പത് വ്യവസ്ഥ  താളം തെറ്റാനുള്ള എല്ലാ സാധ്യതയും ഉണ്ട്. ഇറക്കുമതി ചെയ്യുന്ന എണ്ണക്ക് വില കൂട്ടേണ്ടി വരും. ആ വിടവില്‍ ഇന്‍ഡ്യയില്‍ നിന്നും കുഴിച്ചെടുക്കുന്ന എണ്ണക്കും പ്രകൃതി വാതകത്തിനും വില കൂട്ടി നല്‍കാന്‍ അംബാനി ശഠിക്കും. ഇന്‍ഡ്യന്‍ പ്രധാന മന്ത്രി മോദിക്ക് അത് സമ്മതിക്കേണ്ടിയും  വരും.