സമകാലിക പ്രശ്നങ്ങള്‍

റോഡപകടങ്ങളുടെ സ്വന്തം നാട് !!!!.

ആദരാജ്ഞലികള്‍

മുണ്ടുരിഞ്ഞുള്ള പീഡനം.

ഗാന്ധിയും അംബെദ്ക്കറും ചാതുര്‍വണ്യവും

ഇന്‍ഡ്യക്ക് അനുയോജ്യം ആണവ വൈദ്യുതിയോ?

നാലാമിടത്തിലെ എട്ടാമിടങ്ങള്‍

എ ജി യെ എന്തിനു ക്രൂശിക്കണം?

വെള്ളമോ ജീവനോ പ്രധാനം?

വള്ളക്കടവിലെ ആക്ഷന്‍ പ്ളാന്‍.

Life is Beautiful

പ്രശ്നം കോടതിയിലാണ്.

ചങ്ങലക്ക് ഭ്രാന്തു പിടിക്കുമ്പോള്‍

ശുംഭനും കാമ ഭ്രാന്തനും

സന്തോഷ് പണ്ഡിറ്റും പൊറോട്ടയും

പരാജയപ്പെട്ട പുണ്യാളന്‍

തനിയാവര്‍ത്തനം

ഐക്യജനാധിപത്യമുന്നണിയുടെ പൂഴിക്കടകന്‍

ഇസ്ലാമിക ലോകത്തെ പുതിയ വിപ്ളവം

2012-01-28T21:55:00.000-08:00

സാമൂഹ്യ പുരോഗതിയുടെ കാര്യത്തില്‍ കേരളം അസൂയാവഹമായ നേട്ടങ്ങള്‍ കൈ വരിച്ചിട്ടുണ്ട്. പക്ഷെ ചില കാര്യങ്ങളില്‍ കേരളം വളരെ പിന്നിലാണ്. അതിലൊന്നാണ്‌ റോഡ് സുരക്ഷ. റോഡ് സുരക്ഷ ഇത്ര നിസാരമായി തള്ളിക്കളയുന്ന ഒരു ജനത വേറെയുണ്ടെന്നു തോന്നുന്നില്ല.സാക്ഷര കേരളത്തിനെന്തു പറ്റി?

ഇന്നത്തെ മലയാള മനോരമ റിപ്പോര്‍ട്ട് ചെയ്ത ഒരു വാര്‍ത്തയാണു ചുവടെ.

2011 ല്‍ വഴിയില്‍ വീണുടഞ്ഞ ജീവന്‍ 4100.

>>>>തിരുവനന്തപുരം: സംസ്ഥാനത്ത് റോഡപകടങ്ങളില്‍ ഒരു വര്‍ഷം മരിക്കുന്നവരുടെ എണ്ണം ആദ്യമായി നാലായിരം കടന്നു. കഴിഞ്ഞ വര്‍ഷം 35,208 അപകടങ്ങളിലായി 4098 ജീവനുകളാണു പൊലിഞ്ഞത്.<<<<

ഈ റിപ്പോര്‍ട്ട് പ്രസിദ്ധീകരിച്ചതിനൊപ്പം വായിച്ച മറ്റ് ചില വാര്‍ത്തകള്‍ കൂടി.

ദേശീയപാതയില്‍ രാത്രി ബൈക്ക് അപകടം; രണ്ടു യുവാക്കള്‍ രക്തം വാര്‍ന്നു മരിച്ചു

>>>>ആറ്റിങ്ങല്‍: ദേശീയപാതയില്‍ രാത്രി ബൈക്ക് അപകടത്തില്‍പ്പെട്ട സുഹൃത്തുക്കള്‍ ആരാലും ശ്രദ്ധിക്കപ്പെടാതെ രക്തം വാര്‍ന്നു മരിച്ചു. നാവായിക്കുളം ഹയര്‍ സെക്കന്‍ഡറി സ്കൂളിനു സമീപം ശ്രീനിലയത്തില്‍ പരേതനായ രവീന്ദ്രന്‍ നായരുടെ മകന്‍ ശ്രീകാന്ത് (31), നാവായിക്കുളം നൈനാംകോണം ഷിജു മന്ദിരത്തില്‍ ഗോപാലകൃഷ്ണന്റെ മകന്‍ ഷിജു (കുട്ടന്‍- 31) എന്നിവരാണു മരിച്ചത്.<<<<

മധുരയ്ക്കുസമീപം വാഹനാപകടം; പൊല്‍പ്പുള്ളിസ്വദേശികളായ രണ്ടുപേര്‍ മരിച്ചു

>>>>>മധുരയ്ക്കടുത്ത് തിരുവോണത്ത് വാഹനാപകടത്തില്‍ പൊല്‍പ്പുള്ളിസ്വദേശികളായ രണ്ട് ലോറിഡ്രൈവര്‍മാര്‍ മരിച്ചു.

പൊല്‍പ്പുള്ളി പാപ്പാങ്ങോട് പരേതനായ ദേവദാസിന്റെ മകന്‍ രാമദാസ് (33), വേര്‍കോലി കണ്യാര്‍കുളമ്പ് ഗണേശന്റെ മകന്‍ സുനില്‍ (27) എന്നിവരാണ് മരിച്ചത്.

തിരുവോണത്തിനടുത്ത് റോഡരികില്‍ നിര്‍ത്തിയിട്ടിരുന്ന മറ്റൊരുലോറിയില്‍ ഇരുവരും സഞ്ചരിച്ചിരുന്ന വാഹനം ഇടിച്ചു. <<<<<

കാര്‍ കുളത്തിലേക്ക് മറിഞ്ഞ് രണ്ട് മലയാളി എന്‍ജി. വിദ്യാര്‍ഥികള്‍ മരിച്ചു

>>>>>ചെന്നൈ: കാര്‍ നിയന്ത്രണം വിട്ട് റോഡരികിലെ കുളത്തിലേക്ക് മറിഞ്ഞ് രണ്ടു മലയാളി എന്‍ജിനീയറിങ് വിദ്യാര്‍ഥികള്‍ മരിച്ചു.എസ്.ആര്‍.എം.എന്‍ജിനീയറിങ് കോളേജില്‍ മൂന്നാം വര്‍ഷ മെക്കാനിക്കല്‍ വിദ്യാര്‍ഥികളായ ആലപ്പുഴ മുല്ലക്കല്‍ അമ്മന്‍കോവില്‍ സ്ട്രീറ്റില്‍ ആര്‍. ശ്രീനിവാസന്റെയും രതി ശ്രീനിവാസന്റെയും എക മകന്‍ ആകാശ് (20) തൃശ്ശൂര്‍ മിഷന്‍ ആസ്പത്രിയില്‍ അസോസിയേറ്റ് പ്രൊഫ. ജെറി ഇരാളിയുടെയും അമല ആസ്പത്രിയില്‍ റിസേര്‍ച്ച് വിഭാഗത്തിലെ കെസിയ ജെറിയുടെയും എക മകന്‍ ജോസഫ് ഇരാളി (20) എന്നിവരാണ് മരിച്ചത്. <<<<<

സ്വകാര്യബസിനടിയില്‍പ്പെട്ട്‌ വഴിയാത്രക്കാരന്‍ മരിച്ചു

>>>>>കുമരകം: വഴിയാത്രക്കാരനായ മധ്യവയസ്‌കന്‍ ഇടുങ്ങിയ കലുങ്കില്‍ സ്വകാര്യ ബസിനടിയില്‍പ്പെട്ടു മരിച്ചു. കുമരകം മട്‌ലേച്ചിറ ശശിധരന്‍ (65) ആണ്‌ ദാരുണമായി മരിച്ചത്‌..<<<<

ഓട്ടോറിക്ഷയും ലോറിയും കൂട്ടിയിടിച്ച്‌ യുവാവു മരിച്ചു

>>>>>കടുത്തുരുത്തി: ഓട്ടോറിക്ഷയും ലോറിയും കൂട്ടിയിടിച്ച്‌ ഓട്ടോ ഡ്രൈവറായ യുവാവു മരിച്ചു. ഓട്ടോയാത്രികരായ രണ്ടു യുവാക്കള്‍ പരുക്കുകളോടെ അത്ഭുതകരമായി രക്ഷപ്പെട്ടു.

കടുത്തുരുത്തി പാലകര പുഞ്ചമുള്ളില്‍ പി.ടി. ബിജു (39) ആണ്‌ മരിച്ചത്‌. ഇരവിമംഗലം കാരുവേലില്‍ ജോബി (26), വാലാച്ചിറ വഞ്ചിപ്പുരയ്‌ക്കല്‍ നിജോ (28) എന്നിവര്‍ക്കാണു പരുക്കേറ്റത്‌. ഇന്നലെ ഉച്ചകഴിഞ്ഞു മൂന്നുമണിയോടെ കുറുപ്പന്തറ പുളിന്തറ വളവിനു സമീപമായിരുന്നു അപകടം.<<<<<

2012-01-24T13:45:00.000-08:00

അഴീക്കോട് മാഷിന്‌ ആദരാജ്ഞലികള്‍

2012-01-23T06:39:00.000-08:00

കേരളത്തില്‍ എത്ര മുസ്ലിങ്ങളുണ്ട്? ചില മുസ്ലിങ്ങളോട് ചോദിച്ചാല്‍ ഉത്തരം റെഡി. പ്രത്യേകിച്ച് കരിനാക്കുള്ള മുസ്ലിങ്ങളോട് ചോദിച്ചാല്‍ വളരെ കൃത്യമായി പറഞ്ഞു തരും. കേരള മുസ്ലിങ്ങളുടെ അഭിമാനത്തിന്റെ അടിയാധാരവും മേലാധാരവും കയ്യിലുള്ള കരിനാക്കന്‍മാരുടെ അഭിപ്രായത്തില്‍ അവര്‍ 258 പേരേ ഉള്ളു.

ഇപ്പോള്‍ ഈ കണക്കെടുപ്പു നടത്താനുള്ള കാരണം, ഒരു പ്രത്യേക തരം മുസ്ലിം പീഢനം കേരളത്തില്‍ നടക്കുന്നു എന്ന തോന്നലില്‍ നിന്നാണ്. അതാണ്, മുണ്ടുരിഞ്ഞുള്ള പീഡനം. മുസ്ലിം പേരുള്ള ആരോട് എന്തു പറഞ്ഞാലും ആര്‍ക്കെതിരെ എന്ത് ആരോപണം വന്നാലും, ഉടന്‍ ഇരയാക്കപ്പെടുന്നു പീഢിപ്പിക്കപ്പെടുന്നു എന്ന കരച്ചില്‍ തുടങ്ങും. ഈ ശ്രേണിയിലെ ഏറ്റവും പുതിയ എപിസോഡാണ്, മുണ്ടുരിഞ്ഞുള്ള പീഡനം.

ഈ കരച്ചിലിലേക്ക് നയിച്ച സംഭവഗതികള്‍ ഇങ്ങനെ.

മുസ്ലിം ലീഗിനെ എതിര്‍ക്കുന്ന മുസ്ലിങ്ങളുടെ പ്രസിദ്ധീകരണമായ മാധ്യമം എന്ന പ്രസിദ്ധീകരണത്തില്‍ കേരള മുസ്ലിംകളുടെ ഇ-മെയില്‍ ചോര്‍ത്തുന്നു എന്ന പേരില്‍ അതിശയോക്തിപരമായ ഒരു ലേഖനം വന്നു. ഈ ലേഖകന്‍ പറയുന്നത്, കേരള സര്‍ക്കാര്‍ കുറച്ചു മുസ്ലിങ്ങളെ തെരഞ്ഞുപിടിച്ച് നോട്ടപ്പുള്ളികളാക്കി എന്നാണ്. ഒരു മാദ്ധ്യമപ്രവര്‍ത്തകന്‍ വെറും ഗോസിപ്പ് കോളമെഴുത്തുകാരനാകുന്ന ദയനീയ കാഴ്ച്ചയാണീ ലേഖ നം വായിച്ചാല്‍ കാണാനാകുക. ഈ മെയില്‍ ഐ ഡി കളുടെ ഉടമസ്ഥര്‍ എങ്ങനെ എന്തുകൊണ്ട് നോട്ടപ്പുള്ളികളായി എന്ന് ഈ ലേഖനത്തിലൊരിടത്തും പറയുന്നില്ല. എന്നു വച്ചാല്‍ അത് വളരെ സമര്‍ദ്ധമായി മുക്കിക്കളഞ്ഞു.

വിജു വി നായര്‍ എഴുതിയത് ഇതായിരുന്നു.

>>>>>ക്രൈം എന്‍ക്വയറി സെല്ലിന്റെ അസിസ്റ്റന്‍റ് കമാന്‍ഡന്‍റിന്‌ ഒരു കത്തയച്ചത്രെ. കത്തിനൊപ്പം നല്‍കിയിട്ടുള്ള നീണ്ട പട്ടികയിലെ വ്യക്തികളുടെ ഇ- മെയില്‍ ഐ.ഡികള്‍ പരിശോധിക്കുക, അവരുടെ ലോഗ് ഇന്‍ വിശദാംശങ്ങള്‍ ബന്ധപ്പെട്ട മെയില്‍സര്‍വീസ് പ്രൊവൈഡര്‍ കമ്പനികളില്‍നിന്ന് സംഘടിപ്പിക്കുക എന്നിവയാണ് കത്തിലെ ആവശ്യം.

അവരുടെ ഇലക്ട്രോണിക് വിനിമയത്തിന്റെ ലോഗ്-ഇന്‍ വിവരങ്ങള്‍ ശേഖരിക്കുക എന്നു പറയുമ്പോള്‍ പാസ്വേര്‍ഡ് അടക്കമുള്ള സ്വകാര്യചാവികള്‍ അവരറിയാതെ പൊലീസിനു ലഭ്യമാക്കുക എന്നാണര്‍ഥം.<<<<

ഈ ആവശ്യത്തോട്, ബന്ധപ്പെട്ട മെയില്‍സര്‍വീസ് പ്രൊവൈഡര്‍മാര്‍ എങ്ങനെ പ്രതികരിച്ചു എന്നത് മാദ്ധ്യമത്തില്‍ വന്ന മറ്റൊരു റിപ്പോര്‍ട്ടിലുണ്ട്.

>>>>പട്ടികയില്‍ പെട്ടവരുടെ വിനിമയങ്ങളുടെ പകര്‍പ്പുകള്‍ ചേര്‍ത്തുള്ള വിപുലശേഖരമാണ് കൈമാറിയതെന്ന് കമ്പനി വക്താക്കള്‍ പറയുന്നു. വിപുല വിവരങ്ങള്‍ അടങ്ങിയ ഏഴു ജിഗാ ബൈറ്റുള്ള സീഡികള്‍ ഹൈടെക് സെല്‍ ഡിവൈ.എസ്.പി വിനയകുമാരന്‍ നായരുടെ നേതൃത്വത്തിലെ അഞ്ചംഗ സംഘം ഇപ്പോള്‍ പരിശോധിച്ചുവരുകയാണ്.<<<<<

ഇതെങ്ങനെ ഇ മെയില്‍ ചോര്‍ത്തലാണെന്ന് എത്ര ആലോചിച്ചിട്ടും എനിക്ക് പിടികിട്ടുന്നില്ല.

അവരുടെ ഇലക്ട്രോണിക് വിനിമയത്തിന്റെ ലോഗ്-ഇന്‍ വിവരങ്ങളോ പാസ്‌വേര്‍ഡ് അടക്കമുള്ള സ്വകാര്യചാവികളോ അവരറിയാതെ പൊലീസിനു ലഭ്യമാക്കിയതായി ഈ ലേഖനത്തില്‍ പറയുന്നില്ല. പകരം ഇ മെയില്‍ വിനിമയങ്ങളുടെ വിശദാംശങ്ങള്‍ കൈ മാറി എന്നേ ഉള്ളു.

ഇതില്‍ നിന്നും സുബോധമുള്ളവര്‍ മനസിലാക്കുക, പോലീസിന്‌ പാസ്‌വേഡ് ലഭിക്കുകയോ ആരുടെയെങ്കിലും ഇ മെയിലില്‍ പോലീസ് അതിക്രമിച്ചു കയറുകയോ ചെയ്തിട്ടില്ല എന്നാണ്.

ഈ സി ഡിയിലുള്ളത് ആരുടെയും പാസ് വേഡ് ഉള്‍പ്പടെയുള്ള ലോഗ് ഇന്‍ വിവരങ്ങള്‍ ഉപയോഗിച്ച്, ഇ മെയിലില്‍ അതിക്രമിച്ചു കയറി ശേഖരിച്ചവയല്ല. തികച്ചും നിയമാനുസൃത മാര്‍ഗ്ഗത്തിലൂടെ ബന്ധപ്പെട്ട മെയില്‍സര്‍വീസ് പ്രൊവൈഡര്‍ കമ്പനികളില്‍നിന്ന് ഔദ്യോഗികമായി ശേഖരിച്ചവയാണ്.

ഇ മെയില്‍ ചോര്‍ത്തുന്നതെങ്ങനെ, എന്നതിനേപ്പറ്റി അടിസ്ഥാന വിവരമുള്ള ആരും ഇത് ഇ മെയില്‍ ചോര്‍ത്തലാണെന്ന് പറയില്ല.

മുസ്ലിങ്ങളെ മുണ്ടുരിഞ്ഞ് പീഡിപ്പിക്കുന്നേ എന്ന് കരയുന്ന എല്ലാവരും എന്തു കൊണ്ട് ഈ അന്വേഷണം വേണ്ടി വന്നു എന്ന് മനസിലാക്കിയിട്ടും, മനപ്പൂര്‍വ്വം അത് തമസ്കരിക്കുന്നു.

ആരാവശ്യപ്പെട്ടാലും ഒരു സര്‍വീസ് പ്രൊവൈഡറും ഒരാളുടെയും പാസ് വേഡ് കൊടുക്കില്ല. അങ്ങനെ കൊടുത്താല്‍ അവരുടെ വിശ്വാസ്യത തകരും. നിലനില്‍പ്പുമില്ലാതാകും. ഇ മെയിലിലുള്ള വിശദാംശങ്ങള്‍ ആവശ്യപ്പെടുന്ന അധികാരികള്‍ക്ക് എല്ലാവരും കൈ മാറാറുണ്ട്. അതൊന്നുമിന്നലെ തുടങ്ങിയതല്ല.

കേരള പോലീസിന്റെ ഇന്റെലിജെന്‍സ്‌ വിഭാഗം ഈ ഇമെയില്‍ ഐ ഡി കളെ പറ്റി അന്വേഷണം നടത്തുന്നതിനു പല കാരണങ്ങളുണ്ടാകാം. എന്തുകൊണ്ടാണവര്‍ ഇത് ചെയ്തതെന്നു ഇതു വരെ പുറത്തു പറഞ്ഞിട്ടില്ല. കേഅസന്വേഷണം തീരുന്നതു വരെ അത് പുറത്തു പറയാനും പോകുന്നില്ല. അതു വരെ ആരോപണങ്ങളും പ്രത്യാരോപണങ്ങളും ഉണ്ടാവും.

കുറ്റവാളിയെന്ന് പോലീസ് സംശയിക്കുന്ന ഒരു ക്രിമിനലിന്റെ പക്കല്‍ നിന്ന് കുറെ ഇ മെയില്‍ വിലാസങ്ങള്‍ കിട്ടി. അത് ആരുടെയൊക്കെ എന്നും അവരുമായി ഇയാള്‍ നടത്തിയ ആശയവിനിമയങ്ങള്‍ എന്തൊക്കെയെന്നും അന്വേഷിക്കുന്നത് കുറ്റാന്വേഷണത്തിന്റെ ഭാഗമാണ്. അറസ്റ്റ് സംശയിക്കപ്പെട്ടയാള്‍ മുസ്ലിമാണ്. സ്വാഭാവികമായും അയാളുമായി ബന്ധപ്പെടുന്നവര്‍ കൂടുതലും മുസ്ലിങ്ങളായി പോയി. അത് കേരള പോലീസിന്റെയോ കേരള സര്‍ക്കാരിന്റെയോ മറ്റ് മലയാളികളുടെയോ കുഴപ്പമല്ല. ഭൂരിഭാഗവും മുസ്ലിങ്ങളുടെ ഐ ഡി സൂക്ഷിച്ച ആ വ്യക്തിയുടെ കുറ്റമാണ്. അത് മുസ്ലിങ്ങളുടെ പൊതു സ്വഭാവവുമാണ്. ഭൂരിഭാഗം മുസ്ലിങ്ങളും മുസ്ലിങ്ങളുമായേ ചെങ്ങാത്തം കൂടൂ.

അദ്ദേഹത്തില്‍ നിന്നും ലഭിച്ച 268 ഇ മെയില്‍ ഐ ഡികളില്‍ 258 ഉം
മുസ്ലിങ്ങളു ടേതായി പോയതിന്‌ കേരള പോലീസിന്റെ മേല്‍ കുതിര കയറിയിട്ട് കാര്യമില്ല.

വിദ്വംസക പ്രവര്‍ത്തനം നടത്തുന്നതിനു തെളിവുകളുള്ള ഒരാളുടെ പക്കല്‍ കേരളത്തിലെ അനേകം മുസ്ലിം നേതാക്കളുടെ ഇ മെയില്‍ വിലാസങ്ങള്‍ എങ്ങനെ വന്നു?

അവരുടെ ഇലക്ട്രോണിക് വിനിമയത്തിന്റെ ലോഗ്-ഇന്‍ വിവരങ്ങളും പാസ്‌വേര്‍ഡ് അടക്കമുള്ള സ്വകാര്യചാവികളും അവരറിയാതെ പൊലീസിനു ലഭ്യമാക്കിയിരുന്നെങ്കില്‍ ഏഴു ഗിഗാ ബൈറ്റുള്ള ഒരു സി ഡി നല്‍കേണ്ട ആവശ്യമില്ല. ഒന്നോ രണ്ടൊ പേജില്‍ നല്‍കാവുന്ന വിവരങ്ങളേ അതിനു വേണ്ടൂ. ബാക്കി പോലീസ് കണ്ടു പിടിച്ചുകൊള്ളും. ഏഴു ഗിഗാ ബൈറ്റുള്ള സി ഡി കള്‍ നല്‍കി എന്നത്, ലോഗ്-ഇന്‍ വിവരങ്ങളും പാസ്‌വേര്‍ഡ് അടക്കമുള്ള സ്വകാര്യചാവികളും പോലീസിനു നല്‍കി എന്നതിനെ പൊളിച്ചടുക്കുന്നു.

ഇതില്‍ നിന്നും സുബോധമുള്ളവര്‍ മനസിലാക്കുക, പോലീസിന്‌ പാസ്‌വേഡ് ലഭിക്കുകയോ ആരുടെയെങ്കിലും ഇ മെയിലില്‍ പോലീസ് അതിക്രമിച്ചു കയറുകയോ ചെയ്തിട്ടില്ല എന്നാണ്. ഇ മെയില്‍ ചോര്‍ത്തി എന്ന കരച്ചില്‍ കള്ളക്കരച്ചിലാണെന്ന് വരുന്നു.

അപ്പോള്‍ കുറച്ചു മുസ്ലിങ്ങളും അവരുടെ പിണിയാളുകളും പ്രചരിപ്പിക്കുന്നത് ഊതിപ്പെരുപ്പിച്ച അതിശയോക്തികളാണെന്ന് തെളിയുന്നു. ഇതൊക്കെ എഴുതി വിടുന്നവര്‍ റ്റാര്‍ഗെറ്റ് ചെയ്യുന്നത് വ്യക്തമായും മുസ്ലിം ലീഗിനെയാണ്. ഇവര്‍ പ്രചരിപ്പിക്കുന്നത് ഇതാണ്. മുസ്ലിങ്ങളെ ഒന്നാകെ ഉമ്മന്‍ ചാണ്ടിയും അദ്ദേഹത്തിന്റെ പോലീസും തീവ്രവാദികളായി മുദ്രകുത്തുന്നു. അതിനെതിരെ ഒന്നും ചെയ്യാന്‍ കഴിയാതെ ഇരിക്കുന്ന മുസ്ലിം ലീഗ് മുസ്ലിങ്ങള്‍ക്കെതിരാണ്. ഈ സന്ദേശം നല്‍കിയിട്ട് ഇവര്‍ എന്തു നേടുന്നു?

വ്യക്തികളുടെ സ്വകാര്യതയിലേക്ക് എത്തി നോക്കുന്നു എന്നതിനപ്പുറം, മുസ്ലിങ്ങളുടെ സ്വകാര്യതയിലേക്ക് എത്തി നോക്കുന്നു എന്നാണിപ്പോഴത്തെ ആരോപണം. ഒളിഞ്ഞു നോട്ടത്തിന്റെ ധാര്‍മികതക്കപ്പുറം ഇതിനൊരു വര്‍ഗ്ഗീയ പരിവേഷം നല്‍കപ്പെട്ടിരിക്കുന്നു. ലോകത്തുണ്ടാകുന്ന എല്ലാ ഭീകര സംഭവങ്ങളിലും മുസ്ലീം സമൂഹത്തെ പ്രതിക്കൂട്ടില്‍ നിര്‍ത്താനുള്ള ബോധപൂര്‍വമുള്ള ശ്രമങ്ങള്‍ നടക്കുന്നു എന്ന ആരോപണം ഇപ്പോള്‍ തന്നെയുണ്ട്. ആ ധാരണക്ക് പുതിയ ഒരു മാനം നല്‍കാനായി മാദ്ധ്യമത്തിലൂടെ വിജു വി നായര്‍ക്ക്. ഈ വിഷയത്തില്‍ പ്രതികരിച്ച മുസ്ലിം സമുദായത്തിലെ ഭൂരിഭാഗം പേര്‍ക്കും ഉള്ള ഈ ധാരണയെ ഉറപ്പിക്കാന്‍ ഈ സംഭവം ഏറെ സഹായിച്ചിട്ടുണ്ട്. ഇത്തരം ഒരു വിവാദം ഉണ്ടാക്കാന്‍ വേണ്ടിയുള്ള ഒരു സംഭവവും നടന്നിട്ടില്ല എന്നതാണ് യാഥാര്‍ത്ഥ്യം. ജോസഫ് സാറിന്റെ കൈവെട്ടിലേക്ക് നയിച്ച സംഭവത്തിന്റെ തനിയാവര്‍ത്തനമാണിത്. പ്രവാചാകനെ നിന്ദിച്ചേ എന്ന് അലറി കരഞ്ഞവര്‍ തന്നെ മുസ്ലിം സമുദായത്തിന്റെ മുണ്ടിരിയുന്നേ എന്നും കരയുന്നു. കേരളത്തില്‍ ഒരു കാക്ക പറന്നാലും അത് മുസ്ലിങ്ങള്‍ക്കെതിരെ എന്നാക്കി തീര്‍ക്കാന്‍ ഒരു സിന്‍ഡിക്കേറ്റ് തന്നെ പ്രവര്‍ത്തിക്കുന്നുണ്ട്. മുസ്ലിം പേരുള്ള എന്തു കണ്ടാലും അതില്‍ ഒരു വര്‍ഗ്ഗീയത ഇവര്‍ കുഴിച്ചെടുക്കും. ബോധപൂര്‍വം അതിന്റെ ഭാഗമാകുന്നു പലരും.

അബ്ദുള്‍ വഹാബ് എം പി പറഞ്ഞത് അദ്ദേഹത്തേപ്പറ്റി കുറെ നാളുകളായി അന്വേഷണം നടക്കുന്നു എന്നാണ്. പക്ഷെ ഇന്നു വരെ അദ്ദേഹത്തെ പോലീസ് ഉപദ്രവിച്ചു എന്നൊന്നും പറഞ്ഞു കേട്ടിട്ടില്ല.

മുസ്ലിം ലീഗ് ഈ വിഷയത്തില്‍ എടുത്തിരിക്കുന്ന നിലപാട് പക്വതയുള്ളതാണ്. അണികളെ ഇളക്കി വിട്ട് വര്‍ഗ്ഗീയ ചേരിതിരിവുണ്ടാക്കാന്‍ അവര്‍ ശ്രമിക്കുന്നില്ല.

നിരപ രാധികളാണെങ്കിലും ചിലപ്പോള്‍ അന്വേഷണത്തെ നേരിടേണ്ടി വന്നേക്കാം. അതൊക്കെ നീതി ന്യായ വ്യവസ്ഥയുടെ ഭാഗങ്ങളാണ്. എത്രയോ മറ്റ് സമുദായക്കാര്‍ ഇവിടെ അനേകം കേസുകളില്‍ അകപ്പെടുന്നു. വിചാരണയെ നേരിടുന്നു. നിരപരാധികളെന്ന് കണ്ട് വിട്ടയക്കപ്പെടുന്നു. അവരാരും ഞങ്ങളെ മുണ്ടുരിഞ്ഞ് പീഡിപ്പിക്കുന്നേ എന്ന് കരഞ്ഞു നടക്കാറില്ല. മറ്റുള്ളവര്‍ക്കില്ലാത്ത ഏതെങ്കിലും പ്രത്യേക കൊമ്പ് മുസ്ലിങ്ങള്‍ക്കുണ്ടോ?

2011-12-19T23:16:00.000-08:00

ജാതി എന്ന സങ്കല്‍പ്പം ചരിത്രാതീതകാലം മുതലേ ഉണ്ട്. ഒരു പക്ഷെ മനുഷ്യര്‍ സമൂഹമായി ജീവിക്കാന്‍ തുടങ്ങിയ കാലം മുതലേ അതുണ്ട്. ലോകത്തിലെ എല്ലാ ജനപഥങ്ങളിലും അതുണ്ടായിരുന്നു. അതിന്റെ ഉത്ഭവം ചില സംഘം ആളുകള്‍, ഒരു പ്രത്യേക ജോലി ചെയ്യാന്‍ തുടങ്ങിയതു മുതലായിരിക്കാം. പിന്നീട് തലമുറകളായി അവര്‍ ആ ജോലി തന്നെ ചെയ്തു. അതുകൊണ്ട് അവര്‍ക്ക് ജാതിയടിസ്ഥാനത്തിലുള്ളതോ, ജോലി സൂചകമായോ ഉള്ള വിളിപ്പേരുണ്ടായി.

ലോകത്തിലെല്ലായിടത്തും ജാതികളുണ്ടായിരുന്നു. പക്ഷെ ഇന്‍ഡ്യയില്‍ ഉടലെടുത്ത ജാതികളുടെ  യഥാര്‍ത്ഥ  കാരണവും, യഥാര്‍ത്ഥ  രൂപവും കൃത്യമായി മാനസിലാക്കന്‍ പറ്റിയിട്ടില്ല. ജാതികളില്‍ വര്‍ണ്ണം അല്ലെങ്കില്‍ നിറം കലര്‍ത്തിയതിന്റെ സൂചനകള്‍ മഹാഭാരതത്തില്‍ ഉണ്ട്. ജാതികളുടെ ആരംഭം ഒരു പക്ഷെ ജോലികളുടെ വിതരണത്തില്‍ ആയിരിക്കാം. പക്ഷെ ഹിന്ദുമതത്തില്‍ അതിന്‌ പല രൂപഭേദങ്ങളും വന്നിട്ടുണ്ട്. ബ്രാഹ്മണര്‍ വെളുത്തവരാണെന്നു പറയുന്നത്, വെളുത്ത നിറമുള്ളവരെ ഉദേശിച്ചാണെന്നും, അതല്ല വെളുപ്പ് നന്‍മയെ ആണു പ്രതിനിധാനം ചെയ്യുന്നതെന്നും വ്യാഖ്യാനിക്കപ്പെട്ടിട്ടുണ്ട്. ശൂദ്രര്‍ കറുത്തവരാണെന്നും, അതല്ല തിന്‍മ അല്ലെങ്കില്‍ അന്ധകാരത്തില്‍ ജീവിക്കുന്നവരെ സൂചിപ്പിക്കുന്നു എന്നും വ്യാഖ്യാനിക്കപ്പെടുന്നു.

ഹിന്ദുമതം ഇന്‍ഡ്യയിലെ പ്രധാന മതമായി തീരുന്നതിനു മുമ്പു തന്നെ ചാതുര്‍ വര്‍ണ്ണ്യം പ്രാബല്യത്തില്‍ വന്നിരുന്നു. ചാതുര്‍ വര്‍ണ്ണ്യം ഇന്നത്തെ രീതിയിലുള്ള ജാതികളായി പരിണമിച്ചത് എന്നാണെന്നു വ്യക്തമായി പറയുവാന്‍ സാധിക്കില്ല. ഈ ചാതുര്‍ വര്‍ണ്ണ്യ വ്യവസ്ഥിതി ഒരു ന്യൂനപക്ഷത്തിനുള്ളില്‍ ഒതുങ്ങി നിന്നു. ഭൂരിപക്ഷം വരുന്ന ആളുകള്‍ ഇതിനു പുറത്തായിരുന്നു.
ചാതുര്‍ വര്‍ണ്ണ്യത്തിനുള്ളിലുള്ളവരെ സവര്‍ണ്ണര്‍ എന്നും, പുറത്തുള്ളവരെ അവര്‍ണ്ണര്‍ എന്നും വിളിച്ചു. ചാതുര്‍ വര്‍ണ്ണ്യത്തിനു പില്‍ക്കാലത്ത് ഭരണാധികാരം ലഭിച്ചപ്പോള്‍, ഭൂരിപക്ഷത്തിനെ അടിച്ചമര്‍ത്താന്‍ അവര്‍ പല നിയമങ്ങളും നിര്‍മ്മിച്ചെടുത്തു. ആ നിയമങ്ങളാണ്, മനുസ്മൃതികളില്‍ വിവരിച്ചിട്ടുള്ളത്.

മനു ഒരു ബ്രാഹ്മണന്‍ ആയിരുന്നതു കൊണ്ട്, ബ്രാഹ്മണര്‍ക്ക് അനുകൂലമായ നിയമങ്ങള്‍ നിര്‍മ്മിച്ചെടുക്കുകയും, അതു വഴി ഒരു അപ്രമാദിത്വം നേടിയെടുക്കുകയും ചെയ്തു. ബ്രഹമണാധിപത്യം ഹിന്ദു മതത്തില്‍ കടന്നു വന്നതിപ്രകാരമായിരുന്നു. ബ്രാഹ്മണന്‍ ശപിച്ചാല്‍ ഫലിക്കുമെന്നും, ബ്രാഹമണനില്‍ നിന്നും കുട്ടികളുണ്ടാകുന്നത് പുണ്യം എന്നൊക്കെയുള്ള അസംബന്ധങ്ങള്‍, ഹിന്ദു മതത്തില്‍ കടന്നുകൂടിയത് അതു കൊണ്ടാണ്. ബ്രാഹമണര്‍ ആ അപ്രമാദിത്വം പരമാവധി മുതലെടുക്കുകയും ചെയ്തു.

വേദകാലത്തെ ഹിന്ദു മതം അല്ലെങ്കില്‍ സനാതന ധര്‍മ്മവുമായി, ഈ അധര്‍മ്മത്തിനു യാതൊരു സാമ്യവുമില്ല.

ലോകത്തു പലയിടത്തും നിലവിലുണ്ടായിരുന്ന ജാതികളില്‍, വലിയ ഉച്ചനീചത്വങ്ങളോ, തൊട്ടുകൂടായ്മയോ, തീണ്ടിക്കൂടായ്മയോ ഉണ്ടായിരുന്നില്ല. പക്ഷെ ഹിന്ദുമതത്തിലെ ജാതികളില്‍, അത് ഒരു നിയമം പോലെ അടിച്ചേല്‍പ്പിച്ചു. അതാണ്, ജാതി വ്യവസ്ഥ. ചില ജാതികള്‍ ഉയര്‍ന്നവരെന്നും, ചിലര്‍ താഴ്ന്നവരെന്നും, ബ്രാഹ്മണര്‍ തീരുമാനിച്ചു. അവിടെയും നിര്‍ത്തിയില്ല. സമൂഹത്തിലെ സമ്പത്ത് മുഴുവന്‍ അനുഭവിക്കാന്‍, സനാതന ധര്‍മ്മത്തിലെ ചാതുര്‍വര്‍ണ്യത്തിനു പുറത്തുള്ളവരെ നിഷ്കരുണം അടിച്ചമര്‍ത്തി, സനാതന ധര്‍മ്മത്തിന്റെ ഈ കാവല്‍ ഭടന്‍മാര്‍. ആരാധനാലയത്തില്‍ പ്രവേശിക്കാനോ, ദൈവങ്ങളെ ആരാധിക്കാനോ ചാതുര്‍വര്‍ണ്യത്തിനു പുറത്തുള്ളവരെ അനുവദിച്ചില്ല.

സമൂഹത്തിലെ അവകാശങ്ങളും, അധികാരങ്ങളും, സുഖങ്ങളും അനുഭവിക്കാന്‍ ഇവര്‍ സൃഷ്ടിച്ചെടുത്ത ഈ അധര്‍മ്മത്തിന്‌ ദൈവീക ഛായ നല്‍കാന്‍, മതഗ്രന്ഥങ്ങളില്‍ വരെ മാറ്റം വരുത്തി. ബ്രാഹ്മണന്‍ ബ്രഹ്മന്റെ മുഖത്തു നിന്നും സൃഷ്ടിക്കപ്പെട്ടതാണെന്ന വൃത്തികേടു വരെ മതഗ്രന്ഥങ്ങളില്‍ എഴുതിച്ചേര്‍ത്തു. സനാതന ധര്‍മ്മത്തെ സനാതന അധര്‍മ്മമാക്കി അവര്‍ സ്ഥാപിച്ചെടുത്തതാണ്, ബ്രാഹ്മണിസം. ഈ  ബ്രാഹ്മണിസത്തിന്റെ സൃഷ്ടിയാണ്, സഹസ്രാബ്ദങ്ങളോളം ഇന്‍ഡ്യയില്‍ നിലനിന്നതും ഇപ്പോഴും നില നില്‍ക്കുന്നതുമായ സാമൂഹികാസമത്വം. ഇത് ജാതിവ്യവസ്ഥിതിയുടെ തിരുശേഷിപ്പാണ്. അല്ല എന്നു സ്ഥാപിക്കാന്‍ ആരു ശ്രമിച്ചാലും അത് വിലപ്പോവില്ല.

ജാതിയും ജാതി വ്യവസ്ഥയും ഒന്നാണെന്നു ചിലരെങ്കിലും ധരിച്ചുവശായിട്ടുണ്ട്. ജാതി ഉണ്ടാകുന്നതോ അതു തുടര്‍ന്നുകൊണ്ടു പോകുന്നതോ സമൂഹത്തില്‍ എന്തെങ്കിലും പ്രശ്നമുണ്ടാക്കുമെന്ന് തോന്നുന്നില്ല. ഒരാള്‍ നമ്പൂതിരിയെന്നോ, നായരെന്നോ, പറയനെന്നോ, പുലയനെന്നോ അവകാശപ്പെടുന്നതോ, അതിനനുവദിക്കുന്നതോ, മറ്റുള്ളവര്‍ക്ക് എന്തെങ്കിലും ബുദ്ധിമുട്ടുണ്ടാക്കുമെന്നും തോന്നുന്നില്ല. പഴയ ജാതി വ്യവസ്ഥയിലേക്ക് ഇന്‍ഡ്യന്‍ സമൂഹം പോകുമെന്നും ആരും പേടിക്കേണ്ട. സഹസ്രബ്ദങ്ങളോളം കുറച്ചു പേര്‍ മാത്രം അനുഭവിച്ച വിഭവസമ്പത്ത്, എല്ലാവര്‍ക്കും കൂടെ അവകാശപ്പെട്ടതാണ്. അതാണു സാമൂഹ്യ നീതി കൊണ്ട് ഉദ്ദേശിക്കുന്നത്.

ജാതിയല്ല, ജാതിവ്യവസ്ഥയിലൂടെ അടിച്ചേല്‍പ്പിച്ച സാമൂഹികാസമത്വമാണ്, സമൂഹത്തില്‍ ഇന്നു കാണുന്ന പല പ്രശ്നങ്ങള്‍ക്കും കാരണം.

ഇപ്പോള്‍ ശങ്കരനാരായണന്‍ മലപ്പുറം എന്ന ബ്ളോഗറുടെ ഒരു പോസ്റ്റില്‍ ജാതി സംബന്ധമായ മഹാത്മാ ഗാന്ധിയുടെ ചില പ്രസ്താവനകളേക്കുറിച്ചും സംവരണത്തേക്കുറിച്ചം ചര്‍ച്ചകള്‍ നടക്കുന്നു.

കുറച്ചു നാളുകള്‍ക്ക് മുമ്പ് ഇതേ ബ്ളോഗില്‍ മറ്റൊരു ചര്‍ച്ച  നടന്നു. ശ്രീ രവിചന്ദ്രന്‍ എഴുതിയ ഒരഭിപ്രായത്തോടുള്ള പ്രതികരണമായിട്ടാണാ ചര്‍ച്ചകള്‍ നടന്നതും. രവിചന്ദ്രന്‍ എഴുതിയത് ഇതായിരുന്നു.

"പുതുതലമുറ പലപ്പോഴും തങ്ങളുടെ ജാതി എന്തെന്നറിയുന്നത് ആദ്യമായി ഒരു പി.എസ്. സി അപേക്ഷ പൂരിപ്പിക്കാന്‍ ശ്രമിക്കുമ്പോഴാണ്. ജാതിയുടെ ആനുകൂല്യം ലഭിക്കുന്നവര്‍ ‘ഇവിടെ ജാതിയുണ്ട്’ എന്നുതെളിയിക്കാന്‍ കഠിനപ്രയത്‌നം നടത്തും. പണ്ടും അതങ്ങനെതന്നെയായിരുന്നു."

ശ്രീ രവിചന്ദ്രന്‍ ഉദ്ദേശിച്ചതെന്തായാലും സംവരണ വിരുദ്ധ പക്ഷത്തു വ്യക്തമായി നിലയുറപ്പിക്കുന്ന ഒരു പ്രസ്താവമാണത്. കേരളത്തില്‍ ജീവിക്കുന്ന പരിസരബോധമുള്ള ആരും പറയാന്‍ മടിക്കുന്ന പ്രസ്താവനയാണത്.

ജാതിയുണ്ടെന്ന് ആരെങ്കിലും തെളിയിക്കേണ്ട ആവശ്യമുണ്ടോ? സൂര്യനുദിക്കുന്നുണ്ട് എന്നു തെളിയിക്കേണ്ട അവശ്യമുണ്ടോ? കണ്ണിനു കാഴ്ച്ചയുള്ളര്‍ക്ക് അത് മനസിലാകും. അതുപോലെ മനസിനാന്ധ്യം ബാധിക്കാത്തവര്‍ക്കും ജാതി ഇവിടെയുണ്ട് എന്ന് മനസിലാക്കാന്‍ ആകും. പണ്ട് ജാതിയുടെ ആനുകൂല്യം ലഭിച്ചിരുന്നവര്‍ ഉയര്‍ന്ന ജാതിക്കാരായിരുന്നു. അവര്‍ ജാതിയുണ്ടെന്നു തെളിയിക്കാന്‍ ശ്രമിച്ചിരുന്നതായി കേട്ടിട്ടില്ല. അന്നൊക്കെ ജാതി വ്യവസ്ഥ നിര്‍ബന്ധമായി അടിച്ചേല്‍പ്പിച്ചിരുന്നതുകൊണ്ട്, അത് സമൂഹത്തിന്റെ ഭാഗമായിരുന്നു.

ഇന്ന് സംവരണത്തിലൂടെ ജാതിയുടെ ആനുകൂല്യം ലഭിക്കുന്നത് താഴ്ന്ന ജാതിക്കാര്‍ക്കാണ്. അത് സവര്‍ണ്ണ മനസുള്ള പലര്‍ക്കും സഹിക്കാന്‍ കഴിയുന്നില്ല. ആ അസഹ്യത വാക്കുകളിലുടെ പുറത്തു വരുന്നതാണ്, ജാതിയുണ്ടെന്നു പറയുന്നത് ആനുകൂല്യം ലഭിക്കുന്നവര്‍ മാത്രമാണ്, എന്ന അഭിപ്രായം . പക്ഷെ കണ്ഠരര്‍ മോഹനരരുമാര്‍ എന്നൊക്കെ പറയുന്ന തിരുമേനിമാര്‍ അരുളിച്ചെയ്യുന്നതൊന്നും ഇവര്‍ കേള്‍ക്കില്ല. അതിനുള്ള ശേഷിയില്ല. വേണമെങ്കില്‍ അവരെ സ്വാമിമാര്‍ എന്നു വിളിക്കും. സിനിമയിലെ പട്ടര്‍ കഥാപാത്രത്തെ വരെ സ്വാമി എന്നു വിളിക്കാന്‍ ഇവര്‍ക്കൊട്ടു മടിയുമില്ല.

ഈ വാദം സ്വീകരിച്ചാല്‍ ഇവിടെ ദാരിദ്ര്യമുണ്ടെനു പറയുന്നവര്‍ ദരിദ്രര്‍ക്കുള്ള ആനുകൂല്യം ലഭിച്ചവരായിരിക്കണമല്ലോ. കുറെപ്പേര്‍ ദരിദ്രരായി ജീവിക്കുന്നതാണ്, ഇവിടെ ദാരിദ്ര്യം പരിഹരിക്കാതെ കിടക്കുനതിന്റെ കാരണമെന്നും കൂടി ഈ വിദഗ്ദ്ധര്‍ പറഞ്ഞു നടക്കാറുണ്ട്.

ഇതുപോലെയുള്ള വിദഗ്ദ്ധരൊക്കെ ഇന്‍ഡ്യ ഭരിക്കാത്തത് മഹാഭാഗ്യം. എങ്കില്‍ ദരിദ്രരെ എല്ലാം കൊന്നൊടുക്കി ദാരിദ്യ്ര പ്രശ്നം പരിഹരിച്ചേനേ. അവര്‍ണ്ണരെ എല്ലാം കൊന്നൊടുക്കി അവര്‍ണ്ണ പ്രശ്നവും പരിഹരിച്ചേനെ.

ദാരിദ്ര്യമുള്ളവര്‍ക്ക് ഭക്ഷണം നല്‍കി സഹായിച്ചാല്‍ ദാരിദ്ര്യം നിലനില്‍ക്കുമെന്നാണിവരേപ്പൊലുള്ളവര്‍ പറന്നു പരത്തുന്നത്. കഴിഞ്ഞ ദിവസം അന്തരിച്ച ക്രിസ്റ്റഫര്‍ ഹിച്ചെന്‍സ് ഈ അഭിപ്രായക്കാരനായിരുന്നു. മദര്‍ തെരേസയെ വിമര്‍ശിക്കാന്‍ അദ്ദേഹമുപയോഗിച്ചിരുന്ന ഭാഷ ഇതായിരുന്നു. അവര്‍ ദരിദ്രരെ സഹായിച്ചത്  ദാരിദ്ര്യത്തില്‍ നിലനിറുത്താന്‍ വേണ്ടി ആയിരുന്നു എന്നാണദ്ദേഹം പറഞ്ഞിരുന്നത്. ജാതിയുടെ പേരില്‍ സാമൂഹ്യ നീതി നിഷേധിക്കപ്പെട്ടവര്‍ക്ക് അത് നല്‍കിയാല്‍ ഇവിടെ ജാതി നിലനില്‍ക്കും എന്നാണിവര്‍ പ്രചരിപ്പിക്കുന്നതും.

സ്വന്തമായി ഭക്ഷണം തേടാനുള്ള ശേഷിയുണ്ടെങ്കിലാരും ദരിദ്രനായി ഇരിക്കില്ല. അതിനു ശേഷിയില്ലാത്തതുകൊണ്ടാണവര്‍ പട്ടിണി കിടക്കുന്നത്. അവരെ അതിനു പ്രാപ്തരാക്കണം. അതിനുള്ള സാവകാശം ലഭിക്കാനുള്ള ഇടവേളയില്‍ അവര്‍ക്ക് സഹായം ആവശ്യമുണ്ട്.

ഇതു തന്നെയാണു സംവരണം എന്ന വിഷയത്തിലുമുള്ളത്., സഹസ്രാബ്ദങ്ങളായി സമൂഹത്തിന്റെ മുഖ്യ ധാരയില്‍ നിന്നും അകന്നു പോയ ജനസമൂഹങ്ങളുണ്ട്. അവരെ അകറ്റി നിറുത്തിയതാണ്. അവരെ സമൂഹത്തിന്റെ മുഖ്യ ധാരയിലേക്ക് തിരികെ കൊണ്ടുവരാന്‍ സംവരണം പോലുള്ള നടപടികള്‍ വേണം. മനുഷ്യന്റെ അടിസ്ഥാന ആവശ്യങ്ങള്‍ നേടിയെടുക്കാന്‍ ആ ജനസമൂഹം പ്രാപ്തമാകുന്നതു വരെ വേണ്ടി വരും.

മഹാത്മാ ഗാന്ധിയെ കുറ്റം പറയുന്നവരൊക്കെ ഇവിടെ ജാതിയുണ്ടാക്കിയത് ഹിന്ദു മതം ആണെന്നാണു പ്രചരിപ്പിക്കുന്നത്. ഹിന്ദുമതത്തിന്റെ ആരംഭത്തിനു മുന്നേ ഇവിടെ ജാതികള്‍ ഉണ്ടായിരുന്നു. ബ്രാഹമണരൊക്കെ കേരളത്തില്‍ എത്തുന്നതിനു മുന്നേ പുലയസമുദായത്തിലെയും പറയസമുദായത്തിലെയും ആളുകള്‍ ഭരണാധികാരികളായിരു ന്നു എന്നാണ്, ചരിത്രകാരന്‍മാര്‍ അഭിപ്രായപ്പെടുന്നത്. അന്നും ഇവിടെ ജാതികള്‍ ഉണ്ടായിരുന്നു. ജാതികള്‍ തമ്മില്‍ വിവേചനവും ഉണ്ടായിരുന്നു. വിവേചനം ഉണ്ടാകുമ്പോള്‍ ഒരു പരിധി വരെ നീതി നിഷേധവും ഉണ്ടാകും. പക്ഷെ നീതി നിഷേധം ഒരു സാമൂഹ്യ വ്യവസ്ഥയായി അടിച്ചേല്‍പ്പിച്ചത് സനാതന മതമായിരുന്നു.

കൃഷ്ണനെയും രാമനെയും ദൈവങ്ങളാക്കിയ സനാതന മതം, ജാതികള്‍ ദൈവീകമാണെന്നു പഠിപ്പിച്ചു. ഉറച്ച ഹിന്ദു മത വിശ്വാസിയായിരുന്ന ഗാന്ധിജിയും അത് വിശ്വസിച്ചു. ഹിന്ദുമതം ഉള്ളിടത്തോളം കാലം ഈ ദൈവങ്ങളും ജാതികളും, ഒക്കെ ഇവിടെ ഉണ്ടാകും.

ജാതികളേക്കുറിച്ചുള്ള ഹിന്ദു വിശ്വാസം ഉപേക്ഷിക്കുന്നവര്‍ ഈ ദൈവങ്ങളേക്കൂടി ഉപേക്ഷിക്കേണ്ടതല്ലേ? അംബെദ്ക്കറിന്റെ ആര്‍ജ്ജവത്വം അവിടെയാണ്. അദ്ദേഹം ജാതി ഉപേക്ഷിച്ച കൂടെ ഹിന്ദു ദൈവങ്ങളെയും ഉപേക്ഷിച്ചു. ഹിന്ദുമതം ഉപേക്ഷിക്കാന്‍ പറ്റാത്തതുകൊണ്ട് ഗാന്ധിജി ജാതിയേയും ഹിന്ദു ദൈവങ്ങളെയും ഉപേക്ഷിച്ചില്ല.

ഇത് തെളിയിക്കുന്നത് ജാതി എന്നത് ഹിന്ദു മതവിശ്വാസത്തിന്റെ അവിഭാജ്യ ഘടകമാണെന്നാണ്. ഹിന്ദു മതം ഉള്ളിടത്തോളം ജാതിയും ജാതി ചിന്തയുമുണ്ടാകും. അതില്ലാതാകണമെങ്കില്‍ ഹിന്ദുമതത്തിന്റെ വിശ്വാസങ്ങളാകെ മാറണം. എന്നു വച്ചാല്‍ അത് മറ്റൊരു മതമായി പരിവര്‍ത്തനം ചെയ്യപ്പെടണം. അതിനുള്ള സാധ്യത തീരെയില്ല.

ജാതി ഇല്ലാതാകണമെങ്കില്‍ ഹിന്ദു മതം ഇല്ലാതാകണം. ജാതികള്‍ തമ്മിലുള്ള വിവാഹങ്ങള്‍ നടന്നാലൊന്നും ജാതി ഇല്ലാതാകില്ല.

പത്ര മാദ്ധ്യമങ്ങളിലും ഇന്റര്‍നെറ്റിലുമുള്ള വിവാഹപരസ്യങ്ങളും ശ്രദ്ധിച്ചാല്‍ മതി, ജാതി ചിന്ത എത്രയധികം ആഴത്തില്‍ മലയാളികളുടെ മനസില്‍ ഉണ്ടെന്ന്.

ഈ യാഥാര്‍ത്ഥ്യം മനസിലാക്കിയിട്ടുള്ള ആരും പുതുതലമുറ പലപ്പോഴും തങ്ങളുടെ ജാതി എന്തെന്നറിയുന്നത് ആദ്യമായി ഒരു പി.എസ്. സി അപേക്ഷ പൂരിപ്പിക്കാന്‍ ശ്രമിക്കുമ്പോഴാണ് എന്ന അസംബന്ധം എഴുതില്ല.

സ്വന്തം ജാതി ഏതെന്നറിയാത്ത പുതുതലമുറയിലെ ഒറ്റ ഹിന്ദുവും ഉണ്ടാകില്ല എന്നതാണു കേവല സത്യം. സനാതാനികളായ ചാതുര്‍വര്‍ണ്ണ്യത്തിലുള്ളവരായാലും, അവര്‍ണ്ണരായാലും. മതവിശ്വാസം ഉപേക്ഷിച്ചവരും മറ്റ് മതങ്ങളിലേക്ക് പരിവര്‍ത്തനം ചെയ്യപ്പെട്ടവരും ജാതിയേക്കുറിച്ച് ചിന്തിക്കുന്നുണ്ടാകില്ല. പിന്നെ മേനി നടിക്കാന്‍ മുഖം മൂടി ധരിച്ചു നടക്കുന്ന ചിലരുണ്ട്. അവര്‍ സംവരണത്തെ എതിര്‍ക്കും. അതിനു പറയുന്ന ന്യായീകരണം അതി വിചിത്രമാണ്. സംവരണം ലഭിക്കുന്നവര്‍ക്ക് അപകര്‍ഷതാ ബോധമാണെന്ന്. അതൊക്കെ ഇവരുടെ മനസിലെ മോഹങ്ങളാണെന്നതാണു വാസ്തവം. സംവരണം ലഭിച്ച അപകര്‍ഷതകൊണ്ട് ഒരാളും ഇന്നു വരെ ആത്മഹത്യ ചെയ്തതായി കേട്ടിട്ടില്ല.

സംവരണം വഴി പഠിക്കാന്‍ ചേരുന്നവര്‍ക്ക് പരീക്ഷ പാസാകാന്‍ പ്രത്യേക ഇളവുകള്‍ നല്‍കാറില്ല. മറ്റുള്ളവര്‍ പഠിക്കുന്ന അതേ സിലബസ് അതേ കാലം പഠിച്ച് ഒരേ പരീക്ഷ തന്നെയാണവര്‍ എഴുതുന്നത്.

ഇതുപോലെ പാസായി വരുന്ന ഒരു ഡോക്ടര്‍ ചികിത്സിച്ചതുകൊണ്ട് ഒരു രോഗിയും മരിച്ചിട്ടില്ല. എഞ്ചിനീയര്‍ പണികഴിപ്പിക്കുന്ന പാലങ്ങള്‍ ഇടിഞ്ഞു വീഴാറില്ല. ഭരിക്കുന്ന സ്ഥാപനങ്ങള്‍ പൂട്ടിപ്പോകാറുമില്ല. പിന്നെങ്ങനെ അപകര്‍ഷതയുണ്ടാകും? അപകര്‍ഷതക്കു പകരം ഇവര്‍ക്കൊക്കെ ജീവിതത്തില്‍ സന്തോഷവും സംതൃപ്തിയുമാണുണ്ടാവുക.

യഥാര്‍ത്ഥ അപകര്‍ഷത ഉണ്ടാകുന്നത് ഉയര്‍ന്ന ജാതികളെന്നഭിമാനിക്കുന്ന ചിലര്‍ക്കും അവരോടൊപ്പം ചിന്തിച്ചിട്ടും അവരുടെ കൂടെ ഇതു വരെ ചേര്‍ക്കപ്പെടാത്ത കുറെ കീഴ്ജാതിക്കാര്‍ക്കുമാണ്. അവര്‍ പരസ്യമായി ജാതിപ്പേരു വിളിച്ചും കസേരയൊഴിയുമ്പോള്‍ ചാണകം തളിച്ചും അപകര്‍ഷതക്ക് ശമനമുണ്ടാക്കുന്നു. ചാണകം പശുവിന്റെ മലമാണ്., അത് കസേരകളില്‍ തളിക്കുന്ന ജന്തുക്കളുടെ മനസ് മനുഷ്യ മലത്തേക്കാള്‍ മലിനമാണെന്നും അവര്‍ തെളിയിക്കുന്നു.

മഹാത്മാ ഗാന്ധി താഴ്ന്ന ജാതിക്കാര്‍ക്ക് നീതി നിഷേധിക്കുന്ന ജാതി വ്യവസ്ഥയെ അനുകൂലിച്ചിരുന്നില്ല. യംഗ് ഇന്‍ഡ്യയിലൊക്കെ എഴുതിയ ഒറ്റപ്പെട്ട ചില അഭിപ്രായങ്ങളെ വച്ച് ഗാന്ധിജിയെ വിലയിരുത്തുന്നതിനോട് എനിക്ക് യോജിപ്പില്ല. ദളിതരുടെ കൂടെ അന്തിയുറങ്ങിയും അവരോടൊപ്പം ഭക്ഷണം കഴിച്ചും അവരുടെ അവകാശങ്ങള്‍ക്ക് വേണ്ടി അദ്ദേഹം നിലകൊണ്ടു എന്നതിനെ ആര്‍ക്കും നിഷേധിക്കാനാകില്ല.

ദളിതര്‍ക്ക് വേണ്ടി Separate Electorates എന്ന ബ്രിട്ടീഷ് ആശയത്തെ അംബേദ്ക്കര്‍ അനുകൂലിച്ചപ്പോള്‍ ഗാന്ധിജി അതിനെ എതിര്‍ത്തു. അന്ന് അംബെദക്കറിന്റെ നിലപാട് അംഗീകരിക്കപ്പെട്ടിരുന്നെങ്കില്‍, സവര്‍ണ്ണര്‍ സവര്‍ണ്ണര്‍ക്കുവേണ്ടി മാത്രം വോട്ടു ചെയ്യും. അവര്‍ണ്ണര്‍ അവര്‍ണ്ണര്‍ക്ക് വേണ്ടി മാത്രം വോട്ടു ചെയ്യും. അപ്പോള്‍ അവര്‍ണ്ണര്‍ മുഖ്യ ധാരയില്‍ നിന്നും കൂടുതല്‍ മാറ്റി നിറുത്തപ്പെടുന്ന അവസ്ഥ ഉണ്ടാകുമായിരുന്നു. അംബേദ്ക്കറും ഗാന്ധിജിയുമായി അകല്‍ച്ച ഉണ്ടാകാന്‍ തുടങ്ങിയത് അന്നുമുതല്‍ക്കാണ്.

ഗാന്ധിജി തന്റെ ജീവിതത്തിന്റെ അവസാന നാളുകളില്‍ ഏറിയ പങ്കും ചെലവഴിച്ചത് ഡെല്‍ഹിയിലെ അധസ്ഥിതര്‍ താമസിച്ചിരുന്ന ഭാംഗി കോളനിയിലായിരുന്നു. മഹാത്മാ ഗാന്ധിയെ കുറെയധികം പേരും കരുതിയിരുന്നതും ഇപ്പോഴും കരുതുന്നതും, ഒരു തീവ്ര യാഥാസ്ഥിതിക ഹിന്ദു എന്ന രീതിയിലാണ്. അതിനു ചേരുന്ന രീതിയിലദ്ദേഹത്തിന്റെ വാക്കുകളെടുത്ത് പ്രയോഗിക്കുന്നു.

അദ്ദേഹം മരിച്ചപ്പോള്‍ ജിന്ന എഴുതിയ കത്തില്‍ പറഞ്ഞിരുന്നത്,

"Mr Gandhi was one of the greatest men produced by the
Hindu community”.

എന്നായിരുന്നു. ഗാന്ധിജിയെ വധിച്ചത് തീവ്ര ഹൈന്ദവ ബ്രാഹ്മണനായിരുന്ന ഗോഡ്സെയും. കാരണം അദ്ദേഹം ഹിന്ദുക്കളെ ചതിച്ച ഹൈന്ദവ വിരോധിയാണെന്നതും. അപ്പോള്‍ ആരാണു യഥാര്‍ത്ഥ ഗാന്ധിജി? വിശകലനങ്ങളില്‍ എവിടെയോ പിഴച്ചിട്ടില്ലേ?

തീവ്ര മുസ്ലിങ്ങളില്‍ പലരും അദ്ദേഹത്തെ തീവ്ര ഹിന്ദു ആയി കരുതുന്നു . തീവ്ര ഹിന്ദുകളില്‍ പലരും അദ്ദേഹത്തെ ഹിന്ദുക്കളെ ചതിച്ച ഹൈന്ദവ വിരോധി ആയി കരുതുന്നു . പക്ഷെ അധസ്ഥിതരുടെ പക്ഷത്തു നില്‍ക്കുന്ന കുറച്ച് ഹിന്ദുക്കളും, മറ്റുള്ളവരും അദ്ദേഹത്തെ ചാതുര്‍വര്‍ണ്യം മനസില്‍ സൂക്ഷിച്ചിരുന്ന ഉയര്‍ന്ന ജാതിക്കാരനായി കരുതുന്നു.

ഇതെല്ലാം ഒരുപോലെ എങ്ങനെ ശരിയാകും?

രാമനില്‍ ശക്തമായി വിശ്വസിച്ചിരുന്ന ഗാന്ധി വളരെ വിരളമായേ അമ്പലത്തില്‍ പോകാറുണ്ടായിരുന്നുള്ളു. അമ്പലത്തില്‍ പോകുന്നത് അത്യാവശ്യമുള്ള ഒരു സംഗതിയായി അദ്ദേഹം കരുതിയിരുന്നില്ല. അതുകൊണ്ട് ദളിതരുടെ ക്ഷേത്ര പ്രവേശനം വലിയ ഒരു ലക്ഷ്യമായുമദ്ദേഹം കൊണ്ടു നടന്നുമില്ല. പക്ഷെ അംബെദ്ക്കറുടെ ചിന്താഗതി നേരെ മറിച്ചായിരുന്നു.

1934 ലെ ബിഹാര്‍ ക്ഷാമം ഉണ്ടായപ്പോള്‍ ഗാന്ധിജി പറഞ്ഞത് ജാതിഹിന്ദുക്കള്‍ ദളിതരെ കഷ്ടപ്പെടുത്തുനതിനുള്ള ദൈവശിക്ഷയാണാ ക്ഷാമം എന്നായിരുന്നു. ഇതില്‍ പ്രതിഷേധം രേഖപ്പെടുത്തിയ ടാഗോറിന്‌ അദ്ദേഹം നല്‍കിയ മറുപടി ഇതായിരുന്നു.

“Visitations like droughts, floods, earthquakes and the like,
though they seem to have only physical origins, are, for me, somehow connected with man’s morals. Therefore, I instinctively felt that the earthquake was a visitation for the sin of untouchability”.

“Of course, Sanatanists have a perfect right to say that it was due to my crime of preaching against untouchability”

ഗാന്ധിജിയെ ഇതുപോലെ പല പല രീതികളില്‍ വ്യാഖ്യാനിക്കാന്‍ പറ്റിയേക്കും. പക്ഷെ ഏതെങ്കിലുമൊരു കള്ളിയില്‍ ഒതുങ്ങുന്നതല്ല അദ്ദേഹത്തിന്റെ വ്യക്തിത്വം. ദളിതര്‍ക്കെതിരെ എന്നും ജാതിഹിന്ദുക്കള്‍ക്കനുകൂലെമെന്നും വ്യാഖ്യാനിക്കാവുന്ന പല കാര്യങ്ങളും അദ്ദേഹം പറഞ്ഞിട്ടുണ്ട്.

ഗാന്ധിജി കോണ്‍ഗ്രസ് നേതാവായ സമയത്ത് കോണ്‍ഗ്രസ് അദ്ദേഹത്തേക്കാള്‍ സനാതനമതത്തോട് കൂടുതല്‍ ചായ്‌വുള്ളവരുടെ കൈകളില്‍ ആയിരുന്നു.

ഗാന്ധിജി ഇന്‍ഡ്യന്‍ രാഷ്ട്രീയത്തില്‍ നിറഞ്ഞു നിന്നില്ലായിരുന്നെങ്കില്‍ ഒരു പക്ഷെ അംബേദ്ക്കര്‍ ചിന്തകള്‍ ഇന്‍ഡ്യന്‍ ഭരണഘടനയുടെ ഭാഗമാകാന്‍ സാധ്യതയും ഇല്ലായിരുന്നു.

2011-12-16T19:30:00.000-08:00

ആണവ വൈദ്യുതിയുടെ ഗുണഗണങ്ങളെ പ്രകീര്‍ത്തിച്ചുകൊണ്ട് ശ്രീ കെ പി സുകുമാരന്‍ മൂന്നു ലേഖനങ്ങള്‍ എഴുതിയിട്ടുണ്ട്. ആണവ നിലയത്തിനെതിരെ കൂടം കുളത്ത് നടക്കുന്ന ജനകീയ സമരത്തിന്റെ പശ്ചാത്തലതിലാണദ്ദേഹം ഇവ എഴുതിയത്. മുല്ലപ്പെരിയാര്‍ വിഷയത്തേക്കുറിച്ച് പരമര്‍ശിച്ചപ്പോഴും ആണവ വിഷയം കടന്നു വന്നു.

അദ്ദേഹത്തേ സംബന്ധിച്ച് കൂടം കുളത്തും മുല്ലപ്പെരിയാറിലുമൊക്കെ ഉള്ള പ്രശ്നങ്ങള്‍ വെറും സാങ്കല്‍പ്പിക ഭയങ്ങളെ അടിസ്ഥാനമാക്കിയുള്ളവയാണ്.

അദ്ദേഹം എഴുതുന്നു.

"ഒരു പാര്‍ശ്വഫലവും ഇല്ലാത്ത ക്ലീന്‍ എനര്‍ജിയാണ് ആണവവൈദ്യുതി.

ആണവ വൈദ്യുതനിലയങ്ങളില്‍ നിന്ന് പരിസ്ഥിതിക്ക് കേട് വരുത്തുന്ന ഒന്നും പുറത്ത് വരുന്നില്ല. ഏത് കാലാവസ്ഥയിലും 24 മണിക്കൂറും തുടര്‍ന്ന് വൈദ്യുതി ഉല്പാദിപ്പിക്കാന്‍ കഴിയുക ആണവനിലയങ്ങളില്‍ നിന്ന് മാത്രമാണ്. അത്കൊണ്ടാണ് അണുവൈദ്യുതി മനുഷ്യരാശിക്ക് ലഭിച്ച വരപ്രസാദമാണെന്ന് മുന്‍ രാഷ്ട്രപതി ഡോ. അബ്ദുള്‍ കലാം വിശേഷിപ്പിച്ചത്".

ഇവ ഇതേക്കുറിച്ച് ശരിയായ ധാരണ ഇല്ലാത്തതില്‍ നിന്നുള്ള പ്രസ്താവനകളാണെന്നു പറയേണ്ടി വരുന്നതില്‍ ഖേദമുണ്ട്.
എല്ലാം ശരിയായി നടക്കുമ്പോള്‍ പാര്‍ശ്വഫലങ്ങള്‍ ഇല്ല എന്നത് സത്യം. പക്ഷെ ഒരു ചെറിയ പാളിച്ച ഉണ്ടായാല്‍ നേരിടാന്‍ മനുഷ്യനിന്നുള്ള അറിവു പോരാ.

പാര്‍ശ്വ ഫലങ്ങളുണ്ടായാലും ഇല്ലെങ്കിലും ഇതുണ്ടാക്കുന്ന അപകടം കനത്തതാണെന്നതിന്റെ സാക്ഷ്യപത്രമാണ്, "അമേരിക്കയില്‍ കഴിഞ്ഞ 30 വര്‍ഷങ്ങളായി ഒരാണവ നിലയവും പുതുതായി അവര്‍ നിര്‍മ്മിക്കുന്നില്ല" എന്നത്. വെറും 20 % മാത്രമാണവരുടെ ആണവ വൈദ്യുതി ഉത്പാദനം. ഇന്‍ഡ്യയില്‍ ആണവ നിലയങ്ങള്‍ പണിയാന്‍ മുന്നില്‍ നില്‍ക്കുന്ന അവരെന്തുകൊണ്ട്, അമേരിക്കയില്‍ ആണവ നിലയങ്ങള്‍ നിര്‍മ്മിക്കുന്നില്ല?

ഇത് മാത്രമല്ല. അമേരിക്കയില്‍ ഒരപകടമുണ്ടായാല്‍ അത് നിര്‍മ്മിക്കുന്നവരുടെ ആണവ ബാധ്യത 12. 6 ബില്യണ്‍ ഡോളറാണ്.

The Act establishes a no fault insurance-type system in which the first approximately $12.6 billion (as of 2011) is industry-funded as described in the Act. Any claims above the $12.6 billion would be covered by a Congressional mandate to retroactively increase nuclear utility liability or would be covered by the federal government.

എന്നു വച്ചാല്‍ 63000 കോടി രൂപ. ഫെഡറല്‍ സര്‍ക്കാരിന്റെ ബാധ്യത ഇതിനും പുറമെയാണ്. "സുരക്ഷിതം" ആയ ഈ ആണവ നിലയങ്ങള്‍ ഇന്‍ഡ്യയില്‍ അപകടമുണ്ടാക്കിയല്‍ അവരോട് തരാന്‍ ആദ്യം ആവശ്യപ്പെട്ട തുക 500 കോടി രൂപ മാത്രമായിരുന്നു. പിന്നീട് എതിര്‍പ്പുണ്ടായപ്പോള്‍ അത് 1500 കോടി ആക്കി കൂട്ടി. ഇപ്പോള്‍ ഹിലരി ക്ളിന്റണ്‍ കൂടെക്കൂടെ ഡെല്‍ഹിയിലേക്ക് വരുന്നത് അതില്‍ കുറവു വരുത്താന്‍ ശുപാര്‍ശക്കാണ്. അമേരിക്കന്‍ ദാസനായ മന്‍ മോഹന്‍ സിംഗ് അതിനു വേണ്ടി ശ്രമിക്കും. അമേരിക്കയില്‍ നല്‍കുന്ന നഷ്ടപരിഹാരം ഇന്‍ഡ്യയില്‍ നല്കണമെന്നു പറയാന്‍ അദ്ദേഹത്തിനു ധൈര്യമില്ല. പോട്ടെ പകുതിയെങ്കിലും നല്‍കികൂടേ എന്നു പോലും പറയില്ല.

ശ്രീ സുകുമാരന്‍ അവകാശപ്പെടുമ്പോലെ അത്രക്ക് സുരക്ഷിതമാണെങ്കില്‍ നഷ്ടപരിഹാരത്തേക്കുറിച്ച് അമേരിക്കന്‍ സര്‍ക്കാര്‍ വേവലാതി പെടേണ്ട ആവശ്യം തന്നെയില്ല.

"ആണവറിയാക്ടറുകളില്‍ ബാക്കി വരുന്ന ഇന്ധനം ഭൂമിക്കടിയില്‍ കോണ്‍ഗ്രീറ്റ് അറകള്‍ ഉണ്ടാക്കി സൂക്ഷിക്കുകയാണ് ചെയ്ത് വരുന്നത്. ഇങ്ങനെ ഭൂമിക്കടിയില്‍ സൂക്ഷിക്കുന്ന സ്പെന്റ് ഫ്യൂവല്‍ എന്ന് പറയുന്ന വേസ്റ്റ് റേഡിയേഷന്‍ ഉണ്ടാക്കും എന്നു പറയുന്നത് മിഥ്യയാണ്. അങ്ങനെ ഉണ്ടായതായി എവിടെയും അറിവില്ല".

ഇത് ഭാഗികമായേ ശരിയാകുനുള്ളൂ.

അനേകം രാജ്യങ്ങളില്‍ ആണവ റിയാക്റ്ററുകളുണ്ടെങ്കിലും സ്വീഡനില്‍ ഒന്നും, ഫിന്‍ലണ്ടില്‍ രണ്ടും, അമേരിക്കയില്‍ ഒന്നും സ്ഥലങ്ങളിലേ ഇതുപോലെ സൂക്ഷിക്കുന്നുള്ളു. മറ്റ് രാജ്യങ്ങളില്‍ ഇതേക്കുറിച്ചുള്ള ചര്‍ച്ചകള്‍ നടക്കുന്നേ ഉള്ളു.

കൂടം കുളം നിലയത്തിന്റെ ചെലവ് പ്രതീക്ഷിക്കുന്നത് 2.5 ബില്യണ്‍ ഡോളറാണ്. ഇനി അമേരിക്കയിലെ ഏക Deep Geological Repository യുടെ ചെലവ് എത്രയെന്നു നോക്കാം. 1996 ല്‍ കമ്മീഷന്‍ ചെയ്തപ്പോള്‍ അതിന്റെ ചെലവ് 1.2 ബില്യണ്‍ ഡോളറായിരുന്നു.

ഇന്നൊരു പക്ഷെ അത് 2 ബില്യണ്‍ ഡോളറായിരിക്കും. എന്നു വച്ചാല്‍ നമ്മള്‍ ഈ റിയാക്റ്ററുണ്ടാക്കാന്‍ ചെലവഴിക്കുന്ന അത്രയും തന്നെ പണം, ഇത് dispose ചെയ്യാനും ചെലവഴിക്കണം. ഇതൊരു ഭസ്മാസുരനേപ്പോലെ, 10000 വര്‍ഷങ്ങള്‍ മുതല്‍ 10 ലക്ഷം വര്‍ഷങ്ങള്‍ വരെ, അങ്ങനെ ഭുമിക്കടിയില്‍ കിടക്കും. ഒരായിരം വര്‍ഷം കഴിഞ്ഞ് ഇത് അവിചാരിതമായി തുറക്കപ്പെടുകയോ എന്തെങ്കിലും പ്രകൃതി ദുരന്തം കൊണ്ട്, ഭൂമിക്ക് പുറത്ത് വരികയോ ചെയ്താല്‍ ഉണ്ടാകാവുന്ന ഭീകര അന്തരീക്ഷം സുബോധമുള്ള ആര്‍ക്കും വിഭാവനം ചെയ്യാന്‍ പറ്റും. അടുത്ത ഒരു നൂറ്റാണ്ടു കഴിയുമ്പോഴേക്കും നൂറു കണക്കിനടി താഴെ വരെ എടുത്തു മറിക്കുന്ന തരത്തിലുള്ള ബോംബുകളില്‍ ഒരെണ്ണം ശത്രു രാജ്യം കൊണ്ടു വനിട്ടാലും മതി. ആണവ നിലയം സൂക്ഷിക്കുന്നതുപോലെ ഇതും സൂക്ഷിക്കേണ്ടി വരും.വരും തലമുറക്കു വേണ്ടി ഇതുപോലെ ഒരു ദുരന്തം നമ്മള്‍ കരുതി വയ്ക്കേണ്ടതുണ്ടോ?

അണ്വായുധത്തിലൊക്കെ ഉപയോഗിക്കുന്ന ചെറിയ Life Cycle ഉള്ള waste കള്‍ക്ക് വേണ്ട ചെലവാണിത്. നീണ്ട Life Cycle ഉള്ളവക്ക് അതിലും കൂടുതല്‍ ചെലവു വരും. അതിനെയൊക്കെ കുഴിച്ചിടാന്‍ ഇതു വരെ ആലോചിച്ചു തുടങ്ങിയിട്ടില്ല. അതിനു വേണ്ടി ആലോചിച്ചു വച്ചിരുന്ന Yucca Mountain nuclear waste repository ഇപ്പോള്‍ അമേരിക്ക ഉപേക്ഷിച്ചു കഴിഞ്ഞു. അതിനടുത്ത് താമസിക്കുന്നവരുടെ എതിര്‍പ്പു കാരണമാണ്. ഇനി സ്ഥലം അന്വേഷിച്ചു കണ്ടുപിടിക്കണം.

ഇതെങ്ങനെ കൈകാര്യം ചെയ്യുമെന്നതിനിതു വരെ വ്യക്തമായ രൂപം വന്നിട്ടില്ല. പല നിര്‍ദേശങ്ങളുമുണ്ട്.

"കൂടംകുളത്ത് ഭൂമിക്കടിയില്‍ 20 അടി താഴ്ചയില്‍ 1½ മീറ്റര്‍ ഘനമുള്ള കോണ്‍ഗ്രീറ്റ് ഭിത്തിക്കുള്ളിലാണ് ആണവവേസ്റ്റ് സൂക്ഷിക്കുക".

എത്ര ലളിത വത്കരിച്ചാണ്, സുകുമാരന്‍ ഇത് പറയുന്നത്. കൂടം കുളത്തു തന്നെഭൂമിക്കടിയില്‍ 20 അടി താഴ്ച്ചയില്‍ ഇത് 10000 മുതല്‍ 10 ലക്ഷം വര്‍ഷം വരെ സൂക്ഷിക്കാമെന്നൊക്കെ പറയുമ്പോള്‍ ഇക്കാര്യത്തിലുള്ള അദ്ദേഹത്തിന്റെ അജ്ഞത വെളിവാകുന്നു. ഒരു ജന വാസ കേന്ദ്രത്തിലും ഈ വേസ്റ്റ് സുബോധമുള്ളവര്‍ സൂക്ഷിക്കില്ല. ഇന്‍ഡ്യക്ക് ആണവ വേസ്റ്റ് dispose ചെയ്യാനുള്ള ഒരു പദ്ധതി പോലുമില്ല. മറ്റ് രാജ്യക്കാര്‍ ആലോചിക്കുന്ന കാര്യങ്ങള്‍ ഇവിടെ ഛര്‍ദ്ദിച്ചു വയ്ക്കുന്നതല്ലാതെ. ജനവാസമില്ലാത്ത ഇടങ്ങളില്‍ സൂക്ഷിക്കാം എന്ന നിര്‍ദ്ദേശം വന്നപ്പോള്‍ ലോകം മുഴുവന്‍ ജനങ്ങളാണതിനെ എതിര്‍ത്തത്? സുകുമാരന്റെ വീടിനടുത്ത് 20 അടി താഴ്ച്ചയില്‍ ഇത് സൂക്ഷിക്കാന്‍ അനുവാദം കൊടുക്കുമോ എന്തോ?

കൂടം കുളത്തെ ജോലിക്കാര്‍ താമസിക്കുന്നത് 15 കിലോമീറ്റര്‍ ദൂരെയാണ്. അത്ര സുരക്ഷിതമാണെങ്കില്‍ എന്തുകൊണ്ട് ഇവരുടെ താമസസ്ഥലം മറ്റ് ജനങ്ങളുടേതുപോലെ അടുത്തുണ്ടാക്കിക്കൂടാ?

20 അടി താഴ്ച്ചയില്‍ സുരക്ഷിതമാണെങ്കില്‍ ചെയ്യേണ്ടത്, ഡെല്‍ഹിയുടെ ഹൃദയ ഭാഗത്ത് സൂക്ഷിക്കാനുള്ള നടപടികളാണു വേണ്ടത്.

"60 കൊല്ലത്തെ ചരിത്രത്തില്‍ ആകെ മൂന്ന് അപകടങ്ങളാണ് ആണവനിലയങ്ങള്‍ മുഖേന ഉണ്ടായിട്ടുള്ളത്. ഇതില്‍ ആണവവികരണം കൊണ്ട് മരണപ്പെട്ടത് 1986ല്‍ ചെര്‍ണോബിലില്‍ 50-ലധികം ആളുകളാണ്. 1979ല്‍ അമേരിക്കയിലെ ത്രീമൈല്‍ അയലന്‍ഡില്‍ വികിരണം കൊണ്ട് ആരും മരണപ്പെട്ടിട്ടില്ല. ഇക്കഴിഞ്ഞ 2011 മാര്‍ച്ച് 11ന് ഫുകുഷിമായില്‍ വികിരണം കൊണ്ട് ആരും മരണപ്പെട്ടില്ല".

വികിരണം കൊണ്ട് എത്ര പേര്‍ മരണപ്പെട്ടു എന്നതാണിദ്ദേഹത്തിനുള്ള സുരക്ഷിതത്വത്തിന്റെ അളവുകോല്‍..

ആരും മരണപ്പെടാത്ത Three Mile Island അപകടത്തിലെ ശുചീകരണ പ്രക്രിയക്ക് അമേരിക്ക ചെലവാക്കിയ സംഖ്യ അമ്പരിപ്പിക്കുതാണ്. 1979 ല്‍ ഈ അപകടം ഉണ്ടായതിനു ശേഷം ശുചീകരണ പ്രവര്‍ത്തികള്‍ക്ക് 14 വര്‍ഷങ്ങളാണിതിനെടുത്തത്. ചെലവാക്കിയ തുക 1 ബില്യണ്‍ ഡോളറും. ഇത് 1985 ലെ കണക്കാണ്.

ഇനി Chernobyl ല്‍ ചെലവായതിന്റെ കണക്ക് കേട്ടോളൂ. ഒന്നും രണ്ടും ബില്യണല്ല. 200 ബില്യണ്‍ ഡോളറാണതിനു ചെലവാക്കിയത്. അവിടെ 336000 ആളുകളെ മാറ്റിപാര്‍പ്പിക്കേണ്ടി വന്നു. ഇതൊക്കെ ഒരു നാടിന്റെ സമ്പദ്‌വ്യവസ്ഥയില്‍ ഏല്‍പ്പിക്കുന്ന ആഘാതങ്ങളൊന്നും ആന്ധ്യം ബാധിച്ച ഇവര്‍ക്കൊന്നും കാണാന്‍ സാധിക്കുന്നില്ല. സോവിയറ്റ് സമ്പദ്‌വ്യവസ്ഥ തകരാനുള്ള ഒരു കാരണം ഈ അപകടമാണ്. ഇപ്പോള്‍ ആണവനിലയം കോണ്‍ക്രീറ്റ് കൊണ്ട് മൂടി വച്ചിരിക്കുന്നു. ഇനി അതിനെ എന്തു ചെയ്യണം എന്ന് ആര്‍ക്കും ഒരു ധാരണയുമില്ല.

ഫുകുഷിമായില്‍ ജപ്പാന്‍ പ്രതീക്ഷിക്കുന്ന തുക 250 ബില്യണ്‍ ഡോളറാണ്. അതില്‍ 188 ബില്യണ്‍ അപകടം ഉണ്ടായ റിയാക്റ്ററുകള്‍ dispose ചെയ്യാനാണ്. 80000 അളുകളെ മാറ്റി പാര്‍പ്പിക്കേണ്ടി വന്നു. ശുചീകരണ പ്രവര്‍ത്തികള്‍ 40 വര്‍ഷം നീണ്ടുനില്‍ക്കുമെന്നാണ്, ജാപ്പനീസ് അധികാരികള്‍ പറയുന്നത്.

"കുറെക്കാലമായി ഇന്ത്യയ്ക്ക് ആണവ ഉപരോധം നേരിടേണ്ടി വന്നപ്പോഴാണ് നാം ഈ സാങ്കേതികവിദ്യ സ്വയം ആര്‍ജ്ജിച്ചത്. അങ്ങനെ വരുമ്പോള്‍ ആണവവേസ്റ്റിന്റെ 75% വും വീണ്ടും ഇന്ധനമായി ഉപയോഗിക്കാന്‍ കഴിയും. മറ്റൊരു ഇന്ധനവും ഇപ്രകാരം റിന്യൂ ചെയ്യാന്‍ കഴിയില്ല".

അപ്പോള്‍ ഈ റിയാക്റ്ററുകളിലെ വേസ്റ്റുകളോ?

ഇന്‍ഡ്യ തോറിയം റിയാകറ്ററുകള്‍ വികസിപ്പിച്ചു എന്നതൊക്കെ അമേരിക്കക്കറിയാം. അമേരിക്കയിലെ കുറച്ചു രാഷ്ട്രീയക്കാരെ തൃപ്തിപ്പെടുത്താന്‍ ഇറക്കിയ വെറുമൊരു നമ്പരാണ്, യുറേനിയം റീസൈക്കിള്‍ ചെയ്യാന്‍ പാടില്ല എന്ന അമേരിക്കന്‍ ശാഠ്യം പിടിക്കലൊക്കെ. നോക്കിക്കോളൂ, ഇന്‍ഡ്യ തോറിയം റിയാക്റ്ററുകള്‍ പ്രാവര്‍ത്തന ക്ഷമമാക്കുമ്പോള്‍ ഇപ്പോള്‍ ഈ ശാഠ്യം പിടിക്കുന്ന അമേരിക്ക ഉള്‍പ്പടെയുള്ള സമ്പന്ന രാജ്യങ്ങള്‍ എല്ലാ വേസ്റ്റുകളും ഇന്‍ഡ്യയില്‍ കൊണ്ടു വന്ന് തള്ളിത്തുടങ്ങും. Dispose ചെയ്യാന്‍ അവര്‍ കാണുന്ന എളുപ്പ മാര്‍ഗ്ഗം അതായിരിക്കും. ഇപ്പോള്‍ ആസ്ബസ്റ്റോസ് വേസ്റ്റ് കൊണ്ടു വന്ന് തള്ളുന്നതുപോലെ. അതിനവര്‍ വിലയും മേടിക്കും പിന്നെ dispose ചെയ്യേണ്ട ബാധ്യത ഇന്‍ഡ്യയുടെയും ആയിരിക്കും. മണ്ടന്‍ സിംഗിനതിന്റെ ഗുട്ടന്‍സ് പിടികിട്ടിയിട്ടില്ല.

ഇത്രയും ആമുഖമായി പറഞ്ഞത്, ശ്രീ സുകുമാരന്‍ പ്രചരിപ്പിക്കുന്നതല്ല വസ്തുതകള്‍ എന്ന് കാണിക്കാനായിരുന്നു.

എന്താണ്, ഭാവിയില്‍ ഇന്‍ഡ്യക്കു യോജിച്ച വൈദ്യുത പദ്ധതികള്‍?

ശ്രീ സുകുമാരന്‍ എഴുതുന്നു.

"സൂര്യപ്രകാശത്തില്‍ നിന്ന് വൈദ്യുതി ഉണ്ടാക്കാന്‍ മറ്റൊരു ഊര്‍ജ്ജവും വേണ്ട. എന്നാല്‍ സൌരോര്‍ജ്ജം കൊണ്ട് പ്രവര്‍ത്തിക്കുന്ന വൈദ്യുതനിലയങ്ങള്‍ സ്ഥാപിക്കാനുള്ള ചെലവ് വളരെ കൂടുതലാണ്. മാത്രമല്ല വന്‍‌കിട തൊഴില്‍‌ശാലകള്‍ക്ക് ആവശ്യമായ വൈദ്യുതി സൌരോര്‍ജ്ജം കൊണ്ട് ഉല്പാദിപ്പിക്കാന്‍ കഴിയുന്ന സാങ്കേതികവിദ്യ ഇനിയും വികസിപ്പിച്ചിട്ടുമില്ല. അന്തരീക്ഷം പുകയും പൊടിപടലങ്ങളും കൊണ്ടും മറ്റ് കാരണങ്ങളാലും സൂര്യപ്രകാശം കിട്ടാത്ത സാഹചര്യങ്ങളില്‍ വൈദ്യുതോല്പാദനം നടക്കില്ല എന്നൊരു ന്യൂനതയുമുണ്ട്. വീടുകള്‍ക്കും ചെറിയ തൊഴില്‍ സ്ഥാപനങ്ങള്‍ക്കും സൂര്യപ്രകാശത്തില്‍ നിന്ന് വൈദ്യുതി ഉല്പാദിപ്പിക്കാം".

ഇതില്‍ നിന്ന് അദ്ദേഹം ഉദ്ദേശിക്കുന്നത് ആണവ വൈദ്യുതിക്ക് ചെലവ് കുറവും, സൌരോര്‍ജ്ജ വൈദ്യുതിക്ക് ചെലവ് കൂടുതലും ആണ്, എന്നാണ്.

ഇത് തെറ്റിദ്ധാരണ പരത്തുന്ന പ്രസ്താവനയാണ്. ആണവ വൈദ്യുതി വിലകുറഞ്ഞതാണോ?

ആണെന്നാണ്, പ്രചരിപ്പിക്കപ്പെടുന്നത്. പക്ഷെ വാസ്തവം അതല്ല. ഇപ്പോള്‍ ആണവ വൈദ്യുതിയുടെ ചെലവ് kwh ന്‌ 2.80 രൂപ ആയി കണക്കാക്കപ്പെടുന്നു. പക്ഷെ ഇത് ആണവ  വൈദ്യുതിയുടെ സബ്സിഡി കണക്കാക്കാതെയാണ്. Atomic Energy Commission ന്, എത്ര സബ്സിഡി കൊടുക്കുന്നു എന്നത് ഇന്നും ആര്‍ക്കും അറിവില്ലാത്ത സംഗതികളാണ്. 1996 ല്‍ Atomic Energy Commission ന്റെ സഞ്ചിത നഷ്ടം 10 ബില്യണ്‍ രൂപയായിരുന്നു. ഇപ്പോള്‍ എത്രയാണെന്നതിന്റെ കണക്കുകള്‍ ലഭ്യമല്ല. മറ്റ് ചില സബ്സിഡികളേക്കുറിച്ച് ഇവിടെയും, ഇവിടെയും വായിക്കാം.

പടിഞ്ഞാറന്‍ നാടുകളില്‍ ഇപ്പോള്‍ ഫിന്‍ലണ്ടിലും, ഫ്രാന്‍സിലും മാത്രമേ പുതിയ ആണവ റിയാക്റ്ററുകള്‍ പണിയുന്നുള്ളൂ. അതില്‍ ഫ്രാന്‍സിലേത് fusion റിയാക്റ്ററാണ്. അതിന്റെ ചെലവ് കൂടുതലായിരിക്കും.പക്ഷെ ഫിന്‍ലണ്ടിലേത് ഇപ്പോള്‍ മറ്റിടങ്ങളിലൊക്കെ ഉപയോഗിക്കുന്ന fission ഉപയോഗിക്കുന്നു. 17 വര്‍ഷങ്ങള്‍ക്ക് ശേഷമാണ്, ഫിന്‍ലന്റ് പുതിയ അണവ നിലയം സ്ഥാപിക്കാന്‍ തുടങ്ങിയത്. ഇതിനുദ്ദേശിച്ചിരുന്ന ചെലവ് 3 ബില്യണ്‍ യൂറോ ആയിരുന്നു. പക്ഷെ ഇപ്പോള്‍ അത് 4.2 ബില്യണ്‍ ആണെന്ന് കണക്കാക്കപ്പെടുന്നു. ഇനിയും ഉയരാമെന്നതാണ്, യാഥാര്‍ത്ഥ്യം. ഫുകുഷിമ അപകടത്തിനു ശേഷം കൂടുതല്‍ സുരക്ഷാ നടപടികള്‍ വേണ്ടി വരും. അപ്പോള്‍ ചെലവ് കൂടും.

അപ്പോള്‍ നമ്മളെ പറഞ്ഞു ധരിപ്പിച്ചിരിക്കുന്നതല്ല യഥാര്‍ത്ഥ ചെലവ്. ഒരു പക്ഷെ ഇത് kwh ന്‌ 10 രൂപ വരെ ആകാം. സൌരോര്‍ജ്ജം ചെലവു കൂടിയതാണെന്ന് പറഞ്ഞ് പ്രചരിപ്പിക്കുന്നവര്‍ പറയാറുള്ളത് മറ്റൊരു കഥയാണ്. സൌരോര്‍ജ്ജത്തിന്റെ ചെലവ് kwh ന്‌ 15 രൂപയും ആണവ വൈദ്യുതിക്ക് kwh ന്‌ 2.8 രൂപയും.

പക്ഷെ അടുത്തനാളില്‍ ഒരു ഫ്രഞ്ച് കമ്പനി Solairedirect SA, kwh ന്‌ 7.49 രൂപ നിരക്കില്‍ ഇന്‍ഡ്യയില്‍ സൌരോര്‍ജ്ജ വൈദ്യുതി നിലയം സ്ഥാപിക്കാം എന്നു അവകാശപ്പെടുന്നു. ഇതിന്റെ കൂടെ ആണവ  വൈദ്യുതിക്ക് നല്‍കുന്ന സബ്‌സിഡി കൂടി കൊടുത്താല്‍ ചെലവ് kwh ന്‌ 2 രൂപയില്‍ താഴെ ആയിരിക്കും.

ഇതു മാത്രമല്ല, solar panel കള്‍ക്ക് ഇപ്പോള്‍ കഴിഞ്ഞ വര്‍ഷത്തേക്കാള്‍ 40% വിലക്കുറവുണ്ട്. അതിനിയും കുറഞ്ഞു വരും. 2013 ആകുമ്പോഴേക്കും ഇപ്പോഴുള്ളതിന്റെ പകുതി വിലയേ ഉണ്ടാകൂ. ഒരു ദശകത്തിനുള്ളില്‍ എണ്ണയും കല്‍ക്കരിയും അടിസ്ഥാനമാക്കിയുള്ള വൈദ്യുതിയുടെ ചെലവിന്റെ അത്രയുമേ സൌരോര്‍ജ്ജത്തിനുമുണ്ടാകൂ.

ഭൂമി നിലനില്‍ക്കുന്നിടത്തോളം കാലം സൂര്യ പ്രകാശം ഇവിടെ ഉണ്ടാകും. ഒരിക്കലും വറ്റാത്ത ഊര്‍ജ്ജസ്രോതസാണു സൂര്യന്‍. ഇന്‍ഡ്യയുടെ 90% സ്ഥലങ്ങളിലും വര്‍ഷം തോറും ചതുരശ്ര മീറ്ററില്‍ പതിക്കുന്ന സൂര്യപ്രകാശം 2 മെഗവാട്ട് വൈദ്യുതി ഉത്പാദിപിക്കാന്‍ ആവശ്യമുള്ളത്രയുണ്ട്.

അന്തരീക്ഷം പുകയും പൊടിപടലങ്ങളും കൊണ്ടും മറ്റ് കാരണങ്ങളാലും സൂര്യപ്രകാശം കിട്ടാത്ത സാഹചര്യങ്ങളില്‍ വൈദ്യുതോല്പാദനം നടക്കില്ല എന്നു പറയുന്നതിനു യാതൊരു അടിസ്ഥാനവുമില്ല. സൂര്യ പ്രകാശം വളരെ കുറവുള്ള തണുപ്പു കാലങ്ങളിലെ വൈദ്യുതോദ്പാദനം എങ്ങനെയെന്നതിന്, ഓസ്റ്റ്രേലിയയില്‍ നിന്നുള്ള തെളിവു ഇവിടെ ഉണ്ട്.

അവര്‍ ചെയ്യുന്നത് ഇതാണ്. വീടുകളിലും ചെറിയ സ്ഥാപനങ്ങളിലും സബ്സിഡി നല്‍കി സൌരോര്‍ജ്ജ പദ്ധതി സ്ഥാപിക്കുന്നു. എന്നിട്ട് general grid മായി ഒരു Import Export Meter വഴി ബന്ധിപ്പിക്കുന്നു. ഉത്പാദിപ്പിച്ച് നല്‍കുന്ന വൈദ്യുതിക്ക് 53 c/kwh പ്രതിഫലം നല്‍കുന്നു. General grid ല്‍ നിന്നും ഉപയോഗിക്കുന്ന വൈദ്യുതിക്ക് സാധാരണനിരക്കില്‍ ബില്ലും നല്‍കുന്നു. നമുക്കും ആ രീതി പിന്തുടരാവുന്നതേ ഉള്ളു.

ലോകത്ത് ഏറ്റവും  കൂടുതല്‍ യുറേനിയം ഉള്ള ഓസ്റ്റ്രേലിയ ആണവ വൈദ്യുതി ഉണ്ടാക്കുന്നില്ല. ഇപ്പോള്‍ അവര്‍ സൌരൊര്‍ജ്ജം ഉപയോഗപ്പെടുത്താനുള്ള വലിയ പദ്ധതികളാണാവിഷ്കരിക്കുന്നതും. വീടുകളില്‍ സൌരോര്‍ജ്ജ ജെനറേറ്ററുകള്‍ സ്ഥാപിക്കാന്‍ സബ്സിഡിയും കൊടുക്കുന്നു. ഒരു ശരാശരി കുടുംബത്തിന്റെ ഊര്‍ജ്ജവശ്യം നിറവേറ്റാന്‍ 2 KW ശേഷിയുള്ള സൌരോര്‍ജ്ജ സ്ഥാപനത്തിനു വേണ്ടി മൂന്നില്‍ രണ്ട് ഭാഗം സബ്സിഡി കൊടുക്കുന്നു. 10000 ഡോളര്‍ ചെലവുള്ള Installation നു 7000 ഡോളര്‍ വരെ സബ്സിഡി കൊടുക്കുന്നു. വീടുകള്‍ക്കും ചെറിയ തൊഴില്‍ സ്ഥാപനങ്ങള്‍ക്കും സൂര്യപ്രകാശത്തില്‍ നിന്ന് വൈദ്യുതി ഉല്പാദിപ്പിക്കാം. എന്ന് സുകുമാരന്‍ പറഞ്ഞത് ഇന്‍ഡ്യന്‍ സാഹചര്യത്തില്‍ വളരെ അര്‍ത്ഥവത്താണ്. ഇന്‍ഡ്യയിലെ ഏറ്റവും വലിയ ഉപഭോക്താക്കള്‍ ഈവിഭാഗത്തില്‍ പെടും.

ചെറിയ സ്ഥലങ്ങളിലേക്കാവശ്യമുള്ള ചെറിയ പദ്ധതികളാണവര്‍ ഇപ്പോള്‍ പ്രവര്‍ത്തിപ്പിക്കുന്നത്. വലിയ പദ്ധതികള്‍ക്ക് വേണ്ട രൂപ രേഖ തയ്യാറാക്കി വരുന്നു.

മാത്രമല്ല വന്‍‌കിട തൊഴില്‍‌ശാലകള്‍ക്ക് ആവശ്യമായ വൈദ്യുതി സൌരോര്‍ജ്ജം കൊണ്ട് ഉല്പാദിപ്പിക്കാന്‍ കഴിയുന്ന സാങ്കേതികവിദ്യ ഇനിയും വികസിപ്പിച്ചിട്ടുമില്ല, എന്നു പറയുന്നത് അജ്ഞതയാണ്. ലോകത്തിന്റെ പല ഭാഗത്തും വന്‍കിട പദ്ധതികള്‍ നടപ്പിലാക്കി വരുന്നു. വന്‍കിട തൊഴില്‍ ശാലകള്‍ക്ക് ആവശ്യമുള്ള വൈദ്യുതി ഉണ്ടാക്കുന്ന അനേകം പദ്ധതികള്‍ അമേരിക്കയിലിപ്പോള്‍ നടപ്പിലാക്കുന്നു. ഇന്‍ഡ്യക്ക് ആണവ നിലയം തന്നിട്ട് അവര്‍ സൌരോര്‍ജ്ജത്തിലാണിപ്പോള്‍ ശ്രദ്ധിക്കുന്നത്. എത്ര വലിയ വന്‍കിട വ്യവസായ ശാലയായാലും 4000 MW ശേഷിയുള്ള പദ്ധതികള്‍ സ്ഥാപിക്കേണ്ട യാതൊരു ആവശ്യവുമില്ല.

അമേരിക്കയിലെ കാലിഫോര്‍ണിയയില്‍ വന്‍ കിട സൌരോര്‍ജ്ജ പദ്ധതികള്‍ സ്ഥാപിക്കുന്നുണ്ട്.Ivanpah Solar Electric Generating System,എന്ന പണി പുര്‍ത്തിയായി വരുന്ന പദ്ധതിയില്‍ നിന്നും 375 MW വൈദ്യുതി ലഭിക്കും.

When complete in 2013, Ivanpah will be the largest solar thermal power plant in the world, generating enough electricity for 140,000 homes. Brown hopes to add 20,000 megawatts of renewable generation -- about one-third of the state's current power needs -- to California's electric grid by the end of the decade.

Ivanpah is not BrightSource's only project. The company has filed applications with the California Energy Commission to build two other large solar power plants: the 500-megawatt Hidden Hills project, in California's Inyo County, and the 750-megawatt Rio Mesa project in Riverside County.

വീടുകള്‍ വൈദ്യുതി വിഷയത്തില്‍ സ്വയം പര്യാപ്തമാകാന്‍ വേറെയും പദ്ധതികള്‍ അമേരിക്കയില്‍ നടപ്പിലാക്കി വരുന്നു. SolarCity CEO Lyndon Rive എന്ന കമ്പനി നടപ്പാക്കുന്നതാണു മറ്റൊരു പദ്ധതി.

Now they're announcing a deal to install solar systems on up to 120,000 military homes.

SolarCity will install and own the solar systems and sell the electricity to the private companies that manage military housing at a discount of about 10 percent compared with utility prices, according to the company.

It's a business model that now dominates the solar industry. The lender gained confidence that SolarCity was a good bet because of the work it had done on earlier projects.

The company installed solar systems at Davis-Monthan Air Force base in Tucson, Ariz., and it is working on a project at the joint Navy-Air Force Base Pearl Harbor-Hickam near Honolulu.

ഇന്ന് ജപ്പാനിലെ 30% വൈദ്യുതിയും ആണവവൈദ്യുതിയാണ്. ഫുകുഷിമക്ക് ശേഷം ഇനി കൂടുതല്‍ ആണവ പദ്ധതികള്‍ വേണ്ട എന്നവര്‍ തീരുമാനിച്ചു. മാത്രമല്ല. 2030 ല്‍ 50% ആക്കാനുള്ള ലക്ഷ്യം അവര്‍ പാതി വഴിയില്‍ ഉപേക്ഷിച്ചു. Renewable Energy യെ കൂടുതലായി ആശ്രയിക്കാനും തീരുമാനിച്ചു.

2050 ഓടുകൂടി ലോകത്തെ 80% ഊര്‍ജ്ജാവശ്യങ്ങളും Renewable Energy കൊണ്ട് സാധിക്കുമെന്നാണു വിദദ്ധര്‍ പറയുന്നത്. ലോകം മുഴുവനും ഈ വഴിക്ക് നീങ്ങുമ്പോള്‍ ഇന്‍ഡ്യ അപകടം ക്ഷണിച്ചു വരുത്താനുള്ള ശ്രമമാണ്. കൂടം കുളത്തു തന്നെ 20 അടി താഴ്ച്ചയില്‍ ആണവ വേസ്റ്റ് 10 ലക്ഷം വര്‍ഷം വരെ സൂക്ഷിക്കാമെന്നൊക്കെ പറയുന്ന ശ്രീ സുകുമാരനൊക്കെ ഇതേക്കുറിച്ച് ഒന്നുമറിയാത്ത സാധാരണക്കാരെ വഴി തെറ്റിക്കുകയാണ്.

സൌരോര്‍ജ്ജമാണ്, ഇന്‍ഡ്യക്കേറ്റവും യോജിച്ചത്. 90% സ്ഥലങ്ങളില്‍ വൈദ്യുതി ഉത്പാദിപ്പിക്കാനുള്ള സൂര്യ പ്രകാശം ലഭിക്കുന്നുണ്ട്.

നന്നായി കാറ്റു വീശുന്ന സ്ഥലങ്ങളില്‍ കാറ്റാടി യന്ത്രങ്ങളും സ്ഥാപിക്കാം.

സാധ്യമായ ഇടങ്ങളില്‍ ചെറുകിട ജലവൈദ്യുത പദ്ധതികളും സ്ഥാപിക്കാം.

ഇവയൊക്കെ എപ്പോഴെങ്കിലും പൊളിച്ചു മാറ്റേണ്ടി വന്നാല്‍ നിസാര ചെലവേ വരൂ. ആണവ നിലയം പൊളിച്ചു മാറ്റേണ്ടി വന്നാല്‍ അത് സമ്പദ്‌വ്യവസ്ഥയെ തന്നെ താളം തെറ്റിക്കും.

2011-12-11T04:38:00.000-08:00

മൂന്നാം കിട ജനതയ്ക്ക് ഏഴാംകിട നേത്വമേ ഉണ്ടാകൂ എന്നത് പ്രസിദ്ധമായ ഒരാപ്തവാക്യമാണ്. ഇതിപ്പോള്‍ ഓര്‍ക്കാന്‍ കാരണം പ്രസിദ്ധ സിനിമാക്കഥാ നിരൂപകനായ ജി പി രാമചന്ദ്രന്റെ മുല്ലപ്പെരിയാര്‍ - പൊട്ടുന്ന ഡാമും പൊട്ടാത്ത ഭീതികളും എന്ന ലേഖനം വായിച്ചതുകൊണ്ടും. അതില്‍ രാമചന്ദ്രന്‍ രണ്ടു ലേഖനങ്ങള്‍ പരാമര്‍ശിക്കുന്നു. നാലാമിടം എന്ന Web Portal ലെ രണ്ട് ലേഖനങ്ങളാണു രാമചന്ദ്രന്‍ പരാമര്‍ശിക്കുന്നത്. തമിഴനെ കണ്ടാല്‍ പച്ചക്ക് തീകൊളുത്തണം’ എന്ന മനോനിലയാണിപ്പോള്‍ മലയാളിക്കെന്ന്, അതിലെ ഒരു ലേഖനത്തില്‍ അപവാദ പ്രചരണം നടക്കുന്നുണ്ട്. മറ്റൊന്നില്‍ കൊച്ചി അടക്കമുള്ള നഗരങ്ങളിലെ പരിഷ്കൃതരായ മനുഷ്യരുടെ നഷ്ടത്തിന്റെ കണക്കേ ചര്‍ച്ചകളിലുള്ളൂ എന്ന വിലാപമാണ്.

"അണക്കെട്ടിനപ്പുറത്തേക്കും" , "ആശങ്കകള്‍ക്കപ്പുറത്തേക്കും" എന്ന പേരുകളില്‍ വികലമായി ചിന്തിക്കുന്ന മറ്റ് രണ്ട് ലേഖനങ്ങള്‍ കൂടി അവിടെയുണ്ട്.

അരുത്, നാം ശത്രുക്കളല്ല എന്ന പേരില്‍, ശ്രീ. അനൂപ് എഴുതിയ അതിശയോക്തിയും അര്‍ത്ഥ സത്യങ്ങളും കുത്തിനിറച്ച ലേഖനത്തിലെ ചില കാര്യങ്ങളോട് ഞാന്‍ പ്രതികരിച്ചിരുന്നു . പക്ഷെ ആ പ്രതികരണങ്ങള്‍ അദ്ദേഹം നീക്കം ചെയ്തു. മലയാളികള്‍ തമിഴന്‍മാരെ ശത്രുക്കളായി കരുതുന്നു എന്ന വികല ചിന്തയില്‍ നിന്നാണീ വിലാപം.

അതിനദ്ദേഹം ഇന്റര്‍നെറ്റില്‍ നിന്നും കണ്ടെടുത്ത അഭിപ്രായങ്ങള്‍ ഇവയാണ്.

ഫേസ്ബുക്കില്‍ തമിഴനെതിരായ് വന്ന പതിനെട്ടടവുകളില്‍ ചിലതിങ്ങനെ:

1. ‘ശബരിമലയില്‍ വരുന്ന പാണ്ടി അയ്യപ്പ ഭക്തര്‍ക്ക് ഡാം 999 സിനിമയുടെ ഡിവിഡി കൊടുക്കുക’ ( തമിഴരെ ശബരിമലയില്‍ കയറ്റില്ല എന്ന് പറയാഞ്ഞത് ഭാഗ്യം! അല്ലെങ്കില്‍ ശമ്പളം കൊടുക്കാന്‍ കേരളസര്‍ക്കാര്‍ വലഞ്ഞേനെ. അല്ലെങ്കിലും പ്രതിഷേധിക്കുമ്പോഴും പ്രായോഗികത നോക്കുന്നവരാണല്ലോ നമ്മള്‍!) ‘

2. തമിഴ് സിനിമകള്‍ നിരോധിക്കുക’ ( നമ്മള്‍ വേണം എന്ന് വിചാരിച്ചാലും നമ്മുടെ തിയറ്റര്‍ ഉടമകള്‍ സമ്മതിക്കില്ല. കാര്യം നമുക്ക് കുറേ സൂപ്പര്‍ സ്റാറുകള്‍ ഉണ്ടെങ്കിലും തീിയറ്റര്‍ ഉടമകള്‍ക്ക് പത്ത് പുത്തന്‍ കിട്ടണേല്‍ പാണ്ടിപ്പടം തന്നെ ഓടണം! )

3. തമിഴനുണ്ടാക്കുന്ന പച്ചക്കറി ഒരു കാരണവശാലും വായിലേക്ക് കൊണ്ടുപോവാതിരിക്കുക. അവരുടെ വിപണി തകര്‍ക്കുക. ( തമിഴ്നാട്ടില്‍നിന്ന് വരുന്ന ഭക്ഷ്യവസ്തുക്കള്‍ ബഹിഷ്കരിച്ചാല്‍, പിന്നെ അണ പൊട്ടുന്നത് കാത്തുനില്‍ക്കേണ്ടി വരില്ല. പട്ടിണി കിടന്നു ചാവും!)

മാദ്ധ്യമ പ്രവര്‍ത്തകന്‍ എന്ന് സ്വയം വിശേഷിപ്പിക്കുന്ന ഇദ്ദേഹത്തിനു പരിസര ബോധമില്ല എന്നതിന്റെ ഉദാഹരണങ്ങളാണ്, ബ്രാക്കറ്റില്‍ എഴുതിയിരിക്കുന്ന കമന്റുകള്‍ . എവിടെയോ വായിച്ച ഒറ്റപ്പെട്ട ഒരഭിപ്രായം എടുത്തെഴുതി, ഒരു കഥയും മെനഞ്ഞെടുത്ത് അതാണു മലയാളിയുടെ പൊതുവായ അഭിപ്രായം എന്നെഴുതിയിട്ട് ഈ മാദ്ധ്യമപ്രവര്‍ത്തകന്‍ എന്തു നേടാനാണുദ്ദേശിക്കുന്നതെന്ന് മനസിലാകുന്നില്ല.

കേരളത്തിലെ സമ്പദ്‌വ്യവസ്ഥയേപ്പറ്റി ഒരു ചുക്കുമറിയില്ല എന്നതിന്റെ ഉത്തമ ഉദാഹരണമാണ്, തമിഴരെ ശബരി മലയില്‍ കയറ്റിയില്ലെങ്കില്‍ കേരള സര്‍ക്കാരിനു ശമ്പളം കൊടുക്കാന്‍ കഴിയില്ല എന്ന അസംബന്ധം. ഗള്‍ഫ് മലയാളികള്‍ കേരളത്തിലേക്കയക്കുന്ന പണമാണ്, കേരള സര്‍ക്കാരിനെ താങ്ങി നിറുത്തുന്നത് എന്ന് പണ്ടൊരു വിദ്വാന്‍ പറഞ്ഞു കേട്ടിരുന്നു.

ഒന്നോ രണ്ടോ പാണ്ടിപ്പടം ഇവിടെ ഓടിയപ്പോഴേക്കും, തിയേറ്റര്‍ ഉടമകള്‍ക്ക് പണം കിട്ടണമെങ്കില്‍ പണ്ടിപ്പടം ഓടണം എന്നൊക്കെ വീമ്പടിക്കുന്ന ഈ പാണ്ടിക്ക് കേരള സിനിമാ രംഗത്തേക്കുറിച്ചും വലിയ പിടിപാടില്ല. മലയാളിയുടെ പടമായ ഡാം 999 പാണ്ടികള്‍ നിരോധിച്ചതിനേക്കുറിച്ച് അഭിപ്രായം എന്താണാവോ? മുല്ലപ്പെരിയാര്‍ വിഷയം കാരണം പാണ്ടിക്ക് ഒരു പടം നിരോധിക്കാമെങ്കില്‍ മലയാളിക്കും അത് ചെയ്തു കൂടേ?

തമിഴന്റെ ഭഷ്യവസ്തുക്കള്‍ ബഹിഷകരിച്ചാല്‍ പട്ടിണി കിടന്ന് ചത്തുപോകുമത്രേ. എന്താണീ തമിഴന്‍ കേരളത്തിനു തരുന്നത്? കുറച്ച് പച്ചക്കറിയും അരി യും  അല്ലാതെ. കേരളത്തിലെ വിപണി ലക്ഷ്യമാക്കി കൂടിയ തോതില്‍ എന്‍ഡോസള്‍ഫാന്‍ അടിച്ച വിഷമാണീ തമിഴന്‍ പച്ചക്കറി എന്ന പേരില്‍ കേരളത്തില്‍ കൊണ്ട് വന്ന് തള്ളുന്നത്. അതുകൊണ്ട് പച്ചക്കറി ബഹിഷ്കരിക്കുക എന്നത് വളരെ നല്ല ഒരു കാര്യമാണ്. എന്തിനീ വിഷം മേടിച്ച് കഴിക്കണം? തമിഴന്റെ പച്ചക്കറി ബഹിഷ്കരിച്ചാല്‍ അത് ഇവിടെ പച്ചക്കറി ഉണ്ടാക്കാനുള്ള ഉത്തേജനം കൂടി ആകും. വിഷമില്ലാത്ത പച്ചക്കറികള്‍ മലയാളികള്‍ ഉത്പാദിപ്പിക്കട്ടെ.

തമിഴന്‍ ഭക്ഷ്യവസ്തുക്കള്‍ തന്നില്ലെങ്കില്‍ മലയാളികള്‍ ചത്തു പോകുമെന്നു പറയുന്ന അതേ തമാശയാണ്, കേരളം വെള്ളം കൊടുത്തില്ലെങ്കില്‍ തമിഴ് നാട്ടിലെ അഞ്ച് ജില്ലകളിലെ തമിഴന്‍മാര്‍ വെള്ളം കിട്ടാതെ ദാഹിച്ചു വലഞ്ഞ് ചത്തുപോകും, എന്നു പറയുന്നതിലും ഉള്ളത്. പക്ഷെ ഒരു മലയാളിയും ആ തമാശ പറയില്ല. കാരണം, മലയാളി വെള്ളം കൊടുത്തില്ലെന്നു കരുതി തമിഴന്‍മാര്‍ ആരും ചത്തുപോകില്ല. അതുപോലെ തമിഴന്‍ ഭക്ഷ്യവസ്തുക്കള്‍ തന്നില്ല എന്നു കരുതി ഒരു മലയാളിയും ചത്തുപോകില്ല.

ബഹിഷ്കരണവും ഒരു സമര മാര്‍ഗ്ഗമാണ്. അധിനിവേശ ശക്തിയായിരുന്ന ബ്രിട്ടനെതിരെ വസ്ത്ര ബഹിഷ്കരണമായിരുന്നു മഹാത്മാ ഗാന്ധിയുടെ ഒരു ആയുധം. തിയേറ്റര്‍ ഉടമകള്‍ പാണ്ടിപ്പടം കളിച്ചാലും. കാണികള്‍ ബഹിഷ്കരിച്ചാല്‍ പണം കിട്ടില്ല. പടം ബഹിഷ്കരിച്ചാലും ഭഷ്യ വസ്തുക്കള്‍ ബഹിഷ്കരിച്ചാലും വിപണിയുടെ ഒരു ഭാഗമില്ലാതാകും. കേരളം വെള്ളം കൊടുത്തില്ലെങ്കില്‍ കുറെയേറെ സ്ഥലത്തെ ജനജീവിതത്തെ അത് ബാധിക്കും. ഇതൊക്കെ സാമാന്യ യുക്തിയുള്ളവരൊക്കെ മനസിലാക്കുന്ന കാര്യങ്ങള്‍.

ഫേസ് ബുക്കില്‍ കണ്ട ഒരഭിപ്രായം വച്ച് മലയാളികളുടെ മേല്‍ കുതിര കയറുന്ന ഇദ്ദേഹത്തിന്‌, തമിഴ് നാട്ടിലുടനീളം മലയാളികളെ തമിഴന്‍മാര്‍ ആക്രമിക്കുന്നതൊന്നും കാണാനുള്ള കണ്ണില്ല. കുമളി വരെ സംഘടിച്ചു വന്ന് മലയാളികളുടെ നേരെ തമിഴന്‍ കല്ലെറിയുന്നു..

എന്തോ ഔദാര്യം പോലെ അദ്ദേഹം മൊഴിയുന്നു.

>>>>അണക്കെട്ടുമായി ബന്ധപ്പെട്ട് ആശങ്കകള്‍ പരിഹരിക്കപ്പെടേണ്ടത് തന്നെയാണ്. അതുപക്ഷെ ഇങ്ങനെയല്ല. രമ്യവും ശാശ്വതവും യുക്തിഭദ്രവുമായി പരിഹരിക്കേണ്ട പ്രശ്നത്തെ വെറുപ്പിന്റെയും വൈരാഗ്യത്തിന്റെയും പകയുടെ തലത്തിലേക്ക് വളര്‍ത്തരുത്.<<<<

അണക്കെട്ടു മായി ബന്ധപ്പെട്ട് ഒരാശങ്കയേ മലയാളിക്കുള്ളു. അത് എപ്പോള്‍ വേണമെങ്കിലും തകരാം എന്നതു മാത്രമാണ്. അത്  ശാശ്വതവും രമ്യവുമായി പരിഹരിക്കപ്പെടണമെങ്കില്‍ പുതിയ ഒരണക്കെട്ടു പണിയുക മാത്രമേ കരണീയമായിട്ടുള്ളു. അതേക്കുറിച്ച് മിണ്ടാന്‍ ഇദ്ദേഹത്തിനു നാവു പൊന്തുന്നില്ല. ഇദ്ദേഹം വാഴ്ത്തുന്ന എല്ലാ തമിഴന്‍മാരും, ഈ അണക്കെട്ട് ബലമുള്ളതാണ്, പുതിയ ഒന്ന് പണിയേണ്ട, എന്നാണു ശഠിക്കുന്നത്. ഈ നിലപാട് മാറാതെ എങ്ങനെയാണീ പ്രശ്നം യുക്തി ഭദ്രമായി പരിഹരിക്കാന്‍ ആകുക എന്ന് മാദ്ധ്യമ പ്രവര്‍ത്തകന്‍ ഒന്നു വിശദീകരിച്ചാല്‍ നന്നായിരുന്നു.

ഇപ്പോള്‍ ഈ അണക്കെട്ട് അനധികൃതമായി കൈവശം വച്ചിരിക്കുന്ന ജയലളിത മുതല്‍ വൈക്കോ വരെയുള്ള ജന്തുക്കളൊക്കെ പറയുന്നത് ഈ അണക്കെട്ട് ബലമുള്ളതാണെന്നാണ്. പുതിയ ഒരണക്കെട്ട് പണിയാനോ പണിയിക്കാനോ ഈ വിഷ ജന്തുക്കള്‍ സമ്മതിക്കുന്നില്ല. അത് മാത്രമല്ല, പഴയ അണക്കെട്ടിലെ ജലനിരപ്പ് ഇനിയും ഉയര്‍ത്തണമെന്നാണി അധമ സംഘത്തിന്റെ നിലപാട്. ജലനിരപ്പ് ഉയര്‍ത്തരുതെന്ന് കേരളം നിര്‍ബന്ധിക്കുന്നതിന്റെ കാരണം ഈ ഭീകര സ്ത്രീ കണ്ടുപിടിച്ചത് നോക്കൂ. ഇന്നലെ ജയലളിത ദേശീയ മാദ്ധ്യമങ്ങളില്‍ നല്‍കിയ പരസ്യം ഇതിന്റെ പ്രചരണമായിരുന്നു.

മലയാളികളൊക്കെ മാനസിക രോഗികള്‍ ആണ്. തമിഴ് നാടിനു പാട്ടത്തിനു നല്‍കിയ ഭൂമി കയ്യേറി പണുത റിസോര്‍ട്ടുകള്‍ മുങ്ങിപ്പോകും എന്നതുകൊണ്ട് ആണ്, കേരളം മുല്ലപ്പെരിയാറിലെ ജലനിരപ്പ് ഉയര്‍ത്താന്‍ അനുവദിക്കാത്തത് എന്നാണാ പരസ്യം.

തമിഴ് പുലികള്‍ക്ക് ഇവരേക്കാള്‍ മനുഷ്യത്വമുണ്ടാകും. ഇപ്പോള്‍ തമിഴ്നാടിനു വേണ്ടി കുഴലൂത്തു നടത്തുന്ന അനൂപിനും ഇതേ അഭിപ്രായമാണോ എന്നറിയാന്‍ താല്‍പ്പര്യമുണ്ട്.

>>>>ആരുടേയും ജീവന് ഞങ്ങള്‍ ഭീഷണിയല്ല… പക്ഷെ ഞങ്ങള്‍ക്ക് വെള്ളം വേണം” എന്നാണ് തമിഴ്നാട്ടിലെ എല്ലാ മുഖ്യധാരാ രാഷ്ട്രീയപ്പാര്‍ട്ടികളും പറയുന്നത്. ( തീര്‍ച്ചയായും അങ്ങനെയല്ലാതെ കുരക്കുന്നവരുണ്ടിവിടെ. പക്ഷേ, പേടിക്കേണ്ട അവ കടിയ്ക്കില്ല)!<<<

അങ്ങനെയല്ല, എന്ന് ആരും കുരയ്ക്കേണ്ട ആവശ്യമില്ല. കാണാനും കേള്‍ക്കാനും ശക്തി നശിക്കാത്ത എല്ലാ മനുഷ്യ ജീവികള്‍ക്കുമതറിയാം. ഈ അണക്കെട്ട് ഇന്നലെ പണുത പോലെ ബലമുള്ളതാണെന്ന്, ജയലളിതയും കരുണാനിധിയു വൈക്കോയും മറ്റെല്ലാ തമിഴന്‍മാരും ദിവസം മൂന്നു നേരം ഒരു നേര്‍ച്ച പോലെ പറഞ്ഞ് നടക്കുന്നുണ്ട്.

ഇപ്പോഴത്തെ അണക്കെട്ട് ബലമുള്ളതാണെന്നു പറഞ്ഞാണ്, പുതിയ അണക്കെട്ട് പണിയുന്നതിനെ ഇവരൊക്കെ എതിര്‍ക്കുന്നത്. ഇവര്‍ കുരയ്ക്കുകയണെന്നു പറയുന്ന അനൂപിനിവരുടെ ജന്തു ജാതി ഏതാണെന്ന് ശരിക്കും ബോധ്യമുണ്ട്. നായ്ക്കള്‍ പോലും അതിനെ ഉപദ്രവിച്ചാലെ സാധാരണ കുരയ്ക്കാറുള്ളു. അല്ലാതെ വെറുതെ കുരയ്ക്കുന്നവക്ക് പേ പിടിച്ചിട്ടാണ്. തമിഴ് നാട്ടിലെ എല്ലാ രാഷ്ട്രീയ ജന്തുക്കള്‍ക്കും ഇപ്പോള്‍ പേ പിടിച്ച മട്ടാണ്. ഏതായാലും അനൂപിന്റെ ഉപമ കലക്കിയിട്ടുണ്ട്.

>>>>അണക്കെട്ടിന്റെ അറ്റകുറ്റപ്പണികള്‍ നടത്തണമെന്നും ഇതിനായി ജലനിരപ്പ് താഴ്ത്തണമെന്നും അതുകഴിഞ്ഞാല്‍ ജലനിരപ്പുയര്‍ത്താന്‍ തയ്യാറാണെന്നും കരുണാകരന്‍ അന്നത്തെ തമിഴ്നാട് മുഖ്യമന്ത്രി എം.ജി.ആറിനോട് അഭ്യര്‍ഥിച്ചു. കാര്യം തമിഴകത്തെ ‘മക്കള്‍ തിലകമാണെങ്കിലും’ താന്‍ ശരിക്കും പാലക്കാടന്‍ മരുതൂര്‍ ഗോപാല രാമചന്ദ്രന്‍ മേനോനല്ലേ എന്ന് ചിന്തിച്ച എം.ജി.ആര്‍ കേരളത്തിന്റെ ആവശ്യങ്ങള്‍ക്ക് യെസ്സു മൂളി. കൂട്ടിന് അന്നത്തെ തമിഴ്നാട് ചീഫ് സെക്രട്ടറിയും മലയാളിയുമായ ടി.വി ആന്റണിയും. തമിഴ്നാട് അറ്റകുറ്റപ്പണി നടത്തിയെങ്കിലും ജലനിരപ്പുയര്‍ത്താമെന്ന വാഗ്ദാനം കേരളം പാലിച്ചില്ല’^സ്വാമി പറയുന്നു.<<<<<

രാജാവിനേക്കാള്‍ വലിയ രാജഭക്തി ആണല്ലോ മാദ്ധ്യമപ്രവര്‍ത്തകന്. അപ്പോള്‍ എം ജി ആറും വര്‍ഗ്ഗ വഞ്ചകന്‍. അദ്ദേഹം റ്റി വി ആന്റണിയുമായി ചേര്‍ന്ന് തമിഴരെ വഞ്ചിച്ചു. തമിഴ് നാടിന്റെ പുതിയ മിശിഹായുടെ സുവിശേഷം.

അസത്യങ്ങള്‍ ഇതുപോലെ എഴുതിവിടുന്നതിനു മാദ്ധ്യമപ്രവര്‍ത്തകന്, തേനിയില്‍ വല്ല തോട്ടവും കിടച്ചോ എന്തോ.

ജലനിരപ്പ് ഉയര്‍ത്താമെന്ന ഒരു വാഗ്ദാനവും കേരളം നല്‍കിയിട്ടില്ല. അങ്ങനെ വാഗ്ദാനം നല്‍കാന്‍ ഈ അണക്കെട്ട് ഒരു കാലത്തും കേരളത്തിന്റെ നിയന്ത്രണത്തില്‍ ആയിരുന്നിട്ടില്ല. 1979 ല്‍ മോര്‍വി അണക്കെട്ട് തകര്‍ന്നപ്പോളാണ്, ഈ അണക്കെട്ടിന്റെ ബലത്തേപ്പറ്റിയും സംശയമുണ്ടായത്. കേന്ദ്ര ജല കമ്മീഷന്‍ അണക്കെട്ട് പരിശോധിച്ചിട്ടാണ്, ജലനിരപ്പ് താഴ്ത്താന്‍ തമിഴ് നാടിനോട് നിര്‍ദ്ദേശിച്ചത്. അന്ന് എം ജി ആര്‍ കേരളത്തോട് പറഞ്ഞത്, അണക്കെട്ട് ദുര്‍ബലമാണ്. പുതിയ അണക്കെട്ടു പണിയാം, എന്നായിരുന്നു. അതിനു വേണ്ടി ഒരു സംയുക്ത സര്‍വേ നടത്തി സ്ഥലവും കണ്ടു വച്ചു പിന്നീട് തമിഴ് നാട്, ഈ വഗ്ദാനത്തില്‍ നിന്ന് പിന്നാക്കം പോയി. വാക്കു പാലിക്കാതിരുന്നത് കേരളമല്ല. തമിഴനാണ്.

ഇനി ഒരണക്കെട്ട് പണുതാലും 120 അടിക്ക് മുകളിലുള്ള ഒരെണ്ണം പണിയാന്‍ കേരളം അനുവദിക്കില്ല. അണക്കെട്ട് പോലും വേണ്ട എന്ന് കേരളം ഒരു പക്ഷെ തീരുമാനിച്ചേക്കും.

>>>>കൃഷിക്ക് വെള്ളം വേണം. അതിനപ്പുറമുള്ള രാഷ്ട്രീയമൊന്നും സാധാരണ തമിഴനെ സംബന്ധിച്ചിടത്തോളം മുല്ലപെരിയാര്‍ വിഷയത്തിലില്ല. തമിഴന്‍ നട്ട് നനച്ചാല്‍ മാത്രമേ നമുക്ക് ഉണ്ടുറങ്ങാന്‍ കഴിയൂ. <<<<<

ശാന്തം പാപം.

വെള്ളം ലഭിക്കണം എന്നതിനപ്പുറം ഒരു രാഷ്ട്രീയവും സാധാരണ  തമിഴനില്ല അല്ലേ. കൂടം കുളത്തേപ്പറ്റി മാദ്ധ്യമ പ്രവര്‍ത്തകന്‍ കേട്ടിട്ടുണ്ടോ? അത് തകരാമെന്ന ഭീതിതന്നെയല്ലേ ഈ സാധാരണ   തമിഴനുള്ളത്?

അതൊക്കെ ചിന്തിക്കാനുള്ള കഴിവ് ഈ സാധാരന തമിഴനുണ്ട്. അവന്റെ "അമ്മ"ക്കുണ്ട്. "അപ്പ"നുമുണ്ട്. എവിടന്നു കിട്ടിയതാണോ? പക്ഷെ 50 വര്‍ഷമേ ആയുസുള്ളു എന്നും പറഞ്ഞ് 116 വര്‍ഷം മുമ്പ് പണുത ഒരണക്കെട്ട് ദുര്‍ബലമാകാന്‍ സാധ്യത ഉണ്ടെന്ന് ചിന്തിക്കാനുള്ള ശേഷി അവനില്ല. പിന്നെ എന്തിനിവരെ മനുഷ്യര്‍ എന്നു വിളിക്കണം. വല്ല കാട്ടുപോത്തുകളെന്നോ കാണ്ടാമൃ ഗങ്ങളെന്നോ വിളിച്ചാല്‍ പോരേ?

തമിഴന്‍മാര്‍ക്ക് ഇതേപ്പറ്റി ഒരു ബോധ്യവുമില്ല എന്നാണോ താങ്കളുടെ പക്ഷം? അഞ്ച് ജില്ലകളില്‍ കുടിവെള്ളം മുട്ടുന്നതും തുടര്‍ന്നും വെള്ളം കിട്ടാത്തതും മാത്രമാണോ ഈ മന്തന്‍മാരുടെ ചിന്തയിലുള്ളു. 116 വര്‍ഷം പഴക്കമുള്ള ഈ അണക്കെട്ട് തകരാമെന്നും, അണക്കെട്ട് തകരുമ്പോള്‍ അനേകായിരങ്ങള്‍ ചത്തുപോകും എന്നൊന്നും ഈ മന്തന്‍മാര്‍ക്ക് അറിയേണ്ടെ? അതോ അതറിയാനുള്ള ബുദ്ധി വികാസം ഈ ജന്തുക്കള്‍ക്കില്ലേ?

1979 മുതല്‍ ഇതൊരു തര്‍ക്കവിഷയമായിരുന്നു. പല പ്രാവശ്യം കോടതി കയറി. പല കോടതി വിധികളും ഉന്നതാധികാര സമിതികളുമുണ്ടായി. കൂടം കുളത്തേക്കുറിച്ചൊക്കെ ധാരണയുള്ള ഇവര്‍ക്ക് ഇതൊന്നും അറിയില്ല എന്നാണോ താങ്കളുടെ പക്ഷം?

തമിഴനിതേക്കുറിച്ചറിവില്ല, ബോധ്യമില്ല എന്നൊക്കെ പ്രചരിപ്പിക്കുന്നവരുടെ അജണ്ട വേറെയാണ്.

കൂടം കുളത്തിന്റെ ഭവിഷ്യത്തിനേക്കുറിച്ച് ബോധവാനായ തമിഴന്, മുല്ലപ്പെരിയാറിന്റെ പഴക്കത്തേകുറിച്ചും നല്ല ബോധ്യമുണ്ട്. ഇല്ല എന്നു പ്രചരിപ്പിക്കുന്ന താങ്കളൊക്കെ അവരെ കൊച്ചാക്കുകയാണ്.

തമിഴന്‍ നട്ടു നനച്ചാലേ നമുക്ക് ഉണ്ടുറുങ്ങാന്‍ കഴിയൂ എന്നൊക്കെ സാമാന്യ വത്കരിക്കേണ്ട. എനിക്ക് ഉണ്ടുറുങ്ങാന്‍ കഴിയൂ എന്നു വേണമെങ്കില്‍ പറഞ്ഞോളൂ.

അരിയും പച്ചക്കറിയും തമിഴന്‍ തന്നില്ലെങ്കില്‍ ആന്ദ്രയില്‍ നിന്നോ കര്‍ണാടകയില്‍ നിന്നോ വങ്ങും. അവരും തന്നില്ലെങ്കില്‍ കേരളം കൃഷി ചെയ്തുണ്ടാകും.അതും പറ്റിയില്ലെങ്കില്‍ ആഹാര ക്രമം തന്നെ മാറ്റും. പക്ഷെ തമിഴന്റെ അഹന്തക്കു മുന്നില്‍ മുട്ടു മടക്കില്ല.

കേരളത്തെ തീറ്റിപോറ്റുന്നു എന്ന അഹന്തയുണ്ടെങ്കില്‍ സ്വന്തമായി വെള്ളം അന്വേഷിച്ചു കണ്ടുപിടിച്ചോളൂ. കേരളത്തിലേക്ക് ഒരു ഭഷ്യവസ്തുവും തരേണ്ട. പട്ടിണി ആയാലും ഞങ്ങള്‍ കഴിഞ്ഞോളാം.

>>>>എന്നാല്‍ അറിയുക. ലോകത്തെ ഏറ്റവും പഴക്കമുള്ള ഡാം തമിഴ്നാട്ടിലാണ്. മുല്ലപ്പെരിയാറിനെക്കാള്‍ സംഭരണശേഷിയുള്ള, മുല്ലപ്പെരിയാറിനെപ്പോലെ ചുണ്ണാമ്പും കല്ലും കൊണ്ട് നിര്‍മ്മിച്ച ‘കല്ലണ’ അണക്കെട്ട്. ട്രിച്ചിയില്‍ കാവേരി നദിയ്ക്ക് കുറുകെ കരികാല ചോള രാജാവിന്റെ കാലത്ത് കെട്ടിയ ‘ കല്ലണ’ അണക്കെട്ടിന്റെ പ്രായം 2000 വര്‍ഷത്തിലേറെ വരും. കൃത്യമായി അറ്റകുറ്റപ്പണികള്‍ നടത്തിയാല്‍ എല്ലാ ഡാമും ഇങ്ങിനെ നിലനില്‍ക്കുമെന്ന് തമിഴന്‍ പറയുന്നു. <<<<<

എന്തൊരു മാദ്ധ്യമപ്രവര്‍ത്തനം. ഒരു തമിഴന്‍ അത് പറഞ്ഞപ്പോഴേക്കും, ഈ കല്ലണ എന്താണെന്നോ അതിനെത്ര വലുപ്പമുണ്ടെന്നോ അന്വേഷിക്കാത്ത താങ്കളൊക്കെ മാദ്ധ്യമപ്രവര്‍ത്തനത്തിനു തന്നെ നാണക്കേടാണ്. ശ്രീ കെ പി സുകുമാരനും ഈ കല്ലണയെ ചൂണ്ടിക്കാട്ടിയാണ്, മുല്ലപ്പെരിയറിനു ബലമുണ്ടെന്ന് വാദിക്കുന്നതും.കൂടെക്കൂടെ ഭൂമി കുലുക്കമുണ്ടാകുന്ന ഒരു മേഖലയിലെ പഴകിയ ഒരണക്കെട്ടിനു ബലമുണ്ടെന്ന്സ്ഥാപിക്കാന്‍ ശ്രമിക്കുന്ന താങ്കളുടെ കൂറ്, മലയാളികളോടോ തമിഴനോടോ?

വെറും 5 മീറ്റര്‍ മാത്രം ഉയരമുള്ള ഒരു തടയണയെ 50 മീറ്ററിനു മേല്‍ ഉയരമുള്ള മുല്ലപ്പെരിയാറുമായി താരതമ്യം ചെയ്യുന്നവരുടെ തലയില്‍ ചകിരിച്ചോറാണ്.

>>>>സങ്കുചിതമായ സ്വത്വ ബോധത്തിന്റെ പേരില്‍ തമിഴനെ വിമര്‍ശിക്കുന്ന ‘പ്രബുദ്ധ’ മലയാളി സ്വയം ആ വഴിക്ക് പോകരുത്. <<<<<

വിമര്‍ശിക്കേണ്ടതിനെ വിമര്‍ശിക്കാനാണു മനുഷ്യനു വിശേഷബുദ്ധിയുള്ളത്. തമിഴനു വെള്ളം തരില്ല എന്ന് ഒരു മലയാളിയും പറഞ്ഞിട്ടില്ല. ഇനി പറയുകയുമില്ല. പഴകിയ അണക്കെട്ട് പൊളിച്ചു കളഞ്ഞ് പുതിയ ഒരണക്കെട്ട് പണിയണം എന്നു മാത്രമേ ആവശ്യപ്പെടുന്നുള്ളു. അത് സ്വത്വ ബോധം കൊണ്ടല്ല. ചത്തുപോകുമെന്ന പേടിയുള്ളതുകൊണ്ടാണ്. നേതാവു മരിച്ചാല്‍ തീകൊളുത്തി ചാകാന്‍ മടിക്കാത്ത ജന്തുക്കള്‍ക്ക് ജീവന്റെ വില അറിയണമെന്നില്ല. അതൊക്കെ അറിയണമെങ്കില്‍ മനുഷ്യ രൂപമുണ്ടായാല്‍ മാത്രം പോര.

തമിഴന്‍ ഈ സത്യം മനസിലാക്കുന്നതുവരെ പ്രബുദ്ധ മലയാളി ഇതു പറയും. സുബോധമുള്ള ആരും ഇതേ പറയൂ. താങ്കളൊന്നും ഞങ്ങളോടൊപ്പം നില്‍ക്കണമെന്നു ഞങ്ങളാരും ആവശ്യപ്പെടില്ല പക്ഷെ ജീവന്റെ വില അറിയാത്ത തമിഴനോടൊപ്പം ചേര്‍ന്ന്, ഞങ്ങളുടെ ജീവനു വില പറയരുതെന്ന ഒരപേക്ഷയുണ്ട്.

മുല്ലപ്പെരിയാര്‍: ജലബോംബും ഭയബോംബുകളും എന്നപേരില്‍ മറ്റൊരു മാദ്ധ്യമപ്രവര്‍ത്തകനായ, ശ്രീ. ടി.സി രാജേഷ് എഴുതിയ ചിലതിനോടും ഞാന്‍ പ്രതികരിച്ചിരുന്നു. ഭാഗ്യവശാല്‍ അനൂപിനേപ്പോലെ എന്റെ കമന്റുകള്‍ അദ്ദേഹം നീക്കം ചെയ്തില്ല.

അദ്ദേഹം എഴുതുന്നു.

>>>>മുല്ലപ്പെരിയാര്‍ ഒരു ജലബോംബെങ്കില്‍ അതിനു ചുറ്റുമുള്ള 20ലധികം വലിയ അണകളും അതിന്റെ പലയിരട്ടിയുള്ള ചെറിയ അണക്കെട്ടുകളും സമാനമായ ബോംബ് തന്നെയാണ്. ഇടുക്കി എന്ന ഞങ്ങളുടെ നാട് വസിക്കുന്നത് ഇത്തരം അനേകം ബോംബുകള്‍ക്ക് മുകളിലാണ്. ഞങ്ങളാരെങ്കിലും ആവശ്യപ്പെട്ടിട്ടല്ല ഇത്രയും അണക്കെട്ടുകള്‍ ഈ നാട്ടില്‍ രൂപമെടുത്തത്. ഉദ്യോഗസ്ഥര്‍ക്കും രാഷ്ട്രീയക്കാര്‍ക്കും കീശ വീര്‍പ്പിക്കാനടക്കമുള്ള കാരണങ്ങളാല്‍ പല കാലങ്ങളില്‍ ഇവ പിറവി കൊണ്ടു.<<<<

ഈ വ്യാഖ്യാനത്തെ കുയുക്തി എന്നോ അതി വൈകരികതയെന്നോ വിശേഷിപ്പിക്കം.

എല്ലാ അണകെട്ടുകളും ജല ബോംബാണെന്ന അറിവിനെ ഞാന്‍ പരിഹസിക്കുന്നില്ല. അത് അജ്ഞതയാണെന്നേ പറയാന്‍ ആകൂ. ഒരു നൂറ്റാണ്ടു മുന്നെ ലഭ്യമായ സാങ്കേതിക വിദ്യ ഉപയോഗിച്ച് നിര്‍മ്മിച്ച മുല്ലപെരിയാര്‍ അണക്കെട്ടും ഭൂകമ്പസാധ്യത കണക്കിലെടുത്ത് നിര്‍മ്മിച്ച ഇടുക്കി അണക്കെട്ടും ഒരേ തലത്തില്‍ കാണുന്നത് അറിവില്ലായ്മയാണ്.

മുല്ലപ്പെരിയര്‍ അണക്കെട്ട് നിര്‍മ്മിച്ച കാലത്ത് നിങ്ങളൊന്നും ഇടുക്കി ജില്ലയില്‍ ഉണ്ടായിരുന്നില്ല. കുറച്ച് കാട്ടു ജന്തുക്കളും കാടുകളും പിന്നെ കാനന വസനും മാത്രമല്ലേ അവിടെ ഉണ്ടായിരുന്നത്? എന്നാണ്, വള്ളക്കടവിലേക്കും, വണ്ടിപ്പെരിയാറിലേക്കും ആളുകള്‍ കുടിയേറി തമാസിക്കാന്‍ തുടങ്ങിയത്? മറ്റുള്ളവരെ കുറ്റപ്പെടുത്തുന്ന സമയത്ത്, ഈ അണക്കെട്ട് ഭാവിയില്‍ തകരാം എന്ന് കുടിയേറി പാര്‍ത്തവര്‍ക്ക് തോന്നാന്‍ സാധിക്കാത്തതെന്റേ?
അണക്കെട്ടുകള്‍ നിര്‍മ്മിക്കുന്നത് രാഷ്ട്രീയക്കാര്‍ക്കും ഉദ്യോഗസ്തര്‍ക്കും കീശ വീര്‍പ്പിക്കാന്‍ വേണ്ടിയാണെന്ന ക്ളീഷേകളൊക്കെ കേട്ടു മടുത്തതാണ്. ഇവരില്‍ ചിലരൊക്കെ കീശ വീര്‍പ്പിക്കുന്നുണ്ടാകാം. മുല്ലപ്പെരിയാറിലൊരണക്കെട്ട് വേണ്ട എന്നു തന്നെയണ്, എന്റെ വ്യക്തിപരമായ അഭിപ്രായം. കേരളത്തിലെ ഭൂരിപക്ഷം അളുകളുടെയും രാഷ്ട്രീയക്കാരുടെയും ആഗ്രഹം. പക്ഷെ 116 വര്‍ഷങ്ങളായി ലഭിച്ചു കൊണ്ടിരിക്കുന്ന വെള്ളം ഒരു ദിവസം ഇല്ലാതയാല്‍ അത് ആവാസ വ്യവസ്ഥക്ക് കാര്യമായ പ്രശ്നങ്ങളുണ്ടാക്കും. അതിനു മറ്റൊരു രീതിയില്‍ പരിഹാരമുണ്ടാക്കാന്‍ സാധിക്കുമെങ്കില്‍ അതായിരിക്കും എല്ലാവരും സ്വാഗതം ചെയ്യുക.

ജലബോംബുകളെന്ന് താങ്കളിപ്പോള്‍ വിശേഷിപ്പിക്കുന്ന ഈ അണകെട്ടുഅകള്‍ ഇല്ലെങ്കില്‍ എങ്ങനെ ജലസേചനവും കുടിവെള്ളവും ലഭ്യമാക്കും എന്നു പറഞ്ഞു തരാമോ? മുല്ലപ്പെരിയാര്‍ അണക്കെട്ടു കൊണ്ട് മലയാളിക്ക് ഗുണമൊന്നുമില്ലെങ്കിലും, തമിഴ് നാട്ടിലെ 5 ജില്ലകള്‍ മരുഭൂമിയാകാതെ രക്ഷിച്ചെടുക്കാന്‍ പറ്റിയതൊന്നും താങ്കള്‍ക്ക് കാണാന്‍ സാധിക്കുന്നില്ലേ.

>>>>ഇപ്പോഴും ഞങ്ങളുടെ ജലമരണമല്ല, കൊച്ചി അടക്കമുള്ള നഗരങ്ങളിലെ പരിഷ്കൃതരായ മനുഷ്യരും അവര്‍ക്കു ചുറ്റും രൂപം കൊണ്ട വന്‍കിട കെട്ടിടങ്ങളും ഭീമന്‍ പ്രൊജക്റ്റുകളും ഇല്ലാതാവുന്നതിനെ കുറിച്ചുള്ള ഭീതി മാത്രമാണ് എല്ലാ ചര്‍ച്ചകളിലും മുന്നിട്ടു നില്‍ക്കുന്നത്..<<<<

ഇത് വളരെ അപക്വവും അവാസ്തവവുമായ പ്രസ്താവനയാണെന്നു പറയേണ്ടി വരുന്നു. ഏത് ചര്‍ച്ചയിലാണിത് താങ്കള്‍ കണ്ടത്? ഞാന്‍ കഴിഞ്ഞ 2 വര്‍ഷത്തോളമായി ഇതു സംബന്ധിച്ച ചര്‍ച്ചകളില്‍ പങ്കെടുക്കുകയും, അനേകം ലേഖനങ്ങള്‍ വായിക്കുകയും ചെയ്യുന്നു. കഴിഞ്ഞ രണ്ടാഴ്ചകളായി ഈ വിഷയം കേരളം മുഴുവന്‍ ചര്‍ച്ച ചെയ്യുന്നു. ആരും താങ്കളീ പറഞ്ഞ വിഷയം ചര്‍ച്ച ചെയ്തതായി കണ്ടില്ല.

കൊച്ചി നഗരത്തിലും പരിസരത്തും കുറച്ചു പേര്‍ ബോധവ്ത്കരണം നടത്തുന്നുണ്ട് എന്നത് ശരിയാണ്. പക്ഷെ അവരൊക്കെ അണകെട്ട് തകര്‍ന്ന് വെള്ളപ്പൊക്കമുണ്ടാകുമ്പോള്‍ രക്ഷപ്പെടാനുള്ള മാര്‍ഗ്ഗങ്ങളേക്കുറിച്ചാണു ബോധവത്കരിക്കുന്നത്. അല്ലാതെ താങ്കള്‍ ആക്ഷേപിക്കുന്ന പരിഷ്കൃതരായ മനുഷ്യരും അവര്‍ക്കു ചുറ്റും രൂപം കൊണ്ട വന്‍കിട കെട്ടിടങ്ങളും ഭീമന്‍ പ്രൊജക്റ്റുകളും ഇല്ലാതാവുന്നതിനെ കുറിച്ചുള്ള ഭീതി പരത്തുകയും അല്ല.

ഈ അണക്കെട്ടു തകര്‍ന്നാല്‍ നഷ്ടമുണ്ടാകുന്ന ഇടങ്ങളില്‍ എന്റെ ബന്ധുക്കളുണ്ട്. ഞാന്‍ താമസിക്കുന്നത് ഇടുക്കി ജില്ലയുടെ അതിര്‍ത്തിയിലുമാണ്. അവിടത്തെ വെള്ളം വന്നാല്‍ മുങ്ങിപ്പോകുന്ന സ്ഥലത്തുമാണ്.

താങ്കള്‍ക്ക് എന്തെങ്കിലും തെറ്റിദ്ധാരണയുണ്ടെങ്കില്‍ വ്യക്തമാക്കാം. വള്ളക്കടവിലെ ജനങ്ങളുടെ ജീവനേക്കുറിച്ചാണു ഞാനൊക്കെ ആദ്യം മുതലേ ചിന്തിച്ചതും, കിട്ടുന്ന വേദികളിലൊക്കെ പറയുന്നതും. അവിടെ ഉള്ള ഒരാളുടെ ജീവന്‍ പോയാലും അത് തീര്‍ത്താല്‍ തീരാത്ത നഷ്ടമാണെന്ന് ഉറച്ചു വിശ്വസിക്കുന്ന വ്യക്തിയാണു ഞാന്‍..

>>>>നിലവിലുള്ള വലിയ അണക്കെട്ട് ഇല്ലാതാക്കി പുതിയ ഒന്ന് തുടങ്ങുക എന്നത് വമ്പിച്ച നിര്‍മാണ പ്രവൃത്തിയാണ്. പെരിയാര്‍ ടൈഗര്‍ റിസര്‍വിലെ അമ്പത് ഹെക്ടറിലധികം കാട് ഇല്ലാതാക്കുന്ന പ്രവൃത്തി. വനത്തിനുള്ളില്‍ തന്നെ റോഡ്, ഒരു പാട് വര്‍ഷങ്ങള്‍ തൊഴിലാളികളെ പാര്‍പ്പിക്കാനുള്ള കെട്ടിടങ്ങള്‍, നിര്‍മാണ സാമഗ്രികള്‍ സൂക്ഷിക്കാനുള്ള വലിയ കെട്ടിടങ്ങള്‍ എന്നിവ നിര്‍മിക്കേണ്ടി വരും. ഭൂകമ്പ മേഖലയില്‍ നടത്തുന്ന ഇത്തരം വന്‍കിട നിര്‍മാണ പ്രവര്‍ത്തനങ്ങള്‍ ഭൂമിക്കേല്‍പ്പിക്കുന്ന, പരിസ്ഥിതിക്ക് ഏല്‍പ്പിക്കുന്ന ആഘാതം എന്ത് ഫലമായിരിക്കും വിതക്കുകയെന്ന് എന്തുകൊണ്ടാണ് ആരും ഓര്‍ക്കാത്തത്.<<<<

താങ്കളീ പറഞ്ഞതൊക്കെ ശരിയാണ്. ഇനിയൊരണക്കെട്ട് അവിടെ വേണ്ട എന്നതുതനെയാണെന്റെയും ആഗ്രഹം. പക്ഷെ അതിനപ്പുറം വേറെയും ചില ശരികളുണ്ട്. കഴിഞ്ഞ നൂറു വര്‍ങ്ങളായി തമിഴ് നാട്ടിലെ 5 ജില്ലകളിലെ ജന ജീവിതം ഈ അണക്കെട്ടിലെ വെള്ളത്തെ ആശ്രയിച്ചാണു നിലനില്‍ക്കുന്നത്. ഈ വെള്ളമില്ലാതായല്‍ അവിടെ എന്തു സംഭവിക്കുമെന്ന് പരിസ്ഥിതിയേക്കുറിച്ച് ഇത്രയേറെ ഉത്ഖണ്ഠയുള്ള താങ്കള്‍ക്കൊന്നു ചിന്തിക്കാമോ? ആ ജില്ലകള്‍ മരുഭൂമിയായി മാറിയാല്‍ പരിസ്ഥിതിക്കൊരു അഘാതവും ഉണ്ടാകില്ല എന്നാണോ താങ്കളുടെ പക്ഷം?

മുല്ലപ്പെരിയാര്‍ ജലാശയത്തോടനുബന്ധിച്ച് ഒരാവസ വ്യവസ്ഥ രൂപപ്പെട്ടിട്ടുണ്ട്. അതിപ്പോള്‍, ഒരു കടുവ സങ്കേതമാണ്, അനേകം ജീവികള്‍ അവിടെയുണ്ട്. അവയൊക്കെ ആശ്രയിക്കുന്നതും ഈ ജലശയത്തിലെ വെള്ളമാണ്. തേക്കടി എന്ന വിനോദ സഞ്ചാരകേന്ദ്രവും ഈ ജലാശയമുള്ളതുകൊണ്ട് രൂപപ്പെട്ടു വന്നതാണ്. ഇവയൊക്കെ ഒറ്റയടിക്ക് നശിപ്പിക്കുക എന്നത് ഏതു തരം പരിസ്ഥിതി സ്നേഹമാണെന്നറിഞ്ഞാല്‍ കൊള്ളാം.

ഇതൊന്നുആരും ഓര്‍ക്കുന്നില്ല എന്നത് താങ്കളുടെ തെറ്റിദ്ധാരണയാണ്. പരിസ്ഥിതിക്ക് ഒരു കോട്ടവും സംഭവിക്കാതെ ജലസേചനവും കുടി വെള്ളവും ഒന്നും ലഭിക്കില്ല. വെള്ളമില്ലാതെ ഭൂമിയൊക്കെ മരുഭൂമിയാകണം, കുടിവെള്ളത്തിനു വേണ്ടി ആളുകള്‍ കഷ്ടപ്പെടണം എന്നൊക്കെയാണൊ താങ്കളുടെ പക്ഷം?

നൂറു വര്‍ഷം മുമ്പ് മനുഷ്യര്‍ ജീവിച്ചതുപോലെയല്ല ഇന്ന് ജീവിക്കുന്നത്. താങ്കള്‍ ഒരു മാദ്ധ്യമ പ്രവര്‍ത്തകനാണല്ലോ. എന്തേ താങ്കള്‍ ജന്മനാടു വിട്ട് മറ്റൊരിടത്തേക്ക് കുടിയേറി. മുല്ലപ്പേരിയര്‍ തകരുമെന്ന് പേടിച്ചിട്ടു മാത്രമാണോ? ജീവിത സഹചര്യങ്ങള്‍ മാറുന്നതനുസരിച്ച് ജീവിതത്തിലും, പരിസ്ഥിതിയിലും മാറ്റങ്ങളുണ്ടാകും. പണ്ടത്തേപ്പോലെ കൃഷി മാത്രം ആയി, കളപൂട്ടും, കുടിപള്ളിക്കൂടവും, വൈക്കോല്‍ പുരയുമൊക്കെ ആയി ജീവിക്കാന്‍ ഇന്നാകില്ല. അപ്പോള്‍ ചെയ്യാവുന്നത് പരിസ്ഥിതിക്ക് ഏറ്റവം കുറവ് ആഘാതമേല്‍പ്പിക്കുന്ന നടപടികള്‍ ചെയ്യുക എന്നത് മാത്രമാണ്.

>>>>നമ്മുടെ ഇപ്പോഴത്തെ പ്രക്ഷോഭം പോലും ആ ഒരര്‍ഥത്തില്‍ നിരര്‍ഥകമാണെന്നാണ് തോന്നുന്നത്. ആര്‍ക്കെതിരെയാണ് ഈ സമരം? ആരെ ബോധവല്‍കരിക്കാന്‍? സംസ്ഥാന സര്‍ക്കാറിനെയോ? <<<<

നിരര്‍ത്ഥകമാണെന്നു തോന്നുന്നെങ്കില്‍ താങ്കളൊക്കെ ഈ സമരം നിറുത്തുക.

ഇതാരെയും ബോധവത്കരിക്കാനൊന്നുമല്ല. കാലഹരണപ്പെട്ട ഒരണക്കെട്ട് കുറച്ച് മനുഷ്യരുടെ ജീവനു ഭീഷണിയതുകൊണ്ട്, അത് പൊളിച്ചു കളയാനാണ്. അതിന്റെ ആദ്യപടി എന്ന നിലയില്‍ ജലനിരപ്പ് 120 അടിയെങ്കിലും ആക്കി കുറയ്ക്കാനാണിപ്പോള്‍ ലക്ഷ്യമിടുന്നത്. അത്രയും കുറയുമ്പോള്‍ അണക്കെട്ടിലുള്ള സമ്മര്‍ദ്ദം പകുതിയോളം കുറയും. അതിനെ ഇപ്പോഴത്തെ അണക്കെട്ട് താങ്ങിനിറുത്തും. 999 വര്‍ഷമൊന്നും ഈ അണക്കെട്ട് നിലനില്‍ക്കില്ല. അതുകൊണ്ട് അതിനു പകരം മറ്റൊന്ന് പണിയുന്നു. അതിന്റെ ഉയരം 120 അടിയില്‍ കൂടുകയുമില്ല.

തമിഴ് നാട്ടിലെ 5 ജില്ലകളിലെ ജനജീവിതം ഈ അണക്കെട്ടിലെ വെള്ളത്തെ ആശ്രയിച്ചാണു നിലനില്‍ക്കുനത്. അതിനു വേണ്ടി മറ്റേത് പദ്ധതിയാണു താങ്കളുടെ മനസിലുള്ളത്. അവര്‍ക്ക് വെള്ളം ലഭ്യമാകാന്‍ മറ്റൊരു പദ്ധതിയുണ്ടെങ്കില്‍ അതിനു വേണ്ടി ഞാനും വാദിക്കാം. പുതിയ അണക്കെട്ട് പണിയുന്നതിനെതിരെ ഞാനും ശബ്ദമുയര്‍ത്താം.

>>>>ഇടുക്കിയിലൊരു പ്രഭവകേന്ദ്രം മതി കൊച്ചിയില്‍ ഒരു ഭൂകമ്പം ഉണ്ടാവാന്‍. അന്നേരം ചീട്ടുകൊട്ടാരം പോലെ തകരാനുള്ള ആയുസ്സല്ലേ ചതുപ്പു നികത്തിയും നിയമങ്ങള്‍ ലംഘിച്ചും പണം മാത്രം മുന്നില്‍ കണ്ട് നാം കെട്ടിപ്പൊക്കിയ ഫ്ലാറ്റ് കൂമ്പാരങ്ങള്‍ക്കുള്ളൂ. ഭൂകമ്പ സാധ്യത മുന്നില്‍ കണ്ട് കൊച്ചിയിലും മറ്റിടങ്ങളിലും കൂറ്റന്‍ കെട്ടിടങ്ങള്‍ കെട്ടിപ്പൊക്കുന്നതിന് എന്ത് നിയന്ത്രണങ്ങളാണ് നാമിക്കാലമത്രയും ഏര്‍പ്പെടുത്തിയത്. <<<<

താങ്കള്‍ വെറുതെ കാടു കയറുന്നു. ചതുപ്പു നികത്തിയും “നിയമങ്ങള്‍ ലംഘിച്ചും പണം മാത്രം മുന്നില്‍ കണ്ട് നാം കെട്ടിപ്പൊക്കിയ ഫ്ലാറ്റ് കൂമ്പാരങ്ങളും”, മുല്ലപ്പെരിയറിലെ തകരാറായ അണക്കെട്ടും തമ്മിലെന്താണു ബന്ധം? കേരളത്തിലെ മറ്റെല്ലാ അഴിമതികളും ആസൂത്രണ പാളിച്ചകളും പരിഹരിച്ചിട്ടേ മുല്ലപ്പെരിയാര്‍ വിഷയത്തില്‍ ഇടപെടാവൂ എന്നൊക്കെ ശഠിക്കുന്നത് ഏതജണ്ടയാണെന്ന് മനസിലാകുന്നില്ല.

ഇടുക്കിയിലോ കൊച്ചിയിലോ ഇന്‍ഡ്യയുടെ പരിസരത്തെങ്ങുമോ ആയിരുന്നില്ല കുറച്ച് നാളുകള്‍ക്ക് മുമ്പ് സുനാമിയുണ്ടയ ഭൂമി കുലുക്കത്തിന്റെ പ്രഭവ കേന്ദ്രം. അങ്ങ് ഇന്‍ഡോനേഷ്യയുടെ തീരത്തായിരുന്നു. ആഘാതം ഇങ്ങ് കേരളത്തില്‍ വരെയുണ്ടായി.

ജപ്പാനില്‍ ഈ വര്‍ഷമുണ്ടായ സുനാമിയുടെ കാരണമായ ഭൂമി കുലുക്കം തീരത്തു നിന്നും 200 കിലോമീറ്റര്‍ അകലെയായിരുന്നു. അതിന്റെ അലകള്‍ അമേരിക്കയില്‍ വരെ ഉണ്ടായി.

കൊച്ചിയില്‍ നിന്നും അകലെ അറബിക്കടലില്‍ ഒരു ഭൂമി കുലുക്കമുണ്ടായാ ലും കേരളത്തിന്റെ തീരത്തെ ആകെ മൂടുന്ന സുനാമിയുണ്ടാകാം.

ഭൂമികുലുക്കത്തെയും അതി ജീവിക്കുന്ന കെട്ടിടങ്ങളും അണക്കെട്ടുകളും പണിയുന്ന സാങ്കേതിക വിദ്യ ഇന്ന് ലഭ്യമാണ്. അതുപയോഗിച്ച് ചെറിയ അണക്കെട്ടു പണിയണം. ഇടുക്കി അണക്കെട്ട് അതുപോലെ ഒന്നാണ്.

താങ്കളീ പറയുന്ന പ്രഭവകേന്ദ്രങ്ങളൊന്നും ഇല്ലാത്ത ഗുജറാത്തിലായിരുന്നു 2001 ലെ ഭൂമി കുലുക്കം ഉണ്ടായത്. ഭൂമികുലുക്കം എവിടെ വേണമെങ്കിലും എപ്പോള്‍ വേണമെങ്കിലുമുണ്ടാകാം. അണക്കെട്ട് ഇല്ലെങ്കിലും ഭൂമി കുലുങ്ങി ആളുകള്‍ മരിക്കാം.

മുല്ലപ്പെരിയാര്‍: ആശങ്കകള്‍ക്കപ്പുറം എന്ന പേരില്‍, മുല്ലപ്പെരിയാര്‍ പ്രശ്നം അടുത്തുനിന്നറിയുന്ന ഒരാള്‍ അനുഭവത്തിന്റെ വെളിച്ചത്തില്‍ കേരളത്തിന്റെ ആശങ്കകള്‍ വായിച്ചെടുക്കുന്നു എന്ന നാട്യത്തില്‍, മാദ്ധ്യമപ്രവര്‍ത്തകനായ, ശ്രീ . കെ.പി ജയകുമാര്‍ എഴുതുന്നു

>>>അപ്പോള്‍ അണക്കെട്ടല്ല പ്രശ്നം. അത് ആര്‍ നിര്‍മ്മിക്കും, അതിന്‍മേലുള്ള പരമാധികാരം ആര്‍ക്കാണ് എന്നതാണ് കാര്യം അതിര്‍ത്തിയും പരമാധികാരവും സംബന്ധിച്ച് രണ്ടു സംസ്ഥാനങ്ങള്‍ തമ്മിലുള്ള തര്‍ക്കമാണ് മുല്ലപ്പെരിയാര്‍ പ്രശ്നത്തിന്റെ കാതല്‍. കുടിനീരുമാത്രമാണ് പ്രശ്നമെങ്കില്‍ തമിഴ്നാടിന് അണക്കെട്ട് നിര്‍മ്മിക്കാന്‍ അനുവദിക്കാവുന്നതേയുള്ളു. സുരക്ഷ മാത്രമാണ് പ്രശ്നമെങ്കില്‍ തമിഴ്നാട് ബലമുള്ള അണക്കെട്ട് നിര്‍മ്മിക്കട്ടെ എന്ന് കേരളത്തിന് പറയാവുന്നതേയുള്ളു. രണ്ടും സാധ്യമല്ല.<<<<

ഈ അഭിപ്രായം മുല്ലപ്പെരിയാര്‍ പ്രശ്നം അടുത്തുനിന്നറിയുന്ന ഒരാള്‍ എഴുതിയതാണെന്ന് സുബോധമുള്ള ആര്‍ക്കും തോന്നില്ല. മുല്ലപ്പെരിയാറുമായി വിദൂര ബന്ധം പോലുമില്ലാത്ത ഒരാള്‍ക്കേ എങ്ങനെ വളച്ചൊടിച്ച് കാര്യങ്ങള്‍ എഴുതാനാകൂ.

അണക്കെട്ടു തന്നെയാണു പ്രശ്നം. അണക്കെട്ടിന്റെ പരമാധികാരമോ ആരു നിര്‍മ്മിക്കുമെന്നോ ഒരു തര്‍ക്ക വിഷയമേ അല്ല. ഇന്ന് വെള്ളം ലഭിക്കുന്ന നക്കാപ്പിച്ച വിലക്ക് വെള്ളം 999 വര്‍ഷത്തേക്ക് കിട്ടണം എന്നതാണു തമിഴ് നാടിന്റെ അതിമോഹം. പാട്ടത്തിനെടുത്ത സ്ഥലത്ത് ബ്രിട്ടീഷുകാര്‍ ഉരുക്കുമുഷ്ടിയുപയോഗിച്ച് പണുത ഒരണക്കെട്ടാണിത്. ഇതിന്റെ പരമാധികാരം ഒരിക്കലും തമിഴ് നാടിനുണ്ടായിരുന്നില്ല. നിയന്ത്രണാധികാരം ഭാഗ്യം കൊണ്ടും, കേരളത്തിന്റെ പിടിപ്പുകേടു കൊണ്ടും വന്നു ചേര്‍ന്നു എന്നു മാത്രമേ ഉള്ളു.

പഴയ അണ പൊളിച്ചു കളഞ്ഞ് പുതിയ ബലമുള്ള ഒരെണ്ണം നിര്‍മ്മിക്കാന്‍ 1979 മുതലേ കേരളം തമിഴ് നാടിനോടപേക്ഷിക്കുന്നതാണ്. അന്ന് തമിഴ് നാടത് സമ്മതിച്ചതുമായിരുന്നു. പിന്നീടവര്‍ വാക്കു മാറ്റി.

ഈ അണക്കെട്ട് നിര്‍മ്മിക്കണമെന്നോ അണക്കെട്ടിലെ വെള്ളം വേണമെന്നോ കേരളത്തിനു യാതൊരു ശാഠ്യവുമില്ല. അത് തകര്‍ന്ന് ജനങ്ങളുടെ ജീവന്‍ നഷ്ടപ്പെടരുതെന്ന ഒരു ശാഠ്യം മാത്രമേ ഇക്കാര്യത്തില്‍ കേരളത്തിനുള്ളു.

പാട്ടത്തിനെടുത്ത വസ്തുവിലെ ഒരു നിര്‍മ്മിതിക്ക് പരമാധികാരം, എന്നതു തന്നെ അസംബന്ധമാണ്. പട്ടക്കാലാവധി കഴിയുമ്പോള്‍ അത് താനെ കേരളത്തിലേക്ക് വന്നു ചേരാനുള്ളതാണ്. തമിഴ്നാടിനു വേണമെങ്കില്‍ അത് പൊളിച്ചുകൊണ്ട് പോകാം. 999 വര്‍ഷത്തെ പാട്ടം എന്നതു തന്നെ എങ്ങും കേട്ടുകേള്‍വിയില്ലാത്ത മറ്റൊരസംബന്ധമാണ്.

മാദ്ധ്യമ പ്രാവര്‍ത്തകന്‍ എന്ന പേരു നെറ്റിയിലൊട്ടിച്ചു വച്ച്, അണക്കെട്ടിനപ്പുറത്തേക്ക് ചില ചിന്തകള്‍ എന്നപേരില്‍ ശ്രീ അനുവാര്യര്‍ എഴുതുന്നു.

>>>>പുതിയ ഡാമെന്ന മുദ്രാവാക്യമാണ് ഒരു കൂട്ടം രാഷ്ട്രീയനേതാക്കള്‍ ആദ്യം മുതല്‍ തന്നെ ഉയര്‍ത്തിയത്. രസകരമെന്നു പറയെട്ടെ, പുതിയ ഡാമല്ല, ജനങ്ങളുടെ സുരക്ഷയാണ് പ്രധാനം എന്ന വാദവും കുറച്ചെങ്കിലും ഉയര്‍ന്നു കേട്ടത് സൈബര്‍ ലോകത്തുനിന്നു മാത്രമാണ്. <<<<

ജനങ്ങളുടെ സുരക്ഷയാണ് പ്രധാനം എന്ന് രാഷ്ട്രീയക്കാരൊന്നും പറഞ്ഞിട്ടില്ല എന്നാണിതു വരെ അറിഞ്ഞതെങ്കില്‍, താങ്കള്‍ മദ്ധ്യമപ്രവര്‍ത്തനത്തിനുതന്നെ നാണക്കേടാണ്.

രാഷ്ട്രീയക്കാരെയും സൈബര്‍ ലോകത്തെയും ഒക്കെ വിട്ടുകള. എന്താണു താങ്കള്‍ക്ക് നിര്‍ദ്ദേശിക്കാനുള്ളത്?

ഇതെങ്ങനെ പരിഹരിക്കാം?

അണക്കെട്ട് പൊട്ടി ആളുകള്‍ ചാകരുത്.
തമിഴ് നാടിനു കുടിവെള്ളവും വേണം.

മറ്റുള്ളവരെ അടച്ചാക്ഷേപിച്ച്, വരികള്‍ക്കിടയിലൂടെ വായിച്ച് ഇല്ലാത്ത പലതും കണ്ടെടുക്കാന്‍ മിടുക്കുള്ള ആളല്ലേ? എന്താണു താങ്കളുടെ നിര്‍ദ്ദേശം?

മാദ്ധ്യമ പ്രവര്‍ത്തകര്‍ സാധാരണ എഴുതുന്ന വിഷയങ്ങളേക്കുറിച്ച് ആഴത്തില്‍ പഠിച്ചാണെഴുതാറുള്ളത്. പക്ഷെ ഇവരൊക്കെ വികലമായ ചിന്തകളും, ഭാവനകളും കുത്തി നിറച്ച്, നിറം പിടിപ്പിച്ചാണിതൊക്കെ എഴുതിയിട്ടുള്ളത്. മുല്ലപ്പെരിയാറിനേക്കുറിച്ചും, ഇപ്പോള്‍ നടക്കുന്ന സംഭവങ്ങളേക്കുറിച്ചും ധാരണയുള്ളവര്‍ ഇതൊക്കെ വായിച്ച് അന്തം വിടും. ഇവരുടെ മാദ്ധ്യമപ്രവര്‍ത്തനത്തേപ്പറ്റി ചിന്തിച്ച് ലജ്ജിക്കും.

2011-12-07T22:16:00.000-08:00

അതെ എ ജിയെ വെറുതെ വിടാം. അദ്ദേഹം വെറും സന്ദേശവാഹകന്‍ മാത്രമാണ്. സര്‍ക്കാര്‍ നിലപാട് കോടതിയില്‍ അറിയിക്കുന്ന സന്ദേശ വാഹകന്‍.
സര്‍ക്കാര്‍ നിലപാട്, ആദ്യം തന്നെ തുരുവഞ്ചൂരും പിന്നീട് ഉമ്മന്‍ ചാണ്ടിയും വ്യക്തമായി പറഞ്ഞിട്ടുണ്ട്. മുല്ലപ്പെരിയാറിലെ വെള്ളത്തെ ഇടുക്കി അണക്കെട്ടിന്‌ ഉള്‍ക്കൊള്ളാനാകും. അതുകൊണ്ട് മുല്ലപ്പെരിയാറിലെ വെള്ളപ്പറ്റി ഓര്‍ത്ത് ആരും ഉത്ഖണ്ഠപ്പെടേണ്ട. അതിന്റെ പേരില്‍ ക്രൂശിക്കുന്നെങ്കില്‍ ക്രൂശിക്കേണ്ടത് ചാണ്ടിയെയും തിരുവഞ്ചൂരിനെയും ആണ്.
എ ജി യെ എന്തിനു ക്രൂശിക്കണം?

എ ജി കോടതിയില്‍ പറഞ്ഞ കാര്യങ്ങള്‍ ഇവയായിരുന്നു.

1. മുല്ലപ്പെരിയാര്‍ അണക്കെട്ട് തകര്‍ന്നാല്‍ വെള്ളത്തിലാകുന്നത് 450 കുടുംബങ്ങളാണ്. അവരെ മാറ്റി പാര്‍പ്പിക്കാന്‍ വേണ്ടി 3 സ്കൂളുകള്‍ കണ്ടു വച്ചിട്ടുണ്ട്.

2. മുല്ലപ്പെരിയാറിലെ വെള്ളം മുഴുവന്‍ വന്നാലും ഇടുക്കി അണക്കെട്ടിനു താങ്ങാനാകും.

3. താങ്ങാന്‍ പറ്റില്ല എന്നു സംശയമുണ്ടെങ്കില്‍ ഇടുക്കിയിലെ വെള്ളം ഒഴുക്കി കളഞ്ഞ്, അത് സാധിക്കും.

"ഇതൊന്നും കേരള സര്‍ക്കരിന്റെ നിലപാടല്ല", എന്നു തെറ്റിദ്ധരിച്ച ചില മണ്ടന്‍മാരാണു വിവാദമുണ്ടാക്കിയത്. ഇന്നലത്തെ മന്ത്രിസഭാ യോഗം കഴിഞ്ഞ് ഉമ്മന്‍ ചാണ്ടി വ്യക്തമാക്കിയ കാര്യങ്ങള്‍ ഇവയാണ്.

എജിക്കോ സര്‍ക്കാരിനോ ഏതെങ്കിലും വകുപ്പുകള്‍ക്കോ ഇക്കാര്യത്തില്‍ ഒരു തെറ്റും പറ്റിയിട്ടില്ല. എജിയുടെ വാദം മാധ്യമങ്ങള്‍ തെറ്റായി റിപ്പോര്‍ട്ട് ചെയ്തതാണ്. ഹൈക്കോടതിയില്‍ സമര്‍പ്പിച്ച പ്രസ്താവന ബന്ധപ്പെട്ട വകുപ്പുകളില്‍നിന്ന് ലഭിച്ച റിപ്പോര്‍ട്ടിന്റെ അടിസ്ഥാനത്തില്‍ തയ്യാറാക്കിയതാണെന്നും തനിക്ക് ഇങ്ങനെയേ ചെയ്യാനാകൂ എന്നും എജി മന്ത്രിസഭായോഗത്തില്‍ വ്യക്തമാക്കി. എജിയുടെ വിശദീകരണം അതേപടി മന്ത്രിമാര്‍ അംഗീകരിച്ചു.

അതിന്റെ കൂടെ അദ്ദേഹം മറ്റൊന്നു കൂടി പറഞ്ഞു. വിവാദ പ്രസ്താവന പിന്‍വലിച്ച് സത്യവാങ്മൂലം സമര്‍പ്പിക്കും.

പിന്‍വലിക്കേണ്ട തരത്തില്‍ തെറ്റുകള്‍ കടന്നു കൂടിയ ഒരു പ്രസ്താവന എങ്ങനെ കോടതിയില്‍ വന്നു എന്ന് ഉമ്മന്‍ ചാണ്ടി വ്യക്തമാക്കിയിട്ടില്ല.

ഉമ്മന്‍ ചാണ്ടി പറഞ്ഞതിന്റെ സാരാംശം ഇതാണ്. വിവിധ സര്‍ക്കാര്‍ വകുപ്പുകളില്‍ നിന്നും ലഭിച്ച റിപ്പോര്‍ട്ടുകളുടെ അടിസ്ഥാനത്തില്‍ സര്‍ക്കാര്‍ നിലപാടു തന്നെയാണ്, ദണ്ഡപാണി കോടതിയില്‍ അവതരിപ്പിച്ചത്. അത് മലയാളികളുടെ പൊതു നിലപാടാണെന്ന് ആരെങ്കിലും തെറ്റിദ്ധരിച്ചിട്ടുണ്ടെങ്കില്‍ അതവരുടെ കുഴപ്പമാണ്.

"എ ജി പറഞ്ഞതില്‍ യാതൊരു എതിര്‍പ്പും ഹൈക്കോടതി പ്രകടിപ്പിച്ചില്ല" എന്ന് തിരുവഞ്ചൂര്‍ എടുത്തു പറഞ്ഞിട്ടുണ്ട്.

ഇനി പുതിയ സത്യവാങ്മൂലം കോടതിയില്‍ സമര്‍പ്പിക്കുന്നത് എന്തനിനാണെന്നു ചോദിച്ചാല്‍ അതിനുത്തരമുണ്ട്. ഇപ്പോള്‍ സമര്‍പ്പിച്ചത് റെവന്യൂ മന്ത്രി തിരുവഞ്ചൂരിന്റെയും മുഖ്യമന്ത്രി ഉമ്മന്‍ ചാണ്ടിയുടെയും നിലപാടുകളാണ്. അതേക്കുറിച്ച് പ്രതിപക്ഷത്തുനിന്നും കോണ്‍ഗ്രസിനുള്ളിലെ ചിലരില്‍ നിന്നും വിമര്‍ശനം ഉയര്‍ന്ന സാഹചര്യത്തില്‍ അത് പിന്‍വലിച്ച് പുതിയ ഒരെണ്ണം സമര്‍പ്പിക്കുന്നു.

വിമര്‍ശനമുണ്ടായിരുന്നില്ലെങ്കില്‍ അതുതന്നെ യു ഡി എഫ് സര്‍ക്കാരിന്റെ നയമായി നിലനില്‍ക്കുകയും ചെയ്തേനേ. എല്ലാവരെയും സന്തോഷിപ്പിക്കുക എന്നതാണല്ലോ ഉമ്മന്‍ ചാണ്ടിയുടെ നയം. പണ്ടത്തെ രാജാക്കന്‍മാരൊക്കെ ചെയ്യുന്നതുപോലെ ആവലാതി പറയുന്നവര്‍ക്ക് പണം വാരിവിതറിയാണല്ലോ ജനസമ്പര്‍ക്ക പരിപാടി നടത്തിയതും.

മറ്റ് ചിലതുകൂടി ഉമ്മന്‍ ചാണ്ടി പറഞ്ഞു.

മുല്ലപ്പെരിയാര്‍ തകര്‍ന്നാല്‍ 450 കുടുംബങ്ങള്‍ക്ക് പ്രശ്നമുണ്ടാകും. തകരുമ്പോള്‍ അവരെ മാറ്റി പാര്‍പ്പിക്കണം. മുല്ലപ്പെരിയര്‍ തകരുമ്പോള്‍ ദുരന്തം ഉണ്ടാകാതിരിക്കാന്‍ അവിടെ നിന്നും കുറെ വെള്ളം ഒഴുക്കി കളയും. കൂടുതല്‍ ഒന്നുമില്ല. വെറും 485 കോടി രൂപയുടെ ഇലക്റ്റ്രിസിറ്റി ഉത്പാദിപ്പിക്കാനുള്ള വെള്ളമേ ഒഴുക്കി കളയൂ. മുല്ലപ്പെരിയാറിലെ വെള്ളം ഇടുക്കിയില്‍ ഉള്‍ക്കൊള്ളാന്‍ വേണ്ടിയണിതു ചെയ്യുന്നത്. ദുരന്തം ഉണ്ടാകുന്നത് വച്ചു നോക്കുമ്പോള്‍ ഈ നഷ്ടം വലിയ നഷ്ടമല്ല.

ഇനി തമിഴ് നാട് അണ പൊളിച്ചു കളയാനോ പുതിയത് പണിയാനോ സമ്മതിച്ചില്ലെങ്കിലും കേരളത്തിനു പ്രശ്നമില്ല.

ഇതുകൂടാതെ ദണ്ഡപാണി ഹാജരാക്കിയ വിദഗ്ദ്ധര്‍ മറ്റ് ചിലതുകൂടി പറഞ്ഞു.

എം കെ പരമേശ്വരന്‍നായര്‍ മറ്റ് വിദഗ്ദ്ധരോടൊപ്പം കോടതിയില്‍ ഹാജരായി പറഞ്ഞത് ഇങ്ങനെ.

മുല്ലപ്പെരിയാര്‍ ഡാം തകര്‍ന്നാല്‍ ഇടുക്കി അണക്കെട്ടിന് എന്തു സംഭവിക്കുമെന്നതിനെക്കുറിച്ച് വ്യക്തതയില്ല. പ്രത്യാഘാതത്തെക്കുറിച്ച് പഠിക്കേണ്ടതുണ്ട്. മുല്ലപ്പെരിയാര്‍ ഡാമില്‍നിന്നുള്ള മഴുവന്‍ വെള്ളവും സംഭരിക്കാനുള്ള ശേഷി ഇടുക്കിക്കുണ്ട്. പക്ഷേ, അണക്കെട്ട് തകര്‍ന്നാല്‍ സാധാരണ നിലയിലുള്ള ജലപ്രവാഹമായിരിക്കില്ല ഉണ്ടാവുക. ഇടുക്കി ഡാം ഈ അതിശക്തമായ പ്രവാഹത്തെ എങ്ങനെ ഉള്‍ക്കൊള്ളുമെന്ന് പറയാനാവില്ല. ഇതുസംബന്ധിച്ച് പഠനം നടന്നിട്ടില്ല. ഇടുക്കി ഡാമില്‍നിന്ന് 18 കിലോമീറ്റര്‍ അകലെയാണ് മുല്ലപ്പെരിയാര്‍ . മുല്ലപ്പെരിയാറില്‍നിന്ന് വെള്ളം എത്തിയാല്‍ ജലനിരപ്പ് ഉയരുമെന്നല്ലാതെ നാശമുണ്ടാകുമെന്നു കരുതാനാവില്ല. പ്രാഥമിക വിലയിരുത്തല്‍പ്രകാരം ഇടുക്കി ഡാം തകരില്ല.

മികച്ച കോണ്‍ക്രീറ്റ് ഡാമെന്ന നിലയില്‍ ഇടുക്കിക്ക് വന്‍ പ്രതിരോധശക്തിയുണ്ട്. ഡാമിന്റെ അടിത്തറയെക്കുറിച്ചും ഭൂകമ്പ പ്രതിരോധശേഷിയെക്കുറിച്ചും പഠിച്ചിട്ടുണ്ട്. ചെറുതോണി, കുളമാവ് ഡാമുകള്‍ കുത്തനെ നിര്‍മിക്കപ്പെട്ടവയാണ്. ഇവയ്ക്ക് ഇടുക്കി ഡാമിന്റെ പ്രതിരോധശേഷിയില്ല. എന്നാല്‍ , ഇടുക്കി ആര്‍ച്ച് ഡാമില്‍ മാത്രമാണ് ജലത്തിന്റെ മര്‍ദ്ദം കൂടുതലായി ഉണ്ടാവുക.

എം. കെ. പരമേശ്വരന്‍ നായര്‍ ‍ ഹൈക്കോടതി ഇപ്പോള്‍ ഡിവിഷന്‍ ബഞ്ചിനു മുമ്പാകെ നല്കിയ ഉത്തരങ്ങളും അദ്ദേഹം എഴുതിയ ഒരു പുസ്തകത്തിലെ വാദങ്ങളും തമ്മില്‍ യോജിക്കുന്നില്ല.

മുല്ലപ്പെരിയാര്‍ ചരിത്ര യാഥാര്‍ഥ്യങ്ങള്‍ എന്ന പേരില്‍ 2007-ല്‍ എം.കെ.പരമേശ്വരന്‍ നായര്‍ പ്രസിദ്ധീകരിച്ച പുസ്തകത്തിലും തുടര്‍ന്നുള്ള ലേഖനത്തിലും അദ്ദേഹം നടത്തിയ ചില വാദമുഖങ്ങള്‍ ഇപ്പോള്‍ അദ്ദേഹം പറയുന്നതിനു കടക വിരുദ്ധമാണ്.

ആ പുസ്തകത്തില്‍ പരമേശ്വരന്‍ നായര്‍ മുല്ലപ്പെരിയാറില്‍നിന്നുള്ള ജലമൊഴുക്കിന്റെ പ്രത്യാഘാതങ്ങള്‍ വിവരിക്കുന്നതിങ്ങനെ.

6003 ഘനമീറ്റര്‍ പ്രളയ ജലം മുല്ലപ്പെരിയാര്‍ അണക്കെട്ടിനു കേടുപാടുകള്‍ സംഭവിക്കാതെയും തകര്‍ച്ച ഉണ്ടാകാതെയും ഒഴുകി ഇടുക്കി ജലാശയത്തില്‍ എത്തിയാല്‍, അതീവ ഗുരുതരമായ അവസ്ഥ സംജാതമാകും. കാരണം, ഇടുക്കി പദ്ധതിയില്‍ നിന്ന് ഇത്രയധികം ജലംകൂടി കടത്തിവിടാനുള്ള ശേഷിയില്ല. ഇടുക്കിയിലും പുതിയ നിര്‍ഗമന മാര്‍ഗങ്ങള്‍ നിര്‍മിക്കേണ്ടിവരും.

136 അടിയില്‍ ജലം നില്‍ക്കുമ്പോള്‍ മുല്ലപ്പെരിയാര്‍ തകര്‍ന്നാല്‍ ഒഴുകിയെത്തുന്ന 317.5 ദശലക്ഷം ഘനമീറ്റര്‍ ജലവും അണക്കെട്ടിന്റെ അവശിഷ്ടങ്ങളും മണിക്കൂറുകള്‍ക്കുള്ളില്‍ ഒഴുകി ഇടുക്കി ജലാശയത്തില്‍ എത്തും. 100 ദശലക്ഷം ഘനമീറ്റര്‍ ജലം ഇടുക്കി ജലാശയം ഉള്‍ക്കൊള്ളും. ബാക്കിയുള്ള 217.5 ദശലക്ഷം ഘനമീറ്റര്‍ ജലാശയ നിരപ്പിനു മുകളിലേക്കു കുതിച്ചുയരും. അധിക ജലസമ്മര്‍ദം താങ്ങാനാകാതെ ഇടുക്കി പദ്ധതിയുടെ ഇടുക്കി, കുളമാവ്, ചെറുതോണി അണക്കെട്ടുകള്‍ തകരും. മനുഷ്യനിര്‍മിതമായ മഹാപ്രളയം അയല്‍സംസ്ഥാനത്തിന്റെ പിടിവാശിയുടെ ഫലമായി സംഭവിക്കും.

മുല്ലപ്പെരിയാര്‍ റിസര്‍വോയറിലെ ജലം ഇടുക്കി പദ്ധതിയ്ക്ക് ഉള്‍ക്കൊള്ളാനാകില്ലെന്നു സ്വന്തം പുസ്തകത്തില്‍ നാലു വര്‍ഷം മുമ്പു എഴുതിയതിനു കടക വിരുദ്ധമായ അഭിപ്രായമാണദ്ദേഹം കഴിഞ്ഞ ദിവസം കോടതിയില്‍ നല്‍കിയത്.

ഒരു പക്ഷെ കഴിഞ്ഞ നാലു വര്‍ഷത്തിനുള്ളില്‍ സംഗതികളില്‍ മാറ്റം വന്നിരിക്കാം. ഇടുക്കി അണക്കെട്ടിലും മുല്ലപ്പെരിയാറിലേതു പോലെ ബലപ്പെടുത്തല്‍ തമിഴ് നാട് നടത്തിയതായി ആരും പറഞ്ഞു കേട്ടിട്ടില്ല. പിന്നെ എന്തുകൊണ്ടായിരിക്കാം ഇടുക്കി അണക്കെട്ടു തകരും എന്നു ഉറപ്പിച്ചു പറഞ്ഞിരുന്ന ഇദ്ദേഹം ഇപ്പോള്‍, അത് തകരുമോ എന്ന് തീര്‍ച്ചയില്ല എന്നൊക്കെ മാറ്റി പറയുന്നത്?

ഉമ്മന്‍ ചാണ്ടിയും തിരുവഞ്ചൂരും പരമേശ്വരന്‍ നായരും ഒക്കെ നിലപാടു മാറ്റുന്നു. കുറച്ചു കഴിയുമ്പോഴേക്കും, മുല്ലപ്പെരിയാര്‍ അണക്കെട്ടിനു ബലക്കുറവില്ല എന്നൊക്കെ പറഞ്ഞെന്നിരിക്കും. വിദഗ്ദ്ധരുടെ അഭിപ്രായങ്ങളെ അടിസ്ഥാനമാക്കിയാണിന്നു വരെ സുപ്രീം കോടതി തീരുമാനം എടുത്തിട്ടുള്ളത്. കേരളത്തില്‍ നിന്നുള്ള വിദഗ്ദ്ധര്‍ അഭിപ്രായം പറഞ്ഞു തുടങ്ങി. ഇനി സുപ്രീം കോടതിക്ക് തീരുമാനം എടുക്കാന്‍ എളുപ്പമായി.

പിന്‍കുറിപ്പ്: കമ്പത്തും തേനിയിലും തോട്ടങ്ങളുള്ള കേരള രാഷ്ട്രീയക്കാരുടെയും, ഉദ്യോഗസ്ഥരുടെയും കണക്ക് ജയലളിത എടുക്കുന്നതായി ഒരു റിപ്പോര്‍ട്ട് വന്നിരുന്നു. ഇന്നലെ വി എസ് അച്യുതാനന്ദനും രമേശ് ചെന്നിത്തലയും ഈ കണക്ക് പുറത്തു വിടണമെന്ന് ജയലളിതയോട് അഭ്യര്‍ത്ഥിച്ചിട്ടുമുണ്ട്.

2011-12-04T01:59:00.000-08:00

എല്ലാ ഇന്‍ഡ്യക്കാരും ഒരു യന്ത്രത്തിന്റെ കണിശതയോടെ ഓര്‍ക്കുന്ന ദിവസമാണ്, ആഗസ്റ്റ് 15. അന്ന് ഇന്‍ഡ്യക്ക് ബ്രിട്ടീഷുകാരില്‍ നിന്നും സ്വാതന്ത്ര്യം കിട്ടി എന്നാണു നമ്മെ പഠിപ്പിച്ചിരിക്കുന്നതും. ഇന്നലെ വരെ ഞാനും അത് വിശ്വസിച്ചിരുന്നു. പക്ഷെ ഇന്നങ്ങനെ വിശ്വസിക്കാന്‍ സാധിക്കുന്നില്ല. ഒരു നൂറ്റാണ്ടു മുമ്പ് ബ്രിട്ടീഷുകാര്‍ മലയാളികളുടെ കഴുത്തിലിട്ടിട്ടു പോയ അസ്വാതന്ത്ര്യത്തിന്റെ നുകം ഇന്നും അതേപോലെ അവിടെ കിടക്കുന്നു. മുല്ലപ്പെരിയാര്‍ എന്ന നുകം. മലയാളിയുടെ സ്വന്തം മണ്ണിലെ ഈ അണക്കെട്ടിനേക്കുറിച്ച് ഒരു തീരുമാനം എടുക്കാന്‍ മലയാളിക്ക് സ്വാതന്ത്ര്യമില്ല. ആഗസ്റ്റ് 15 അവിടെ അപ്രസക്തമായി മാറുന്നു.

മലയാളികള്‍ ഇന്ന് ഒരു ദുരന്തത്തിന്റെ നടുവിലാണ്. ഏപ്പോള്‍ വേണമെങ്കിലും പൊട്ടിത്തകരാവുന്ന മുല്ലപ്പെരിയാര്‍ അണക്കെട്ട് അവരില്‍ നല്ല ഒരു ശതമാനത്തിന്റെ ഉറക്കം കെടുത്തുന്നു. കേരളത്തിലെ എല്ലാ വിഭാഗം ജനങ്ങളും എല്ലാ രാഷ്ട്രീയ പാര്‍ട്ടികളും ഏക സ്വരത്തില്‍ ആവശ്യപ്പെടുന്നു, ഈ അണക്കെട്ട് പൊളിച്ചു കളയണം. അടിയന്തിരമായി ജലനിരപ്പ് താഴ്ത്തികൊണ്ട് വന്ന് ദുരന്തം ഒഴിവാക്കുകയെങ്കിലും ചെയ്യണം.

പക്ഷെ ആരു കേള്‍ക്കാന്‍? മലയാളികളുടെ വിലാപം ബധിരകര്‍ണ്ണങ്ങളിലാണു പതിക്കുന്നത്.

ഇപ്പോഴും ഇന്‍ഡ്യ ഭരിക്കുന്നത് ബ്രിട്ടീഷുകാര്‍ ആയിരുന്നെങ്കില്‍ ഈ അണക്കെട്ട് 50 വര്‍ഷം മുന്നേ അവര്‍ ഇടിച്ചു നിരത്തുമായിരുന്നു. അത്രപോലും ദാക്ഷിണ്യം ഇന്‍ഡ്യ ഇപ്പോള്‍ ഭരിക്കുന്ന ഉണ്ണാക്കമോറന്‍മാര്‍ക്കില്ല.

എന്നും ജനപക്ഷത്തു നില്‍ക്കുന്ന രാഷ്ട്രീയ പാര്‍ട്ടിയാണു സി പി എം. പക്ഷെ ഇക്കാര്യത്തില്‍ ആ പാര്‍ട്ടിയുടെ ദേശീയ നേതാക്കള്‍ ജനപക്ഷത്തല്ല. കുറഞ്ഞപക്ഷം കേരളത്തിലെ ജനപക്ഷത്തല്ല. ആ പാര്‍ട്ടി യുടെ പോളിറ്റ് ബ്യൂറോ മുല്ലപ്പെരിയാര്‍ വിഷയത്തില്‍ ഒരു പ്രസ്താവന നടത്തി.

അതിന്റെ അന്തസത്ത, തമിഴ്നാടിനു വെള്ളം, കേരളത്തിനു സുരക്ഷ എന്നതാണ്. തമിഴ്നാടിനു വെള്ളം എന്നതിനാണ് ആദ്യപരിഗണന. ഒരു നൂറ്റാണ്ടു പഴക്കമുള്ള ഈ അണക്കെട്ട് ദുര്‍ബലമാണെന്നോ അത് പൊളിച്ചു കളയേണ്ടതാണെന്നോ അവര്‍ക്ക് പറയാന്‍ ആകുന്നില്ല. ഒരു നൂറ്റാണ്ടു മുമ്പ്, തമിഴ് നാടിനു വെള്ളം എന്നതായിരുന്നു ബ്രിട്ടീഷുകാരുടെ നിലപാട്. ഇന്‍ഡ്യ സ്വതന്ത്രയായതിനു ശേഷം ഇന്‍ഡ്യാ ഗവര്‍മെന്റിനും ഇതേ നിലപാടായിരുന്നു. ഇപ്പോള്‍ സി പി എം എന്ന രാഷ്ട്രീയ പാര്‍ട്ടിക്കും അതേ നിലപാടു തന്നെ.

സി പി എമ്മിന്റെ പരമോന്ന ത സമിതി ഒരു പ്രസ്താവനയിലൂടെ അത് തുറന്നു പറഞ്ഞു. പക്ഷെ കോണ്‍ഗ്രസിന്റെയും. ബി ജെ പിയുടെയും സമിതികള്‍ക്ക് ഇതേ നിലപാടുണ്ടായിട്ടും തുറന്നു പറയുന്നില്ല. ഒട്ടകപക്ഷികളേപ്പോലെ തല മണ്ണില്‍ പൂഴ്ത്തി വച്ച് ഇരിക്കുന്നു. പക്ഷെ സി പി ഐ ഒരു പടി കൂടി കടന്ന് കേരളത്തിന്റെ താല്‍പര്യത്തിനെതിരായ നിലപാടു തന്നെ സ്വീകരിക്കുന്നു. മുല്ലപ്പെരിയാര്‍ വിഷയത്തില്‍ സമരങ്ങള്‍ ഒഴിവാക്കണമെന്ന വിചിത്ര നിലപാടാണ്‌ സി.പി.ഐ. സ്വീകരിച്ചത്‌.....,. കേരളത്തിന്‌ ഏറ്റവും ദോഷകരമായ 999 വര്‍ഷത്തെ കരാര്‍ തുടരണമെന്നുകൂടി സി.പി.ഐ. പറയുന്നു. മുല്ലപ്പെരിയാര്‍ അണക്കെട്ടിന്റെ സുരക്ഷയുമായി ബന്ധപ്പെട്ട ആശങ്ക ഒഴിവാക്കണം എന്നു പറയുന്നുണ്ടെങ്കിലും, പുതിയ അണക്കെട്ട്‌ എന്ന വാക്കുപോലും സി.പി.ഐയുടെ പത്രക്കുറിപ്പില്‍ ഇല്ല. തമിഴ്‌നാടിനു നല്‍കിവരുന്ന ജലം നല്‍കണമെന്ന്‌, വ്യക്തമായി ആവശ്യപ്പെടുന്നുമുണ്ട്‌.. ... തമിഴ്‌നാടും കേരളവുമായി പ്രശ്‌നം പറഞ്ഞു തീര്‍ക്കണമെന്നു ചൂണ്ടിക്കാട്ടുന്നതല്ലാതെ, ഒരു നൂറ്റാണ്ടിലധികം പഴക്കമുളള അണക്കെട്ട്‌ ഭീഷണിയാണെന്നു തുറന്നു പറയാന്‍ ആരും തയ്യാറല്ല.

ഇവരെ അപേക്ഷിച്ചു നോക്കുമ്പോള്‍ സി പി എമ്മിനു കുറച്ചു കൂടെ ആര്‍ജ്ജവമുണ്ട്. പക്ഷെ മുല്ലപ്പെരിയാറില്‍ പുതിയ ഡാം നിര്‍മിക്കണമെന്നാവശ്യപ്പെട്ട് സി.പി.എം. ഉള്‍പ്പെടെയുള്ള എല്‍.ഡി.എഫ് ഘടകകക്ഷികള്‍ ഡിസംബര്‍ എട്ടിന് മനുഷ്യമതില്‍ സൃഷ്ടിക്കാന്‍ ഒരുങ്ങുന്നു. മന്ത്രി പി ജെ ജോസഫ് ആ മതിലില്‍ പങ്കെടുക്കുമെന്ന് അറിയിച്ചിട്ടുമുണ്ട്. മുല്ലപ്പെരിയാര്‍ പ്രശ്‌നത്തില്‍ ജനവികാരം പാരമ്യതയിലെത്തിക്കാന്‍ എല്‍.ഡി.എഫ് പരമാവധി ശ്രമിക്കുമ്പോഴാണ് ഈ നിലപാടിനെ പരോക്ഷമായി തള്ളുന്ന നിലപാട് പി.ബി മുന്നോട്ടു വെച്ചതും.
ജനകീയ പ്രശ്നങ്ങള്‍ വരുമ്പോള്‍ സി പി എമ്മിന്റെ ഏറ്റവും മുതിര്‍ന്ന നേതാവ്, വി എസ് അച്യുതാനന്ദന്‍ ജനപക്ഷത്തേ എന്നും നിന്നിട്ടുള്ളു. സ്വാഭാവികമായി ഇപ്പോഴും അദ്ദേഹം പോളിറ്റ് ബ്യൂറോ നിലപാടിനെ തള്ളിക്കളഞ്ഞു. അത് തിരുത്തണമെന്നും ആവശ്യപ്പെട്ടു. സി.പി.എം പോലുളള ഒരു പാര്‍ട്ടിയില്‍ പി.ബിയെ തിരുത്താന്‍ ഒരു നേതാവ് തയ്യാറാവുന്നത് അപൂര്‍വമായ അനുഭവമാണ്.

1997ല്‍ മുല്ലപ്പെരിയാര്‍ വിഷയത്തിന്റെ പേരില്‍ തന്നെ വിഎസിനെ പോളിറ്റ് ബ്യൂറോ പാര്‍ട്ടിക്കകത്തു ശാസിച്ചതാണ്. അന്ന് അഡ്വക്കറ്റ് ജെനെറല്‍ ആയിരുന്ന എം.കെ. ദാമോദരന്‍ മുഖ്യമന്ത്രി നായനാര്‍ക്കു നല്‍കിയ കുറിപ്പാണു വിഎസിനെതിരെയുള്ള നടപടിക്കു കാരണമായത്.

തമിഴ്നാട് അനധികൃതമായി കൂടുതല്‍ വെള്ളം കൊണ്ടുപോകുന്നു എന്നും, കാലഹരണപ്പെട്ട മുല്ലപ്പെരിയാര്‍ കരാര്‍ പൊളിച്ചെഴുതണം എന്നും അദ്ദേഹം ആവശ്യപ്പെട്ടു.

സംസ്ഥാന സര്‍ക്കാര്‍ ഇക്കാര്യത്തില്‍ വീഴ്ച വരുത്തി എന്നും അദ്ദേഹം കുറ്റപ്പെടുത്തി. സര്‍ക്കാരിന്റെ പിടിപ്പുകേടിനെക്കുറിച്ചു സൂചനയുള്ള കത്ത് പോളിറ്റ് ബ്യൂറോക്ക് എഴുതി. അന്തര്‍സംസ്ഥാന നദീജല പ്രശ്നങ്ങള്‍ കേന്ദ്ര ശ്രദ്ധയില്‍ കൊണ്ടുവന്നു കൈകാര്യം ചെയ്യാന്‍ പിബി ഇടപെടണം എന്നായിരുന്നു കത്തിലെ ആവശ്യം.

വിഎസിന്റെ പരസ്യപ്രസ്താവന പാര്‍ട്ടി തമിഴ്നാട് ഘടകത്തെ ചൊടിപ്പിച്ചു. അവര്‍ സിപിഎം കേന്ദ്ര നേതൃത്വത്തെ സമീപിച്ചു. ജനറല്‍ സെക്രട്ടറി ഹര്‍കിഷന്‍സിങ് സുര്‍ജിത് മുഖ്യമന്ത്രി നായനാരോടു വിശദീകരണം തേടി. നായനാര്‍ അഡ്വക്കറ്റ് ജെനെറലിനോട് അഭിപ്രായം ചോദിച്ചു. വിഎസിന്റേത് അനവസരത്തിലുള്ള, അതിരുവിട്ട പ്രസ്താവനയാണ് എന്നായിരുന്നു, അന്ന് അഡ്വക്കറ്റ് ജെനെറല്‍ അഭിപ്രായപ്പെട്ടത്. അതിന്റെ ഫലമായി പോളിറ്റ് ബ്യൂറോ വിഎസിനെ താക്കീതു ചെയ്തു.

ഇപ്പോഴും വി എസ് പരസ്യമായി ചിലത് പറഞ്ഞു. ഒരു പക്ഷെ അടുത്ത അച്ചടക്ക നടപടി വന്നേക്കാം. താക്കീത് ചെയ്തേക്കാം. പോളിറ്റ് ബ്യൂറോയിലേക്ക് എടുത്തേക്കില്ല. രണ്ടു പതിറ്റാണ്ടായി വി എസ് ഈ വിഷയത്തില്‍ മലയാളികളുടെ സുരക്ഷയേക്കരുതിയാണിടപെടുന്നത്. ഒരു

പോളിറ്റ് ബ്യൂറോ അംഗത്വം കാംക്ഷിച്ച് അതില്‍ വെള്ളം ചേര്‍ക്കാതിരിക്കുന്നതിനൊരു ലാല്‍ സലാം സഖാവേ. സി പി എം ഉണ്ടായതുമുതല്‍ അനേകം പേര്‍ പോളിറ്റ് ബ്യൂറോയിലൂടെ കയറി ഇറങ്ങിപ്പോയി. അവരില്‍ ഭൂരിഭാഗം പേരെയും ഇപ്പോള്‍ ആളുകള്‍ ഓര്‍ക്കുന്നേ ഇല്ല. ജനപക്ഷത്തു നില്‍ക്കുന്ന അങ്ങയേപ്പൊലുള്ളവരെ ആണു ജനങ്ങള്‍ ഓര്‍ക്കുക.

പി.ബിയെ തിരുത്താന്‍ ശ്രമിച്ച വി.എസ്. അച്യുതാനന്ദന് മന്ത്രി പി.ജെ. ജോസഫ് പിന്തുണ പ്രഖ്യാപിച്ചിട്ടുണ്ട്. വി.എസ്. മുല്ലപ്പെരിയാറില്‍ സത്യാഗ്രഹമിരിക്കുമ്പോള്‍ കൂടെ ഉപവാസമിരിക്കുമെന്നാണ് ജോസഫിന്റെ പ്രഖ്യാപനം. .

ദേശീയ പാര്‍ട്ടികള്‍ക്ക് മാത്രമല്ല, കേരളത്തിന്റെ താല്‍പ്പര്യത്തിനു വിരുദ്ധമായ നിലപാടുള്ളത്. കേരള സര്‍ക്കാരിന്റെ അഡ്വക്കറ്റ് ജെനറലില്‍ ദണ്ഡപാണിക്കും ഉണ്ട് അതുപോലത്തെ നിലപാട്. ജലനിരപ്പും ഡാമിന്റെ സുരക്ഷയും തമ്മില്‍ ബന്ധമില്ല എന്നും, മാദ്ധ്യമങ്ങള്‍ ഈ വിഷയത്തില്‍ ആശങ്ക പരത്തുന്നു എന്നും ആണദ്ദേഹം ഹൈക്കോടതിയില്‍, "കേരള സര്‍ക്കാരിനു വേണ്ടി" പറഞ്ഞത്. കമ്പത്തും തേനിയിലും അഡ്വക്കറ്റ് ജെനറലിനു മുന്തിരിതോട്ടങ്ങളുള്ളതായി വാര്‍ത്തകള്‍ പ്രചരിക്കുന്നുണ്ട്. മലയാളികളെ ഒറ്റുകൊടുത്തതിനു ലഭിച്ച പരിതോക്ഷികമാണതെങ്കില്‍, ഇദ്ദേഹത്തെ മുല്ലപ്പെരിയാര്‍ അണക്കെട്ടിന്റെ താഴെ കെട്ടിയിടണം. കേരളത്തില്‍ വളരെ വളരെ അപുര്‍വമായേ എല്ലാ രാഷ്ട്രീയ പാര്‍ട്ടികള്‍ക്കും ഒരു വിഷയത്തില്‍ ഏക അഭിപ്രായമുണ്ടാകാറുള്ളു. എന്നിട്ട് പോലും ഈ അഭിപ്രായം അഡ്വക്കറ്റ് ജെനറലിനില്ലെങ്കില്‍ അതിന്റെ കാരണങ്ങളേക്കുറിച്ച് മാദ്ധ്യമങ്ങള്‍ തന്നെ അന്വേഷിച്ച് കണ്ടു പിടിക്കണം.

ഇതില്‍ സെല്‍ഫ് ഗോളടിച്ചത് മന്ത്രി തിരുവഞ്ചൂര്‍ രാധാകൃഷ്ണന്നാണ്.അദ്ദേഹത്തിന്റെ വാക്കുകള്‍

മുല്ലപ്പെരിയാര്‍ പ്രശ്നത്തില്‍ കുമളിയിലും തേനിയിലും വ്യത്യസ്ത നിലപാടാണു സിപിഎമ്മിന്. സിപിഎമ്മിന്റെ പിബിയുടെ നിലപാടു കേരളത്തിലെ ജനങ്ങളുടെ വികാരം മാനിക്കാതെയുള്ളതാണെന്ന വിഎസിന്റെ നിലപാടിനെ സ്വാഗതം ചെയ്യുന്നു. സംസ്ഥാനത്തിന്റെ പൊതു താല്‍പര്യത്തിനെതിരായി നിലപാടെടുത്ത പിബിയുടെ നിലപാടു മാറ്റാന്‍ വിഎസ് സമ്മര്‍ദ്ദം ചെലുത്താന്‍ തയാറാകുമോ എന്നു വ്യക്തമാക്കണം.

ഇദ്ദേഹമൊക്കെ കേരളം ഭരിക്കുമ്പോള്‍ മലയാളികള്‍ രക്ഷപ്പെടാന്‍ പ്രയാസമാണ്. അദ്ദേഹത്തോട് തിരിച്ച് ചില ചോദ്യങ്ങള്‍ നമുക്കും ചോദിക്കാം.

മുല്ലപ്പെരിയാര്‍ പ്രശ്നത്തില്‍ കുമളിയിലും തേനിയിലും കോണ്‍ഗ്രസിന്‌ ഒരേ നിലപാടാണോ?

പോളിറ്റ് ബ്യൂറോ നിലപാടു മാറ്റിയാല്‍ മുല്ലപ്പെരിയാറില്‍ അണകെട്ടാനുള്ള അനുവാദം കേന്ദ്ര സര്‍ക്കാര്‍ തരുമോ?

തിരുവഞ്ചൂരിന്റെ പാര്‍ട്ടിയുടെ ദേശീയ നേതാക്കളേക്കൊണ്ട്, കേരളത്തിലെ ജനങ്ങളുടെ വികാരം മാനിക്കുന്നതും, സംസ്ഥാനത്തിന്റെ പൊതു താല്‍പര്യത്തിനനുകൂലവുമായ ഒരു നിലപാടെടുപ്പിക്കാന്‍ തിരുവഞ്ചൂരിനേക്കൊണ്ട് കഴിയുമോ?

ഇപ്പോഴത്തെ കേന്ദ പരിസ്ഥിതി വകുപ്പ് മന്ത്രി ജയന്തി നടരാജനേക്കൊണ്ട്, മുല്ലപ്പെരിയാറില്‍ തിരുവഞ്ചൂരിന്റെ പാര്‍ട്ടി പണിയാന്‍ ഉദ്ദേശിക്കുന്ന അണക്കെട്ടിനുള്ള അനുമതി എത്രയും പെട്ടെന്ന് മേടിച്ചെടുക്കുമോ?

ഇല്ലെങ്കില്‍ ഇദ്ദേഹത്തെയും ദണ്ഡപാണിയോടൊപ്പം മുല്ലപ്പെരിയാര്‍ അണക്കെട്ടിന്റെ താഴെ കെട്ടിയിടേണ്ടി വരും.

2011-12-03T22:17:00.000-08:00

കേരളത്തിലെ വിദ്യാലയങ്ങളില്‍ കടന്നു ചെന്ന് ബോധവത്കരണം എന്ന പേരില്‍ പിഞ്ചുകുട്ടികളെ കൂടുതല്‍ പേടിപ്പെടുത്താനുള്ള ചിലരുടെ ഉദ്യമത്തെ വിമര്‍ശിച്ചുകൊണ്ട് ഞാന്‍ എഴുതിയിരുന്നു. ആ ഉദ്യമത്തിന്റെ ഉപജ്ഞാതാവായ നിരക്ഷരന്, പക്ഷെ അതത്ര പിടിച്ചില്ല. അദ്ദേഹം പ്രതികരിച്ചതിങ്ങനെ.

രണ്ട് വർഷത്തോളമായി ഈ പ്രശ്നത്തിൽ ആശങ്കപ്പെട്ട് നിൽക്കുന്ന ജനങ്ങൾക്കിടയിൽ ഇറങ്ങി നടന്ന് അഭിപ്രായം ആരാഞ്ഞും സംസാരിച്ചും ഒക്കെ കിട്ടിയ ഫീഡ്ബാക്കിന്റെ അടിസ്ഥാനത്തിലാണ് എമർജൻസി ആൿഷൻ പ്ലാനിന്റേയും, ഡിസാസ്റ്റർ റിലീഫ് പ്ലാനിന്റേയും കാര്യം പറയുന്നത്.

മുല്ലപ്പെരിയാര്‍ വിഷയത്തില്‍ ഏറ്റവും കൂടുതല്‍ ആശങ്കപ്പെട്ടു നില്‍ക്കുന്നത് വള്ളക്കടവു മുതല്‍ വണ്ടിപ്പെരിയാര്‍ വരെ താമസിക്കുന്ന ജനങ്ങളാണ്. വള്ളക്കടവു ഗ്രാമത്തില്‍ 5000 ല്‍ പരം ജനങ്ങളുണ്ട്. ഇവിടെ നിന്ന് അണക്കെട്ടിലേക്ക് മൂന്നു കിലോമീറ്റര്‍ ദൂരമേ ഉള്ളു.അണക്കെട്ട് തകര്‍ന്നാല്‍ മൂന്നു മിനിറ്റിനകം ഈ ഗ്രാമം തുടച്ചു നീക്കപ്പെടും. 1979 നു ശേഷം നാലു പ്രാവശ്യം ഈ അണക്കെട്ട് കവിഞ്ഞൊഴുകിയിട്ടുണ്ട്. ഒരിക്കല്‍ 18 അടിയോളം ഉയരത്തില്‍ വള്ളക്കടവില്‍ വെള്ളം പൊങ്ങി. അന്ന് വെള്ളം സാവധാനം വന്ന് നിറഞ്ഞതുകൊണ്ട് ജനങ്ങള്‍ക്ക് ഓടി രക്ഷപ്പെടാനായി. പക്ഷെ അണക്കെട്ട് തകര്‍ന്നാല്‍ നൂറടിക്ക് മേല്‍ ഉയരത്തില്‍ വെറും മൂന്നു മിനിറ്റിനുള്ളില്‍ വള്ളക്കടവിലൂടെ വെള്ളം ഒഴുകും. എല്ലാം തകര്‍ത്തെറിഞ്ഞു കൊണ്ട്. വള്ളക്കടവിനും അണക്കെട്ടിനുമിടയിലുള്ള മൂന്നു മലകള്‍ തകര്‍ത്തു തരിപ്പണമാക്കി, അവിടത്തെ കല്ലും മണ്ണും മരങ്ങളും മുല്ലപ്പെരിയാറിന്റെ അടിത്തട്ടില്‍ 50 അടി കനത്തില്‍ അടിഞ്ഞുകൂടി കിടക്കുന്ന ചെളിയും ആവാഹിച്ചുകൊണ്ടുള്ള മലവെള്ളപ്പാച്ചിലില്‍ ഒന്നും അവശേഷിക്കില്ല. ആളുകള്‍ക്ക് ഓടി രക്ഷപ്പെടാനുള്ള സാവകാ ശവും ലഭിക്കില്ല.

അടുത്ത നാലു മിനിറ്റുനുള്ളില്‍ ഈ വെള്ളം വണ്ടിപ്പെരിയാറിലും എത്തും. അവിടെ ജീവിക്കുന്നത് 20000 ജനങ്ങളാണ്. അണക്കെട്ട് തകര്‍ന്നാല്‍ ആദ്യ പത്തുമിനിട്ടിനുള്ളില്‍ ഈ രണ്ടു സ്ഥലങ്ങളും ഭൂമുഖത്തു നിന്നും അപ്രത്യക്ഷമാകും.

അണക്കെട്ടു തകരുമ്പോള്‍ ഏതു തരം രക്ഷാപ്രവര്‍ത്തനമാണ്, നിരക്ഷരനുള്‍പ്പടെയുള്ള വിദഗ്ദ്ധര്‍ വിഭാവനം ചെയ്യുന്നതെന്ന് അറിയാന്‍ താല്‍പ്പര്യമുണ്ട്. എല്ലാ ആധുനിക സൌകര്യങ്ങളുമുള്ള ജപ്പാനില്‍ സുനാമി മുന്നറിയിപ്പ് ലഭിച്ചിട്ട് ഒരു മണിക്കൂര്‍ കഴിഞ്ഞേ തിരമാലകള്‍ തീരത്തടിച്ചു കയറിയുള്ളു. എന്നിട്ടുമവിടെ 19000 ആളുകള്‍ മരിച്ചു. വള്ളക്കടവിലും വണ്ടിപ്പെരിയാറിലും ആരും രക്ഷപ്പെടില്ല എന്ന് മനസിലാക്കാന്‍ യാതൊരു വൈദഗ്ദ്ധ്യമോ രണ്ടു വര്‍ഷത്തെ പ്രവര്‍ത്തി പരിചയമോ ആവശ്യമില്ല. ഈ മനുഷ്യരെ കുരുതി കൊടുത്തിട്ട് മറ്റു സ്ഥലങ്ങളിലുള്ളവരെ രക്ഷപ്പെടുത്തുന്നത് മനുഷ്യത്വപരമല്ല. എല്ലാവരെയും രക്ഷപ്പെടുത്താനുള്ള വഴികളാണു നോക്കേണ്ടത്.

പന്നിയാര്‍ അണക്കെട്ടില്‍ നിന്നും വെള്ളം കൊണ്ട് വരുന്ന ഒരു പെന്‍ സ്റ്റോക്ക് പൈപ്പ് പൊട്ടിയപ്പോള്‍ ഒരു പ്രദേശമാണ് കുത്തി ഒലിച്ചുപോയത്. വീടുകളും മലകളും പാറകളും ഒഴുകി മാറി. അഞ്ചുപേര്‍ ഈ ദുരന്തത്തില്‍ മരിച്ചു. ഈ ദുരന്തത്തില്‍ അകപ്പെട്ട ഒരു കെഎസ്ഇബി ജീവനക്കാരനെ ഇതുവരെയും കണ്ടെത്താനായിട്ടില്ല. ഒരു പൈപ്പ് പൊട്ടിയപ്പോഴാണ് ഒരു പ്രദേശം തകര്‍ത്തത്.

മുല്ലപ്പെരിയാര്‍ അണക്കെട്ടിലെ 11 ദശലക്ഷം ഘനയടി വെള്ളം ഒഴുകുമ്പോള്‍ നാടുകള്‍ തന്നെ തുടച്ചു നീക്കപ്പെടുമെന്നു മനസിലാക്കാന്‍ പ്രത്യേക വൈദഗ്ദ്ധ്യം ഒന്നും ആവശ്യമില്ല. വള്ളക്കടവും വണ്ടിപ്പെരിയാറും തീര്‍ച്ചയായും തുടച്ചു നീക്കപ്പെടും. ഇപ്പോള്‍ മുതല്‍ ബോധവ്തകരണം നടത്തി, എമര്‍ജന്‍സി ആക്ഷന്‍ പ്ലാനും, ഡിസാസ്റ്റര്‍ റിലീഫ് പ്ലാനും, പ്രയോഗിക്കാന്‍ വള്ളക്കടവിലും വണ്ടിപ്പെരിയാറിലും ആരും അവശേഷിക്കില്ല.

ഏതാനും മിനിറ്റുകളുടെ വ്യത്യാസത്തില്‍ നിരവധി അടി ഉയരത്തില്‍, നമുക്കൊക്കെ ചിന്തിക്കാന്‍ പോലുമാകാത്ത വേഗത്തില്‍ മലവെള്ളം പാഞ്ഞുവരും. വള്ളക്കടവിനു ശേഷം,കറപ്പുപാലം, വണ്ടിപ്പെരിയാര്‍,, തങ്കമല, മ്ളാമല, വെള്ളാക്കല്‍, പൂണിക്കുളം, കരിന്തിരി, മേരികുളം, പരപ്പ്, ഏലപ്പാറ, ഉപ്പുതറ സ്ഥലങ്ങളില്‍ എത്തും. മിനിറ്റുകള്‍ക്കുള്ളില്‍ ഇത് സംഭവിക്കും. അരമണിക്കൂറിനുള്ളില്‍ ഈ പ്രളയ ജലം ഇടുക്കി ജലാശയത്തില്‍ എത്തിച്ചേരും. നിരക്ഷരനൊക്കെ ഉദ്ദേശിക്കുന്ന ഏത് എമര്‍ജന്‍സി ആക്ഷന്‍ പ്ലാനും, ഡിസാസ്റ്റര്‍ റിലീഫ് പ്ലാനും ഇവിടെ പരാജയപ്പെടും. ഈ പ്ളാനുകളൊക്കെ പ്രാവര്‍ത്തികമാക്കാന്‍ ഉള്ള റോഡുകള്‍ ഉണ്ടായിട്ടു വേണ്ടേ ആളുകളെ രക്ഷപ്പെടുത്താന്‍..

അനിവാര്യമായ ദുരന്തം ഏറ്റുവാങ്ങാന്‍ തയ്യാറായി നില്‍ക്കുന്ന വിദഗ്ദ്ധരൊക്കെ കൂടി ചെയ്യേണ്ടത്, ഇപ്പോള്‍ തന്നെ ഈ ജനങ്ങളെ മാറ്റി പാര്‍പ്പിക്കുകയാണ്. അല്ലാതെ അണക്കെട്ട് തകരുമ്പോള്‍ ആക്ഷന്‍ പ്ളാനിലൂടെ പലതും ചെയ്യാന്‍ സാധിക്കുമെന്ന് വ്യാമോഹിച്ചിരിക്കുകയല്ല. വെറും വെള്ളം മാത്രമല്ല ഒഴുകി വരിക. 120 വര്‍ഷം കൊണ്ട്, 50 അടി കനത്തില്‍ മുല്ലപ്പെരിയാറിന്റെ അടിത്തട്ടില്‍ അടിഞ്ഞു കൂടിയിരിക്കുന്ന ചെളി, എല്ലാ ആക്ഷന്‍ പ്ളാനിനേയും ഡി സാസ്റ്റര്‍ റിലീഫ് പ്ളാനിനെയും അട്ടിമറിക്കും. ഏത് മുന്തിയ സന്നാഹങ്ങളുണ്ടായാലും അണക്കെട്ട് തകര്‍ന്നാല്‍ ഒരാള്‍ പോലും രക്ഷപ്പെടില്ല എന്നാണ്, വള്ളക്കടവു നിവാസികള്‍ തീര്‍ച്ചയാക്കി ഇരിക്കുന്നത്.

അണക്കെട്ട് തകര്‍ന്നാല്‍ ഉണ്ടാകുന്ന മഹാദുരന്തത്തിന്റെ ആദ്യ ഇരകളാണ് വള്ളക്കടവ് നിവാസികള്‍.. ഉറക്കം നഷ്ടപ്പെട്ടവര്‍ മാത്രമേ ഈ ഗ്രാമത്തിലുള്ളു. രാവും പകലും ഇവര്‍ ഉറങ്ങാതായിട്ടു മാസങ്ങളായി. കുട്ടികള്‍ ദുസ്വപ്നം കണ്ട് ഞെട്ടി ഉണരുന്നു. സ്കൂളുകളില്‍ ഹാജര്‍ നില വളരെ കുറയുന്നു. പലരും വിടുതല്‍ സര്‍ട്ടിഫിക്കറ്റ് വാങ്ങി ദൂരെയുള്ള സ്കൂളുകളിലേക്ക് പോകുന്നു. വിവാഹപ്രായമായ പുരുഷന്‍മാര്‍ക്ക് അന്യ ദേശത്തു നിന്നും പെണ്‍കുട്ടികളെ വിവാഹം കഴിച്ചു കൊടുക്കുന്നില്ല. മുതിര്‍ന്നവര്‍ക്ക് ഊരുറപ്പിച്ച് ഉറങ്ങാന്‍ ആകുന്നില്ല. അടുത്ത പ്രഭാതം കാണുമോ എന്ന ആശങ്കയിലണവര്‍ ഉറങ്ങുന്നതും.

എ.സി.മുറികളില്‍ ഇരുന്ന് അഭിപ്രായം പറയുന്നവരെയും ലേഖനങ്ങള്‍ പടച്ച് വിടുന്നവരെയും പരിഹസിക്കുന്ന, രണ്ട് വര്‍ഷത്തോളമായി ഈ പ്രശ്നത്തില്‍ ആശങ്കപ്പെട്ട് നില്‍ക്കുന്ന ജനങ്ങള്‍ക്കിടയില്‍ ഇറങ്ങി നടന്ന് അഭിപ്രായം ആരാഞ്ഞും സംസാരിച്ചും ഒക്കെ ഫീഡ്ബാക്ക് കിട്ടിയ നിരക്ഷരന്, വള്ളക്കടവു നിവാസികളുടെ ഈ ആശങ്കക്ക് എന്ത് പരിഹാരമാണു നിര്‍ദ്ദേശിക്കാനുള്ളത്?

ഒരു ആക്ഷന്‍ പ്ളാനിനും അവരെ രക്ഷപ്പെടുത്താന്‍ ആകില്ല എന്നതാണു കേവല സത്യം.

കഴിഞ്ഞ ദിവസം ജനങ്ങള്‍ കൈക്കോട്ടും തൂമ്പയുമായി വള്ളക്കടവിലും വണ്ടിപ്പെരിയാറിലും മാര്‍ച്ച് ചെയ്തു. അവര്‍ തൂമ്പയും കൈക്കോട്ടുമെടുക്കാന്‍ തീരുമാനിക്കുന്നത് ജീവഭയംകൊണ്ടാണ്. മലകയറി മുല്ലപ്പെരിയാറിനു ചാലുകീറി വെള്ളം ഒഴുക്കിക്കളയാന്‍ ഈ ജനമൊന്നാകെ തീരുമാനിച്ചിരിക്കുകയാണ്. അവര്‍ക്കൊപ്പം കൂടാനാണു ചുറ്റുവട്ടത്തെ കുട്ടികളുടെയും തീരുമാനം. എന്തെങ്കിലും പരിഹരമുണ്ടാകണമെന്ന് ആഗ്രഹി ക്കുന്ന സുബോധമു ള്ളവര്‍ ഇവര്‍ക്കൊപ്പം ചേരുകയാണു വേണ്ടത്. ഇവരാണിപ്പോള്‍ കേരളജനതയുടെ ഭീതിക്ക് അറുതിവരുത്തണമെന്നാവശ്യപ്പെട്ട് എന്തിനും തയ്യാറായി നില്‍ക്കുന്നത്.

സമാധാന സമരത്തിന്റെ പാതയില്‍നിന്ന് ജനം പതുക്കെ മാറുകയാണ്. ഇവരൊക്കെ നേരിയ പ്രകോപനമുണ്ടായാല്‍പോ ലും പൊട്ടിത്തെറിക്കുന്ന മാനസികനിലയിലെത്തിയിരിക്കുന്നു. മുല്ലപ്പെരിയാറില്‍ ഒരു തീരുമാനമുണ്ടാകുന്നില്ലെങ്കില്‍ ജനം അക്രമാസക്തരാകാം. വര്‍ഷങ്ങളോളം പന്തല്‍ കെട്ടി സമരം നടത്തിയിട്ടും അധികാരികള്‍ അനങ്ങാതെ വന്നതോടെ ഇനി ജനകീയ നടപടി എന്നതാണിപ്പോള്‍ ഇവിടത്തെ ജനങ്ങളുടെ ചിന്താഗതി.

അതു തികച്ചും ന്യായവുമാണ്. പ്രധാനമന്ത്രി വിളിച്ചു ചേര്‍ത്ത ചര്‍ച്ച തമിഴ് നാടു ബഹിഷ്ക്കരിച്ചിരിക്കുന്നു. തമിഴ് നാട് പ്രശ്ന പരിഹാരത്തിനു പുറം തിരിഞ്ഞ് നില്‍ക്കുകയാണെങ്കില്‍, വള്ളക്കടവ് നിവാസികള്‍ കാണിച്ചു തരുന്ന വഴിയിലൂടെ മലയാളികള്‍ക്ക് സഞ്ചരിക്കേണ്ടി വരും. ബോധവത്കരണവും ഡിസാസ്റ്റര്‍ പ്ളാനും ആക്ഷന്‍ പ്ളാനുമൊക്കെ ഉണ്ടാക്കുന്നവര്‍ അതുണ്ടാക്കട്ടെ. മുല്ലപ്പെരിയാറിന്റെ തൊട്ടു താഴെ താമസിക്കുന്നവര്‍ക്ക് ഒരു ബോധവത്കരണത്തിന്റെയും ആക്ഷന്‍ പ്ളാനിന്റെയും ആവശ്യമില്ല. അവര്‍ക്ക് വേണ്ടത് ആക്ഷന്‍ ആണ്. മുല്ലപ്പെരിയാര്‍ എന്ന പ്രശ്നമവസാനിപ്പിക്കാനുള്ള ആക്ഷന്‍.. അത് ഈ അണക്കെട്ട് പൊളിച്ചു കളയുകയോ ജലനിരപ്പ് അടിയന്തരമായി കുറയ്ക്കുകയോ മാത്രമാണ്. അധികാരികള്‍ക്ക് അത് ചെയ്യാന്‍ മടിയാണെങ്കില്‍ അത് നേരിട്ട് ബാധിക്കുന്നവര്‍ തന്നെ അത് ചെയ്യേണ്ടി വരും. മരണ ഭീതി അവരേക്കൊണ്ട് അത് ചെയ്യിക്കും. അവരോട് അല്‍പ്പമെങ്കിലും കാരുണ്യം തോന്നുന്നവര്‍ അവരോടൊപ്പം അണിചേരുക. അല്ലാത്തവര്‍ ആക്ഷന്‍ പ്ളാനും ഡിസാസറ്റര്‍ റ്ലീഫ് പ്ളാനുമായി നടക്കുക. ഡിസാസ്റ്റര്‍ ഉണ്ടായിക്കഴിഞ്ഞ് വള്ളക്കടവില്‍ ആരെങ്കിലും ശേഷിച്ചാലേ ഈ പ്ളാനുകള്‍ക്ക് എന്തെങ്കിലും പ്രസക്തിയുള്ളു. അര്‍ത്ഥശൂന്യമായ ഈ വാക്കുകള്‍ ഉരുവിട്ട് സമയം കളയേണ്ടവര്‍ക്ക് അങ്ങനെയുമാകാം.

2011-12-02T14:19:00.000-08:00

1998 ല്‍ Cannes ചലചിത്ര മേളയില്‍ പരമോന്നത ബഹുമതിയും, ഓസ്കാര്‍ അവാര്‍ഡുകളും ലഭിച്ച ഇറ്റാലിയന്‍ സിനിമ ആയിരുന്നു Life is Beautiful. നാസി കോണ്‍സെന്റ്രേഷന്‍ ക്യാമ്പില്‍ അകപ്പെട്ട ഒരു കൊച്ചു കുട്ടിയുടെ അത്മവീര്യം തകരാതിരിക്കാന്‍ അവന്റെ അച്ഛന്‍ ശ്രമിക്കുന്നത് ഹൃദയാവര്‍ജ്ജകമായ രീതിയില്‍ അതില്‍ വരച്ച് കാട്ടുന്നു. ഞാന്‍ ഇഷ്ടപ്പെടുന ഏറ്റവും നല്ല സിനിമകളില്‍ ആദ്യത്തേതാണ്Life is Beautiful.

അതിലെ ഒരു രംഗത്തിന്റെ വീഡിയോ ക്ളിപ്പിംഗ് ആണു താഴെ.

അനിവാര്യമായ ദുരന്തം പൂര്‍ണ്ണമായി മനസിലാക്കുമ്പോഴും മകന്റെ ആത്മവീര്യം തകരാതെ നോക്കുന്നു ആ പിതാവ്. അതിനദ്ദേഹം ഉപയോഗിക്കുന്ന മാര്‍ഗ്ഗം, ക്യാമ്പ് ഒരു പ്രത്യേക തരം കളി ആണെന്ന് മകനെ പറഞ്ഞു മനസിലാക്കുന്നതാണ്. കളിയില്‍ ജയിക്കുന്ന അള്‍ക്ക് ലഭിക്കുന്ന സമ്മാനം ഒരു ടാങ്ക് ആണെന്ന് മകനെ വിശ്വസിപ്പിക്കുന്നു. ആ പിതാവു നല്‍കുന്ന ആത്മധൈര്യമാണാ കുട്ടിയെ ക്യാമ്പിലെ ദാരിദ്ര്യവും, രോഗവും, മരണവുമൊക്കെ അതിജീവിക്കാന്‍ പ്രാപ്തനാക്കുന്നത്.

കഴിഞ്ഞ ആഴ്ച്ച ഒരു പരിചയക്കാരന്‍ എന്നോട് പറഞ്ഞ ഒരു സംഭവം. ഇടുക്കി ജില്ലയിലെ ഒരു ചെറിയ ഗ്രാമത്തില്‍ നടന്നത്. നാലാം ക്ളാസില്‍ പഠിക്കുന്ന അദ്ദേഹത്തിന്റെ മകന്‍ എന്നും രാത്രിയില്‍ ദുസ്വപ്നം കണ്ട് ഞെട്ടി ഉണരുന്നു. ഒരു ദിവസം സ്വപ്നത്തില്‍ കുട്ടിവിളിച്ചു പറഞ്ഞത് കടുവ വരുന്നേ എന്നായിരുന്നു. പുലര്‍ന്നപ്പോള്‍ അച്ഛന്‍ മകനോട് അതേപ്പറ്റി ചോദിച്ചു. അപ്പോഴാണു കുട്ടി സംഗതി വിവരിച്ചത്. കഴിഞ്ഞ കുറച്ചു ദിവസങ്ങളായി മാദ്ധ്യമങ്ങളില്‍ നിറഞ്ഞു നില്‍ക്കുന്നത് മുല്ലപ്പെരിയാര്‍ തകര്‍ന്നാല്‍ ഉണ്ടാകുന്ന ദുരങ്ങള്‍ ആണ്. കുട്ടികളും അവരുടെ ഭാവനക്കനുസരിച്ച് നിറം പിടിപ്പിച്ച കഥകളുണ്ടാക്കുന്നു. അക്കൂടെ മുതിര്‍ന്ന കുട്ടികള്‍ പറഞ്ഞു കൊടുത്തത്, മുല്ലപ്പെരിയാറിലെ വനം കടുവ സങ്കേതമാണ്, അവിടെ അനേകം കടുവകളുണ്ട്. അണക്കെട്ട് തകരുമ്പോള്‍ കടുവകളും ഒഴുകി വരും, എന്നൊക്കെ. . അങ്ങനെ ഒഴുകി വന്ന ഒരു കടുവയാണ്, സ്വപ്നത്തില്‍ ആ കുട്ടിയെ പേടിപ്പിച്ചത്.

ഇത് രണ്ടും ഇവിടെ എഴുതിയത് കുട്ടികള്‍ക്ക് നല്ലതു പറഞ്ഞു കൊടുക്കാന്‍ ഉദ്ദേശിച്ച് നടത്തുന്ന ഒരു ബ്ളോഗില്‍ കണ്ട ചില അഭിപ്രായങ്ങളാണ്.

ഒരഭിപ്രായം ഇതാണ്.

അനിവാര്യമായ ദുരന്തം ഏറ്റുവാങ്ങുകയല്ലാതെ വേറെ ഒരു വഴിയും ഇല്ല . അണക്കെട്ട് തകരും മുന്‍പ് പ്രശ്ന പരിഹാരം ഉണ്ടാവില്ല എന്ന് ഉറപ്പായതുകൊണ്ടായിരിക്കുമല്ലോ പൊട്ടിയതിന് ശേഷമുള്ള ദുരന്ത നിവാരണത്തെക്കുറിച്ച് ഭരണകൂടം കൂലങ്കക്ഷമായി ചിന്തിച്ചു കൊണ്ടിരിക്കുന്നത് .

ഇതെഴുതിയ വ്യക്തി ഈ അണക്കെട്ടു തകരും എന്ന് തീര്‍ച്ചയാക്കി കഴിഞ്ഞു. അനിവാര്യമായ ദുരന്തം ഏറ്റുവാങ്ങാന്‍ അദ്ദേഹം തയ്യറെടുത്തും കഴുഞ്ഞു. മുല്ലപ്പെരിയാറിനടുത്തു തന്നെയാണോ അദ്ദേഹം ജീവിക്കുന്നതെന്ന് അറിയില്ല.

മറ്റൊരു മാന്യ ദേഹം ഒരു പടി കൂടി കടക്കുന്നു.

എമർജൻസി ഇവാക്കുവേഷൻ പ്ലാൻ, ആക്ഷൻ പ്ലാൻ, ഡിസാസ്റ്റർ റിലീഫ് എന്നീ കാര്യങ്ങളാണ് നമ്മളിനി പറയാനും പ്രചരിപ്പിക്കാനും ഉദ്ദേശിക്കുന്നത്.

നമ്മളുടെ മേൽ‌പ്പറഞ്ഞ ബോധവൽക്കരണ പരിപാടികളുടെ ഭാഗമായി എല്ലാ വിദ്യാലയങ്ങളിലും ചെന്ന് സംസാരിക്കാൻ അഞ്ച് ജില്ലകളിലെ ഡി.ഇ.ഓ. മാരുമായി ബന്ധപ്പെടുന്നുണ്ട്.

ഇതൊക്കെ കോടതി നിര്‍ദ്ദേശിച്ചു എന്നും പറഞ്ഞാണ്, പിഞ്ചുകുട്ടികളെ ബോധവത്കരിക്കാന്‍ അഹ്വാനം ചെയ്യുന്നതും, വിദ്യാഭ്യാസ അധികാരികളുടെ അനുവാദം വാങ്ങുന്നതും.

അദ്ധ്യാപകരല്ലാത്തവര്‍ ഈ നിര്‍ദ്ദേശം മുന്നോട്ടു വയ്ക്കുന്നത് മനസിലാക്കാം. പക്ഷെ അദ്ധ്യാപകര്‍ ഇതിനെ അനുകൂലിക്കുന്നത് മനസിലാക്കാന്‍ പ്രയാസമുണ്ട്.

ഇപ്പോള്‍ തന്നെ പിഞ്ചു കുട്ടികള്‍ പേടിയിലാണ്. കൂടുതല്‍ ഭയാനകമായ കാര്യങ്ങള്‍ പറഞ്ഞ് പേടിപ്പിച്ച് അവരുടെ മനസിലുണ്ടായിരിക്കുന്ന മുറിവ് വലുതാക്കരുതെന്ന വിനീതമായ അഭ്യര്‍ത്ഥന എനിക്കുണ്ട്. എന്തെങ്കിലും ബോധവത്കരണം നടത്തുന്നുണ്ടെങ്കില്‍ വിദ്യാലയങ്ങളില്‍ കടന്നു ചെന്ന് അവരുടെ ഭീതി അകറ്റുക. ഇപ്പോള്‍ തന്നെ സത്യങ്ങളും,അര്‍ത്ഥ സത്യങ്ങളും, നിറം പിടിപ്പിച്ച കഥകളം ഒക്കെ അവരുടെ മനസിനെ കലുഷിതമാക്കിയിട്ടുണ്ട്. അതൊക്കെ മാറ്റി അവര്‍ക്ക് ധൈര്യം കൊടുക്കുയാണു വേണ്ടത്. അല്ലാതെ എരിതീയില്‍ എണ്ണ ഒഴിക്കുകയല്ല.

ബോധവ്തകരണവും രക്ഷപ്പെടനുള്ള മാര്‍ഗ്ഗങ്ങളും മുതിര്‍ന്നവരെ പറഞ്ഞ് മനസിലാക്കുക. കൊച്ചു കുട്ടികളുടെ ലോകം മനോഹരമാണ്. അതില്‍ കറുത്ത ചായം തേക്കരുതെ. അവിടെ വിവിധ വര്‍ണ്ണങ്ങളുള്ള മഴവില്ല്, വിടര്‍ത്തുകയാണ്, ഒരദ്ധ്യാപകന്റെ കടമ.

2011-11-27T03:35:00.000-08:00

വിഷയം മുല്ലപ്പെരിയാര്‍ തന്നെ. ഡെമോക്ളീസിന്റെ വാള്‍ പോലെ ഇത് മലയാളിയുടെ തലക്കു മുകളില്‍ തൂങ്ങിക്കിടന്ന് നമ്മെ പേടിപ്പിക്കാന്‍ തുടങ്ങിയിട്ട് കുറച്ചു കാലമായി. അടുത്തകാലത്ത് ഇടുക്കി മേഘലയില്‍ അടിക്കടി ഉണ്ടാകുന്ന ഭൂചലനങ്ങള്‍ മദ്ധ്യ കേരളത്തിലെ ജനങ്ങളുടെ ഉറക്കം കെടുത്തുന്നു. ശ്രീ കെ പി സുകുമാരന്‍ , മുല്ലപെരിയാര്‍ പരിഹാരം എന്ത് ?, എന്ന പേരില്‍ എഴുതിയ ഒരു ലേഖനത്തില്‍ മാദ്ധ്യമങ്ങള്‍ മലയാളികളെ പേടിപ്പിക്കുന്നു എന്നാണാരോപിക്കുന്നത്. മുല്ലപ്പെരിയാര്‍ സുരക്ഷിതമാണ്, എന്ന ധ്വനിയില്‍ അദ്ദേഹം തമിഴ് നാട്ടിലെ മറ്റൊരു അണക്കെട്ടിന്റെ കഥ പറയുന്നുണ്ട്.

"ഇന്ത്യയിലെ ആദ്യത്തേതും ലോകത്ത് തന്നെ ഏറ്റവും പഴക്കം ചെന്നതില്‍ ഒന്നുമായ അണക്കെട്ട് തമിഴ്നാട്ടിലാണുള്ളത്. തഞ്ചാവൂരില്‍ കാവേരി നദിക്ക് കുറുകെ കരികാല ചോളന്‍ എന്ന രാജാവ് ക്രി.വ. ഒന്നാം നൂറ്റാണ്ടില്‍ നിര്‍മ്മിച്ച കല്ലണയാണത്. പത്തൊന്‍പതാം നൂറ്റാണ്ടില്‍ ബ്രിട്ടീഷ് എഞ്ചിനീയര്‍ അത് പുനരുദ്ധരിച്ച് ഗ്രാന്‍ഡ് അണക്കെട്ട് (Grand Anicut)എന്ന് പേരു നല്‍കി. ആ അണക്കെട്ട് കേട് കൂടാതെ ഇപ്പോഴും നിലനില്‍ക്കുന്നുണ്ട്. അണക്കെട്ടിന്റെ ആ‍യുസ്സ് പ്രവചിക്കുന്നവര്‍ക്ക് ഈ അണക്കെട്ട് ഒരു പാഠമാണ്. ക്രിസ്തുവര്‍ഷം ഒന്നാം നൂറ്റാണ്ടില്‍ നിര്‍മ്മിച്ച് പത്തൊന്‍പതാം നൂറ്റാണ്ടില്‍ പുനരുദ്ധരിച്ച ഒരണക്കെട്ട് ഇപ്പോഴും നിലനില്‍ക്കുന്നുണ്ടെങ്കില്‍ , മുല്ലപ്പെരിയാറില്‍ പുതിയ അണക്കെട്ട് വേണോ അതോ പുനരുദ്ധരിച്ചാല്‍ മതിയോ എന്ന് തീരുമാനിക്കേണ്ടത് വിദഗ്ദ്ധരായ എഞ്ചിനീയര്‍മാരായിരുന്നു. എന്നാല്‍ ആളുകള്‍ക്ക് ഇപ്പോള്‍ അതാത് മേഖലയില്‍ വിദഗ്ദ്ധരായ ആള്‍ക്കാരെ വിശ്വാസമില്ലല്ലൊ. അതാണ് കൂടംകുളത്ത് കാണുന്നത്."

ശ്രീ സുകുമാരന്‍ പരാമര്‍ശിക്കുന്ന തടയണയുടെ ചിത്രമാണു താഴെ.

5.5മീറ്റര്‍ മാത്രം ഉയരമുള്ള, ഒരു വലിയ പാലത്തിന്റെ അത്ര മാത്രം വലുപ്പമുള്ള ഈ തടയണയാണ്, 150 അടിക്കു മുകളില്‍ ഉയരമുള്ള മുല്ലപ്പെരിയാര്‍ അണക്കെട്ടുമായി താരതമ്യം ചെയ്യുന്നത്.

ശ്രീ സുകുമാരന്‍ അറിഞ്ഞോ അറിയാതെയോ കൂടം കുളം വിഷയവും ഇവിടെ പരാമര്‍ശിക്കുന്നു. കൂടം കുളവും മുല്ലപ്പെരിയാറും തമിഴന്റെ ഇരട്ടത്താപ്പിനുദാഹരണമാണ്. ആധുനിക സങ്കേതിക വിദ്യ ഉപയോഗിച്ച് പണിയുന്ന ഈ വൈദ്യുതനിലയം സുരക്ഷിതമല്ല എന്നും പറഞ്ഞാണ്, തമിഴന്‍മാര്‍ സമരം ചെയ്യുന്നത്. നിര്‍മ്മിച്ച കാലത്തെ ഏറ്റവും വലിയ അണക്കെട്ടുകളില്‍ ഒന്നായിരുന്നു മുല്ലപ്പെരിയാര്‍. അതും 130 വര്‍ഷം മുമ്പ് ഉണ്ടായിരുന്ന സങ്കേതിക വിദ്യ ഉപയോഗിച്ചും. ഈ അണക്കെട്ടു പണുതവര്‍ അതിനു നല്‍കിയിരുന്ന ആയുസ് 50 വര്‍ഷമായിരുന്നു. അത് ഇനിയും ബലപ്പെടുത്തി സംരക്ഷിക്കണമെന്നൊക്കെ പറയുന്നത് ശുദ്ധ വിവരക്കേടാണ്. അതിനു വേണ്ടി സാങ്കേതിക വിദഗ്ദ്ധരുടെ അഭിപ്രായം തേടണമെന്നു പറയുന്നത് പ്രതികരണം പോലും അര്‍ഹിക്കുന്നില്ല.

തമിഴന്‍മാര്‍ കേരളത്തിന്‌ അരിയും പച്ചക്കറികളും തരുന്നതുകൊണ്ട്, തമിഴന്‍മാരോട് നമുക്ക് കടപ്പാടുണ്ട് എന്നൊക്കെ വാദിക്കുന്നത് അസംബന്ധമാണ്. ഇതിനൊക്കെ നമ്മള്‍ മാര്‍ക്കറ്റ് വില നല്‍കിയാണ്, വാങ്ങുന്നത്. വെള്ളം തുച്ഛമായ വിലക്ക് തരുന്നവരല്ലേ, അതുകൊണ്ട് പച്ചക്കറികള്‍ സഹായവിലക്ക് നല്‍കിയേക്കാം എന്നൊന്നും ഒരു തമിഴനും വിചാരിക്കുന്നില്ല.

ശ്രീ സുകുമാരന്‍ നിര്‍ദ്ദേശിക്കുന്ന പരിഹാരം ഇങ്ങനെ.

>>>>>അണക്കെട്ട് കെട്ടാനുള്ള ചെലവ് തമിഴ്നാട് സര്‍ക്കാര്‍ വഹിക്കുക. അച്ചുതമേനോന്റെ കാലത്ത് പുതുക്കിയ പാട്ടക്കരാറിലെ തുക ഇന്നത്തെ നിലയ്ക്ക് വേണമെങ്കില്‍ വീണ്ടും പുതുക്കുക. അങ്ങനെ പുതുക്കുമ്പോള്‍ അണക്കെട്ട് നിര്‍മ്മിക്കാനുള്ള ചെലവ് തമിഴ്നാടാണ് വഹിക്കുന്നത് എന്ന കാര്യം കണക്കിലെടുക്കണം. കേരളത്തിന് വരവേയുള്ളൂ ചെലവില്ല. (നമ്മുടെ സ്ഥലമല്ലേ, വെള്ളമല്ലേ എന്നൊന്നും പറയരുത്. ആ വെള്ളം വറ്റിച്ച് സ്ഥലം കേരളത്തിലുള്ളവര്‍ വീതം വയ്ക്കാനൊന്നും പോകുന്നില്ലല്ലൊ)<<<<<

എത്ര ലളിതമായി ഈ വിഷയം പണത്തില്‍ കൊണ്ടു കെട്ടിയിരിക്കുന്നു. ഇത്ര നിസാരമാണോ ഈ പ്രശ്നം?

പുതിയ അണക്കെട്ട് നിര്‍മിക്കാന്‍ കേരളവും തമിഴ്നാടും 1979 ല്‍ സംയുക്ത സര്‍വെ നടത്തി സ്ഥലം കണ്ടെത്തിയിരുന്നു. അതിനു ശേഷം അവര്‍ അതില്‍ നിന്നു പിന്നാക്കം പോയി. ഇപ്പോള്‍ പുതിയ അണ എന്ന ആശയത്തെ ഇതു വരെ തമിഴ് നാട് എതിര്‍ക്കുന്നു. അത് മൂന്നാം കിട രാഷ്ട്രീയമാണ്. തമിഴ് നാടിന്റെ മൂന്നാം കിട രാഷ്ട്രീയം. അതുകൊണ്ട് ഇത് മുഖ വിലക്കെടുക്കാന്‍ പ്രയാസമുണ്ട്. ഇതാണു തമിഴ് നാടിന്റെ ആവശ്യമെന്ന് ഇവര്‍ ഇതു വരെ പറഞ്ഞിട്ടില്ല. അനേകം വട്ടം ചര്‍ച്ചകള്‍ നടത്തിയപ്പോഴൊന്നും ഈ വിഷയം ഉയര്‍ന്ന് വന്നിട്ടില്ല.

കുറഞ്ഞ വിലക്ക് വെള്ളം ലഭിക്കുക എന്നതാണ്, അവരുടെ ലക്ഷ്യമെങ്കില്‍ അതനുവദിച്ചു കൊടുക്കാന്‍ പറ്റില്ല. ആത്മാഭിമാനമുള്ള ആര്‍ക്കും അതനുവദിക്കാന്‍ ആകില്ല. നിസാര വിലക്ക് അവര്‍ നമുക്ക് അരിയും പച്ചക്കറികളും നല്‍കുമെങ്കില്‍ ഈ നിര്‍ദ്ദേശം പരിഗണിക്കാം എന്നു മാത്രം.

സാമ്പത്തിക വിഗഗ്ദ്ധനായ ഇന്‍ഡ്യന്‍ പ്രധാനമന്ത്രി മന്‍മോഹന്‍ സിംഗ് അടുത്ത കാലത്ത് പറഞ്ഞത്, "വില, കമ്പോളം നിശ്ചയിക്കും" എന്നാണ്. അടിക്കടി ഇന്ധന വില കൂടിയപ്പോളാണത് പറഞ്ഞത്. തമിഴ് നാടു തരുന്ന പച്ചക്കറിയുടെയും അരിയുടെയും വില നിശ്ചയിക്കുന്നത് നമ്മളല്ല. കമ്പോളമാണ്. അതേ മാന്ദണ്ഡപ്രകാരം വെള്ളത്തിന്റെ വിലയും കമ്പോളം നിശ്ചയിക്കണം.

ഇതിലെ പ്രശ്നം വെറും രാഷ്ട്രീയമാണ്. ആരു ഭരിച്ചാലും കേന്ദ്ര സര്‍ക്കാരില്‍ സ്വാധീനമുണ്ടാക്കി, തമിഴ് രാഷ്ട്രീയക്കാര്‍, ഡി എം കെ ആയാലും എ ഡി എം കെ ആയാലും തമിഴ് വികാരം ഉണര്‍ത്തി, തമിഴരെ ഇളകി വിടുന്നു. സമ്മര്‍ദ്ദം ചെലുത്തി അനര്‍ഹമായത് നേടി എടുക്കുന്നു. മലയാളികള്‍ അത് വെറുതെ നോക്കി നില്‍ക്കുന്നു.

ശ്രീ സുകുമാരന്‍ നിര്‍ദ്ദേശിക്കുന്നതുപോലെ തമിഴ് നാട് കേരളത്തില്‍ അണ നിര്‍മ്മിക്കേണ്ട അവശ്യമില്ല. കേരളത്തിന്റെ മണ്ണില്‍ അണ കേരളമാണു നിര്‍മ്മിക്കേണ്ടത്. വെള്ളം തമിഴ് നാടിനു കൊടുക്കാം. അണയുടെ നിയന്ത്രണം കേരളത്തിനായിരിക്കണം.

കോടതി തീരുമാനിച്ചാലും, കേന്ദ്ര സര്‍ക്കാര്‍ തീരുമാനിച്ചാലും, 999 വര്‍ഷത്തേക്കുള്ള പാട്ടം എന്ന അസംബന്ധം അവസാനിപ്പിക്കണം. ലോകത്തൊരിടത്തും ഇല്ലാത്ത ഒരു വിചിത്ര വ്യവസ്ഥയാണത്. തമിഴ് നാട് ആ വ്യവസ്ഥയില്‍ കടിച്ചു തൂങ്ങിയാണ്, സമ്മര്‍ദ്ദ തന്ത്രം പ്രയോഗിക്കുന്നത്. അത് ബ്രിട്ടീഷ് കാര്‍ ഇല്ലാത്ത അധികാരം ഉപയോഗിച്ച് ഭീക്ഷണി പ്രയോഗിച്ച് ഉണ്ടാക്കിയ കരാറാണ്. അത് സ്വതന്ത്ര ഇന്‍ഡ്യക്ക് ബാധകമല്ല എന്ന് കോടതിയോ സര്‍ക്കാരോ വ്യക്തമാക്കണം. അത് അസാധുവാക്കിയില്ലെങ്കില്‍ ഈ പ്രശ്നം പരിഹരിക്കാന്‍ ആകില്ല. എന്നിട്ട് ഒരു ക്ളീന്‍ സ്ലേറ്റില്‍ നിന്നും ആരംഭിക്കണം. പുതിയ അണ നിര്‍മ്മിക്കണം. പുതിയ കരാറുണ്ടാക്കണം.തമിഴ് നാടിന്‌ ആവശ്യമുണ്ടെങ്കില്‍ പുതിയ കരാര്‍ വ്യവസ്ഥ അനുസരിച്ച് വെള്ളം കൊണ്ടുപോകാം. മറ്റ് അണകളില്‍ നിന്നും വെള്ളം കൊണ്ടു പോകുന്ന പോലെ.

വര്‍ഷങ്ങളായി സുപ്രീം കോടതിയുടെ പരിഗണനയില്‍ ഇരിക്കുന്ന ഈ അന്തര്‍ സംസ്ഥാന വിഷയത്തില്‍ എന്നും വളരെ സമര്‍ദ്ധമായി കേന്ദ്ര സര്‍ക്കാര്‍ കൈ കഴുകി മാറിന്നു. ഇപ്പോഴുമത് ചെയ്യുന്നു. പീലാത്തോസുമാരുടെ നീണ്ട നിരയില്‍ അവസാനത്തെ മാന്യ ദേഹമാണ്, കേന്ദ്ര മന്ത്രി സാല്‍മന്‍ ഖുര്‍ഷിദ്. അദ്ദേഹവും മൊഴിഞ്ഞു, "പ്രശ്നം കോടതിയുടെ പരിഗണനയില്‍ ആയതുകൊണ്ട്, ഇടപെടില്ല."

ഈ നപുംസകങ്ങള്‍ക്ക് ആര്‍ക്കും കേരളത്തോട് താല്‍പ്പര്യമുണ്ടാകില്ല. അവരെ വിട്ടു കളയാം. പക്ഷെ കേരളത്തില്‍ നിന്നുള്ള മന്ത്രിമാരായ എ കെ ആന്റണി, വയലര്‍ രവി, ഇ അഹമ്മദ്, മുല്ലപ്പള്ളി രാമചന്ദ്രന്‍ കെ സി വേണു ഗോപാല്‍, കെ വി തോമസ് എന്നിവര്‍ക്കോ? ഇപ്പോഴാണിവര്‍ക്ക് കേരളത്തോടുള്ള പ്രതിപത്തി അറിയേണ്ടത്. അറിയാന്‍ ഒന്നുമില്ല. ഇവര്‍ക്ക് കേരളത്തോടുള്ളതിനേക്കാള്‍ താല്‍പര്യം കസേരകളോടാണ്. ഇവര്‍ പറയട്ടെ, മുല്ലപ്പെരിയാര്‍ അണക്കെട്ട് സുരക്ഷിതമാണോ എന്ന്. എന്നിട്ട് നമുക്ക് ഇവരെ കൈകാര്യം ചെയ്യാം. കൂടെ മറ്റ് എം പി മാരെയും. അല്ലാതെ തമിഴനു നേരെ ആക്രോശിച്ചതുകൊണ്ടോ പ്രചരണം നടത്തിയതുകൊണ്ടോ യാതൊരു ഗുണവുമില്ല.

പിഴവില്ലാത്തൊരു പരിഹാര മാര്‍ഗമാണ് നമുക്കാവശ്യം. പഴിചാരിയും കുറ്റപ്പെടുത്തിയുമല്ല; കൂടിയാലോചനകളിലൂടെ ഉരുത്തിരിയുന്ന സമഗ്രമായ ശാസ്ത്രീയമായ പരിഹാരമാണു വേണ്ടത്. സമചിത്തതയോടെയും വിവേകത്തോടെയും ഇതിനെ സമീപിക്കുകയും വേണം. കേരളം ആ വഴി തന്നെയാണു പിന്തുടരുന്നതും.

അതിനു വേണ്ടത് രണ്ടു കാര്യങ്ങളാണ്.

1. ഈ അണ കാലഹരണപ്പെട്ടു എന്ന യാഥാര്‍ത്ഥ്യം അംഗീകരിക്കുക.

2. അധിനിവേശം നടത്തിയിരുന്ന ഒരു വിദേശ ശക്തി ഉണ്ടാക്കിയ കരാര്‍ സ്വതന്ത്ര ഇന്‍ഡ്യയിലെ സംസ്ഥാനമായ കേരളത്തിനു ബാധകമല്ല എന്ന യാഥാര്‍ത്ഥ്യം അംഗീകരിക്കുക.

ഇത് രണ്ടും ബന്ധപ്പെട്ടവര്‍, കോടതിയും കേന്ദ്ര സര്‍ക്കാരും, അംഗീകരിച്ചാല്‍ തമിഴ് നാടിനംഗീകരിക്കേണ്ടി വരും. അതിനവരെ പറഞ്ഞു മനസിലാക്കിക്കണം. ഇപ്പോള്‍ കേരളവും കേന്ദ്രവും ഭരിക്കുന്നത് ഒരേ പാര്‍ട്ടിയാണ്. എളുപ്പം നേടി എടുക്കാവുന്ന അര്‍ഹതപ്പെട്ട തീരുമാനങ്ങളാണിവ.

2011-11-16T02:13:00.000-08:00

മനുഷ്യനു ഭ്രാന്തുപിടിച്ചാല്‍ ചങ്ങലക്കിടാം. ചങ്ങലക്ക് ഭ്രാന്തു പിടിച്ചാലോ?

കഴിഞ്ഞ ദിവസങ്ങളില്‍ കേരളത്തില്‍ ഏറ്റവും കൂടുതല്‍ വാര്‍ത്താ പ്രാധാന്യം നേടിയത് സി പി എം നേതാവ് എം വി ജയരാജന്‍ ഒരു ജഡ്ജിയെ ശുംഭനെന്നു വിളിച്ചതിനു കിട്ടിയ ശിക്ഷയായിരുന്നു.

ആ ശിക്ഷാവിധിയില്‍ ജഡ്ജിമാര്‍ നടത്തിയ ഒരഭിപ്രായപ്രകടനം ആരെയും അത്ഭുതപ്പെടുത്തും. വി ആര്‍ കൃഷ്ണയ്യരും പി ശിവശങ്കറും കോടതികളെ വിമര്‍ശിച്ചിട്ടുണ്ട് എന്ന് ജയരാജന്റെ അഭിഭാഷകന്‍ പറഞ്ഞതിനേക്കുറിച്ചായിരുന്നു ആ അഭിപ്രായ പ്രകടനം. ഇതാണത്.

"It was recognising the knowledge of these eminent personalities regarding the working of the institution of justice, that their statements were held not to amount to contempt of court. But the respondent here in is only a worm, who does not come anywhere near those legal luminaries, so as to start a campaign highlighting the pitfalls of the judiciary and to correct them".

ഇവിടെ ഉയരുന്ന ചോദ്യങ്ങള്‍ രണ്ടാണ്.

1. ജഡ്ജിമാര്‍ക്ക് ഒരിന്‍ഡ്യന്‍ പൌരനെ കീടം (worm) എന്ന് വിളിക്കാമോ?
2. നിയമത്തിന്റെ മുന്നില്‍ ജയരാജന്‍ കൃഷ്ണയ്യരേയും ശിവശങ്കറേക്കാളും താഴ്ന്ന പൌരനാണോ?

ജഡ്ജിതമ്പ്രാന്‍മാര്‍ പറഞ്ഞത് ജയരാജന്‍ പുഴുവിനേക്കാള്‍ നിസാരന്‍ ആണെന്നാണ്. അപ്പോള്‍ കോടതിയെ വിമര്‍ശിച്ചതൊന്നുമല്ല ഈ അഭിനവ തമ്പുരാന്‍ മാരെ പ്രകോപിപ്പിച്ചത്. പുഴുവിനേക്കാള്‍ നിസാരന്‍ ആയ ജയരാജന്‍ വിമര്‍ശിച്ചതാണ്. കോടതിയില്‍ രണ്ടു തരം നീതി ഉണ്ടെന്നു തെളിയുന്നു. മുന്‍ ജഡ്ജിമാരായ കൃഷ്ണയ്യര്‍ക്കും ശിവശങ്കറിനും ഏത് കോടതിയേയും വിമര്‍ശിക്കാം. ഒരു പ്രശ്നവുമില്ല. പഴയ രാജാക്കന്‍മാരെ പുതിയ രാജാക്കന്‍മാര്‍ ബഹുമാനിക്കുമ്പോലെ ഈ തമ്പ്രാക്കളും ബഹുമാനിക്കും.

ജഡ്ജിമാര്‍ കോഴ വാങ്ങുന്നു എന്നും താന്‍ അതിനു സാക്ഷിയാണെന്നും  സുധാകരന്‍ എന്ന എം പി പരസ്യമായി പറഞ്ഞിട്ടും ഈ തമ്പ്രാക്കള്‍ക്കത് കോടതി അലക്ഷ്യമായി ഇതു വരെ തോന്നിയിട്ടില്ല.

ഇന്‍ഡ്യന്‍ നീതി ന്യായ വ്യവസ്ഥ മാതൃകയാക്കുന്ന, ബ്രിട്ടനിലെ ജഡ്ജിമാരൊന്നും വ്യക്തിപരമായ വിമര്‍ശനങ്ങളെ കാര്യമായി എടുക്കാറില്ല. വ്യക്തിപരമായ അവഹേളനങ്ങളെ പല ജഡ്ജിമാരും ചിരിച്ചു തള്ളിക്കളയുന്നു.

ജയരാജന്‍ സുപ്രീം കോടതിയില്‍ അപ്പീല്‍ നല്‍കി. പരമോന്നത കോടതി ജയരാജനു ജാമ്യം നല്‍കി വിട്ടയച്ചു. കേസിന്റെ തുടര്‍ പരിഗണന, 8 മാസങ്ങള്‍ക്ക് ശേഷം നടത്താമെന്ന് കോടതി ഉത്തരവിടുകയും ചെയ്തു. അതീവ ഗുരുതരമായ ചില നിരീക്ഷണങ്ങള്‍ പരമോന്നത നീതി പീഠം നടത്തി. അവയില്‍ ചിലത് താഴെ.

"ഹൈക്കോടതി ഉപയോഗിച്ച മോശമായ പരാമര്‍ശങ്ങളും അപ്പീല്‍ നല്‍കാന്‍ സമയം അനുവദിക്കാതിരുന്നതും അസാധാരണവും ഖേദകരവുമാണ്.

ജയരാജന്റെ അതേ നാണയത്തില്‍ ഹൈക്കോടതിയും തിരിച്ചടിച്ചത് ഞെട്ടലുണ്ടാക്കുന്നു.

ജഡ്ജിയുടെ വ്യക്തിപരമായ താല്‍പര്യങ്ങളും വികാരങ്ങളും ബാഹ്യസ്വാധീനങ്ങളും വിധിയില്‍ പ്രതിഫലിക്കരുത്.

ജുഡീഷ്യല്‍ പ്രക്രിയയില്‍, അപ്പീല്‍ നല്‍കാനുള്ള നിയമപരമായ അവകാശം നിഷേധിക്കാന്‍ പാടില്ല. എങ്ങനെയാണു ജാമ്യം നിഷേധിക്കുക? എങ്ങനെയാണ് അപ്പീല്‍ നല്‍കാന്‍ സമയം അനുവദിക്കാതിരിക്കുക? വിധിന്യായത്തിന്റെ ഭാഷയില്‍ കോടതി മിതത്വം പാലിക്കണമായിരുന്നു. ഹൈക്കോടതിയുടെ നടപടികള്‍ ജുഡീഷ്യല്‍ പുനഃപരിശോധനയ്ക്കു വിധേയമാണ്".

ഈ കേസില്‍ കേരള ഹൈക്കോടതി വൈര നിര്യാതന ബുദ്ധിയോടെ പെരുമാറി എന്ന് ഞാന്‍ മറ്റൊരു പോസ്റ്റില്‍ സൂചിപ്പിച്ചിരുന്നു. ആ ആശങ്ക ശരിവയ്ക്കുന്നതാണ്, ഇപ്പോള്‍ സുപ്രീം കോടതി നടത്തിയ നിരീക്ഷണങ്ങള്‍.

ഇത് ഹൈക്കോടതി ചോദിച്ചുവാങ്ങിയ അടിയാണ്. സ്വാഭാവികനീതിയുടെയും നിയമത്തിന്റെ പരിരക്ഷയുടെയും നിഷേധമാണു ഹൈക്കോടതിയില്‍ നിന്നുണ്ടായത്. പക്ഷെ പരമോന്നത നീതി പീഠത്തിനതിന്റെ നേരെ കണ്ണടക്കാന്‍ ആയില്ല.

ഹൈക്കോടതി വളരെ വ്യക്തമായി പ്രതികാരബുദ്ധിയോടെ പ്രവര്‍ത്തിച്ചു. ഒരു വ്യക്തിയെ ഒരു കോടതിക്കും പുഴുവോ കീടമോ ആയി കാണാനാവില്ലെന്ന് സുപ്രീം കോടതി വ്യക്തമാക്കി. ഒരു ശത്രുവിനോടെന്നപോലെയാണ് ഹൈക്കോടതി ജയരാജനോട് പെരുമാറിയത്. ഉന്നത സ്ഥാനം വഹിക്കുന്ന ജഡ്ജിയില്‍ നിന്നുണ്ടാകാന്‍ പടില്ലാത്ത പദപ്രയോഗങ്ങളും പെരുമാറ്റവും ഹൈക്കോടതിയില്‍നിന്നുണ്ടായി. നിയമം അനുവദിക്കുന്ന അപ്പീലിനുള്ള അവസരം ജയരാജനു നിഷേധിക്കപ്പെട്ടു.

കോടതിയുടെ സുഗമമായ പ്രവര്‍ത്തനം നടക്കുന്നതിന് ആവശ്യമായ അത്രയും പരിരക്ഷമാത്രമേ ബ്രിട്ടനിലും അമേരിക്കയിലും കോടതിയലക്ഷ്യ നിയമത്തിന്റെ പരിധിയില്‍ ഉള്ളു. അവിടെ ജഡ്ജിയെ അവഹേളിക്കുന്നതൊന്നും കോടതിയലക്ഷ്യമായി വിലയിരുത്തപ്പെടുന്നില്ല.

അനാവശ്യമായ വാശിയും തിടുക്കവും ഹൈക്കോടതിയുടെ ഭാഗത്തുനിന്നുണ്ടായി. ഏതുവിധേനയും ജയരാജനെ ജയിലിലേക്കയക്കണമെന്ന വാശി കോടതിക്കുണ്ടായിരുന്നു. നിയമം അനുവദിക്കുന്ന പരമാവധി ശിക്ഷ വെറും തടവാണെന്നിരിക്കെ, കഠിന തടവു നല്‍കിയത്, അതിന്റെ തെളിവാണ്. ഹൈക്കോടതിയുടെ വൈരനിര്യാതനത്തിന്റെ മറ്റൊരു തെളിവാണ്, സുപ്രീം കോടതിയില്‍ പ്രത്യേക അഭിഭാഷകനെ നിയോഗിച്ചത്. സുപ്രീം കോടതിയേക്കൊണ്ട് ഹൈക്കോടതി വിധി നടപ്പാക്കിക്കിട്ടുക എന്ന ഹീന ലക്ഷ്യമായിരുന്നു ഈ പരിഹാസ്യമായ പ്രവര്‍ത്തിയുടെ പിന്നില്‍. സുപ്രീം കോടതിയുടെ മുന്നിലെത്തിയ വിധിയെ ന്യായീകരിക്കാന്‍ വേണ്ടി ഒരഭിഭാഷകനെതന്നെ ഹൈക്കോടതി ഏര്‍പ്പാടാക്കി. ഹൈക്കോടതി സുപ്രീം കോടതിയില്‍ കേസു നടത്തുന്ന തലത്തിലേക്ക് വരെ ഈ വ്യക്തി വിരോധം ചെന്നെത്തി.  ജയരാജനു യാതൊരു തരത്തിലും ജാമ്യം ലഭിക്കരുതെന്ന ഗൂഡ ലക്ഷ്യം ഈ നടപടിയില്‍ ഉണ്ടായിരുന്നു.

വി എസ് അച്യുതാനന്ദന്‍ മുഖ്യമന്ത്രി ആയിരുന്നപ്പോള്‍ സര്‍ക്കാരിന്റെ കേസുകള്‍ നടത്താന്‍ സുപ്രീം കോടതിയിലെ അഭിഭാഷകരെ വരുത്തിയതിനെ കേരള ഹൈക്കോടതി വിമര്‍ശിച്ചിരുന്നു. ആരാണവര്‍ക്ക് പണം നല്‍കിയതെന്നു ഹൈക്കോടതി ചോദിച്ചു. ഇപ്പോള്‍ ഇതേ ഹൈക്കോടതി തന്നെ നിയമവിരുദ്ധമായി നടത്തിയ ഒരു വിധി നടപ്പാക്കി കിട്ടാന്‍ വേണ്ടി സുപ്രീം കോടതിയില്‍ ഒരഭിഭാഷകനെ ഫീസു നല്‍കി അയച്ചിരിക്കുന്നു. ഈ ഫീസ് ആരു നല്‍കും? ജഡ്ജിമാര്‍ ജുഡീഷ്യറിയെ വ്യഭിചരിച്ചതിനു സാധൂകരണം ഉണ്ടാക്കാന്‍ മുടക്കിയ പണം നികുതി ദായകര്‍ നല്‍കണോ? ഇത് ഈ ഞെട്ടലുളവാക്കുന്ന പ്രവര്‍ത്തികള്‍ ചെയ്ത ജഡ്ജിമാരുടെ ശമ്പളത്തില്‍ നിന്നും പിടിക്കാന്‍ എന്തങ്കിലും വകുപ്പുണ്ടോ എന്തോ!

ചങ്ങലക്ക് ഭ്രാന്തു പിടിക്കുന്ന അവസ്ഥയാണിപ്പോള്‍ കേരള ഹൈക്കോടതിയില്‍ നടക്കുന്നത്. പല കേസുകളിലും ജഡ്ജിമാര്‍ കോഴ വാങ്ങി വിധിക്കുന്നു എന്നാരോപണമുണ്ടാകുന്നു. ഒരു ജനപ്രതിനിധി തന്നെ അതാരോപിച്ചു. കേരളം ഭരിക്കുന്ന ഒരു മന്ത്രി അത് ചെയ്തു എന്ന്, അദ്ദേഹത്തിന്റെ ദീര്‍ഘകാല സഹചാരിയായിരുന്ന ബന്ധു പരസ്യമായി പറയുന്നു. അതിനുള്ള തെളിവുകള്‍ നിരത്തുന്നു.

ജസ്റ്റിസ് കെ ജി ബാലകൃഷ്ണന്‍ പടിയിറങ്ങിയപ്പോള്‍ പരമോന്നത നീതി പീഠം കുറച്ചുകൂടി നീതി ബോധം കാണിക്കുന്നുണ്ട്. നിലപാടുകള്‍ കര്‍ക്കശമാക്കിയിട്ടുണ്ട്. സാധാരണക്കാരുടെ അവസാന അത്താണിക്ക് കൂടി ഭ്രാന്തുപിടിക്കാതിരിക്കട്ടെ എന്ന് ആശിക്കാം.

2011-11-08T21:59:00.000-08:00

തലമുതിര്‍ന്ന സി പി എം നേതാവ്,എം വി ജയരാജനെ ജഡ്ജി ഏമാന്‍മാരെ ശുംഭന്‍ എന്ന പദപ്രയോഗത്തിലൂടെ അധിക്ഷേപിച്ചു എന്നതിന്റെ പേരില്‍ കോടതിയലക്ഷ്യത്തിനു ശിക്ഷിച്ച് ജയിലിലേക്കയച്ചു. ശുംഭന്‍ എന്ന പദപ്രയോഗത്തോട് യോജിക്കുന്നില്ല എങ്കിലും, അപ്പീലിനു പോലും സാവകാശം നല്‍കാത്ത തരത്തിലുള്ള ഗുരുതരമായ കുറ്റമാണോ ജയരാജന്‍ ചെയ്തത്?

ശിക്ഷിക്കപ്പെട്ടത് സി പി എം നേതാവായതുകൊണ്ട്, അറിയപ്പെടുന്ന സി പി എം വിരോധിയായ വള്ളിക്കുന്നും സംഘവുമതാഘോഷിക്കുന്നു.

വള്ളിക്കുന്ന് എഴുതുന്നു.

>>>>ശുംഭന്‍ എന്ന് വിളിച്ചത് തെറ്റായിപ്പോയി, ഖേദിക്കുന്നു എന്ന ഒരൊറ്റ വാചകം കൊണ്ട് തീര്‍ക്കാവുന്ന പ്രശ്നമാണ് പൂജപ്പുരയില്‍ ഉണ്ട തിന്നേണ്ട അവസ്ഥയിലേക്ക് ജയരാജനെ എത്തിച്ചത്<<<<.

ഇത് വാസ്തവവിരുദ്ധമായ പ്രസ്താവനയാണ്. വിധി പ്രസ്താവിച്ച ജഡ്ജിമാര്‍ പറഞ്ഞത് ഇതായിരുന്നു.

>>>>>എന്നാല്‍ തെറ്റുകള്‍ സ്വയം തിരിച്ചറിഞ്ഞു പ്രതി യഥാസമയം ഖേദപ്രകടനം നടത്തിയിരുന്നെങ്കില്‍ പോലും ഒഴിവാക്കാന്‍ കഴിയുന്ന കേസാണിതെന്നു കരുതുന്നില്ല.<<<<<

അപ്പോള്‍ ഖേദം പ്രകടിപ്പിച്ചിരുന്നെങ്കിലും ഈ മഹാന്‍മാര്‍ ജയരാജനെ ശിക്ഷിക്കുമായിരുന്നു. എന്നു വച്ചാല്‍ പ്രകടമായ വൈര നിര്യാതനം ഈ നീക്കത്തിനു പിന്നിലുണ്ടായിരുന്നു എന്നാണ്.

ഇതിനു മുന്നേ പാലൊളി മുഹമ്മദുകുട്ടിയുടെ കോടതിയലക്ഷ്യക്കേസിലും സംഭവിച്ചത് ഇതേ വൈര നിര്യാതനമായിരുന്നു. അദ്ദേഹം കോടതിയോട് മാപ്പപേക്ഷിച്ചപ്പോള്‍ അതു പോര, പൊതു ജനങ്ങളോട് മാപ്പപേക്ഷിക്കണം എന്ന് ഈ മഹാന്‍മാര്‍ നിര്‍ബന്ധം പിടിച്ചു. കേസ് സുപ്രീം കോടതിയില്‍ ചെന്നപ്പോള്‍ അതുപോലെ ഒരു പൊറാട്ടു നാടകം ആടേണ്ട എന്നാണ്‌ ഇവരേക്കാള്‍ വിവരമുള്ള അവിടത്തെ ജഡ്ജിമാര്‍ വിധിച്ചത്.

ജയരാജനെ ശിക്ഷിച്ചത് ബാലന്‍ പിള്ളയുടേതു പോലെ, ഖജനാവ് കൊള്ളയടിച്ച കേസിലോ, കുഞ്ഞാലിക്കുട്ടിയുടേതു പോലെ, പെണ്‍വാണിഭക്കേസിലോ അല്ല. പാതയോരത്ത് പൊതുയോഗം കൂടുന്നതു നിരോധിച്ച കോടതി വിധിയെ വിമര്‍ശിച്ചതിന്റെ പേരിലാണ്. ജനാധിപത്യ സമൂഹത്തില്‍ പ്രതിഷേധം പ്രകടിപ്പിക്കാന്‍ പാതയോരത്തു പൊതുയോഗം കൂടുന്നത് ശിക്ഷിക്കപ്പെടേണ്ട കുറ്റമൊന്നുമല്ല.

മനുഷ്യാവകാശങ്ങളുടെ പറുദീസ എന്നറിയപ്പെടുന്ന അമേരിക്കയിലെ സാമ്പത്തിക സിരാകേന്ദ്രമായ Wall Street ആണ്, അവിടത്തെ പ്രഷോഭകര്‍ ഇപ്പോള്‍ കയ്യേറി ഇരിക്കുന്നത്. Occupy Wall Street എന്ന മുദ്രാവാക്യം മുഴക്കിയാണവര്‍ കയ്യേറ്റം തുടരുന്നതും. അമേരിക്കയില്‍ മാത്രമല്ല, പടിഞ്ഞാറന്‍ നാടുകളില്‍ മിക്കതിലും ഇതുപോലെയുള്ള കയ്യേറ്റങ്ങള്‍ നടക്കുന്നു. കേരള ഹൈക്കോടതിയിലെപ്പോലെയുള്ള "മാരാരാശ്രീ മാന്യ മഹോദയ ജഡ്ജി അങ്ങത്ത"കളാണമേരിക്കയിലെങ്കില്‍ ഈ കയ്യേറ്റക്കാരെ തൂക്കിക്കൊല്ലാന്‍ വിധിച്ചേനെ.

ജയരാജന്‍ അഴിമതി കേസിലോ സ്ത്രീപീഡനകേസിലോ അല്ല ജയലില്‍ പോയിരിക്കുന്നത്. ജനാധിപത്യ സമൂഹത്തില്‍ ജനങ്ങളുടെ പ്രതിഷേധിക്കാനുള്ള അവകാശത്തിനു വേണ്ടിയാണ്. അദ്ദേഹമുപയോഗിച്ച വാക്കുകളോട് യോജിപ്പില്ലെങ്കിലും അദ്ദേഹത്തിനു നല്‍കിയ ശിക്ഷ കൂടുതലായിപ്പോയി.

പാതയോരത്തെ പൊതു യോഗങ്ങളല്ല കേരളത്തിലെ ജനങ്ങളുടെ സ്വൈര്യ ജീവിതമിന്ന് തകര്‍ക്കുന്നത്. പാതയോരം വരെ കയ്യേറി ഓടുന്ന വഹനങ്ങളാണ്. യാതൊരു നിയന്ത്രണവുമില്ലാതെ ഓടിച്ച് മനുഷ്യരെ കൊല്ലുന്ന വാഹനങ്ങളാണ്. ജനങ്ങളുടെ ജീവിതം അപകടത്തിലാക്കുന്ന ഇതുപോലെയുള്ള സാമൂഹ്യ വിപത്തുകള്‍ക്കെതിരെ സ്വമേധയാ കേസുടുക്കാതെ ,ഒരു ശുംഭന്‍ പ്രയോഗത്തിനു പിന്നാലെ പോയ ഇവരല്ലേ യഥാര്‍ത്ഥ ശുംഭന്‍മാര്‍?

ജയരാജനെ വിമര്‍ശിക്കുന്ന കൂടെ മന്ത്രി ഗണേഷ് കുമാറിനെ പുകഴ്ത്താനും വളിക്കുന്നു മറന്നില്ല.

>>>അണികളുടെ കയ്യടിയില്‍ ആവേശം കയറി വി എസ്സിനെ പുലഭ്യം പറഞ്ഞ ഗണേഷ് കുമാര്‍ പരസ്യമായി മാപ്പ് പറയാന്‍ തയ്യാറായ സംഭവം ഉദാഹരണമായി നമുക്ക് മുന്നിലുണ്ട്. അത്തരമൊരു മാപ്പുപറച്ചില്‍ കൊണ്ട് ഒരു നേതാവിന്റെയും ഇമേജ് ഇടിയില്ല.മറിച്ച് അത് വര്‍ധിക്കുകയാണ് ചെയ്യുക.<<<<

കേരളം മുഴുവന്‍ ആദരിക്കുന്ന 87 വയസായ ഒരു വയോധികനെ കാമഭ്രാന്തന്‍ എന്നും ഞരമ്പുരോഗി എന്നുമൊക്കെ വിളിച്ചിട്ട്, മാപ്പു പറയുന്നത് മഹത്തായ കാര്യമെന്നു പറയുന്ന വള്ളിക്കുന്നിന്റെ തല പരിശോധിക്കേണ്ടതാണ്.

വള്ളിക്കുന്ന് തുടരുന്നു.

ഇനി മുതല്‍ ജയരാജന്‍ 'ശുംഭന്‍ ജയരാജന്‍ ' എന്ന പേരിലായിരിക്കും അറിയപ്പെടുക. ഈ വിവാദത്തിന്റെ ഒരു ലോങ്ങ്‌ ടേം എഫ്ഫക്റ്റ്‌ അതായിരിക്കുമെന്നാണ് എനിക്ക് തോന്നുന്നത് :)

ഒരാള്‍ പ്രയോഗിക്കുന്ന ഒരു പേര്, വട്ടപ്പേരാകുനു എങ്കില്‍ ഗണേഷ് കുമാറിനും നല്ല ഒരു വട്ടപ്പേരിടാം. അതും യോജിക്കുന്ന ഒരു വട്ടപ്പേര്. അദ്ദേഹത്തിനെ കാമ ഭ്രാന്തന്‍ ഗണേഷ് കുമാര്‍ എന്നു വിളിക്കാം. K B Ganesh Kumar എന്നതിന്റെ expansion, Kaama Bhraanthan Gaesh kumaar എന്ന് എല്ലാ വിധത്തിലും യോജിക്കുകയും ചെയ്യും. കാമഭ്രാന്തിളകിയപ്പോള്‍ പലയിടത്തും വച്ച് പൊതു ജനം കൈകാര്യം ചെയ്തതൊക്കെ ഈ പേരിനദ്ദേഹത്തെ തികച്ചും അര്‍ഹനാക്കുന്നു. യാമിനി തങ്കച്ചി വനിതാ കമ്മീഷനിലും കുടുംബ കോടതിയിലും നല്‍കിയ പരാതികള്‍ അധിക യോഗ്യതയായുമെടുക്കാം.

ഗണേഷിന്റെ അച്ഛന്‍ ബാലന്‍ പിള്ളയെ കേരള ഖജനാവു കട്ടുമുടിച്ചതിന്റെ പേരില്‍, വിചാരണ കോടതി അഞ്ചു വര്‍ഷം കഠിനതടവിനു ശിക്ഷിച്ചിരുന്നു. പക്ഷെ കേരള ഹൈക്കോടതിയിലെ "മാരാരാശ്രീ മാന്യ മഹോദയ ജഡിജി പുംഗവന്‍മാര്‍" പിള്ളയെ തെളിവില്ല എന്നും പറഞ്ഞ് വെറുതെ വിട്ടു. പിള്ളയുടെ പാര്‍ട്ടി കേരളം ഭരിച്ചിരുന്നതുകൊണ്ട്, അന്നത്തെ സര്‍ക്കാര്‍ അപ്പീല്‍ പോയില്ല. പിന്നീട് വി എസ് അച്യുതാനന്ദന്‍ സുപ്രീം കോടതിയില്‍ വ്യക്തിപരമായി അപ്പീല്‍ കൊടുത്തു. കേസു പരിശോധിച്ച അവിടത്തെ കഴിവുള്ള ജഡ്ജിമാര്‍ വിചാരണകോടതിയുടെ കണ്ടെത്തലുകള്‍ ശരി വയ്ക്കുകയാണുണ്ടായത്. എന്നു വച്ചാല്‍ കേരള ഹൈക്കോടതിയിലെ മഹാന്‍മാരുടെ കണ്ടെത്തലുകള്‍, ശുംഭത്തരം ആയിരുന്നു എന്നാണ്.

ശുംഭത്തരം കാണിക്കുന്നവരെ ശുംഭന്‍മാര്‍ എന്നു വിളിച്ചത് അപ്പീലിനു പോലും സാവകാശം നല്‍കാത്ത അത്ര വലിയ അപരാധമായി കാണേണ്ടതുണ്ടോ?

2011-11-06T01:45:00.000-07:00

സന്തോഷ് പണ്ഡിറ്റും പൊറോട്ടയും തമ്മില്‍ പ്രത്യക്ഷത്തില്‍ ബന്ധമൊന്നുമില്ല. പക്ഷെ ഇന്ന് കേരളത്തില്‍ വിവാദമുണ്ടാക്കുന്ന രണ്ടു സംഭവങ്ങളാണിവ.

പൊറോട്ട ആരോഗ്യത്തിനു ഹാനികരമാണെന്ന് പ്രകൃതി ജീവനക്കാര്‍ ശക്തമായ പ്രചരണം നടത്തുന്നു. അങ്ങനെയല്ല എന്ന് സമര്‍ദ്ധിച്ചുകൊണ്ട് വൈദ്യ ശാസ്ത്ര വിദഗ്ദ്ധര്‍ വരെ മറു പ്രചരണം നടത്തുന്നു. ഗോതമ്പിലെ പോഷകാംശങ്ങളുള്ള ഭാഗങ്ങള്‍ നീക്കം ചെയ്ത് ബാക്കി വരുന്ന പോഷകം ഏറ്റവും കുറവുള്ള ഭാഗമാണ്, മൈദ എന്നറിയപ്പെടുന്നത്. അതുകൊണ്ടുണ്ടാക്കുന്ന പൊറോട്ടക്ക് പോഷകഗുണം കുറവായിരിക്കും എന്നത് രണ്ടാമതൊന്ന് ആലോചിക്കാതെ പറയാം. പൊടിച്ചു കിട്ടുമ്പോള്‍ മഞ്ഞ നിറമുള്ള മൈദ ബ്ളീച് ചെയ്താണു വെള്ള നിറമാക്കി എടുക്കുന്നത്. ബ്ളീച്ച് ചെയ്യാന്‍ Benzoyl Peroxide എന്നരാസ വസ്തു ഉപയോഗിക്കുന്നു. ഈ രാസ വസ്തു ആരോഗ്യത്തിനു ഹാനികകരമല്ല എന്ന് തീര്‍ത്തു പറയാന്‍ ആകില്ല. ലഭ്യമായ തെളിവുകള്‍ വച്ച് അല്ല എന്ന് ആശ്വസിക്കാമെങ്കിലും.

പൊറോട്ട ആരോഗ്യത്തിനു ഹാനികരമാണെന്ന് ആരോപിച്ചാണ്, അതിനെതിരെ പ്രചരണം നടത്തുന്നത്. പക്ഷെ സന്തോഷ് പണ്ഡിറ്റിനെതിരെയോ?

സന്തോഷ് പണ്ഡിറ്റിനെതിരെ അണ്ഡകടാഹം ഇളക്കി മറിച്ചുള്ള പ്രചരണത്തിന്റെ കാരണമെന്താണ്? ആദ്യമൊക്കെ സൈബര്‍ ലോകത്തു മാത്രം ഒതുങ്ങി നിന്ന ഈ വിദ്വേഷ പ്രചരണം ഇപ്പോള്‍ ദൃശ്യ മാദ്ധ്യമങ്ങളിലെ Prime Time ല്‍ വരെ നടക്കുന്നു. റിപ്പോര്‍ട്ടര്‍ ചാനലില്‍ നികേഷ് കുമാര്‍ അഭിപ്രായപ്പെട്ടത് ഇങ്ങനെ. സ്വയം പീഡാനുഭവം അല്ലെങ്കില്‍ വിഡ്ഢിത്തം കാണുന്ന സുഖമാണ്, ഈ സിനിമ കാണുമ്പോള്‍ ഉണ്ടാകുന്നത് എന്നാണ്. പക്ഷെ ചലച്ചിത്ര നിരൂപകന്‍ സി എസ് വെങ്കിടേശ്വരന്‍ അഭിപ്രായപ്പെട്ടത് ഇതൊരു അട്ടിമറി ആണെന്നും. സാമ്പ്രദായിക സിനിമാ സങ്കല്‍പ്പങ്ങളെ അട്ടിമറിക്കുന്നു ഈ സിനിമ എന്നും.

സിനിമാ നിര്‍മ്മാണം, അതിന്റെ ചെലവ്, നായികാ നായക സങ്കല്‍പ്പം, വിപണനം തുടങ്ങി, സര്‍വ്വ മേഖലകളെയും ഇത് അട്ടിമറിക്കുന്നു. സൌന്ദര്യ മൂര്‍ത്തികളെന്ന് നമ്മളൊക്കെ കരുതുന്ന നായക സങ്കല്‍പ്പത്തെ ഇത് കടപുഴക്കി എറിയുന്നു.

ഈ സിനിമ ഞാന്‍ കണ്ടിട്ടില്ല. ഇന്റര്‍നെറ്റില്‍ ലഭ്യമായ ക്ളിപ്പിംഗുകള്‍ വച്ച് ഇതൊരു മഹാപാതകമായി എനിക്ക് തോന്നുന്നില്ല. മമ്മൂട്ടിയുടെയും സുരേഷ് ഗോപിയുടെയും ഡാന്‍സ കണ്ടിട്ട് തല ചുറ്റി വീഴാത്ത ആരും സന്തോഷ് പണ്ഡിറ്റിന്റെ ഡാന്‍സ് കണ്ട് വീഴേണ്ട കാര്യവുമില്ല. മോഹന്‍ ലാലിനു കുടവയര്‍ കുലുക്കി ഡാന്‍സ ചെയ്യാമെങ്കില്‍ സന്തൊഷ് പണ്ഡിറ്റിനു മെലിഞ്ഞ ശരീരവും ഉന്തിയ പല്ലുമായും ഡാന്‍സ് ചെയ്യാം.

"മോഹന്‍ തോമസിന്റെ അമേദ്യവും ഉച്ചിഷ്ടവും മൃഷ്ടാന്നം ഭുജിക്കാന്‍" മലയാളിക്ക് സംഭാവന നല്‍കിയവര്‍ ചെയ്ത അത്രയും സംസ്കാരിക മലിനീകരണം ഏതായാലും സന്തോഷ് പണ്ഡിറ്റ് ഈ സിനിമയില്‍ കൂടി ഉണ്ടാക്കുന്നുമില്ല.

60000 രൂപവീതം നല്‍കി കേരളത്തിലെ മൂന്നു തിയേറ്ററുകള്‍ വാടകക്ക് എടുത്തായിരുന്നു സന്തോഷ് പണ്ഡിറ്റ് ഈ സിനിമ പ്രദര്‍ശിപ്പിച്ചു തുടങ്ങിയത്. ഇന്നിപ്പോള്‍ 12 തിയേറ്ററുകള്‍ അത് പ്രദര്‍ശിപ്പിക്കാന്‍ മുന്നോട്ടു വന്നു. സിനിമാ പ്രദര്‍ശനത്തിന്റെ സകല സങ്കല്‍പ്പങ്ങളെയും ഇതട്ടിമറിച്ചു.

ഈ സിനിമ കണ്ടില്ല എന്നു കരുതി ആരും ശിക്ഷിക്കപ്പെടില്ല. സ്വന്തം പോക്കറ്റിലെ പണം ചെലവാക്കി ആളുകള്‍ ഇത് കാണുന്നു. യുവാക്കള്‍ ഇത് കാണാന്‍ ഇരച്ചു കയറുന്നു എന്നാണു റിപ്പോര്‍ട്ടുകള്‍.

"സന്മനസുള്ളവര്‍ക്ക് സമാധാനം, ഉദയനാണു താരം" എന്നീ സിനികളില്‍ ശ്രീനിവാസന്‍ കാണിക്കുന്ന കോപ്രായങ്ങളേക്കാള്‍ മോശമായ കോപ്രായങ്ങള്‍ ഈ സിനിമയില്‍ ഉണ്ടെന്നു തോന്നുന്നില്ല. നിലവാരം കൂടിയതെന്ന് നികേഷ്കുമാറിനേപ്പൊലുള്ളവര്‍ വിലയിരുത്തുന്ന മുന്തിയ സിനിമകളിലെ എല്ലാ കോപ്രായങ്ങളും കൂടി ഒരിടത്താക്കിയാല്‍ കൃഷ്ണനും രാധയും എന്ന സന്തോഷ് പണ്ഡിറ്റ് സിനിമയേക്കാള്‍ മോശമായിരിക്കും.

സമകാലീന മലയാള സിനിമയുടെ നേരെ പിടിച്ച ഒരു കണ്ണാടിയാണു സന്തോഷ് പണ്ഡിറ്റും അദ്ദേഹത്തിന്റെ സിനിമയും. ആ മുഖം കണ്ടപ്പോള്‍ ഉണ്ടായ വെപ്രാളമാണീ വിദ്വേഷ പ്രചരണത്തിന്റെ കാരണം. ഇതുപോലെയുള്ള ചില കണ്ണാടികള്‍ കാലഘട്ടത്തിന്റെ ആവശ്യവും.

2011-04-08T18:48:00.000-07:00

കാലം 1970 കളുടെ ആദ്യ പകുതി. എ കെ ആന്റണി കെ പി സി സി പ്രസിഡണ്ട്. നെഹ്‌റൂവിയന്‍ സോഷ്യലിസ്റ്റുകളുടെ ഒരു നിര കേരളത്തിലെ കോണ്‍ഗ്രസ് പാര്‍ട്ടിയില്‍ പിടിമുറുക്കുന്ന കാലം. 1957 ലെ ഇടതുപക്ഷ സര്‍ക്കാര്‍ സ്വകാര്യ മാനേജ്മെന്റുകളെ നിലക്കു നിറുത്താന്‍ ശ്രമിച്ച് പരാജയപ്പെട്ടിട്ട് പിന്നീടാരുമതിനു തുനിഞ്ഞിരുന്നില്ല. 70 കളില്‍ ആന്റണി ധീരമായ ഒരു തീരുമാനമെടുത്തു. കോളേജുകളിലെ ഫീസേകീകരണം ആയിരുന്നു ആ തീരുമാനം. സ്വകാര്യ കോളേജുകളിലെ ഫീസ് സര്‍ക്കാര്‍ കോളേജുകളിലെ ഫീസിനു തുല്യമാക്കി അന്ന്. വളരെയധികം എതിര്‍പ്പുണ്ടായി. പക്ഷെ ആന്റണി വഴങ്ങിയില്ല. സര്‍ക്കാരിനേക്കൊണ്ട് നയം നടപ്പിലാക്കിച്ചു. അതിനു ശേഷം ആന്റണി വളരെയധികം മാറി. കരുണകരനുമായി ഇണങ്ങിയും പിണങ്ങിയും കൊണ്ടും കൊടുത്തും മുന്നേറി. അക്കാലങ്ങളില്‍ കരുണകരന്‍ ആന്റണിയെ ഞോണ്ടാന്‍ ഉപയോഗിച്ചിരുന്ന ഒരു പദമായിരുന്നു , കാളവണ്ടി എന്നത്. കാളവണ്ടിയില്‍ പോയാല്‍ അങ്ങ് ചെല്ലില്ല എന്ന് അദ്ദേഹം കൂടെക്കൂടെ പറഞ്ഞ് ആന്റണിയെ കളിയാക്കി, ഒരു ഗൂഡ ആനന്ദവും അനുഭവിച്ചിരുന്നു.

രണ്ടു പതിറ്റാണ്ടിനു ശേഷം ആന്റണി ഒരു മലക്കം മറിച്ചില്‍ നടത്തി. കരുണാകരനെ പുറത്താക്കി മുഖ്യമന്ത്രിക്കസേരയില്‍ കയറിയ ആന്റണി ഇഷ്ടം പോലെ സ്വാശ്രയ സ്ഥാപനങ്ങള്‍ സ്വകാര്യ മേഖലയില്‍ തുടങ്ങുവാനുള്ള അനുമതി കൊടുത്തു. ആ തീരുമാനം അദ്ദേഹത്തിന്റെ മുഖ്യമന്ത്രിക്കസേര തെറിക്കുന്നതില്‍ വരെ ചെന്നെത്തി.

സ്വകാര്യ സ്ഥാപനങ്ങളെ നിയന്ത്രിച്ചു കൊണ്ട് തന്റെ കേരള രാഷ്ട്രീയ ജീവിതം ആരംഭിച്ച ആന്റണി, സ്വകാര്യ സ്ഥാപനങ്ങളെ കയറഴിച്ചു വിട്ടുകൊണ്ട് അവസാനിപ്പിച്ചു. ഇപ്പോള്‍ കേന്ദ്രത്തിലെ അഴിമതി സര്‍ക്കാരിന്റെ അവിഭാജ്യ ഘടകമായി, സോണിയാ ഗാന്ധിയാല്‍ പ്രതിഷ്ടിക്കപ്പെട്ടിരിക്കുന്നു.

ഇത് ആമുഖമായി പറഞ്ഞത് എ കെ ആന്റണി എന്ന മുന്‍ കേരള മുഖ്യമന്ത്രി ഒരു കെ എസ് യുക്കാരന്റെ നിലയിലേക്ക് താണു വരുന്ന കാഴ്ച്ച കേരള രാഷ്ട്രീയം ഇപ്പോള്‍ കാണുന്നതുകൊണ്ടാണ്. ഉമ്മന്‍ ചാണ്ടിയേപ്പോലെയോ രമേശ് ചെന്നിത്തലയേപ്പോലെയോ ഉള്ള കേരള നിലവാരമുള്ള നേതാവല്ല അദ്ദേഹം. സോണിയ ഗാന്ധി കഴിഞ്ഞാല്‍ കോണ്‍ഗ്രസിലെ ശക്തി കേന്ദ്രം തന്നെയാണ്‌. മന്‍മോഹന്‍ സിംഗ് എന്ന വിനീത ദാസനേക്കാള്‍ സോണിയക്ക് താല്‍പ്പര്യം ആന്റണിയോടാണുതാനും. എങ്കിലും ചില സമയങ്ങളില്‍ വിലകുറഞ്ഞ വാക്കുകളും പ്രവര്‍ത്തികളും അദ്ദേഹത്തില്‍ നിന്നുണ്ടാകാറുണ്ട്.

അങ്ങനെ വിലകുറഞ്ഞ ചില പരാമര്‍ശങ്ങള്‍ ആന്റണി ഇപ്പോള്‍ നടത്തിയിരിക്കുന്നു.

സി പി ഐ സംസ്ഥാന സെക്രട്ടറി സി കെ ചന്ദ്രപ്പന്‍, എ കെ ആന്റണിയെ അടുത്തിടെ വിശേഷിപ്പിച്ചത് പരാജയപ്പെട്ട പുണ്യാളന്‍ എന്നായിരുന്നു. കേരള നിയമസഭാ തെരഞ്ഞെടുപ്പ് പ്രചരണത്തിന്റെ ഭാഗമായി ആന്റണി പ്രകടിപ്പിച്ച ചില അഭിപ്രായ പ്രകടനങ്ങളുടെ പേരിലായിരുന്നു ആ വിശേഷണം.

ആന്റണി എന്നു കേള്‍ക്കുമ്പോള്‍ എനിക്ക് ഓര്‍മ്മ വരുന്നത് അദ്ദേഹവുമായി ബന്ധപ്പെട്ട ചില പ്രവര്‍ത്തികളും പരാമര്‍ശങ്ങളുമാണ്.

1. ആന്റണിയും ഇന്ദിരാഗാന്ധിയും.

അടിയന്തരാവസ്ഥ പ്രഖ്യാപിച്ച് സര്‍വ്വാധികാരിയായി വാണ ഇന്ദിരയെ അവരുടെ അടിച്ചു തളിക്കാര്‍ വാഴ്ത്തിയിരുന്നത് ഇന്ദിരയാണ്‌ ഇന്‍ഡ്യ എന്ന ആപ്തവാക്യവും ഇരുവിട്ടായിരുന്നു. ആ അടിച്ചുതളിക്കാരില്‍ പ്രധാനിയായിരുന്നു ആന്റണിയും. 1977 ലെ തെരഞ്ഞെടുപ്പില്‍ ഉത്തരേന്ത്യയിലെ സാധാരണക്കാര്‍ ഇന്ദിരയെ അധികാരക്കസേരയില്‍ നിന്നുമിറക്കി വിട്ടു. കേരളത്തില്‍ ആന്റണിയുടെ കോണ്‍ഗ്രസ് ഏറ്റവും വലിയ ഭൂരിപക്ഷത്തോടെ അധികാരത്തിലുമെത്തി.

രാജന്‍ കേസില്‍ കുടുങ്ങി കരുണാകരനു മുഖ്യമന്ത്രി സ്ഥാനം നഷ്ടപ്പെട്ടപ്പോള്‍ ആന്റണി മുഖ്യമന്ത്രിയുമായി. അടിയന്തരവസ്ഥയുടെ പാപഭാരം മുഴുവന്‍ ഇന്ദിരയില്‍ ചാര്‍ത്തി ആന്റണിയുടെ കോണ്‍ഗ്രസ് ഇന്ദിരയെ പുറത്താക്കി. സാധാരണ കോണ്‍ഗ്രസ് പ്രവര്‍ത്തകര്‍ ഇന്ദിരയുടെ കൂടെയാണെന്ന് മനസിലാക്കിയ കരുണാകാരന്‍ ഇന്ദിരക്കൊപ്പം നിന്നു. ഇന്ദിര കര്‍ണാടകയില്‍ നിന്നും പാര്‍ലമെന്റിലേക്ക് മത്സരിച്ചു. യാഥാര്‍ത്ഥ്യം തിരിച്ചറിഞ്ഞ കോണ്‍ഗ്രസിന്റെ കണ്ണുതുറന്നു. കോണ്‍ഗ്രസ് ഇന്ദിരക്ക് പിന്തുണ പ്രഖ്യാപിച്ചു. ആന്റണി പ്രതിഷേധിച്ച് രാജിയും വച്ചു. ആദര്‍ശനാടകത്തിന്റെ ഒന്നാം ഖണ്ഡം അങ്ങനെ പൂര്‍ത്തിയായി.

കയ്യില്‍ കിട്ടിയ ഒരു കഷണം കോണ്‍ഗ്രസുമായി ആന്റണി മാണിയോടൊപ്പം ഇടതു പക്ഷ കൂടാരത്തില്‍ ചേക്കേറി. കേരളത്തില്‍ അധികാരം നുണഞ്ഞു. അതേ സമയം തന്നെ ഇന്ദിര കേന്ദ്രത്തില്‍ അധികാരത്തിലേക്കും തിരികെ വന്നു. കരുണാകരന്റെ മഹാമനസ്കത കൊണ്ട് ആന്റണിയും പരിവാരങ്ങളും കോണ്‍ഗ്രസില്‍ തിരികെ കയറിക്കൂടി. ഇന്ദിരയോടുള്ള വെറുപ്പിന്റെ പേരില്‍ കോണ്‍ഗ്രസില്‍ നിന്നും പുറത്തുപോയ ആന്റണി യാതൊരു ഉപാധിയും കൂടാതെ ഇന്ദിരയുടെ സാരിത്തുമ്പില്‍ പിടിച്ചു നടക്കാനും തുടങ്ങി. ഇവിടെ ആദര്‍ശനാട്യത്തിന്റെ രണ്ടാം ഖണ്ഡവും പൂര്‍ത്തിയായി.

2. ആന്റണിയും ചാരായവും

തെരഞ്ഞെടുപ്പ് മുന്നില്‍ കണ്ടുകൊണ്ട് ആന്റണി ചാരായം നിരോധിച്ചു. കള്ളും വിദേശമദ്യവും സുലഭമായി ലഭിക്കുന്ന അവസ്ഥയില്‍ ചാരായം മാത്രം നിരോധിച്ചു ആന്റണി. മദ്യനിരോധനമാണുദ്ദേശ്യമെങ്കില്‍ ചാരായം മാത്രം നിരോധിച്ചതിന്റെ ന്യായീകരണം മനസിലാക്കാന്‍ ബുദ്ധിമുട്ടുണ്ട്. അവിടെ ആദര്‍ശനാട്യത്തിന്റെ മൂന്നാം ഖണ്ഡവും പൂര്‍ത്തിയായി.

3 . ആന്റണിയും ന്യൂനപക്ഷങ്ങളും

തെരഞ്ഞെടുപ്പുകള്‍ പലതു കഴിഞ്ഞു. കരുണാകരനെ പുറത്താക്കി ആന്റണി രണ്ടാം പ്രാവശ്യവും മുഖ്യമന്ത്രിക്കസേരയില്‍ ഇരുന്നു. പ്രതിപക്ഷനേതാവായി വിലസി. വീണ്ടും മുഖ്യമന്ത്രിയായി. അപ്പോഴാണദ്ദേഹം ന്യൂനപക്ഷങ്ങളേക്കുറിച്ചുള്ള അഭിപ്രായം പ്രകടിപ്പിച്ചത്. ന്യൂനപക്ഷങ്ങള്‍ അനര്‍ഹമായ ആനുകൂല്യങ്ങള്‍ ബലമായി പിടിച്ചെടുക്കുന്നു എന്നതായിരുന്നു ആ പ്രഖ്യാപനം. അതിനൊരു കാരണവുമുണ്ട്. കേരളത്തിലെ ഉന്നത വിദ്യാഭ്യാസരംഗം കച്ചവടമാക്കി മാറ്റിയതിന്റെ ക്രെഡിറ്റ് ആന്റണിക്കവകാശപ്പെട്ടതാണ്. വ്യക്തമായ നിയമങ്ങളോ നിബന്ധനകളോ ഇല്ലാതെ ആര്‍ക്കും പ്രൊഫഷണല്‍ വിദ്യാഭ്യാസ സ്ഥാപനങ്ങള്‍ നടത്താനുള്ള ദുസ്വാതന്ത്ര്യം ആന്റണി അനുവദിച്ചു കൊടുത്തു. കേരളത്തില്‍ നിന്നുള്ള കുട്ടികള്‍ കര്‍ണാടകയിലും തമിഴ് നാട്ടിലും ആന്ധ്രപ്രദേശിലും ചെലവാക്കുന്ന കോടിക്കണക്കിനു രൂപ കേരളത്തില്‍ ചെലവഴിക്കട്ടേ എന്ന ആദര്‍ശക്കുപ്പായമായിരുന്നു ആന്റണി അണിഞ്ഞിരുന്നത്.

50:50 അനുപാതം കൊട്ടിപ്പാടി നടന്ന ആന്റണിയെ സ്വാശ്രയ കച്ചവടക്കാര്‍ അതി സമര്‍ദ്ധമായി പറ്റിച്ചു. വാക്കാല്‍ സമ്മതിച്ച ധാരണ അവര്‍ കാറ്റില്‍ പറത്തി. ന്യൂനപക്ഷ മത വിഭാഗങ്ങളില്‍ പെട്ടവരായിരുന്നു സ്വാശ്രയ സ്ഥാപനങ്ങള്‍ നടത്തിയവരില്‍ മഹഭൂരിപക്ഷവും. സ്വാശ്രായ വിഷയത്തില്‍ ഉള്‍പ്പടെ പലതും അനര്‍ഹമായി ക്രിസ്ത്യാനികളും മുസ്ലിങ്ങളും നേടിയെടുക്കുന്നുണ്ട് എന്ന് വേദനയോടെ ആന്റണിക്ക് സമ്മതിക്കേണ്ടി വന്നു. ആദര്‍ശനാട്യത്തിന്റെ നാലാം ഖണ്ഡം അവിടെ പൂര്‍ത്തിയായി.

2. ആന്റണിയും അമ്മയും

മനം മടുത്ത ആന്റണിയെ കോണ്‍ഗ്രസിനും മടുത്തു. ന്യൂനപക്ഷങ്ങളെ അധിക്ഷേപിച്ച ആന്റണി മുസ്ലിം ലീഗിനും അനഭിമതനായി. നിരാശനായി ആന്റണി മുഖ്യമന്ത്രിസ്ഥാനം ഒഴിഞ്ഞു. വീടൊഴിഞ്ഞപ്പോള്‍ എല്ലാം കെട്ടിപ്പറുക്കിയ കൂട്ടത്തില്‍ നിന്നും ഒരു വസ്തു മാറ്റി വച്ചു. സ്വന്തം അമ്മയുടെ ചിത്രം. അതു മാത്രം കയ്യിലേന്തി വേദന കടിച്ചമര്‍ത്തി മാദ്ധ്യമങ്ങളുടെ മുന്നില്‍ ഒരു പ്രകടനവും നടത്തി.

സ്വന്തം അമ്മയെ എല്ലാ മനുഷ്യരും ആഴത്തില്‍ തന്നെ സ്നേഹിക്കും. മാദ്ധ്യമങ്ങളുടെ മുന്നില്‍ ഒരു നാടകം കളിച്ച അന്റണി അമ്മയെ അവഹേളിക്കുകയാണു ചെയ്തത്. ആദര്‍ശനാട്യത്തിന്റെ അഞ്ചാം ഖണ്ഡം അവിടെ പൂര്‍ണ്ണമാകുന്നു.

ഈ ആദര്‍ശനാട്യത്തിന്റെ മനുഷ്യാവതാരം ഇപ്പോള്‍ മറ്റൊരു ആദര്‍ശ മുഖം മൂടി അണിയുന്നു. അദ്ദേഹം ഇപ്പോള്‍ കൂടെക്കൂടെ നടത്തുന്ന ഒരു പ്രസ്താവനയാണു താഴെ.

>>>>>ആദര്‍ശ് ഫ്ളാറ്റിന്റെ കാര്യത്തിലായാലും കോമണ്‍വെല്‍ത്ത് അഴിമതി ആയാലും 2ജി സ്പെക്ട്രം അഴിമതി ആയാലും കേന്ദ്രം കര്‍ശനമായ നടപടി എടുത്തു. കേരളത്തില്‍ കഴിഞ്ഞ അഞ്ചു വര്‍ഷത്തിനിടെ എത്ര അഴിമതികളില്‍ കേസെടുത്തു? <<<<<<

ആന്റണിയുടെ പരാമര്‍ശത്തിലേക്കും ചോദ്യത്തിലേക്കും വരുന്നതിനു മുന്നേ ഡെല്‍ഹിയില്‍ ഇപ്പോള്‍ ഉരുത്തിരിയുന്ന സംഭവവികാസത്തിലേക്ക് ഒന്ന് ശ്രദ്ധിക്കാം.

ഇന്ന് ഇന്‍ഡ്യയല്‍ അവശേഷിക്കുന്ന അസല്‍ ഗാന്ധിയന്‍മാരില്‍ ഒരാളായ അണ്ണാ ഹസാരെ ഇപ്പോള്‍ ഒരു നിരാഹാരസമരത്തിലാണ്. അഭൂതപൂര്‍വ്വമായ ജനപിന്തുണ നേടിയെടുക്കുന്ന ആ സഹന സമരത്തിന്റെ ലക്ഷ്യം, ആന്റണി നടപടി എടുത്തു എന്ന് അവകാശപ്പെടുന്ന അഴിമതിയാണ്.

എന്തുകൊണ്ട് അദ്ദേഹം നിരാഹാര സമരം ചെയ്യുന്നു എന്ന് വിശദീകരിക്കുന്ന ഒരു കത്ത്, ഇന്‍ഡ്യന്‍ പ്രധാന മന്ത്രിക്ക്, ക്ഷമിക്കണം, അംബാനിമാരുടെ പ്രധാന മന്ത്രിക്ക് അയച്ചിരുന്നു. അതിന്റെ പൂര്‍ണ്ണരൂപം ഇവിടെ വായിക്കാം. ആ കത്തിലെ പ്രസക്ത ഭാഗങ്ങള്‍ താഴെ.

It is being said that I have shown impatience. Dear Prime Minister, so far, every government has shown complete insensitivity and lack of political commitment to tackling corruption. 62 years after independence, we still do not have independent and effective anti-corruption systems. Very weak versions of Lokpal Bill were presented in Parliament eight times in last 42 years. Even these weak versions were not passed by Parliament. This means, left to themselves, the politicians and bureaucrats will never pass any law which subjects them to any kind of objective scrutiny. At a time, when the country has witnessed scams of unprecedented scale, the impatience of the entire country is justified. And we call upon you, not to look for precedents, but show courage to take unprecedented steps.

You say that your Group of Ministers are drafting the anti-corruption law. Many of the members of this Group of Ministers have such a shady past that if effective anticorruption systems had been in place, some of them would have been behind bars. Do you want us to have faith in a process in which some of the most corrupt people of this country should draft the anti-corruption law?

അണ്ണാ ഹസാരെ തലയില്‍ ഒരു തൊപ്പി വച്ചിട്ടുണ്ട്. മഹാത്മാ ഗാന്ധിയെ പിന്തുടരാന്‍ തുടങ്ങിയ കാലം മുതല്‍ അദ്ദേഹം തലയില്‍ വയ്ക്കുന്ന തൊപ്പിയാണത്. മുകളിലെ ചിത്രത്തില്‍ ആന്റണി വച്ചിരിക്കുന്ന ഇലക്ഷന്‍ സ്റ്റണ്ട് പാളത്തൊപ്പിയല്ല അത്. കോണ്‍ഗ്രസ് സമ്മേളന കാലത്ത് ആന്റണി ബ്രാണ്ട് വ്യജന്‍മാര്‍ വയ്ക്കുന്ന കാന്തിത്തൊപ്പിയുമല്ല. ഗാന്ധിജിയുടെ ആദര്‍ശം പിന്‍പറ്റുന്ന യഥാര്‍ത്ഥ ഗാന്ധിയന്‍ വച്ചിരിക്കുന്ന ഗാന്ധിത്തൊപ്പിയാണത്.

ആന്റണി കൂടെ അംഗമായ കേന്ദ്ര സര്‍ക്കാരിന്റെ ആഭിമുഖ്യത്തില്‍ നടന്ന അഴിമതിയുടെ കണക്കുകള്‍ ആരെയും ഞെട്ടിപ്പിക്കും. രാജ വക ൨ ജി സ്പെക്റ്റ്രം 175000 കോടി രൂപ. മന്‍മോഹന്‍ സിംഗ് വക 2 ജി സ്പെക്റ്റ്രം 200000 കോടി കോടി രൂപ. ഇവ കൂടാതെ കോമണ്‍ വെല്‍ത്തും ആന്റണിയുടെ സ്വന്തം ആദര്‍ശ് ഫ്ളാറ്റും. മറ്റെല്ലാം മറ്റ് മന്ത്രിമാരുടെ എന്നു പറഞ്ഞ് മാറ്റിവച്ചാലും ആദര്‍ശ് ഫ്ളാറ്റ് ആന്റണിയുടെ വകയാണ്. വീരചരമമടഞ്ഞ ജവാന്‍മാരുടെ ബന്ധുക്കള്‍ക്ക് എന്നപേരില്‍ ആന്റണിയുടെ പ്രതിരോധ വകുപ്പിന്റെ ആഭിമുഖ്യത്തില്‍ പണുത ഫ്ളാറ്റുകള്‍ രാഷ്ട്രീയക്കാര്‍ വീതിച്ചെടുത്തതിന്റെ ഉത്തരവാദിത്തത്തില്‍ നിന്നും ആന്റണിക്ക് ഒഴിഞ്ഞു മാറാനാവില്ല.

കേന്ദ്രം കര്‍ശനമായ നടപടി എടുത്തു എന്ന ന്യായീകരണമാണന്റണിക്ക്. അല്ലാതെ അഴിമതി നടന്നതിനേക്കുറിച്ച് യാതൊരു കുറ്റബോധവുമില്ല. അതുകൊണ്ടാണ്, കേരളത്തില്‍ കഴിഞ്ഞ അഞ്ചു വര്‍ഷത്തിനിടെ എത്ര അഴിമതികളില്‍ കേസെടുത്തു എന്ന ആന്റണിച്ചോദ്യം അദ്ദേഹം ചോദിക്കുന്നത്. കേരളത്തില്‍ കഴിഞ്ഞ അഞ്ചു വര്‍ഷത്തിനിടെ എത്ര അഴിമതികള്‍ ഉണ്ടായി എന്ന മറുചോദ്യം ആന്റണിയോട് ആരും ചോദിച്ചു കണ്ടില്ല. അഴിമതി നടത്തി, ഒരു കേസും ചാര്‍ജ് ചെയ്താല്‍ എല്ലാം ഭദ്രമാണെന്നാണീ ആദര്‍ശ കോമരം കരുതുന്നത്.

"കേന്ദ്രം നടപടിയെടുത്തു", എന്ന് വീമ്പു പറയുന്ന ആന്റണി, എങ്ങനെയാണ്, സുപ്രീം കോടതി ചെവിക്കു പിടിച്ച് കേന്ദ്രത്തേക്കൊണ്ട് നടപടി എടുപ്പിച്ചതെന്ന് മറന്നു പോകുന്നു.

സാന്റിയഗോ മാര്‍ട്ടിനെ വച്ച് കേരള സര്‍ക്കാരിനെ പ്രതിക്കുട്ടില്‍ നിറുത്താന്‍ കോടതിയില്‍ പോയി കേന്ദ്ര സര്‍ക്കാരിനെ പ്രതിക്കുട്ടിലാക്കിയ വി ഡി സതീശനെ ഇപ്പോള്‍ കാണാനേ ഇല്ല. രാഷ്ട്രീയ ചര്‍ച്ചകളില്‍ ചാനലുകളാക്കെ നിറഞ്ഞു നിന്ന സതീശന്റെ ഗതികേടോര്‍ത്താല്‍ ആരും കരഞ്ഞു പോകും. കേസ് ഓരോ പ്രാവശ്യവും പരിഗണിക്കുമ്പോഴും കേന്ദ്ര സര്‍ക്കാരിനെ നിശിതമായാണ്, കോടതി വിമര്‍ശിക്കുന്നത്.

ഇതുകൂടാതെ സുപ്രീം കോടതി എല്ലാ ദിവസവും തന്നെ ആന്റണി കൂടെ അംഗമായ സര്‍ക്കാരിനെ എടുത്തു കുടയുന്നുണ്ട്.

അഴിമതി കേസില്‍ പ്രതിയായ പി ജെ തോമസിനെ വിജിലന്‍സ് കമ്മീഷണറായി നിയമിച്ചതിനെ പ്രധാനമന്ത്രിയുടെ ഓഫീസിനെയാണു പ്രതിക്കൂട്ടില്‍ നിറുത്തിയത്. അവസാനം കോടതിക്ക് ആ നിയമനം റദ്ദാക്കേണ്ടി വന്നു.

രാജ്യത്തിന്റെ പൊതു മുതല്‍ കൊള്ളയടിച്ച് വിദേശബാങ്കുകളില്‍ നിക്ഷേപിച്ചവരുടെ കാര്യത്തിലും ആന്റണിയുടെ സര്‍ക്കാര്‍ എടുക്കുന്ന വിചിത്രമായ നിലപാട് ആരെയും നാണിപ്പിക്കും. പൊതുമുതല്‍ കൊള്ളയടിച്ചവരുടെ പേരു വിവരം ഞങ്ങള്‍ക്കറിയാം, പക്ഷെ പറയില്ല എന്ന ആര്‍ക്കും മനസിലാക്കാനാകാത്ത നിലപാടാണ്, കോടതിയില്‍ സ്വീകരിച്ചിരിക്കുന്നത്.

അഴിമതി അരങ്ങിട്ടു വാഴുന്ന ഒരു സര്‍ക്കാരിലെ അംഗമായ ആന്റണിക്ക്, കേരള സര്‍ക്കാര്‍ എടുത്ത ജനക്ഷേമകരമായ നടപടികള്‍ ബോധക്ഷയം ഉണ്ടാക്കുന്നു. ഒരു മുന്‍ മന്ത്രിയെ അഴിമതിയുടെ പേരില്‍ ശിക്ഷിച്ച് ജയിലിലടച്ചത് ആന്റണിയുടെ പാര്‍ട്ടിക്കാര്‍ക്ക് സഹിക്കാന്‍ കഴിയുന്നില്ല. ജഡ്ജിക്ക് കോഴ കൊടുത്ത രഹസ്യം ആവേശത്തിമിര്‍പ്പില്‍ ഒരു എം പി ക്ക് പുറത്തു പറയേണ്ടി വന്നു. ജഡ്ജിമാര്‍ക്ക് കോഴ കൊടുത്ത് കേസില്‍ നിന്നും രക്ഷപ്പെട്ട കുഞ്ഞാലിക്കുട്ടിയൊക്കെയാണിന്നീ അദര്‍ശ കോമരത്തിന്റെ സഖാക്കള്‍. ഇവരെയൊക്കെ സംരക്ഷിക്കേണ്ട ബാധ്യത അഴിമതിയുടെ മൊത്തക്കച്ചവടക്കാരായ കേന്ദ്ര സര്‍ക്കാരിന്റെ ഈ പ്രതിനിധിക്ക് ഏറ്റെടുക്കേണ്ടി വരുന്നു.

സഹിക്കാവുന്നതിന്നപ്പുറത്തേക്ക് ആന്റണിയുടെ സര്‍ക്കാര്‍ അടിവച്ചടി വച്ച് മുന്നേറുന്നത് വേദനയോടെ കണ്ടുനിന്ന അണ്ണാ ഹസാരെ ഗത്യന്തരമില്ലാതെയാണിപ്പോള്‍ നിരാഹാര സമരത്തിലേക്ക് പ്രവേശിച്ചത്. അദ്ദേഹത്തിനു കിട്ടുന്ന ജനപിന്തുണപോലും കേന്ദ്ര സര്‍ക്കാരിന്റെ കണ്ണുതുറപ്പിക്കുന്നില്ല. അതിനു ജനങ്ങളെ പേടിയുള്ള ജനങ്ങള്‍ക്ക് വേണ്ടിയുള്ള ഒരു സര്‍ക്കാര്‍ ഇന്‍ഡ്യ ഭരിക്കണം. വ്യാജ ഗന്ധിയുടെ വിനീത ദാസന്‍ എന്ന നിലയില്‍ പ്രധാനമന്ത്രിയായ, ഇന്നു വരെ ഒരു തെരഞ്ഞെടുപ്പു പോലും ജയിക്കാത്ത മന്‍ മോഹന്‍ സിംഗിനോ ആന്റണി എന്ന കപട ആദര്‍ശവാദിക്കോ അതിനാകില്ല. ഇന്‍ഡ്യയുടെ സ്വത്ത് ഏത് അംബാനിക്കു കൊടുക്കണമെന്ന് ഊണിലും ഉറക്കത്തിലും ചിന്തിക്കുന്ന മന്‍ മോഹന്‍ സിംഗിനതിനുള്ള ശേഷിയില്ല.

ബോധക്ഷയത്തിന്റെ ഫലമായി ആന്റണി മറ്റ് പല പ്രലപനങ്ങളും നടത്തുന്നുണ്ട്. അവയേപ്പറ്റി ചിലതു കൂടി.

>>>>>>കേന്ദ്രവുമായി രാഷ്ട്രീയയോജിപ്പില്ലാത്ത മുന്നണി ഭരിച്ചിട്ടും മുപ്പത്തഞ്ചോളം കേന്ദ്ര പദ്ധതികള്‍ ഇവിടെ അനുവദിച്ചു. കേന്ദ്ര സര്‍ക്കാരുമായി കൂടുതല്‍ സഹകരിക്കുന്ന ഒരു ഭരണകൂടം കേരളത്തില്‍ ഉണ്ടായാല്‍ ഇതിലും കൂടുതല്‍ പദ്ധതികള്‍ കേരളത്തിനു ലഭിക്കും.<<<<<<

ഇതിന്റെ രത്നച്ചുരുക്കം ഇതാണ്, കേരളത്തിന്‌ അര്‍ഹിക്കുന്ന കേന്ദ്ര പദ്ധതികള്‍ വേണമെങ്കില്‍ കേന്ദ്രവുമായി രാഷ്ട്രീയ യോജിപ്പുള്ള ഭരണകൂടം കേരളത്തില്‍ ഉണ്ടാകണം.എന്നു വച്ചാല്‍ കോണ്‍ഗ്രസിന്റെ ഭരണകൂടം ഉണ്ടാകണം.

നോക്കണേ ആന്റണി എന്ന കാപട്യത്തിന്റെ ബുദ്ധി!. മലയാളിയായ ഞാന്‍ കേന്ദ്ര മന്ത്രിയാണെങ്കിലും മലയാളികള്‍ക്ക് വേണ്ടി, ഒരു പദ്ധതിയും നല്‍കാന്‍ മുന്‍കൈ എടുക്കില്ല. മലയാളികളായ നിങ്ങള്‍ എന്റെ പാര്‍ട്ടിയെ അധികാരത്തിലേറ്റിയാല്‍ മാത്രമേ അതിനു വേണ്ടി മുന്‍കൈ എടുക്കൂ. ഇദ്ദേഹം ആരുടെ നേതാവാണ്? മലയാളികളുടെ അല്ല. മന്ത്രിയായി ഉത്തരവാദിത്തം ഏറ്റെടുത്താല്‍ എല്ലാ ജനങ്ങളുടെയും മന്ത്രിയായിരിക്കണമെന്നതാണ്, സാമാന്യ വിവക്ഷ. വികസനത്തില്‍ രാഷ്ട്രീയം കലര്‍ത്തരുത് എന്ന് കേരളത്തില്‍ വന്ന് പല പ്രാവശ്യം മുക്രയിട്ട ഇദ്ദേഹം മലയാളികള്‍ക്ക് നാണക്കേടല്ലേ?

അപ്പോള്‍ ഉയരുന്ന ചോദ്യമിതാണ്.എന്താണു കേരളം? ഇന്‍ഡ്യ എന്ന സാമ്രാജ്യത്തില്‍ കപ്പം കൊടുത്ത് കഴിയുന്ന ഒരു സാമന്തരാജ്യമോ? ഓരോ മലയാളിയുടെയും ആത്മാഭിമാനത്തെ ചോദ്യം ചെയ്യുന്ന നിലപാടാണ്‌ ആന്റണിയുടേത്. വി എസ് അച്യുതാനന്ദന്റെ ശരീര ഭാഷവരെ മേഗാ സീരിയല്‍ കണക്കേ ചര്‍ച്ച ചെയ്യുന്ന ഒരു ചാനലും അന്റണിയുടെ നിലപാടിനേക്കുറിച്ച് ഒരക്ഷരം ഉരിയാടി കണ്ടില്ല. ആത്മാഭിമാനമുള്ള ഓരോ മലയാളിയും അവരെ അവഹേളിക്കുന്ന ആന്റണിക്ക് ബാലറ്റിലൂടെ മറുപടി പറയണം.

>>>>>>കേരളത്തില്‍ കര്‍ഷക അത്മഹത്യ ഇല്ലതായത് സോണിയ ഗാന്ധിയുടെ ഔദാര്യം കൊണ്ടാണ്.<<<<<<<

ആരാണീ സോണിയ ഗാന്ധി എന്ന വ്യാജ ഗാന്ധി? ഇന്‍ഡ്യയുടെ ചക്രവര്‍ത്തിനിയോ? കേരളത്തിലെ കര്‍ഷകരുടെ ആത്മഹത്യ ഇല്ലാതാക്കാന്‍ തിന്‍ മേശയില്‍ നിന്നും അപ്പക്കഷണങ്ങള്‍ എറിഞ്ഞു കൊടുക്കുന്ന അഭിനവ മേരി അന്റോണിയറ്റോ?

സോണിയ ഗാന്ധി മന്‍മോഹന്‍ സിംഗിനേക്കാളും മുകളിലുള്ള സൂപ്പര്‍ പ്രധാനമന്ത്രിയാണെന്നു സമ്മതിക്കുന്ന ഒരു പ്രസ്താവനയാണിത്. കേരളത്തില്‍ ഇടതുമുന്നണി അധികാരത്തില്‍ വന്നപ്പോഴൊക്കെ എ കെ ജി സെന്ററാണ്‌ ഭരണം നിയന്ത്രിക്കുന്നതെന്നു പറയാറുള്ള ആന്റണിയാണിത് പറഞ്ഞത്.

ആന്റണി പറഞ്ഞതിനുള്ള മറുപടി കിട്ടിയപ്പോള്‍ അദ്ദേഹം ചുവടു മാറി. ആദിവാസികളുടെ പട്ടിണിമരണമാണുദ്ദേശിച്ചതെന്ന് മാറ്റി പറഞ്ഞു രക്ഷപ്പെട്ടു.

ഇടതുപക്ഷത്തിന്റെ ഔദാര്യമാണ്, ആന്റണിക്ക് രാഷ്ട്രീയ നിലനില്‍പ്പുണ്ടാക്കികൊടുത്തത്. കേരളത്തിലെ കോണ്‍ഗ്രസ് പാര്‍ട്ടിയിലെ ഭൂരിപക്ഷവും കരുണാകരനും ഇന്ദിരക്കും ഒപ്പമായിരുന്നു. 1980ല്‍ ഇടതുപക്ഷം കൂടെകൂട്ടിയില്ലായിരുന്നെങ്കില്‍,

നാക്കുകൊണ്ട് പോലും പിടിച്ചു നില്‍ക്കാനുള്ള ശേഷിയില്ലാത്ത ആന്റണി, മറ്റൊരു എം എ ജോണോ ഏറിയാല്‍ ഒരു കെ എം മാണിയോ ആയി തീരുമായിരുന്നു. ഇടതുപക്ഷത്തിന്റെയും പിന്നീട് കരുണാകരന്റെയും ഔദാര്യമാണിപ്പോഴത്തെ എ കെ ആന്റണി എന്ന ഈ പരാജയപ്പെട്ട പുണ്യാളന്‍.

കേരളത്തിന്‌ ഔദാര്യം വാരിക്കോരി കൊടുത്ത, ഈ ഔദാര്യ കേദാരം കേരളത്തില്‍ വന്ന് പ്രസംഗിച്ച സദസൊക്കെ വളരെ ശുഷ്കമായിരുന്നു, എന്നാണ്‌ മാദ്ധ്യമ റിപ്പോര്‍ട്ടുകള്‍. കോണ്‍ഗ്രസുകാര്‍ക്കു പോലും ആന്റണിയുടെ കാപട്യ പ്രലപനങ്ങളില്‍ വിശ്വസമില്ല എന്നാണത് തെളിയിക്കുന്നത്.

>>>>>>ഇടതു മുന്നണിക്കു ഭരണത്തുടര്‍ച്ച നല്‍കിയാല്‍ കേരളത്തിനു ബംഗാളിന്റെ ഗതികേടുണ്ടാകും. 35 വര്‍ഷത്തെ ഭരണം കൊണ്ടു പൊറുതിമുട്ടിയ ബംഗാളികള്‍ കേരളത്തില്‍ കൂലിപ്പണിയെടുത്താണ് ഇപ്പോള്‍ ജീവിക്കുന്നത്.<<<<<<<<

ബംഗാളില്‍ നിന്നും വരുന്നവരുടെ കണക്ക് ആന്റണി ഓര്‍ത്തു. ആദര്‍ശക്കോമരം ഓര്‍ക്കാതെ പോയ മറ്റ് ചില കണക്കുകളും കൂടിയുണ്ട്. തമിഴ് നാട്ടി നിന്നും, ആന്ധ്ര പ്രദേശില്‍ നിന്നും ഒറീസയില്‍ നിന്നും, ബിഹാറില്‍ നിന്നു ഒക്കെ കേരളത്തില്‍ കൂലിപ്പണിയെടുക്കാന്‍ ആളുകള്‍ വരുന്നുണ്ട്. ഇതില്‍ തമിഴ് നാടു ഭരിച്ചത് ആന്റണിയുടെ കൂട്ടാളികളായ ദ്രാവിഡ കഷികളും, ആന്ധ്ര ഭരിച്ചത് സ്വന്തം കോണ്‍ഗ്രസ് പാര്‍ട്ടിയുമാണ്. ഇവരുടെ കൂടെ ഗതികേട് കോമരത്തിനോര്‍ക്കാന്‍ പറ്റാത്ത വിധം ഓര്‍മ്മ ശക്തിക്ക് കാര്യമായ തകരാറു സംഭവിച്ചിട്ടുണ്ട്.

മലയാളികള്‍ കൂലിപ്പണിയെടുക്കാന്‍ ഗള്‍ഫിലേക്കും യൂറോപ്പിലേക്കും അമേരിക്കയിലേക്കും മറ്റും പോകുന്നുണ്ട്. അതിന്റെ കാരണം കേരളത്തേക്കാള്‍ പുരോഗതി പ്രാപിച്ച രാജ്യങ്ങള്‍ എന്നതും. തമിഴ് നാട്ടിലെയും ആന്ധ്രയിലെയും ആളുകള്‍ കൂലിപ്പണിക്കിവിടെ വരുന്നുണ്ടെന്നത് തെളിയിക്കുന്നത് അവരേക്കാള്‍ പുരോഗതി പ്രാപിച്ചത് കേരളമാണെന്നാണ്. ഈ രണ്ടിടത്തും ഇല്ലാത്ത ഇടതു പാര്‍ട്ടികളുടെ സ്വാധീനം കേരളത്തിലുണ്ട്. ഇതൊക്കെ ചിന്തിക്കാനുള്ള ശേഷി ആന്റണിക്കില്ലെങ്കിലും മറ്റ് മലയാളികള്‍ക്കുണ്ട്.

വന്‍ അഴിമതികളുടെ കൂട്ടില്‍ കഴിയുന്ന, ഭരിക്കുന്ന വകുപ്പില്‍ പോലും അഴിമതിക്കു കൂട്ടു നിന്നിട്ട്, കേരളത്തില്‍ വന്ന് അഴിമതിക്കെതിരെ ആക്രോശം നടത്തുന്ന ഈ കപട പുണ്യാളനെ മലയാളികള്‍ തിരിച്ചറിയണം. ഇന്നു വരെ ഒരു ജനകീയ പ്രശ്നത്തില്‍ പോലും ഇടപെടാത്ത ആന്റണിയുടെ കാപട്യം തിരിച്ചറിയാനുള്ള ശേഷി മലയാളികള്‍ക്കുണ്ട്.

2011-03-18T14:49:00.000-07:00

വെട്ടല്‍

ജനകീയ വിപ്ളവം

തിരുത്തല്‍

തെറ്റു തിരുത്തല്‍

വെട്ടിത്തിരുത്തല്‍

അക്കൊടുങ്കാറ്റിന്‍ ചിറകടി ഏല്‍ക്കാത്ത ചക്രവര്‍ത്തീപദമില്ല.

അക്കൊടുങ്കാറ്റില്‍ ഇളകി തെറിക്കാത്ത രത്നസിംഹാസനമില്ല.

ലാല്‍സലാം !!!!!!!!

2011-02-26T04:29:00.000-08:00

കഴിഞ്ഞ പാര്‍ലമെന്റ് തെരഞ്ഞെടുപ്പിലും പിന്നീടു നടന്ന തദ്ദേശ സ്വയം ഭരണ തെരഞ്ഞെടുപ്പിലും അസൂയാവഹമായ വിജയം നേടിയിരുന്നു ഐക്യജനാധിപത്യമുന്നണി. അടുത്ത അസംബ്ളി തെരഞ്ഞെടുപ്പില്‍ അനായാസ വിജയവുമവര്‍ പ്രതീക്ഷിച്ചിരുന്നു. രാഷ്ട്രീയ നിരീക്ഷകരും സാധാരണ ജനങ്ങളും അത് ശരി വച്ചു.

പക്ഷെ പെട്ടെന്നാണെല്ലാം തകിടം മറിഞ്ഞത്. അശനിപാതം പോലെ ഐക്യ ജനാധിപത്യ മുന്നണി പ്രശ്നങ്ങളുടെ നടുവിലേക്ക് എടുത്തെറിയപ്പെട്ടു. എല്ലാം യു ഡി എഫിന്റെ ഉള്ളില്‍ നിന്നാണ്, ആരംഭിച്ചത്.

കുഞ്ഞാലിക്കുട്ടിയും മുനീറും തമ്മില്‍ ലീഗില്‍ നിലനില്‍ക്കുന്ന പോരാട്ടത്തിന്റെ ബാക്കി പത്രമായിരുന്നു ഇന്‍ഡ്യാ വിഷനിലൂടെ പുറത്തുവന്നത്. പണം കൊടുത്താണ്, കുഞ്ഞാലിക്കുട്ടി പെണ്‍വാണിഭക്കേസില്‍ നിന്നും രക്ഷപ്പെട്ടതെന്ന് അദ്ദേഹത്തിന്റെ ബന്ധുവായ റൌഫാണ്, മുനീര്‍ ചെയര്‍മാനായിരിക്കുന്ന ചാനലിലൂടെ പരസ്യമാക്കിയത്.

ഇതിനിടയില്‍ ഇടമലയാര്‍ അഴിമതിക്കേസിന്റെ വിധിയും വന്നു. ബാലകൃഷ്ണപിള്ള ജയിലിലുമായി. റ്റി എം ജേക്കബിനെതിരെയുള്ള കേസ് സുപ്രീം കോടതി ഇപ്പോള്‍ പരിഗണിക്കുന്നു. പാം ഓയില്‍ കേസില്‍ ഉമ്മന്‍ ചാണ്ടിയുടെ പേര്, കോണ്‍ഗ്രസുകാരനായ മുസ്തഫ തന്നെ വലിച്ചുകൊണ്ടു വന്നു.

ബാലകൃഷ്ണപിള്ളയെ ശിക്ഷിച്ച സുപ്രീംകോടതിയെ വിമര്‍ശിച്ചുകൊണ്ട് കോണ്‍ഗ്രസ് നേതാവ് കെ സുധാകരന്‍, ബാര്‍ ലൈസന്‍സ് കേസില്‍ സുപ്രീം കോടതി ജഡ്ജിക്ക് പണം നല്‍കിയതിന് താന്‍ സാക്ഷിയാണെന്നു പ്രഖ്യാപിച്ചു. ഇതു സംബന്ധിച്ച നിയമാനുസൃതമായ അന്വേഷണവും ഇപ്പോള്‍ നടക്കുന്നുണ്ട്. അതു കഴിഞ്ഞപ്പോള്‍ അന്നത്തെ മുഖ്യമന്ത്രിക്കുവേണ്ടി മകള്‍ക്കും കെപിസിസി പ്രസിഡന്റിനും എക്സൈസ് മന്ത്രിക്കും ലക്ഷങ്ങള്‍ നല്‍കിയെന്ന് ഒരു ബാര്‍ഉടമ വെളിപ്പെടുത്തി. കോണ്‍ഗ്രസ് പാര്‍ട്ടിക്ക് സുധാകരനെ ഈ വിഷയത്തില്‍ കയ്യൊഴിയേണ്ടി വന്നു.

കേന്ദ്രത്തിലെ കോണ്‍ഗ്രസ് സര്‍ക്കാരിനെതിരെ അഴിമതിയാരോപണങ്ങള്‍ നിരനിരയായി ആണു വരുന്നത്.

മോങ്ങാനിരുന്ന നായയുടെ തലയില്‍ തേങ്ങ വീണെന്നു പറഞ്ഞതുപോലെ, യാതൊരു പ്രകോപനവുമില്ലാതെ, കെ എം മാണി തൊടുപുഴയില്‍ പി ജെ ജോസഫ് സ്ഥാനാര്‍ത്ഥിയാകുമെന്നും പ്രഖ്യാപിച്ചു. കേരളത്തിന്റെ പല ഭാഗത്തും കോണ്‍ഗ്രസും കേരള കോണ്‍ഗ്രസും തെരുവില്‍ ഏറ്റുമുട്ടി.

ഇതുപോലെയുള്ള പ്രശ്നങ്ങള്‍ യു ഡി എഫിനെ പിടിച്ചുലച്ചു കൊണ്ടിരുന്നപ്പോളാണ്, നടപ്പാകുമോ എന്നു സംശയമുണ്ടായിരുന്ന സ്മാര്‍ട്ട് സിറ്റി യാഥാര്‍ത്ഥ്യമാകുന്ന ലക്ഷണം കണ്ടത്. കേരളത്തിന്റെ താല്‍പ്പര്യം സംരക്ഷിച്ചുകൊണ്ട് ഈ കരാര്‍ നടപ്പാക്കുന്നത് വി എസ് അച്യുതാനന്ദന്‍ എന്ന ഒറ്റ വ്യക്തിയുടെ നേട്ടമായി കാണേണ്ടി വരും. അദ്ദേഹത്തിന്റെ സ്ഥാനത്ത് മറ്റൊളായിരുന്നു കേരള മുഖ്യ മന്ത്രി എങ്കില്‍ പല വിട്ടു വീഴ്ചകളും ചെയ്ത് കേരളത്തിനു നഷ്ടമുണ്ടാക്കുമായിരുന്നു.

ഇടമലയാര്‍ കേസിലും വി എസ് എന്ന വ്യക്തിയുടെ പോരാട്ടമാണ്, അത് സുപ്രീം കോടതിയില്‍ എത്താനും ഇപ്പോള്‍ ശിക്ഷിക്കപ്പെടാനും കാരണം.

കുഞ്ഞാലിക്കുട്ടിയുടെ പെണ്‍വാണിഭകേസിലെ പുതിയ വെളിപ്പെടുത്തലുകളുടെ അടിസ്ഥാനത്തില്‍ അന്വേഷണം അരംഭിച്ചതും വി എസിന്റെ ജനസമ്മതി ഉയര്‍ത്തി.

ഇതിന്റെ കൂടെ ഇടതുമുന്നണി സര്‍ക്കാരിന്റെ ഭരണ നേട്ടങ്ങളും ആയപ്പോള്‍ വി എസിന്റെ നേതൃത്വത്തിലാകും ഇടതുമുന്നണി തെരഞ്ഞെടുപ്പിനെ നേരിടുക എന്ന് യു ഡി എഫ് തീര്‍ച്ചയാക്കി.

വ്യവസായ രംഗത്തും, ആരോഗ്യ രംഗത്തും, വൈദ്യുതി രംഗത്തും, ധനകാര്യ രംഗത്തും, പൊതു വിതരണ രംഗത്തും, ഇടതുമുന്നണി സര്‍ക്കാര്‍ ഉണ്ടാക്കിയ നേട്ടങ്ങള്‍ ജനങ്ങളുടെ മുന്നിലെത്തുമെന്നും തെരഞ്ഞെടുപ്പില്‍ ചര്‍ച്ചാ വിഷയമാകുമെന്നും കൂടി അറിഞ്ഞപ്പോള്‍ യു ഡി എഫിന്റെ സര്‍വ നിയന്ത്രണങ്ങളും വിട്ടു.

വി എസിനെ അടുത്ത തെരഞ്ഞെടുപ്പില്‍ പാര്‍ട്ടി മത്സരിപ്പിക്കില്ല എന്നായിരുന്നു യു ഡി എഫ് നേതാക്കള്‍ ഇത്ര നാളും കരുതിയിരുന്നത്. പക്ഷെ പെട്ടെന്ന് ആ ധാരണക്കു മാറ്റം വന്നു. വി എസായിരിക്കും എല്‍ ഡി എഫിനെ നയിക്കുക എന്ന് ഇപ്പോള്‍ അവര്‍ തീര്‍ച്ചയാക്കിയ മട്ടുണ്ട്. അതിനെങ്ങനെയെങ്കിലും തടയിടുക എന്ന ലക്ഷ്യം മുന്നില്‍ വച്ചാണവരുടെ ഇപ്പോഴത്തെ അങ്കപ്പുറപ്പാട്.

അതുകൊണ്ട് അവരുടെ സകല അമ്പുകളുമിപ്പോള്‍ വി എസിന്റെ നേരെയാണു തൊടുക്കുന്നത്. വി എസിനെതിരെ ഇപ്പോള്‍ ഉന്നയിക്കുന്ന ആരോപണങ്ങള്‍ വര്‍ഷങ്ങള്‍ക്ക് മുമ്പേ ഉന്നയിച്ച് തള്ളപ്പെട്ടവയാണ്. കഴിഞ്ഞ നിയമസഭാതെരഞ്ഞെടുപ്പില്‍ ഇതൊന്നും ഉന്നയിച്ചിട്ടില്ല. കഴിഞ്ഞ അഞ്ച് വര്‍ഷം ഒരു ആരോപണവും ഉന്നയിച്ചിട്ടില്ല. കേസുകളില്‍പ്പെട്ട് നട്ടം തിരിഞ്ഞപ്പോള്‍ യുഡിഎഫ് ഇപ്പോള്‍ വി എസിനും മകനുമെതിരെ ആരോപണം ഉന്നയിച്ച് പരിഹാസ്യരാവുകയാണ്. ഇതുകൊണ്ടൊക്കെ ജനങ്ങളുടെ ബോധ്യത്തെ മാറ്റാനാവുമോ എന്ന് അവര്‍ ശ്രമിച്ചു നോക്കുകയാണ്. . ഇതുകൊണ്ട് രക്ഷപ്പെടാന്‍ സാധ്യത കാണുന്നില്ല, കൂടുതല്‍ ഒറ്റപ്പെടാനാണു സാധ്യത.

തെരഞ്ഞെടുപ്പു പോരാട്ടത്തില്‍ വളരെ പിന്നില്‍ നിന്ന എല്‍ ഡി എഫ്, യുഡി എഫിന്റെ ഒപ്പത്തിനൊപ്പം മുന്നേറുന്ന കാഴ്ചയാണിപ്പോള്‍ കേരളം കാണുന്നത്. വി എസിന്റെ നേതൃത്വത്തില്‍ തെരഞ്ഞെടുപ്പിനെ നേരിട്ടാല്‍ ഒരു പക്ഷെ യു ഡി എഫിനെ പിന്നിലാക്കാനുള്ള സാധ്യതയുമുണ്ട്. അതു തടയണമെങ്കില്‍ വി എസ് മത്സര രംഗത്തുണ്ടാകരുത്. അതിനുള്ള നീക്കങ്ങളാണിപ്പോള്‍ നടക്കുന്നതും. സി പി എമ്മിനുള്ളില്‍ വി എസിനെതിരെ ഉപയോഗിക്കപ്പെട്ട വിഷയമാണ്, അദ്ദേഹത്തിന്റെ മകനെതിരെ ഉണ്ടായ ആരോപണങ്ങള്‍. അതുപയോഗിച്ച് പാര്‍ട്ടിക്കുള്ളില്‍ വി എസിനെതിരെ വീണ്ടുമൊരു നീക്കമുണ്ടാക്കാനാണിപ്പോള്‍ യു ഡി എഫ് കിണഞ്ഞു ശ്രമിക്കുന്നത്.

ഇന്‍ഡ്യ വിഷന്‍ ഇന്നലെ റിപ്പോര്‍ട്ട് ചെയ്ത ഒരു വാര്‍ത്തയുണ്ട്. യുഡി എഫ് ഉന്നതാധികാര സമിതി , പുതിയ ഒരു സബ് കമ്മിറ്റിക്ക് രൂപം നല്‍കിയെന്നാണാ വാര്‍ത്ത. വി എസിനും കുടുംബത്തിനുമെതിരെ ഇതു വരെ ഉണ്ടായിട്ടുള്ള ആരോപണങ്ങളൊക്കെ പൊടി തട്ടിയെടുത്ത് മൂര്‍ച്ച കൂട്ടി അടുത്ത തെരഞ്ഞെടുപ്പില്‍ ഉപയോഗിക്കുക എന്നാണാ കമ്മിറ്റിയുടെ ജോലി. ഇന്‍ഡ്യയുടെ ചരിത്രത്തിലെ ആദ്യ സംഭവമായിരിക്കുമിത്.

സി പി എമ്മിനുള്ളില്‍ വി എസിനെപ്രതി അന്തഛിദ്രമുണ്ടാക്കുക എന്നാണ്, യു ഡി എഫിന്റെ ലക്ഷ്യം. സി പി എം ആ ചൂണ്ടയില്‍ കൊത്തുമോ എന്ന് കാത്തിരുന്ന് കാണാം.

തമിഴ്‌നാട്ടില്‍നിന്നു വന്ന കാര്‍ മറിഞ്ഞ്‌ ഒരാള്‍ മരിച്ചു

>>>>>പുനലൂര്‍: തമിഴ്‌നാട്ടില്‍ നിന്ന്‌ പുനലൂരിലേക്ക്‌ വന്ന കാര്‍ വാളക്കോട്‌ റെയില്‍വേ മേല്‍പ്പാലത്തിനു സമീപം താഴ്‌ചയിലേയ്‌ക്ക് മറിഞ്ഞ്‌ ഒരാള്‍ മരിച്ചു. മൂന്ന്‌ പേര്‍ക്ക്‌പരുക്ക്‌.

തമിഴ്‌നാട്‌ ശങ്കരന്‍കോവില്‍ മണാപ്പെട്ടി പെട്ടിനല്ലൂര്‍ കിഴക്കേതെരുവില്‍ വെള്ളദുരൈ(57) ആണ്‌ മരിച്ചത്‌. കാറിലുണ്ടായിരുന്ന പൂവയ്യ, റാശയ്യ, കാശി എന്നിവര്‍ക്ക്‌ പരുക്കേറ്റു. ഇവരെ കോട്ടയം മെഡിക്കല്‍ കോളേജില്‍ പ്രവേശിപ്പിച്ചു.<<<<<

ഇപ്പോള്‍ പുറത്തു വന്നിരിക്കുന്ന റിപ്പോര്‍ട്ടിലെ അസ്വസ്ഥ ജനകമായ ഭാഗം ഇതാണ്.

-മരിച്ചവരില്‍ കൂടുതലും ഇരുചക്രവാഹന യാത്രക്കാര്‍.
-ഇതില്‍ തന്നെ ഇരുപത്തഞ്ചു വയസ്സില്‍ താഴെയുള്ളവരുടെ എണ്ണം വളരെ കൂടുതല്‍.

ഇത് വിളിച്ചു പറയുന്നത്, കേരളത്തിലെ യുവത്വം റോഡുകളില്‍ ഹോമിക്കപ്പെടുന്നു എന്നാണ്

ചോരത്തിളപ്പുള്ള യുവാക്കള്‍ കൂടുതല്‍ വേഗമുള്ള ആധുനിക ബൈക്കുകളില്‍ ചെത്തിനടക്കുന്നു. വേഗം നിയന്ത്രിക്കണമെന്ന ചിന്തയൊന്നും അവര്‍ക്കില്ല. ഇതോടൊപ്പം മിക്കപ്പോഴും അവര്‍ മദ്യപിച്ചിട്ടുമുണ്ടാകും. മദ്യപിച്ചാല്‍ വേഗത നിയത്രിക്കാനൊന്നും തോന്നില്ല.

മലയാളികള്‍ക്ക് അടിസ്ഥാനപരമായി ഒരു ന്യൂനതയുണ്ട്. എവിടെയും ഇടിച്ചു കയറുക എന്നതാണത്. ഒരിടത്തും ക്യൂ പാലിക്കാനോ തന്റെ ഉഴത്തിനു വേണ്ടി കാത്തുനില്‍ക്കാനോ അവനു ക്ഷമയില്ല. റോഡിലുകളിലും ഇതാവര്‍ത്തിക്കുന്നു. അക്ഷമയും അശ്രദ്ധയുമാണ്, കേരളത്തിലെ റോഡപകടങ്ങളുടെ പ്രധാന കാരണം.ഇതോടൊപ്പം ഡ്രൈവിംഗില്‍ ശരിയായ പരിശീലനം ലഭിക്കായ്കയും കൂടെ ആകുമ്പോള്‍ കേരളത്തിലെ റോഡുകള്‍ ചോരക്കളമാകുന്നു.

പടിഞ്ഞാറന്‍ നാടുകളിലൊക്കെ 99% ആളുകളും നിയമം പാലിച്ച് വണ്ടിയോടിക്കുമ്പോള്‍ കേരളത്തില്‍ 99% ആളുകളും നിയമം പാലിക്കുന്നില്ല. എതിലെയും എങ്ങനെയും വണ്ടി ഓടിക്കാം എന്നതാണ്, കേരളത്തിലെ അവസ്ഥ. റോഡുകള്‍ക്ക് പരിമിതികളുണ്ടെങ്കിലും വണ്ടി ഓടിക്കുന്നവരും കാല്‍നട യാത്രക്കാരും ശ്രദ്ധിച്ചാല്‍ അപകടങ്ങള്‍ വളരെയധികം കുറയ്ക്കാന്‍ സാധിക്കും.

അധികാരികളും പൊതു ജനങ്ങളും ശ്രദ്ധയോടെ കൈ കാര്യം ചെയ്യേണ്ട ഒരു സംഗതിയാണിത്. ബോധവത്കരണത്തിനൊക്കെ ഇതില്‍ വളരെ വലിയ ഒരു പങ്കുണ്ട്.

2011-02-18T21:46:00.000-08:00

ഇസ്ലാമിക ലോകത്ത് ഒരു പുതിയ വിപ്ളവം നടക്കുന്നുണ്ട്. ഇപ്പോഴത്തെ ഭരണാധികാരികള്‍ക്കെതിരെ നടക്കുന്ന ആ വിപ്ളവത്തില്‍ രണ്ട് ഭരണാധികാരികള്‍ സ്ഥാനം ഒഴിഞ്ഞു.

ടുനീഷ്യയില്‍ ആരംഭിച്ച്, ഈജിപ്റ്റിലുടെ പടര്‍ന്ന് അതിപ്പോള്‍ യമനിലും,ഇറാനിലും, ബഹറിനിലും , ലിബിയയിലും എത്തിച്ചേര്‍ന്നിട്ടുണ്ട്. ഇതിനെ ജനാധിപ്ത്യ വിപ്ളവമെന്നാണ്, പലരും വിശേഷിപ്പിച്ചു കണ്ടതും.

ഇവിടെയൊക്കെ ജനാധിപത്യം പുനസ്ഥാപിച്ചു കഴിഞ്ഞതായി പലരും അവകാശപ്പെടുന്നു.

അറബികള്‍ ജനാധിപത്യം സ്വപ്നം കാണാന്‍പോലും സാധിക്കാത്തവരാണെന്ന പ്രചാരണം ബന്ധപ്പെട്ടവര്‍ ഇനിയെങ്കിലും അവസാനിപ്പിക്കുമെന്ന് കരുതാം

പക്ഷെ മുസ്ലിങ്ങളുടെ ചരിത്രത്തില്‍ എന്നെങ്കിലും ജനാധിപത്യം ഉണ്ടായിരുന്നിട്ടുണ്ടോ?

മുസ്ലിം പ്രവാചകന്‍ മൊഹമ്മദ് അറേബ്യയില്‍ അധികാരം പിടച്ചടക്കിയതും ഒരു സായുധ വിപ്ളവത്തിലൂടെ ആയിരുന്നു. ആരാലും തെരഞ്ഞെടുക്കപ്പെടാതെ സ്വയം പ്രഖ്യാപിത ഖലീഫയുമായിരുന്നു അദ്ദേഹം. അദ്ദേഹത്തിന്റെ മരണശേഷം ഖലീഫമാരായ മൂന്നു പേരും മൊഹമ്മദിന്റെ ഭാര്യാപിതാക്കന്‍മാരുമായിരുന്നു. മൊഹമ്മദിന്റെ അടുത്ത അനുചര വൃന്ദത്തിലുള്ളവര്‍ ചേര്‍ന്ന് ഖലീഫമാരെ തീരുമാനിച്ചു. ജനങ്ങള്‍ക്കതില്‍ യാതൊരു പങ്കുമില്ലായിരുന്നു. ഈ മൂന്നു പേരും വധിക്കപ്പെടുകയണുണ്ടായത്. അതിനര്‍ത്ഥം ഇവരോട് രൂക്ഷമായ എതിര്‍പ്പുണ്ടായിരുന്നു എന്നാണ്. നാലാമത്തെ ഖലീഫ മൊഹമ്മദിന്റെ മകളുടെ ഭര്‍ത്താവുമായിരുന്നു. ഇദ്ദേഹത്തെ ഖലീഫയായി തെരഞ്ഞെടുത്തപ്പോള്‍ എതിര്‍ത്തത് മൊഹമ്മദിന്റെ ഇഷ്ടഭാര്യ ഐഷ തന്നെയായിരുന്നു. ഖലീഫക്കെതിരെ ഒരു യുദ്ധം പോലും ഇവര്‍ നയിച്ചിട്ടുണ്ട്.

ഈ ഖലീഫമാര്‍ക്കു ശേഷം ഇസ്ലാമിക സാമ്രാജ്യത്തിന്റെ അധിപന്‍മാര്‍ രാജവംശങ്ങളുമായിരുന്നു. ഇസ്ലാമിക സാമ്രാജ്യത്തിലൊരിടത്തും ജനാധിപത്യ രീതിയില്‍ തെരഞ്ഞെടുപ്പു നടന്നിട്ടില്ല. രാജാക്കന്‍മാരെ പുറം തള്ളി അധികാരം പിടിച്ചടക്കിയവര്‍ ആദ്യ ഖലീഫമാര്‍ കാണിച്ച മാതൃകയില്‍ കിരീടാവകാശികളെ നിശ്ചയിച്ച് അധികാരം അവര്‍ക്ക് കൈമാറി.

പകിസ്താനില്‍ ജനിച്ച താലിബന്‍ മൊഹമ്മദിന്റെ മാതൃക പിന്തുടര്‍ന്ന് അഫ്ഘാനിസ്താനില്‍ അധികാരം പിടച്ചടക്കി. അയത്തൊള്ള ഖൊമേനി ഇതേ പാതയില്‍ ഇറാനിലും അധികാരം പിടിച്ചടക്കി. പക്ഷെ ഇവിടെയൊന്നും ജനാധിപത്യ രീതിയില്‍ തെരഞ്ഞെടുപ്പു നടത്താനോ ജനങ്ങള്‍ക്ക് അധികാരം നല്‍കാനോ ഇവരൊന്നും തയ്യാറായില്ല. ഈ രണ്ടു രാജ്യങ്ങളും ലോക രാഷ്ട്രങ്ങളെ പരമാവധി വെറുപ്പിക്കാനും ശ്രമിച്ചു.

ഈ പശ്ചാത്തലത്തിലാണിപ്പോള്‍ ഇസ്ലാമിക ലോകത്ത് പുതിയ ഒരു വിപ്ളവം അരങ്ങേറുന്നത്. ഇത് എത്രത്തോളം വിജയിക്കുമെന്ന് കണ്ടറിയേണ്ടി ഇരിക്കുന്നു.

ടുനീഷ്യയിലെന്ന പോലെ പതിറ്റാണ്ടോളം അധികാരത്തിലിരുന്ന വ്യക്തി ഈജിപ്തിലും അധികാരം വിട്ടൊഴിജ്ഞു. ഇന്റര്‍നെറ്റിലൂടെ നടന്ന വിപ്ളവം എന്നൊക്കെ വിശേഷിപ്പിക്കപ്പെടുന്നുണ്ടെങ്കിലും ഇത് വിജയിക്കാനുള്ള കാരണം മറ്റൊന്നാണ്. മുബാറക്കിനെ അമേരിക്ക തുടര്‍ന്നും പിന്തുണക്കില്ല എന്ന അറിവാണ്, ജനങ്ങള്‍ക്ക് ധൈര്യമേകിയത്.

പ്രസിഡന്റ് പദവിയില്‍ നിനു മുബാറക്ക് മാറി. പക്ഷെ അദ്ദേഹം അധികാരം സൈന്യത്തിനാണു കൈമാറിയത്. അതിനി ജനങ്ങളിലേക്കെത്തുമെന്നു ഇപ്പോള്‍ യാതൊരു ഉറപ്പുമില്ല. ഇറാനിലേതു പോലെ മുല്ലമാരും മുക്രിമാരും നിയന്ത്രിക്കുന്ന ഒരു കപടജനാധിപത്യം ഉണ്ടാകാനുള്ള എല്ലാ സാധ്യതയും ഈജിപ്റ്റിലുണ്ട്.

മുബാറക്ക് ഒഴിഞ്ഞുപോയിട്ടും അവിടെ ജനങ്ങള്‍ പ്രക്ഷോഭണം നിറുത്തിയില്ല. ശമ്പള വര്‍ദ്ധന ആവശ്യപ്പെട്ട് അവര്‍ പ്രക്ഷോഭണം തുടര്‍ന്നു. ഇപ്പോള്‍ സൈന്യം കര്‍ശന നിര്‍ദ്ദേശം നല്‍കിയിരിക്കുന്നു, വീട്ടില്‍ ,പോയി ഇരിക്കാനും ജോലി ചെയ്യാനും.

ടുനീഷ്യയില്‍ ജനങ്ങള്‍ തെരുവിലിറങ്ങിയപ്പോള്‍ പ്രസിഡണ്ട് ബെന്‍ ആലി അതിനെ അടിച്ചമര്‍ത്തുമെന്നാണ്, ലോക മാദ്ധ്യമങ്ങളിലൂടെ വിദഗ്ദ്ധര്‍ അഭിപ്രായപ്പെട്ടത്. പക്ഷെ ബെന്‍ ആലി അധികാരം വിട്ടൊഴിഞ്ഞു പോയി. ഈജിപ്റ്റിലേക്കത് പടര്‍ന്നപ്പോഴും അവര്‍ വിലയിരുത്തിയത് മുബാറക്കുമതിനെ അടിച്ചമര്‍ത്തുമെന്നായിരുന്നു. പക്ഷെ അദ്ദേഹം അധികരം വിട്ടൊഴിഞ്ഞു. കുറച്ചു നാളുകളും കൂടി അധികാരത്തില്‍ ഇരിക്കാന്‍ അദ്ദേഹം ആവതു ശ്രമിച്ചു. പക്ഷെ അമേരിക്ക അദേഹത്തെ ഇനിയും പിന്തുണക്കില്ല എന്നു ബോധ്യമായപ്പോള്‍ സൈന്യത്തിനധികാരം കൈ മാറി അദ്ദേഹം അരങ്ങൊഴിജ്ഞു. ഈജിപ്റ്റിന്റെ എല്ലാ സന്നിഗ്ദ്ധതകളും സൈനത്തിന്റെ തലയിലേക്ക് വച്ചു കൊടുത്ത് അദ്ദേഹം തലയൂരി.

മുബാറക്ക് ചിത്രത്തല്‍ നിന്നും മാറുമ്പോള്‍ അവശേഷിക്കുന്ന ചോദ്യങ്ങള്‍ അനവദിയാണ്. ഇസ്രായേലുമായുള്ള അറബികളുടെ ബന്ധം, എണ്ണ രാഷ്ട്രങ്ങളുടെ ഭാവി, ഇറാന്റെ പ്രസക്തി, മുസ്ലിം തീവ്രവാദത്തിന്റെ അടുത്ത നീക്കം തുടങ്ങിയവയൊക്കെയാണിനി മാറ്റുരക്കപ്പെടാന്‍ പോകുന്നത്.

ഈജിപ്റ്റിലും ടുനീഷ്യയിലും ഇസ്ലാമിസ്റ്റുകളൊന്നും ഈ പ്രക്ഷോഭത്തിന്റെ മുന്‍നിരയില്‍ ആദ്യമുണ്ടായിരുനില്ല. പിന്നീടവര്‍ അതിലേക്ക് ചാടിക്കയറുകയാണുണ്ടായത്. ഇസ്ലാമിക ലോകത്തെ പ്രാദേശിക വിപ്ളവങ്ങള്‍ എന്ന നിലയിലാണിപ്പോള്‍ ഇതിന്റെ അവസ്ഥ. ഇനിയുമിതൊരു ഇസ്ലാമിക വിപ്ളവമായി രൂപാന്തരപ്പെട്ടിട്ടില്ല. ഇസ്ലാമിസ്റ്റുകള്‍ അതിനു വേണ്ടി ശ്രമിച്ചേക്കാം.

അമേരിക്ക ഉള്‍പ്പടെയുള്ള പടിഞ്ഞാറന്‍ നാടുകളില്‍ ഇത് എന്തു പ്രതികരണമാണുണ്ടാക്കുക എന്നു പിന്നിടേ വ്യക്തമാകൂ. മനുഷ്യാവകാശത്തിനും ജനാധിപത്യത്തിനും മുകളില്‍ സ്ഥിരതയ്ക്കാണവര്‍ ഏക്കാലവും പ്രാധാന്യം നല്‍കി പോന്നത്. അതുകൊണ്ട് ജനങ്ങള്‍ക്കിഷ്ടമില്ലാത്ത പല ഭരണാധികാരികളെയും പിന്താങ്ങിയിരുന്നു. ഇപ്പോഴും പിന്താങ്ങുന്നുമുണ്ട്. മറ്റുള്ളവരെ പ്രകോപിക്കുന്നത് വൃതമാക്കിയ അഹമ്മദി നെജാദിനേപ്പോലുള്ള ജോക്കറുകള്‍ക്കും മുബാറക്കിനേപ്പോലുള്ള സ്വേച്ഛാധിപതികള്‍ക്കും ഇടയിലൊന്നായിരിക്കും ഇനി അവര്‍ പ്രതീക്ഷിക്കുക.